Глюкоза

• русский
• қазақша

• Скачать инструкцию медикамента

Саудалық атауы

Глюкоза

Халықаралық патенттелмеген атауы

Декстроза

Дәрілік түрі

Инфузияға арналған 5 ерітінді

Құрамы

1 л ерітіндінің құрамында

белсенді зат – 50 г глюкоза,

қосымша заттар: натрий хлориді, хлорлы сутек қышқылы 0,1 М, инъекцияға арналған су.

Сипаттамасы

Мөлдір, түссіз немесе сәл сарғыш сұйықтық.

Фармакотерапиялық тобы

Плазма алмастыратын және перфузиялық ерітінділер. Ирригациялық ерітінділер. Басқа да ирригациялық ерітінділер. Декстроза.

АТХ коды ВО5СХ01

Фармакологиялық қасиеттері

Фармакокинетикасы

Тұздар, соның ішінде органикалық тұздар молекуласымен салыстырғанда декстроза молекулаларының көлемі үлкен болуына қарамастан ол қан арнасынан жылдам шығады. Декстроза жасушааралық кеңістіктен жасушалар ішіне өтеді, осыған инсулиннің қосымша лықсытылуы ықпал етеді, көміртегінің қос тотығы мен суға дейін метаболизденеді. Организмге толық сіңеді, бүйрек арқылы шығарылмайды (декстрозаның қандағы артық қанығу деңгейінде препараттың бір бөлігі бүйрек арқылы шығарылады).

Фармакодинамикасы

Көмірсулы қоректенуге арналған дәрі. Глюкоза организмдегі зат алмасуының түрлі үдерістеріне қатысады, организмде тотығу-тотықсыздану үдерісін күшейтеді, бауырдың уыттануға қарсы функциясын жақсартады, организмнің энергетикалық шығындарының бір бөлігін толықтырады.

Глюкоза ерітінділерін құю су жеткіліксіздігін жылдам толықтырады. Глюкоза тіндерге түсіп, организмдегі зат алмасуының көптеген сатыларына белсенді араласатын глюкоза-6-фосфатқа айнала отырып фосфорланады.

Глюкозаның 5 ерітіндісі уытсыздандыратын және метаболизмдік әсер етеді, жеңіл сіңетін қоректік заттың көзі болып табылады.

Глюкозаның тіндерде метаболизденуі кезінде организмнің тіршілік қызметі үшін қажетті энергияның елеулі мөлшері бөлінеді.

Қолданылуы

- гипокалиемияда, көмірсулы қоректің жеткіліксіздігінде

- жасушалық, жасушадан тыс және жалпы сусыздануда сұйықтық көлемін жылдам толықтыруда

- қан алмастырғыш және шокқа қарсы сұйықтықтардың компоненттері ретінде

- көктамыр ішіне енгізуге арналған ерітінділерді дайындағанда

Қолдану тәсілі мен дозалары

Ересектерге

Тері астына (500 мл дейін), көктамыр ішіне тамшылатып 7 мл/мин (150 тамшы/минут) жылдамдықпен енгізіледі, ең жоғарғы тәуліктік доза 2000 мл.

Сонымен бірге көктамыр ішіне 10-50 мл-ден сорғалатып, 300-500 мл-ден клизма ретінде ректальді қолданады.

Зат алмасуы қалыпты ересектерге енгізілетін глюкозаның тәуліктік дозасы 4-6 г/кг/тәуліктен, яғни 250-450 г/тәуліктен аспауға тиіс (зат алмасу қарқынының төмендеуінде дозаны 200-300 г дейін төмендетеді), бұл орайда енгізілетін сұйықтықтың көлемі - 30-40 мл/кг/тәулік.

Балаларға парентеральді қоректендіру үшін майлармен және аминқышқылдармен қатар бірінші күні 6 г/кг/тәулік, одан кейін - 15 г/кг тәулікке дейін. Дозаны есептегенде енгізілетін сұйықтықтың рұқсат етілетін көлемін ескеру керек: дене салмағы 2-10 кг балаларға - 100-165 мл/кг/тәулік, дене салмағы 10-40 кг балаларға - 45-100 мл/кг/тәулік.

Препаратты енгізу ұзақтығын қан сарысуындағы глюкозаның қанығу деңгейін бақылай отырып жүзеге асыру керек. Глюкозаның толықтай және жылдам сіңуі үшін кейде инсулинді (тері астына 4-5 ӘБ-ден) енгізеді.

