Гидроксиэтилкрахмал (6%)
Инструкция
-
русский
-
қазақша
Саудалық атауы
Гидроксиэтилкрахмал
Халықаралық патенттелмеген атауы
Жоқ
Дәрілік түрі
Инфузияға арналған 6 % және 10 % ерітінді
Құрамы
1000 мл ерітіндінің құрамында
белсенді зат - гидроксиэтилкрахмал 200/0.5 60 г 100 г
қосымша заттар: натрий хлориді, инъекцияға арналған су
Сипаттамасы
Мөлдір түссіз немесе сәл сарғыш ерітінді
Фармакотерапиялық тобы
Плазмаалмастырғыш препараттар және қан плазмасы препараттары.
АТЖ коды B05AA07
Фармакологиялық қасиеттері
Фармакокинетикасы
Аздаған мөлшері ретикуло-эндотелиальді жүйеде жинақталады (бауырға, өкпеге, көкбауыр мен лимфотүйіндерге уытты әсер етпей), мұнда оны амилаза бөлшектейді. Енгізгеннен кейін бүйрекпен және өтпен шығарылады. Жартылай ыдырау кезеңі 4,94 сағат.
Фармакодинамикасы
Жоғары молекулярлық қосылысты гидроксиэтилденген крахмал негізіндегі, глюкозаның полимерленген қалдықтарынан тұратын коллоидты плазмаламастырғыш ерітінді.
Дәрілік зат үшін гидроксиэтилкрахмалдың орташа молекулярлық салмағы мен алмастыру дәрежесі дәрілік заттың алмастырғыш әсерінің тиімділігі мен көлемінің ұзақтығын анықтайтын маңызды фактор болып табылады. Байланыстыру және суды кідірту қабілетінің арқасында айналымдағы қан көлемін енгізілген көлемінен 85–100 %-ға ұлғайтатын қабілеті бар (плазмалмастырғыш әсері 4-6 сағат бойы тұрақты сақталады). Гемодинамиканың бұзылуын қалпына келтіреді, микроциркуляцияны, қанның реологиялық қасиеттерін жақсартады (гематокрит көрсеткішін төмендету арқылы), плазманың тұтқырлығын азайтады, тромбоциттер агрегациясын төмендетеді және эритроциттер агрегациясына кедергі жасайды. Гидроксиэтилкрахмал құрылымының гликоген құрылымымен ұқсастығы көтерімділігінің жоғары деңгейде екендігін және іс жүзінде жағымсыз реакциялардың жоқтығын білдіреді.
Қолданылуы
- гиповолемиялық жағдайлар (соның ішінде геморрагиялық, травматикалық, күйіктік және септикалық шок)
- көлемді қан жоғалту (соның ішінде, интраоперациялық)
- микроциркуляцияның бұзылуы
- жедел артериялық гипотензия және операциядан кейінгі кезеңдегі артериялық гипотензия
- изоволемиялық гемодилюциялар жүргізуде (соның ішінде операция алдында, ишемиялық инсульттің жедел кезеңінде, кенет пайда болған кереңдікте)
- арагідік ақсаңдау мен көктамырлық тромбозда біріктірілген ем құрамында
Қолдану тәсілі мен дозалары
Гидроксиэтилкрахмал ерітіндісін көктамыр ішіне тамшылатып немесе сорғалатып енгізеді. Дозасы мен енгізу жылдамдығын жекелей, гемодинамика бұзылуларының дәрежесіне және емделуші жағдайының ауырлығына қарай таңдайды. Ерітіндінің алғашқы 10-20 мл баяу енгізу керек (анафилактоидтық реакциялардың даму мүмкіндігіне байланысты).
Шығу тегі әртүрлі шокты емдеуде 500-1500 мл дозада енгізеді. Геморрагиялық шокта енгізу жылдамдығы сағатына 20 мл/кг дейін, септикалық және күйіктік шокта – біраз төменірек.
Ересектер мен 11 жастан асқан балалар үшін ең жоғарғы тәуліктік дозасы 10 % гидроксиэтилкрахмал ерітіндісі үшін 20 мл/кг (75 кг дене салмағында 1500 мл), 6 % гидроксиэтилкрахмал ерітіндісі үшін 33 мл/кг (75 кг дене салмағында 2500 мл) құрайды.
