Глидиаб МВ
Инструкция
-
русский
-
қазақша
Саудалық атауы
Глидиаб МВ
Халықаралық патенттелмеген атауы
Гликлазид
Дәрілік түрі
Босап шығуы өзгертілген 30 мг таблеткалар
Құрамы
Бір таблетка құрамында
белсенді зат: 100 % затқа шаққандағы 30 мг гликлазид,
қосымша заттар: гипромеллоза (2208 типі), микрокристалды целлюлоза, коллоидты кремнийдің қостотығы, магний стеараты.
Сипаттамасы
Ақ немесе крем реңді ақ түсті, жалпақ цилиндр пішінді, ойығы бар таблеткалар. «Мәрмәрлығы» болуы да мүмкін.
Фармакотерапиялық тобы
Пероральді қабылдауға арналған қант төмендететін препараттар. Сульфонилмочевина туындылары.
АТХ коды А10BВ09
Фармакологиялық қасиеттері
Фармакокинетикасы
Плазмадағы концентрация қабылдағаннан кейін 6-12 сағаттан кейін платоға шыға отырып біртіндеп жоғарылайды. Сіңуі мен биожетімділігі –жоғары, тамақ ішу сіңуінің дәрежесіне әсер етпейді. Плазма ақуыздарымен байланысуы - 85-97 %. Жартылай шығарылу кезеңі – 16 сағат. Фармакинетикалық параметрлердің клиникалық елеулі өзгерістері егде жастағы адамдарда анықталмаған.
8 метаболит түзе отырып, бауырда метаболизденеді. Қанда кездесетін негізгі метаболит мөлшері – қабылданған препараттың барлық мөлшерінің 2-3 %, оның гипогликемиялық қасиеттері болмайды, алайда микроайналымға әсері болады. Бүйрекпен– 70 % метаболиттер түрінде шығарылады, 1 % азырағы өзгермеген түрде; ішекпен – 12 % метаболиттер түрінде.
Фармакодинамикасы
Пероральді гипогликемиялық дәрі, II буындағы сульфонилмочевина туындысы. Ұйқы безі инсулині секрециясын көтермелейді, глюкозаның инсулинсекреторлық әсерін және шеткергі тіндердің инсулинге сезімталдығын жоғарылатады. Жасуша ішілік ферменттер – бұлшық ет гликогенсинтетазасы белсенділігін көтермелейді. Тамақ ішкен сәттен инсулин сөлінісі басталғанға дейінгі уақыт аралығын қысқартады. Инсулин сөлінісінің ең бастапқы шыңын қалпына келтіреді (сульфонилмочевинаның басқа туындыларынан айырмашылығы, мысалы, басты түрде сөлініс бөлінісінің екінші сатысы барысында әсер ететін глибенкламид). Көмірсу алмасуына әсер етумен қатар микроайналымға да әсер етеді. Постпрандиальді гипергликемияны төмендетеді, тромбоциттердің адгезиясы мен агрегациясын азайтады, қабырғалық тромбоз дамуын іркеді, қан тамырлары өткізгіштігін қалыпқа түсіреді және микротромбоз бен атеросклероз дамуына кедергі келтіреді, физиологиялық қабырғалық фибринолиз үдерісін қалыпқа түсіреді, микроангиопатияда қан тамырлары эпинефриніне болатын жоғары реакцияларға қарсы әсер етеді. Диабеттік ретинопатия дамуын непролиферативті сатыда іркеді; Ұзақ қабылдағандағы диабеттік нефропатияда протеинурияның нақты төмендегені белгіленеді. Көбіне инсулин сөлінісі бөлінуінің ең бастапқы шыңына әсер ететіндіктен дене салмағының артуына алып келмейді және гиперинсулинемия туындатпайды; тиесілі ем-дәм ұстанғанда толық емделушілерде дене салмағының төмендеуіне ықпал етеді. Антиатерогенді қасиеті бар, қандағы жалпы холестериннің концентрациясын төмендетеді.
