Герпевир (0.4 г)
Инструкция
-
русский
-
қазақша
Саудалық атауы
Герпевир
Халықаралық патенттелмеген атауы
Ацикловир
Дәрілік түрі
0,4 г таблеткалар
Құрамы
Бір таблетканың құрамында
белсенді зат: ацикловир (100% затқа шаққанда) - 0,400 г,
қосымша заттар: картоп крахмалы, медициналық төмен молекулалы поливинилпирролидон (12600 ±2700), кальций стеараты.
Сипаттамасы
Дөңгелек пішінді, тегіс беткейлі, сызығы мен ойығы бар, түсі ақ немесе ақ дерлік таблеткалар.
Фармакотерапиялық тобы
Вирусқа қарсы тікелей әсер ететін препараттар. Нуклеозидтер және нуклеотидтер.
АТЖ коды J05A B01
Фармакологиялық қасиеттері
Фармакокинетикасы
Ішке қабылдағаннан кейін ішінара (20-ға жуығы) сіңеді. Тамақпен бірге қабылдау сіңуіне аз ықпал етеді. Плазма ақуыздарымен біршама әлсіз байланысады (9-33). Препарат организм тіндеріне және сұйықтығына жақсы енеді, ГЭБ және плаценталық бөгет арқылы өтеді, емшек сүтіне енеді. Қанда ең жоғары концентрациясына дозаға байланысты 1,5 - 2 сағаттан соң жетеді. Ішке қабылдаған кезде жартылай шығарылу кезеңі 3 сағатқа жуық; бүйрек қызметінің жеткіліксіздігінде - 19,5 сағатқа дейін артады. Жас үлкейген сайын шығарылу жылдамдығы баяулайды, бірақ елеусіз шамада жартылай шығарылу кезеңі ұзарады.
Негізінен, бүйрек арқылы өзгермеген күйінде, ішінара метаболит – 9-карбоксиметоксиметилгуанин түрінде сыртқа шығарылады.
Фармакодинамикасы
Ацикловир – ДНҚ-ның (дезоксирибонуклеин қышқылы) құрамдас бөлігі– дезоксигуанидин пуринді нуклеозидінің баламасы. Әсіресе, қарапайым ұшық пен белдемелі ұшыққа (теміреткіге) қатысты әсері тиімді. Ацикловир мен дезоксигуанидин құрылымдарының ұқсастығы ацикловирдің вирус ферменттерімен өзара әрекеттесуіне мүмкіндік береді, ол вирустың көбеюін тоқтатады. Вирус бөліп шығаратын тимидинкиназаның әсерінен ұшықпен зақымданған жасушаға ацикловирді енгізгеннен кейін ацикловир ацикловир-монофосфатқа айналады, онда ацикловир-монофосфат қожайынның жасуша ферменттері арқылы ацикловир-дифосфатқа айналады, ал содан кейін белсенді түрі ацикловир-трифосфатқа айналады, ол вирусты ДНҚ синтезін таңдап бөгейді. Қожайын (адам) ДНҚ жасушасының репликациясына ацикловир-трифосфаты ықпал етпейді.
Ацикловир ұшықта бөртпенің жаңа элементтері пайда болуына жол бермейді, тері диссеминациясын және висцеральді асқынулар ықтималдығын төмендетеді, қабықтың пайда болуын жылдамдатады, белдемелі ұшықтың жедел сатысында болатын ауыруды бәсеңдетеді.
Препарат иммунитет көтермелеуші әсер береді.
Сондай-ақ, Эпштейн-Барр вирусына, цитомегаловирусқа қатысты әсері белсенді.