Жүрек-қантамыр немесе өкпе асқынулары қаупі жоқ емделушілерде емдеу ұзақтығын гематокрит шамасы бойынша анықтайды (30 %-дан төмен болмауы тиіс). Емдік гемодилюцияда бірнеше күндік немесе бірнеше апталық инфузиялық сызба бойынша қолданады. Бірнеше күндік инфузиялық сызба: тәуліктік инфузиялық дозасы — 6 % гидроксиэтилкрахмал ерітіндісінің 500–1000 мл; кенеттен болған кереңдік пен арагідік ақсаңдауда дозасы төмен — тәулігіне 500-ден 750 мл дейін, кенеттен болған ишемиялық инсультте — жоғары және тәулігіне 750 – 1000 мл құрауы мүмкін; енгізу жылдамдығы — 75–250 мл/сағ., ұзақтығы — 5 – 10 күн. Кенеттен болған ишемиялық инсультте емдеудің басында қосымша жүктемелік дозаны енгізеді, 200–400 мл сонымен бірге құю жоғары жылдамдықпен жүзеге асырылады (мысалы, 200–400 мл/сағ. дейін). Бірнеше апталық инфузиялық сызба бойынша құюды аптасына 2–3 рет 200–400 мл, сағатына 125–250 мл жылдамдықпен жүргізеді, емдеу ұзақтығы — 3–6 апта. Көп жағдайларда дәрілік заттың енгізілген көлемінің гемодинамикалық және/немесе гемореологиялық көрсеткіштерге (ал қажет болған жағдайда — қан жіберу) бейімделуі ұсынылады (орталық көктамырлық қан қысымы — 15 мм сын.бағ., гематокрит — 38–42 және т.б.). Параллельді қан алуда ешбір уақыт кезеңінде гиповолемиялық жағдай туындамауын қадағалау қажет (инфузия не қан жіберумен параллельді, не оның алдында жүргізіледі, ал енгізілген мөлшері алынған қан мөлшеріне қарағанда жоғары болуы тиіс).
Тәуліктік дозасы айналымдағы қан көлемін толтыру үшін осыған ұқсас болады.
Жағымсыз әсері
аллергиялық реакциялар:
- есекжем
анафилактоидтық реакциялар:
- бел тұсының ауыруы
- жүрек айнуы және құсу
- тахикардия (дәрілік затты енгізу тоқтатылуы тиіс)
- плазмадағы амилаза деңгейінің жоғарылауы (панкреатит көріністерімен байланыссыз)
Сирек
- айқын тері қышуы (жоғары дозаларын ұзақ уақыт енгізу)
- қан кету уақытының ұзаруы (жоғары дозаларын пайдаланғанда)
Қолдануға болмайтын жағдайлар
- асқын сезімталдық
- бассүйекішілік қан қысымының жоғарылауымен бассүйек-ми жарақаты
- бассүйекішілік қан кету
- артериялық гипертензия
- II-III дәрежелі жүрек жеткіліксіздігі
- жедел сол жақ қарыншалық жеткіліксіздік
- жедел бүйрек жеткіліксіздігі (олиго-, анурия)
- ауыр геморрагиялық диатез
- өкпенің кардиогендік ісінуі
- гипокоагуляция, коагулопатия, гипергидратация, гиперволемия, дегидратация (электролиттік алмасуды түзету қажет болғанда),
- гипофибриногенемия
- айқын тромбоцитопения
- гиперхлоремия, гипернатриемия, гипокалиемия, гемодиализ
- 10 жасқа дейінгі балаларға
- крахмалға аллергия
Жүрек жеткіліксіздігінде, бүйрек жеткіліксіздігінде, бауырдың созылмалы ауруларында, Виллебранд ауруында сақтықпен қолданылады.
Дәрілермен өзара әрекеттесуі
Басқа дәрілік заттардың ерітінділерімен фармацевтикалық үйлесімсіз.
Гидроксиэтилкрахмалды гепаринмен немесе пероральді антикоагулянттармен бір мезгілде қолдану қан кету уақытын ұзартуы мүмкін.
Басқа дәрілік заттарды қабылдап жүрген емделушілерге, әсіресе бета-блокаторлар мен вазодилятаторларды қабылдағанда айрықша назар аудару қажет, өйткені көлем алмастырушы емдеуге қарамастан, жүйелік артериялық қан қысымының өзгерістері мен жүректің жиырылу жиіліктері анықталмауы мүмкін.
Гидроксиэтилкрахмалдың клинико-химиялық көрсеткіштерге әсер етуі мүмкіндігін ескеру керек (глюкоза, ақуыз, ЭШЖ, май қышқылдарының құрамы, холестерин, сорбитдегидрогеназа, несептің меншікті салмағы).
Гидроксиэтилкрахмалдың тағамдық заттармен өзара әрекеттесуі туралы қандай да бір мәліметтер жоқ.