Қолданылуы
- ересектердегі 2 типті қант диабеті (ем-дәм және физикалық жүктеме тиімсіздігінде)
Қолдану тәсілі және дозалары
Ішке, ертеңгі тамақ кезінде күніне 1 рет. Егер препарат қабылданбай қалса, келесі күні дозаны ұлғайтудың қажеті жоқ. Бастапқы ұсынылатын доза – 30 мг (оның ішінде жасы 65-тен асқандар). Дозаның әрбір келесі өзгерісі кемінде екі апталық кезеңнен кейін болуы мүмкін. Тәуліктік доза 120 мг аспауы тиіс.
Егер науқас осыған дейін жартылай шығарылу кезеңі ұзағырақ сульфонилмочевина препараттарымен ем алса оның әсерінен болуы мүмкін гипогликемияны болдырмау үшін мұқият бақылау қажет (1-2 апта). Егде жастағы емделушілерге немесе айқындығы жеңіл және орташа (креатинин клиренсі - 15-80 мл/мин) созылмалы бүйрек жеткіліксіздігінде препаратты сол дозаларда тағайындайды. Гипогликемия даму қатері бар топқа жататын емделушілерде (жеткіліксіз немесе теңгерімделмеген тамақтану; ауыр немесе нашар компенсацияланған эндокриндік бұзылыстар, оның ішінде гипофизарлы және бүйрек үсті безі жеткіліксіздігі, гипотиреоз, гипопитуитаризм; ұзақ қабылдағаннан кейін және/немесе жоғары дозаларда қабылдағаннан кейін глюкокортикостероидтарды тоқтату; қан тамырларының айқын зақымдануы, оның ішінде жүректің ауыр ишемиялық ауруы, күре тамырдың ауыр атеросклерозы, таралған атеросклероз) препараттың ең аз дозасын – 30 мг пайдалану ұсынылады.
Жағымсыз әсерлері
- гипогликемия (дозалау режимі бұзылуы мен ем-дәм талапқа сай болмағанда): бас ауыруы, қажығыштық, аштықты сезіну, тершеңдік, күрт әлсіздік, жүрек қағуы, аритмия, артериялық қысым жоғарылауы, ұйқышылдық, ұйқысыздық, ажитация, озбырлық, үрейлену, тітіркенгіштік, зейін шоғырландырудың төмендеуі, ой жинақтаудың мүмкін болмауы және реакцияның баяулауы, депрессия, көрудің бұзылулары, афазия, тремор, парездер, сенсорлық бұзылыстар, бас айналуы, дәрменсіздік сезімі, өзін-өзі бақылай алмау, делирий, құрысулар, үстірт тыныс алу, брадикардия, естен тану, кома
-жүрек айнуы, құсу, диарея, абдоминалді ауыру, іш қату (тамақпен бірге қабылдағанда айқындығы төмендейді)
Сирек
- бауыр қызметі бұзылуы (гепатит, холестатикалық сары ауру – препаратты тоқтатуды талап етеді, «бауыр» трансаминазасы, сілтілік фосфатаза белсенділігінің жоғарылауы)
- сүйек кемігіндегі қан түзілуінің бәсеңдеуі (анемия, тромбоцитопения, лейкопения, гранулоцитопения)
- аллергиялық реакциялар: тері қышымасы, есекжем, тері бөртпесі (оның ішінде макулопапулезді және буллезді), эритема
- көрудің бұзылуы.
Сульфонилмочевина туындыларының жалпы жағымсыз әсерлері: эритропения, агранулоцитоз, гемолитикалық анемия, панцитопения, аллергиялық васкулит; өмірге қауіп төндіретін бауыр жеткіліксіздігі.
