Глюкоза-Дарница
Инструкция
-
русский
-
қазақша
Дәрілік затты медициналық қолдану
жөніндегі нұсқаулық
ГЛЮКОЗА-ДАРНИЦА
Дәрілік заттың саудалық атауы
Глюкоза-Дарница
Халықаралық патенттелмеген атауы
Жоқ
Дәрілік түрі
Инфузияға арналған ерітінді
Құрамы
1 мл препараттың құрамында
белсенді зат - 50 мг глюкоза моногидраты;
қосымша заттар: инъекцияға арналған су.
Сипаттамасы
Түссіз, мөлдір сұйықтық
Фармакотерапиялық тобы
Қан түзілуіне және қанға әсер ететін препараттар. Плазма алмастыратын және перфузиялық ерітінділер. Басқа да ирригациялық ерітінділер. Декстроза.
АТХ коды В05С Х01.
Фармакологиялық қасиеттері
Фармакокинетикасы
Енгізгеннен кейін организмнің тіндерінде жылдам таралады.
Глюкоза қуат бөлумен көмірқышқыл газ бен суға дейін метаболизденеді.
Фармакодинамикасы
5 % глюкоза ерітіндісі қан плазмасына қатысты изотониялық және оны вена ішіне енгізген кезде айналатын қанның көлемін толтырады, оны жоғалтқан кезде қоректі материалдың көзі болып табылады, сондай-ақ организмнен уды шығаруға көмектеседі. Глюкоза қуат шығынының субстратты толықтырылуын қамтамасыз етеді. Вена ішілік инфузия кезінде метаболизмдік үрдістерді белсендендіреді, бауырдың антиуытты функциясын жақсартады, миокардтың жиырылу белсенділігін күшейтеді, тамырларды кеңейтеді, диурезді арттырады.
Қолданылуы
- гипогликемия.
Қолдану тәсілі және дозалары
Препаратты вена ішіне тамшылатып қолданады. Доза көрсетілімге, клиникалық жағдайға және жасқа байланысты ауытқиды, соған тәуелді болады. Ересектерге арналған доза тәулігіне 1500 мл дейін құрайды. Ересектерге арналған ең жоғарғы тәуліктік доза тәулігіне 2000 мл құрайды. Қажет болған жағдайда ересектерге арналған енгізудің ең жоғарғы жылдамдығы – минутына 150 тамшы (500 мл/сағ).
Балалар
Балаларға арналған доза жасқа, дене салмағына, жағдайына және зертханалық көрсеткіштерге байланысты болады.
Жағымсыз әсерлері
- электролиттік теңгерімнің бұзылуы және көлемді инфузияны жүргізген кезде пайда болатын организмнің жалпы реакциялары: өте сирек – гипокалиемия, гипофосфатемия, гипомагниемия, гипонатриемия, гиповолемия, гипергликемия, аллергиялық реакциялар (гипертермия, тері бөртпелері, ангионевроздық ісіну, шок), жергілікті ауыру, қабыну, тітіркену, тромбофлебит және қызба;
- асқазан-ішек жолы тарапынан: өте сирек – шығу тегі орталық жүрек айнуы.
Жағымсыз реакциялар пайда болған жағдайда ерітіндіні енгізуді тоқтатып, пациенттің жағдайын бағалап, көмек көрсету керек.
Қолдануға болмайтын жағдайлар
- анурия
- қант диабеті
- гипергликемия
- гиперлактацидемия
- гиперосмолярлық кома
- циркуляторлық бұзылулар
- мидың ісінуі, өкпенің ісінуі, жедел сол жақ қарыншалық жеткіліксіздік
- ишемиялық инсульт
- глюкоза утилизациясының операциядан кейінгі бұзылулары
- гипергидратация
- бассүйекішілік немесе интраспинальді қан кету
- декстрозаға аса жоғары сезімталдық
Препаратты қан препараттарымен бір уақытта енгізбейді.
Дәрілермен өзара әрекеттесуі
Тиазидті диуретиктермен және фуросемидпен бір мезгілде қолданғанда сарысудағы глюкоза деңгейіне олардың әсер ету қабілетін ескерген жөн. Инсулин глюкозаның шеткері тіндерге түсуіне ықпал етеді.
Глюкоза ерітіндісі пиразинамидтің бауырға уытты әсер етуін төмендетеді. Глюкоза ерітіндісінің үлкен көлемін енгізу гипокалиемия дамуына ықпал етеді, бұл бір мезгілде қабылдаған оймақгүл препараттарының уыттылығын жоғарылатады.
