Глюкоза 10мл (40%)

• русский
• қазақша

• Скачать инструкцию медикамента

Саудалық атауы

Глюкоза

Халықаралық патенттелмеген атауы

Жоқ

Дәрілік түрі

Инъекцияға арналған 40 % ерітінді, 10 мл және 20 мл

Құрамы

1 мл ерітіндінің құрамында

белсенді заттар: глюкоза моногидраты сусыз глюкозаға шаққанда 0,4 г

қосымша заттар: 0,1 М хлор сутек қышқылы, натрий хлориді, инъекцияға арналған су.

Сипаттамасы

Түссіз немесе әлсіз сарғыш мөлдір сұйықтық

Фармакотерапиялық тобы

Плазма алмастырғыш және перфузиялық ерітінділер. Басқа да ирригациялық ерітінділер. Декстроза.

ATХ коды B05C X01

Фармакологиялық қасиеттері

Фармакокинетикасы

Глюкоза көктамырішіне енгізілгеннен кейін қан ағынымен ағзалар мен тіндерге түседі, онда метаболизм үдерісіне ұшырайды. Глюкоза қорлары көптеген тіндер жасушаларында гликоген түрінде жинақталады. Гликолиз процессіне түсе отырып, глюкоза пируватқа немесе лактатқа дейін метаболизденеді, аэробтық жағдайларда пируват АТФ түріндегі энергияны түзе отырып көмірқышқыл газына және суға дейін толығымен метаболизденеді. Глюкозаның толық тотығуының соңғы өнімдері өкпемен және бүйрекпен шығарылады.

Фармакодинамикасы

Глюкоза энергия шығынын субстратты толықтыруды қамтамасыз етеді. Гипертониялық ерітінділерді көктамырға енгізгенде қан тамырішілік осмостық қысым көтеріледі, сұйықтықтың тіндерден қанға түсуі күшейеді, зат алмасу процесі жылдамдайды, бауырдың уыттануға қарсы қызметі жақсарады, жүрек бұлшықеттерінің жиырылу қызметі күшейеді, диурез жоғарылайды. Глюкозаның гипертониялық ерітіндісін енгізген кезде тотығу-тотықсыздану процесі күшейеді, бауырда гликогеннің жинақталуы күшейеді.

Қолданылуы

• гипогликемияда (қанда қант деңгейінің төмендеуі)

Қолдану тәсілі және дозалары

40 % глюкоза ерітіндісін көктамыр ішіне өте баяу енгізеді (бір мәрте), ересектерге енгізуге – 20-40-50 мл. Қажет болған жағдайда минутына 30 тамшыға дейінгі жылдамдықпен тамшылатып енгізеді. Көктамыр ішіне тамшылатып енгізгенде ересектерге арналған доза – тәулігіне 300 мл дейін (1 кг дене салмағына 6,0 г глюкоза).

Жағымсыз әсерлері

• енгізген орынның ауыруы, көктамырлар тітіркенуі, флебит, көктамырлық тромбоз

• гипергликемия, гипокалиемия, гипофосфатемия, гипомагниемия, глюкозурия, ацидоз

• полиурия

• полидипсия, жүрек айнуы

• гиперволемия

• аллергиялық реакциялар (дене температурасының көтерілуі, терінің бөртуі, ангионевротикалық ісіну, шок)

Қолдануға болмайтын жағдайлар

• препарат компоненттеріне аса жоғары сезімталдық

• гипогликемияға байланысты жағдайларды қоспағанда, бассүйек ішілік және жұлынға субарахноидальді қан кету

• алкогольдік делирийді қоса, ауыр дегидратация

• анурия

• қант диабеті және гипергликемиямен қатар жүретін басқа да жай-күйлер

• глюкоза-галактоза мальабсорбциясы синдромы

• мидың ісінуі және өкпенің ісінуі

• жедел сол жақ қарыншалық жеткіліксіздік

• гиперлактацидемия

• гиперосмолярлық кома

Дәрілермен өзара әрекеттесуі

Глюкоза өте күшті тотықтырғыш болғандықтан 40% глюкоза ерітіндісін гексаметилентетраминмен бір еккіште енгізуге болмайды. Сілтілік ерітінділер: олардың белсенділігі төмендейтіндіктен жалпы анестетиктермен және ұйықтататын дәрілермен, алкалоидтар ерітінділерімен бір еккіште араластыруға болмайды; стрептомициннің белсенділігін жояды, нистатиннің тиімділігін төмендетеді.

