ГЛАНДИН-Е2 (таблетки вагинальные)

• русский
• қазақша

• Скачать инструкцию медикамента

Саудалық атауы

ГЛАНДИН-Е2

Халықаралық патенттелмеген атауы

Динопростон

Дәрілік түрі

Қынаптық таблеткалар

Құрамы

Бір таблетканың құрамында

белсенді зат: 3 мг динопростон,

қосымша заттар: аэросил # 200, жүгері крахмалы, авицел PH112, сусыз лактоза, магний стеараты.

Сипаттамасы

Беткейі жалпақ тік бұрышты, сәл теңбілді, бір жағында NQ өрнегі бар, ақтан ақ дерлік түске дейінгі таблеткалар.

Фармакотерапиялық тобы

Гинекологиялық ауруларды емдеуге арналған басқа да препараттар. Простагландиндер. Динопростон.

АТX коды G02AD02

Фармакологиялық қасиеттері

Динопростон – жатырдың тегіс бұлшықеттеріне әсері бар простагландин Е2 препараты

Фармакокинетикасы

Қан плазмасында 13,14-дигидро-15-кето-PGЕ2 метаболиті концентрациясын өлшеудің нәтижелері, PGЕ2 жылдам сіңетінін көрсеткен, плазмада Cmax жету уақыты 40 мин құрайды. PGЕ2 метаболиттер түзе отырып, өкпеде қарқынды метаболизденеді, одан әрі бауыр мен бүйректе метаболизмге ұшырайды. Шамамен 90% динопростон бірінші өткенде сіңіріледі. Негізінен метаболиттер түрінде бүйрекпен шығарылады.

Плазмалық альбуминмен динопростонның шамамен 73% байланысады.

Фармакодинамикасы

Простагландин Е2 (PGЕ2) аналогы. Тегіс бұлшықет жасушалары бар ағзаларға, оның ішінде жиырылғыш белсенділігіне және миометрия тонусына көтермелеуші әсері бар, сонымен қатар әртүрлі гормональді әсерлерге ішкі ағзалар реакциясын модулдейді.

Қолданылуы

Анаға немесе шаранаға қарсы көрсетілімдер болмағанда, жүктілігінің мерзімі жеткен әйелдерде босану әрекетін индукциялауда

Қолдану тәсілі және дозалары

Қынап ішіне 3 мг дозада артқы іншек күмбезіне енгізеді, қажет болғанда 6-8 сағ соң екінші таблетканы енгізуге болады. Ең жоғары доза 6 мг (2 таблетка).

Жағымсыз әсерлері

Аналарда

- жүрек айнуы, құсу

- жатырдың аса жоғары белсенділігі

- артериялық гипотензия

• гипертония

• жүрек айнуы, құсу, диарея

• аса жоғары сезімталдық реакциялары: анафилаксиялық реакция, анафилаксиялық шок, демікпе, бронх түйілуі

• арқаның ауыруы

• жатырдың аномальді жиырылуы (жиырылу жиілігінің, тонусы немесе ұзақтығының артуы), жатырдың жыртылуы, гипертонус, плацентаның ажырауы,

• препарат енгізген жердің, ауыруы

• бөртпе

Шаранада немесе жаңа туған нәрестелерде:

• шарана жүрегі жиырылу жиілігінің артуы

• препаратты қолдану кезінде немесе одан кейін шарананың жүрек соғуы жиілігінің өзгеруі/ шарана дистресі

• өлі туу, уақытынан ерте туу, жаңа туған нәресте статусының төмендеуі, шарана ацидозы.

Кейде лейкоцитоз және температураның жоғарылауы байқалуы мүмкін, бірақ олардың мәні ем аяқталғаннан біршама уақыт өткеннен кейін қалпына келеді.

Бұл жағдайда да құрсақ ішіне енгізілетін препараттар сияқты экстраамниондық енгізуден жергілікті инфекция жұқтыру қаупін назарға алған жөн. Мұндай жағдайда инфекция жұқтыруды емдеу керек.