Айрықша нұсқаулар
Аллергиялық реакциялардың даму мүмкіндігіне байланысты, алғашқы 10–20 мл ерітіндіні енгізуді емделушінің жағдайын мұқият бақылай отырып, баяу жүзеге асыру керек (тамшылатып). Емдеуді айналымдағы қан көлемін, иондар құрамын, лейкоциттерді, тромбоциттерді, плазмадағы Hb, қанның ұю көрсеткіштерін, бүйрек қызметін (су-электролиттік статустың ерекшеліктері болғандықтан, әсіресе жаңа туылған және 3 жасқа дейінгі балаларда) бақылаумен жүргізу керек. Емдеудің басында сарысудағы креатинин құрамына бақылау жүргізу қажет. Креатинин деңгейінің ақырғы мәндерінде (1,2–2 мг/дл немесе 106–177 мкмоль/л — компенсацияланған бүйрек жеткіліксіздігі) емдеу жүргізудің мүмкіндігі мен қажеттілігін мұқият саралау және міндетті түрде сұйықтық теңгерімін, сондай-ақ несептің кідіру көрсеткіштерін жиі бақылауды жүзеге асыру қажет.
Дәрілік заттың жоғары дозаларын енгізу гематокриттің, Hb концентрациясы мен плазма ақуызының төмендеуіне алып келеді. Айналымдағы қанның 20–25 %-ынан артық қан жоғалтқанда қосымша эритроцитарлық массаны енгізу көрсетілген. Негізінен су мен электролиттерді жоғалтудан болған шок жағдайларында (қатты құсу, іштің өтуі, күйіктер), дәрілік затпен бастапқы емдеуден кейін әрі қарай емдеуді теңдестірілген электролиттер ерітіндісінің көмегімен жүргізу керек. Емдеу кезінде ағзаға сұйықтықтың жеткілікті түсуін қамтамасыз ету қажет. Анафилактоидтық реакциялар туындаған жағдайда, дәрілік затты енгізу тоқтатылуы тиіс, науқасты бас жағын төмен салып жатқызып, тыныс жолдарын босату керек; сосын көктамыр ішіне эпинефринді, тамыр соғысы мен артериялық қан қысымын бақылай отырып, алдын-ала 1 мл ерітіндісін (1:1000) 10 мл дейін сұйылтып — алынған ерітіндінің 1 мл баяу енгізеді (0.1 мг); эпинефринді енгізуді қайталауға болады. Сосын көктамыр ішіне адам альбуминінің 5 % ерітіндісін (айналымдағы қан көлемін толтыру үшін), гистаминге қарсы дәрілік заттарды енгізеді.
Емделушілер үздіксіз медициналық қадағалауда болуы тиіс, қосымша емдеу шаралары емделушілердің жағдайына байланысты қолданылуы тиіс. Қан тобы анықталмаған емделушілерді емдеуде гидроксиэтилкрахмалдың көп көлемін енгізу агглютинация реакциясына әсер етуі және қан тобын анықтауда теріс нәтижелерге негіз болуы мүмкін. Дәрілік затты көктамыр ішіне енгізгеннен кейін қандағы амилаза деңгейі айтарлықтай артады, ол 3–5 күннен кейін қалпына оралады (панкреатитті диагностикалауға кедергі келтіруі мүмкін).
Жүктілік және лактация
Дәрілік зат жүктілік кезінде, лактация кезеңінде сақтықпен қолданылады. Жүктіліктің I триместрінде қарсы көрсетілімді.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Мәлімет жоқ.
Артық дозаланғанда
Белгілері: артық сұйықтық көлемін енгізуден болған гемодинамика бұзылулары, қанның ұйығыштығының бұзылуы.
Емі: инфузияны дереу тоқтату, диуретиктерді қолдану.
Шығарылу түрі мен қаптамасы
200 мл және 400 мл-ден резеңке тығындармен тығындалған және алюминий қалпақшалармен қаусырылған қанға арналған шыны бөтелкелерде. Стационарлар үшін 200 мл 40 бөтелке, 400 мл 24 бөтелке қолдану жөніндегі 10-15 нұсқаулықпен бірге картон жәшіктерге салынған.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Несвижск медициналық препараттар зауыты» ААҚ өндірген;
Альба кенті, Заводская к-сі, 1;
Несвижский ауданы; Минск облысы;
Беларусь Республикасы, 222603.
Тел./факс +375 (1770) 62001/62073
Тіркеу куәлігі иесінің атауы мен елі
«Несвижск медициналық препараттар зауыты» ААҚ, Беларусь Республикасы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«ЦентрАзияФарм» ЖШС, 050030, Қазақстан Республикасы,
Алматы қ-сы, Сүйінбай д-лы, 290
тел. 727 290 27 80, 727 385 04 00,
e-mail: register@caph.kz