Глюкоза-Дарница препаратының ерітінділерде аминофилинмен, еритін барбитураттармен, гидрокортизонмен, канамицинмен, еритін сульфаниламидтермен, цианокобаламинмен үйлеспейді.
Глюкоза натрийдің асқазан-ішек жолынан сіңуін жеңілдетеді. Препаратты аскорбин қышқылымен үйлестіріп енгізуге болады. 4-5 г-ға 1 ӘБ есебіндегі инсулинді бір мезгілде енгізу глюкозаның едәуір толық сіңуіне ықпал етеді. Глюкоза жеткілікті түрде күшті тотықтандырғыш болып табылуына байланысты оны гексаметилентетраминмен бір шприцте енгізуге болмайды.
Глюкозаны алкалоид ерітінділерімен (олар ыдырайды), жалпы анестетиктермен және ұйықтатқыш дәрілермен (олардың белсенділігін төмендетеді) бірге араластыруға болмайды.
Глюкоза сонымен қатар, ауыруды басатын, адреномиметикалық дәрілердің әсерін төмендетеді; стрептомицинді әсерсіздендіреді, нистатиннің тиімділігін төмендетеді.
Осмолярлығын арттыру үшін 5 % глюкоза ерітіндісін натрий хлоридінің изотониялық ерітіндісімен біріктіруге болады.
Айрықша нұсқаулар
Препаратты ұзақ уақыт қолданған кезде қандағы глюкоза деңгейін бақылаған жөн.
Плазма гипоосмолярлығының пайда болуының алдын алу мақсатында 5 % глюкоза ерітіндісін натрий хлоридінің изотониялық ерітіндісін енгізумен біріктіруге болады. Үлкен дозасын енгізген кезде қажет болса глюкозаның 4-5 г-ға 1 ӘБ есебіндегі инсулинді тері астына тағайындайды. Глюкозаның гипертониялық ерітінділері инъекция орнындағы зақымдануды мейлінше азайту үшін үлкен орталық вена көмегімен енгізген жөн. Тиамин тапшылығы, гипофосфатемиясы, гемодилюциясы, сепсисі және жарақаттары бар пациенттерге сақтықпен пайдаланған жөн. Глюкозаның гипертониялық ерітіндісін жылдам құйған кезде гипергликемияға әкелуі мүмкін. Пациенттерді сананың шатасуына немесе естің жоғалу белгісінің бар болуына бақылау қажет. Құтының ішіндегісін тек қана бір пациентке пайдалануға болады. Полипропилен құтының герметикалығын бұзғаннан кейін құтының ішіндегі пайдаланылмаған бөлігін жою керек.
Препараттың бірреттік дозасы жеке анықталады; глюкозаның ең жоғарғы бірреттік дозасы 100 г дейін құрауы мүмкін.
Жүктілік және лактация кезеңі
Препаратты көрсетілімдер бойынша қолдануға болады.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Препаратты тек қана стационар жағдайында қолдануға болатындықтан деректер жоқ.
Артық дозалануы
Симптомдары: жағымсыз реакциялар белгілерінің күшеюі. Гипергликемияның және гипотониялық гипергидратацияның дамуы мүмкін.
Емі: симптоматикалық ем және қарапайым инсулин препараттын енгізу.
Шығарылу түрі және қаптамасы
Полипропилен құтыларда 200 мл немесе 400 мл құйылған.
Құтыларға өзі жабысатын жабындысы бар қағаздан жасалған заттаңба жабыстырылған.
Құтыларды медициналық қолдану жөніндегі мемлекеттік және орыс тіліндегі нұсқаулықпен тең санымен бірге топтық қаптамаға салады.
Сақтау шарттары
Түпнұсқалық қаптамада, 25°С-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау қажет!
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы.
Өндіруші
«Фармацевтикалық фирма «Дарника» ЖАҚ
Украина, 02093, Киев қ-сы, Борисполь к-сі, 13.
Тіркеу куәлігінің иесі
«Дарница» фармацевтикалық фирмасы» ЖАҚ.
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
050043, Алматы қ-сы, Навои к-сі, 68, 49-пәтер
телефон: (+727) 2424328
e-mail: vigilance@darnitsa.kiev.ua
Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
050043, Алматы қ-сы, Навои к-сі, 68, 49-пәтер
телефон: (+727) 2424328
e-mail: vigilance@darnitsa.kiev.u