Қолдануға болмайтын жағдайлар
- препараттың белсенді және қосымша компоненттеріне асқын сезімталдықта
- 1 типті қант диабетінде
- диабеттік кетоацидозда
- диабеттік прекома және комада
- бауырдың және/немесе бүйректің ауыр жеткіліксіздігінде
- миконазолмен қатар емдегенде
-жүктілік, лактация кезеңінде
- 18 жасқа дейінгі балалық және жасөспірімдік кезеңде
Сақтықпен
Егде жаста, ұдайы емес және/немесе теңгерілмеген тамақтану, жүрек-қан тамырлары жүйесінің ауыр аурулары (оның ішінде жүректің ишемиялық ауруы, атеросклероз), гипотиреоз, бүйрек үсті безінің немесе гипофизарлық жеткіліксіздік, гипопитуитаризм, бүйрек және/немесе бауыр жеткіліксіздігі, глюкокортикостероидтармен ұзақ емдегенде, алкоголизм, глюкозо-6-фосфатдегидрогеназа жеткіліксіздігі, фенилбутазон және даназолмен қатар емдегенде.
Дәрілермен өзара әрекеттесуі
Антикоагулянттар әсерін күшейтеді (варфарин), антикоагулянт дозасын түзету талап етілуі мүмкін.
Миконазол (жүйелі түрде енгізгенде және ауыз қуысының шырышты қабығына гель пайдаланғанда) препараттың гипогликемиялық әсерін күшейтеді (гипогликемияның кома жағдайына дейін дамуы мүмкін).
Фенилбутазон (жүйелі түрде енгізгенде) препараттың гипогликемиялық әсерін күшейтеді (плазма ақуызымен байланысуынан ысырып шығарады және/немесе ағзадан шығарылуын баяулатады), фенилбутазон қабылдау кезінде де, сондай-ақ оны тоқтатқан соң да қан глюкозасына бақылау және гликлазид дозасын түзету қажет.
Этанол және құрамында этанол бар дәрілік заттар компенсаторлық реакцияларды тежей отырып, гипогликемияны күшейтеді, гипогликемиялық кома дамуына ықпал етуі мүмкін.
Басқа гипогликемиялық дәрілік заттармен (инсулин, акарбоз, бигуанидтер), бета-адренобөгегіштермен, флуконазолмен, ангиотензинге өзгерткіш фермент (АӨФ) тежегіштерімен (каптоприл, эналаприл), Н2-гистаминді рецепторлар бөгегіштермен (циметидин), моноаминооксидаза тежегіштерімен (МАО), сульфаниламидтармен және стероидты емес қабынуға қарсы препараттармен бір мезгілде қабылдағанда – гипогликемиялық әсері күшейеді және гипогликемия қатері артады.
Даназол – диабетогенді әсер етеді. Даназол қабылдау кезінде де, сондай-ақ оны тоқтатқан соң да қан глюкозасына бақылау және гликлазид дозасын түзету қажет.
Хлорпромазин жоғары дозаларда (100 мг/тәулік астам), инсулин сөлінісін төмендете отырып, қандағы глюкоза құрамын арттырады. Хлорпромазин қабылдау кезінде де, сондай-ақ оны тоқтатқан соң да қан глюкозасын бақылау және гликлазид дозасын түзету қажет.
Глюкокортикостероидтар (жүйелі, буын ішіне, сыртқа, ректальді қолданғанда) кетоацидоз даму мүмкіндігімен қандағы глюкоза құрамын арттырады (көмірсуларға толеранттықтың төмендеуі). Глюкокортикостероидтар қабылдау кезінде де, сондай-ақ оны тоқтатқан соң да қан глюкозасына бақылау және гликлазид дозасын түзету қажет.
Ритодрин, сальбутамол, тербуталин (к/і енгізу) – қандағы глюкоза құрамын жоғарылатады. Қандағы глюкозаны бақылау және қажет болғанда - емделушіні инсулинмен терапиялауға аудару ұсынылады.
Айрықша нұсқаулар
Препарат қабылдау уақытында қандағы глюкозаны аш қарынға және гликозилденген гемоглобинді ұдайы анықтау қажет.
