Глюкоза 10D 100 мл (10%)

• русский
• қазақша

• Скачать инструкцию медикамента

Саудалық атауы

Глюкоза 10D

Халықаралық патенттелмеген атауы

Жоқ

Дәрілік түрі

Инфузияға арналған 10 % 100, 200, 250, 400, 500 мл ерітінді

Құрамы

100 мл препараттың құрамында

белсенді зат - 10.0 г сусыз глюкоза

қосымша зат - инъекцияға арналған су.

Фармакотерапиялық тобы

Плазма алмастыратын және перфузиялық ерітінділер. Ирригациялық ерітінділер. Басқа да ирригациялық ерітінділер. Декстроза.

АТХ коды В05СХ01

Сипаттамасы

Түссіз, мөлдір сұйықтық, механикалық қосылыстарсыз

Фармакологиялық қасиеттері

Декстроза организмнің көптеген зат алмасу буындарына белсенді қосылатын глюкозо-6-фосфатына өзгере отырып, тіндерге түскенде фосфорланады. Глюкозаның тіндердегі метаболизмі кезінде организмнің тіршілік әрекетіне қажетті елеулі қуат мөлшері бөлінеді.

Ерітінді қантамыр жүйесінен жылдам шығарылады және қантамырлары айналымындағы сұйықтық көлемін уақытша ғана көбейтеді.

Бүйрекпен шығарылады.

Глюкоза организмдегі тотығу-тотықсыздану үдерісін күшейтеді, бауырдың уыттануға қарсы қызметін жақсартады, жылдам қорытылатын көмірсу көзі болып табылатындықтан, организмдегі қуат шығындарының бір бөлігін жабады. Декстроза ерітінділерін құю ішінара су тапшылығын толықтырады. Гипертониялық ерітінді (100 г/л) қанның осмостық қысымын көтереді, зат алмасуды жақсартады, миокардтың жиырылу қабілетін жоғарылатады, бауырдың уыттануға қарсы қызметін жақсартады, қантамырларын кеңейтеді, диурезді арттырады.

Қолданылуы

Кешенді ем құрамында:

• көмірсулы қоректің жеткіліксіздігінде

• жұқпалық ауруларда

• бауыр ауруларында

• гипогликемияда

• шокта

• коллапста

• көктамыр ішіне енгізуге арналған дәрілік препараттар ерітінділерін дайындауда

Қолдану тәсілі және дозалары

Изотониялық (50 г/л) ерітіндіні көктамыр ішіне минутына 7 мл ең жоғары жылдамдықпен (1 минутта 150 тамшы немесе 400 мл/сағ) тамшылатып енгізеді.

Ересектер үшін ең жоғары тәуліктік доза – 2 л. Сондай-ақ тері астына және клизмамен (300-500 мл) қолданылады.

Глюкозаның дозасы организмнің жекелей қажетсінуіне байланысты. Зат алмасуы қалыпты ересектерге енгізілетін глюкозаның тәуліктік дозасы 4-6 г/кг/тәулік аспауы тиіс, яғни 250-450 г/тәулік шамасында болуы тиіс, бұл орайда енгізілетін сұйықтықтың көлемі 30-40 мл/кг/тәулік құрайды. Зат алмасу көлемін қарқынды төмендеткенде тәуліктік дозаны 200-300 г-ға дейін азайтады.

Препаратты ұзақ енгізуді қан сарысуындағы глюкоза концентрациясын бақылай отырып жүзеге асыру қажет.

Глюкозаның тез және толық сіңірілуі үшін, кейде онымен бір мезгілде инсулинді (тері астына 4-5 ӘБ-тен) енгізеді.

Электролиттік теңгерімді қадағалау қажет!

Жағымсыз әсерлері

Жиі емес( ≥1/1000 - <1/100 дейін)

- иондық теңгерімнің бұзылуы

- полидипсия, жүрек айну

- гипергликемия, гипокалиемия, гипофосфатемия, гипомагниемия, ацидоз

- қызба, аллергиялық реакциялар, беттің, көмейдің ісінуі, жөтелу, түшкіру немесе тыныс алудың қиындауы, есекжем (көбіне жүкті әйелдерде)

- гиперволемия

- сол жақ қарыншалық жедел жеткіліксіздік

Сирек ( ≥1/10000 - <1/1000 дейін):

- жұқпаның дамуы, тромбофлебит, қанталау, жергілікті гиперемия (енгізген орында)

Қолдануға болмайтын жағдайлар

- препаратқа жоғары сезімталдық

- нейрохирургиялық операциялар, жұлындағы қан құйылу (бассүйек ішілік қысымды жоғарылатады)