Тиазидті диуретиктер мен фуросемидтің әсерімен глюкозаға төзімділік төмендейді. Инсулин глюкозаның шеткергі тіндерге түсуіне ықпал етеді, гликогеннің түзілуін, ақуыздар мен май қышқылдары синтезін көтермелейді. Глюкоза ерітіндісі пиразинамидтің бауырға уытты әсер етуін кемітеді. Көп көлемде глюкоза ерітіндісін енгізу гипокалиемияның дамуына ықпал етеді, бұл бір мезгілде қолданылатын оймақгүл препараттарының уыттылығын жоғарылатады.

Айрықша нұсқаулар

Препаратты қандағы қант деңгейін және электролиттер деңгейін бақылай отырып қолдану керек.

Препаратты қан препараттарымен бір мезгілде енгізуге болмайды.

Глюкоза ерітіндісін бассүйек-мидың ауыр жарақатының жедел кезеңінде, мидағы қан айналымының ауыр бұзылуы кезінде тағайындауға болмайды, өйткені препарат ми құрылымы бұзылуын ұлғайтуы және аурудың (гипогликемияны түзету жағдайларынан басқасы) барысын қиындатуы мүмкін.

Гипокалиемия кезінде глюкоза ерітіндісін енгізуді калий тапшылығын түзетумен үйлестіру керек (гипокалиемия қаупінің күшеюіне байланысты).

Нормогликемия кезінде глюкозаның жақсы қорытылуы үшін препаратты негізінен 4-5 г глюкозаға (құрғақ зат) 1ӘБ есебімен қысқа мерзімді әсер ететін инсулинді (тері астына) тағайындаумен біріктіру керек.

Ерітіндіні тері астына және бұлшықет ішіне қолдануға болмайды. Ампуланың ішіндегісін тек бір емделушіге пайдалануға болады, ампуланың тұмшалануы бұзылғаннан кейін пайдаланылмаған ерітіндіні лақтырып тастау керек.

Бүйрек жеткіліксіздігі, декомпенсацияланған жүрек жеткіліксіздігі, гипонатриемия кезінде аса сақтық таныту, орталық гемодинамика көрсеткіштерін бақылау қажет етіледі.

Жүктілік және лактация кезеңінде қолданылуы

Гликемиясы қалыпты жүктілерге глюкозаны инфузиялау ұрықтың гипергликемиясына әкеп соқтыруы және онда метаболикалық ацидоз туындатуы мүмкін. Соңғысын, әсіресе ұрық дистрессі немесе гипоксиясы енді басқа перинатальді факторларға байланысты болғанда ескерген маңызды.

Педиатрияда пайдалану

Балаларға тек дәрігердің тағайындауы және бақылауы бойынша қолданады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ

Артық дозалануы

Симптомдары: гипергликемия, глюкозурия, қанның осмостық қысымының жоғарылауы (тіпті гипергликемиялық команың дамуына дейін), гипергидратация және электролитті тепе-теңдіктің бұзылуы.

Емі: препаратты тоқтатады және қан глюкозасының деңгейі 9 ммоль/л-ге жеткенге дейін қан глюкозасының әрбір 0,45-0,9 ммоль-не 1 ӘБ есебімен инсулинді тағайындайды. Қандағы глюкоза деңгейін біртіндеп төмендету керек. Инсулинді тағайындағанда теңестірілген тұз ерітіндісінің инфузиясын бірге жүргізеді.

Қажет болғанда симптоматикалық ем тағайындайды.

Шығарылу түрі және қаптамасы

10 мл немесе 20 мл-ден сындыру сақинасы немесе сындыру нүктесі бар шыны ампулаларда. 5 немесе 10 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен бірге гофрланған қосымша беті бар картон пәшкеге салынған.

5 ампуладан полимер үлбірден жасалған пішінді ұяшықты қаптамаға салынған. 1 немесе 2 пішінді ұяшықты қаптамадан ампулалармен бірге медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды

Дәріханалардан босатылу шарттары

Рецепт арқылы

Өндіруші

«Фармак» жариялы акционерлік қоғамы

Украина, 04080, Киев қ., Фрунзе к-сі, 63.

Тіркеу куәлігінің иесі

«Фармак» жариялы акционерлік қоғамы, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050009 Алматы қ. Абай к-сі 157, 5 кеңсе

Тел/факс: +7 (727) 250 66 23, электронды поштасы: Djatlova88@mail.ru

5