Үлкен хирургиялық араласулар және жарақаттар, ауқымды күйіктер, қызба синдромымен жұқпалы аурулар пероральді гипогликемиялық дәрілерді тоқтатып, инсулин тағайындауды талап етуі мүмкін.
Этанол және құрамында этанол бар дәрілік заттар қабылдағанда, стероидты емес қабынуға қарсы препараттар, ашыққанда гипогликемия даму қатері жоғары болатыны туралы емделушілерге ескерту керек (оның ішінде дисульфирамға ұқсас реакциялар дамуы мүмкін: іш ауыруы, жүрек айнуы, құсу, бас ауыруы).
Физикалық және эмоцианальді қатты ширығуда, тамақтану режимі өзгергенде дозаны түзету керек.
Әдетте гипогликемия симптомдары көмірсуларға бай тамақ ішкен соң (мысалы қанты бар) басылады, қантты алмастыратын заттарды қабылдау гипогликемиялық симптомдарды жоюға ықпал ете алмайды. Гипогликемия бастапқыда тиімді қайтарылуына қарамастан, қайталауы мүмкін. Егер гипогликемиялық симптомдар айқын сипатта немесе ұзақ болса, тіпті көмірсуларға бай тамақ ішкен соң жағдайы уақытша жақсарған болса да ауруханаға жатқызылуға дейін жедел медициналық көмек көрсетілуі керек. Гипогликемиялық дәрілік заттар әсеріне әсіресе егде жастағы адамдар, дұрыс теңгерілімді тамақтанбайтын, жалпы әлсіз күйдегі, гипофизарлы-бүйрек үсті безі жеткіліксіздігімен науқастар ерекше сезімтал болады. Гипогликемияның клиникалық білінуі бета-адренобөгегіштерді, клонидин, резерпин, гуанетидин қабылдағанда бүркемеленуі мүмкін. Салдарлы дәрілік төзімділік дамуы мүмкін (дәрілік зат бірінші тағайындағанда-ақ күтілетін клиникалық әсер бермейтін біріншісінен айыра білу қажет).
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Емделу кезеңінде зейінді жұмылдыруды және психомоторлы реакциялардың шапшаңдығын қажет ететін автокөлік жүргізуден және басқа да қауіпті қызмет түрлерімен айналысқанда сақ болу қажет.
Артық дозаланғанда
Симптомдары: гипогликемия, сананың бұзылуы, гипогликемиялық кома.
Емдеу: егер емделуші есін білсе – ішке қант қабылдау керек; сана бұзылыстарында – 40 % декстроза ерітіндісін к/і енгізу, одан кейін 5 % декстроза ерітіндісін қандағы глюкоза концентрациясы 5,55 моль/л жеткенше к/і тамшылатып енгізу, 1-2 мг глюкагонді б/і, қандағы глюкоза концентрациясын әрбір 15 мин сайын бақылау, сондай-ақ pH, мочевинаны, қандағы креатинин мен электролиттерді анықтау.
Есін жиғаннан кейін науқасқа жеңіл сіңетін көмірсуларға бай тамақ беру керек (қайтадан гипогликемия дамуынан сақтану үшін). Ми ісінуінде – маннитол және дексаметазон. Диализдің тиімділігі жоқ.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған. 6 пішінді ұяшықты қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Тіркеу куәлігі иесінің атауы мен елі
«Акрихин» ААҚ, Ресей Федерациясы
Өндіруші
«Акрихин» ААҚ, Ресей Федерациясы,
142450, Мәскеу облысы, Ногинск ауданы, Старая Купавна қ., Киров к., 29.
Телефон/факс: (495) 702-95-03.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Акрихин» ААҚ, Ресей Федерациясы,
142450, Мәскеу облысы, Ногинск ауданы, Старая Купавна қ., Киров к., 29.
Телефон/факс: (495) 702-95-03.