- қант диабеті

- гипергликемия, гипокалиемия

- гиперлактацидемия

- гипотониялық дегидратация (электролитті теңгерімсіздік)

- гипергидратация

- маскүнем сандырағы (сусызданумен)

- глюкоза утилизациясының операциядан кейінгі бұзылулары

- қан айналымның ми мен өкпе ісінуінің даму қаупі бар бұзылуы

- мидың ісінуі, өкпенің ісінуі, сол жақ қарыншаның жедел жеткіліксіздігі

- гиперосмолярлық кома

- қанмен бір мезгілде енгізу

- глюкоза және галактоза мальабсорбциясы

- жүгеріге немесе оның өнімдеріне жоғары сезімталдық кезінде

- метанолмен улану.

Дәрілермен өзара әрекеттесуі

Глюкоза натрийдің асқазан-ішек жолынан сіңуін жеңілдетеді. Препаратты аскорбин қышқылымен бір мезгілде тағайындауға болады. 4-5 г глюкозаға 1 ӘБ есебіндегі инсулинді бір мезгілде енгізу оның едәуір толық сіңуіне ықпал етеді.

Глюкоза жеткілікті түрде күшті тотықтандырғыш болып табылуына байланысты оны гексаметилентетраминмен бір еккіште енгізуге болмайды. Глюкозаны алкалоид ерітінділерімен (олар ыдырайды), жалпы анестетиктермен және ұйықтататын дәрілермен (олардың белсенділігін төмендетеді) бірге араластыруға болмайды.

Глюкоза ауыруды басатын, адреномиметикалық дәрілердің әсерін азайтады; стрептомицинді белсенсіздендіреді, нистатиннің тиімділігін төмендетеді.

Глюкоза ерітіндісіне аминофиллин, еритін барбитураттар, цианокобаламин, эритромицин, гидрокортизон, канамицин, новобиоцин, еритін сульфаниламидтер немесе варфарин қосуға болмайды. Кешенді емдеуге ампициллинді қосқан кезде препараттың инфузиясын кем дегенде 4 сағаттан соң, метициллинді – 8 сағаттан соң жүргізуге болады, гепаринді анағұрлым ұзақ уақыт бойы енгізбеген жөн.

Айрықша нұсқаулар

Жедел жүрек жеткіліксіздігі, бүйрек жеткіліксіздігі, ісінулер, гиперкалиемия кезінде, респираторлық және метаболизмдік алкалозда, жүкті әйелдерге, балаларға (әсіресе дене салмағы төмен), кортикостероидтарды немесе кортикотропинді қабылдап жүрген емделушілерге сақтықпен енгізу керек.

Қандағы қанттың деңгейін және электролиттік теңгерімді бақылау қажет!

Препаратты қанмен бір мезгілде оның коагуляциясы болу мүмкіндігіне байланысты, енгізбеген жөн. Глюкозаның үлкен мөлшерін енгізу, электролиттерді көп жоғалтқан науқастар үшін қауіпті болуы ықтимал. Глюкоза ерітінділерін жедел ишемиялық ұстамаларды өткергеннен кейін тағайындамау қажет, өйткені гипергликемия сауығу үдерісіне теріс әсер етеді.Педиатриялық тәжірибеде қолданылуы

Глюкоза көрсетілімдер бойынша қолданылуы мүмкін

Жүктілік және лактация кезеңі

Көрсетілімдер болған кезде препаратты жүктілік және бала емізу кезеңінде қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары: гипергликемия

Емі: симптоматикалық.

Шығарылу түрі және қаптамасы

Полиэтиленнен жасалған пакетке салынған, көлемі 100 мл, 200 мл, 250 мл, 400 мл немесе 500 мл инфузияға арналған 10 % ерітінді қорғағыш қалпақшасы бар пластик құтыда.

Пластик құтылар немесе инфузияға арналған жүйесі бар пластик пакеттер медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25º С-ден аспайтын температурада сақтау керек. Балалардың қолы жетпейтін жерде сақтау қажет!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші

Claris Otsuka Private Limited

Васана – Чачарвади, Сананд, Ахмедабад – 382 213, Үндістан

Тіркеу куәлігінің иесі

Claris Otsuka Private Limited

Қазақстан Республикасы аумағында дәрілік препараттың сапасына қатысты шағымдарды қабылдайтын ұйымның мекенжайы:

ҚР-дағы Кларис Лайфсайнсес ЛТД филиалы

Алматы қ., Желтоқсан к-сі 115, 370 кеңсе

тел/факс +7(727)2952444