Жағымсыз әсерлері

• гипергликемия

• қызба

• гиперволемия

• сол жақ қарыншаның жедел жеткіліксіздігі

• енгізілген жерде: жеңіл ауыру, тромбофлебит

Ерітіндіні көп рет енгізгенде бауыр функциясының және ұйқы безі инсулярлы аппаратының жай-күйінің бұзылулары болуы мүмкін.

Инъекциялау орнында инфекцияның өршуі, тромбофлебит, сондай-ақ қан құйылуы жағдайында тіндердің некрозы болуы мүмкін. Мұндай реакцияларды автоклавирлеуден кейін пайда болатын ыдырау өнімдері туғызуы мүмкін немесе препаратты енгізу техникасының дұрыс орындалмауы туғызуы мүмкін. Пациенттерге жағымсыз әсерлерін болғызбау үшін дозасы мен препаратты енгізу техникасын мұқият сақтау керек.

Көктамырішілік қолдану электролиттік алмасудың бұзылуын, соның ішінде гипогликемияны, гипомагниемияны және гипофосфатемияны туғызуы мүмкін.

Қолдануға болмайтын жағдайлар

- препараттың компонентеріне жоғары сезімталдық

- гипергликемия, қант диабеті

- гиперлактацидемия

- гипергидратация

- операциядан кейінгі глюкоза утилизациясының бұзылуы

- мидың және өкпенің ісінуімен қауіпті айналымдық бұзылу

- ми мен өкпенің ісінуі

- сол жақ қарыншаның жедел жеткіліксіздігі

- гиперосмолярлы кома

Дәрілермен өзара әрекеттесуі

Көрінбейтін химиялық немесе емдік үйлесімсіздігі болуы мүмкін. Ерітіндіге басқа дәрілік заттарды қосқан кезде үйлесімділігін көзбен қарап тексеру керек.

Айрықша нұсқаулар

Декомпенсацияланған жүректің созылмалы жеткіліксіздігінде, бүйректің созылмалы жеткіліксіздігінде (олигоанурияда), гипонатриемияда, қант диабетінде абайлап қолдану керек. Қанмен, консервацияланған ACD-мен біріктіріп қолданылмайды. Электролиттерді көп жоғалтқан науқастар үшін глюкозаның көп мөлшерлерін инфузиялау қауіпті болуы мүмкін.

Электролиттік тепе-теңдікті қадағалау керек! Осмолярлығын арттыру үшін глюкозаның 5  ерітіндісін натрий хлоридінің 0,9 ерітіндісімен біріктіруге болады. Қандағы глюкоза деңгейін бақылап отыру керек.

Глюкозаның едәуір толық және жылдам сіңуі үшін 4-5 г глюкозаға 1 ӘБ инсулин келетін есеппен теріастына 4-5 ӘБ инсулин енгізуге болады.

Жүктілік және лактация кезеңі

Көрсетілімдер бойынша қолдануға болады.

Көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: гипергликемия, глюкозурия, гипергликемиялық гиперосмолярлық кома, гипергидратация, су-электролитті тепе-теңдіктің бұзылуы.

Емі: артық дозалағанда препаратты тоқтату және симптоматикалық ем жүргізу керек. Қандағы глюкозаның айқын жоғарылауында инсулинді ем жүргізу керек. Гипергидратацияда осмостық диуретиктермен ем жүргізу керек. Жүректің ауыр жеткіліксіздігінде ісінулерді диализдің көмегімен жоюға болады.

Шығарылу түрі мен қаптамасы

Сыйымдылығы 100 мл, 250 мл және 500 мл инфузиялық ерітіндіге арналған 100 мл, 250 мл және 500 мл ISO 4802/1-1998 бойынша (түссіз немесе сәл боялған)шыны немесе полипропилен құтыларда, резеңке (ONB 005-01-5-15) тығындармен тығындалған және алюминий (ONB 004-01-6-25) қалпақшамен қаусырылған.

Құтыларға заттаңбалық қағаздан жасалған (өздігінен желімделетін) заттаңба жапсырылған.

Топтық және транспорттық ыдыс МемСТ 17768-90 сәйкес.

Картон қорапқа медициналық қолдану жөніндегі мемлекеттік және орыс тілдеріндегі нұсқаулықпен бірге салынады.

Қораптағы қақпақ клапаны желімделуі тиіс.

Сақтау шарттары

15°С-ден 30 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

АС «Huashidan», Қытай

No 45, Henan East Road, Urumqi, Xinjiang

Тіркеу куәлігінің иесі

АС «Huashidan», Қытай

No 45, Henan East Road, Urumqi, Xinjiang

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

Астана қ-сы, Пушкин көшесі 166/5

телефон: 87172(395225, 395883)

факс: 871712(395225); еmail: u-ka_farm_bz@mail.ru