Қолдануға болмайтын жағдайлар

- простагландиндерге жоғары сезімталдық

- қағанақ қабының жарылуы

- кіші жамбас мүшелерінің инфекциялары

- анамнездегі кесар тілігі немесе жатырға жасалынған ауқымды хирургиялық араласулар

- анамнезде қиын және/немесе жарақатпен босанудың болуы

- анамнездегі 6 немесе одан көп мерзімі жеткен жүктілікте

- шарананың алдыңғы дистресі

- нәрестенің басымен келмеуі

- жүктілік кезінде қынаптан этиологиясы белгісіз қан бөліністерінің болуы

- пациентте босануды немесе жатырдың ұзақ жиырылуын көтермелеу үшін окситоцин қолдануға қарсы көрсетілмдердің болуы:

- көп ұрықты жүктілік

- табиғи туу жолдары арқылы босану мүмкін болмайтын іштегі нәрестенің алда (көлденең, қиғаш және т.б.) орналасуы

- плацентаның алда орналасуы

- анамнездегі жатырға хирургиялық араласулар (мысалы, кесар тілігі, гистеротомия)

- жамбас және шарана басы көлемінің сәйкессіздігі

- шарананың ықтимал аномалиялары болуын көрсететін жүрек жиырылулары ырғағының бұзылуы

- шарана басының дұрыс орналаспауы

- жүктілік кезінде қынаптан нақтыланбаған сипатта бөлінулердің және/немесе жатырдан аномалиялық қан кетулердің болуы

- жыныс жолының төменгі бөлімдерінің инфекциялары

- алдыңғы қиын немесе жарақатпен босанулар

- жүрек, өкпе, бүйрек немесе бауырдың күрделі аурулары

- шарандағы дистресс-синдромына немесе ондайдың анамнезде болуына клиникалық күдіктену.

Дәрілермен өзара әрекеттесуі

Окситоцинмен бір мезгілде қолданғанда динопростон оның жатырға әсерін үдететіндіктен, оларды бірге пайдалану ұсынылмайды. Егер бірізділікпен пайдаланылса, пациенттің құрсақ функциясы мұқият тексерілуі тиіс.

Айрықша нұсқаулар

Тек стационар жағдайларында дәрігердің қатаң бақылауымен ғана қолдану керек.

Бронх демікпесі, артериялық гипертензия, глаукомасы бар гипертониясы бар пациенттерге сақтықпен қолданады.

Жүктілік және лактация кезеңі

Босануды стимуляциялау және индукциялық даярлау үшін қолданғанда динопростон босану кезінде шарананың ЖЖЖ өзгеруін, шарана дистресін, жаңа туған нәресте статусының төмендеуін туындатуы мүмкін. Простагландин емшек сүтіне енеді. Бірақ препаратты бала емізіп жүрген кезеңде қолдану балаға ешқандай зиян келтірмейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік жүргізу және қауіптілігі зор механизмдерді басқару қабілетіне әсер етуі зерттелмеген.

Артық дозалануы

Жатырдың гипертонусы немесе жатырдың шамадан тыс ауыр жиырылуы сирек кездеседі, бірақ артық дозаланудан туындауы мүмкін.

Артық дозалануды емдеу симптоматикалық болуы тиіс. Қазіргі кезде артық дозалану кезіндегі құсу пациентті қорғаудағы өзіндік шектеуші фактор ретінде әсер етуі мүмкін деп есептеледі.

Шығарылу түрі мен қаптамасы

1 таблеткадан алюминий фольгадан жасалған пішінді ұяшықсыз қаптамаға салынған.

1 пішінді ұяшықсыз қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

2ºС-ден 8ºС-ге дейінгі температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы Өндіруші

Набикасим Индастриз (Пвт) Лтд.

17/24, Индустриялық аймақ Коранджи, Карачи- Пәкістан

Тіркеу куәлігінің иесі

Набикасим Индастриз (Пвт) Лтд.

17/24, Индустриялық аймақ Коранджи, Карачи- Пәкістан

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

СЭЗ Фарм Актив ЖШС, Алматы қ., Қонаев к-сі, 32, 207 кеңсе, телефон 377-85-43,

E-mail: pharmactivfzco@gmail.com