Қолданылуы
-
алғаш пайда болған және қайталанған генитальді ұшықтарды қосқанда, қарапайым ұшық вирусы туындатқан тері мен шырышты қабықтың вирус жұқпаларын емдеуге
-
иммунитет тапшылығы бар науқастарда қарапайым ұшық вирусы туындатқан жұқпалардың алдын алуға
-
Varicella zocter вирусы туындатқан жұқпаларды емдеуде (желшешек және белдемелі ұшық)
Қолдану тәсілі мен дозалары
Ересектерге
Қарапайым ұшық вирусы туындатқан жұқпаларды емдеу
Қарапайым ұшық вирусы туындатқан жұқпаларды емдеуде Герпевирді түнгі уақытты қоспағанда, 4 сағаттық аралықпен тәулігіне 5 рет 200 мг дозада тағайындайды. Емдеу 5 күнге жалғасуы тиіс, бірақ ауыр бастапқы жұқпада 10 күнге дейін ұзартылуы мүмкін.
Иммунитет тапшылығы (мысалы, сүйек кемігі трансплантациясынан кейін) бар кейбір науқастарға немесе ішектегі сіңімділігі төмендеген науқастар үшін дозаны екі еселеп 400 мг дейін жеткізуге немесе тиісті дозаны көктамыр ішіне енгізуде қолдануға болады.
Емдеуді жұқпа дамуы басталғаннан-ақ мүмкіндігінше ерте бастау қажет. Қайталанатын ұшық жағдайында емдеуді продромальді кезеңде немесе тері зақымдануының алғашқы белгілері пайда болғаннан кейін бастаған дұрыс.
Қарапайым ұшық вирусы туындатқан жұқпалар рецидивтерінің алдын алу
Қарапайым ұшық вирусы туындатқан жұқпалар рецидивтерінің алдын алу үшін иммунитеті қалыпты науқастарда Герпевир таблеткаларын 6 сағаттық аралықпен тәулігіне 4 рет 200 мг дозада немесе 12 сағаттық аралықпен тәулігіне 2 рет 400 мг дозада қабылдайды.
Дозаны 8 сағаттық аралықпен тәулігіне 3 рет 200 мг дейін немесе 12 сағаттық аралықпен тәулігіне 2 ретке дейін азайтқан күнде де емдеу тиімді болады.
Кейбір науқастарда түбегейлі жақсару 800 мг тәуліктік дозаны қабылдағаннан кейін байқалады.
Профилактикалық емдеу курсының ұзақтығы жекелей белгіленеді.
Қарапайым ұшық вирусы туындатқан жұқпалар пайда болуының алдын алу
Иммунитет тапшылығы бар науқастарда қарапайым ұшық вирусы туындатқан жұқпалардың алдын алу үшін Герпевир таблеткаларын 6 сағаттық аралықпен тәулігіне 4 рет 200 мг дозада тағайындайды. Елеулі иммунитет тапшылығы (мысалы, сүйек кемігі трансплантациясынан кейін) бар кейбір науқастарға немесе ішектегі сіңімділігі төмендеген науқастар үшін дозаны екі еселеп 400 мг дейін жеткізуге немесе тиісті дозаны көктамыр ішіне енгізуде қолдануға болады.
Профилактикалық қолдану ұзақтығы қатер кезеңінің ұзақтығымен анықталады.
Желшешек пен белдеулі ұшықты емдеу
Желшешек пен белдеулі ұшық вирустары туындатқан жұқпаларды емдеу үшін Герпевир таблеткаларын түнгі уақытты қоспағанда, 4 сағаттық аралықпен күніне 5 рет 800 мг дозада қабылдау керек. Ем 7 тәулікке созылуы тиіс.
Иммунитет тапшылығы (мысалы, сүйек кемігі трансплантациясынан кейін) бар немесе ішектегі сіңімділігі төмендеген науқастарға көктамыр ішіне енгізуді қолданған дұрыс.
Елеулі иммунитет тапшылығы бар науқастарда ұшық вирусы туындатқан жұқпалардың алдын алу және емдеу
Елеулі иммунитет тапшылығымен науқастарда 800 мг Герпевирді 6 сағаттық аралықпен тәулігіне 4 рет қабылдаған жөн. Сүйек кемігі трансплантациясынан кейінгі науқастарын емдер алдында 1 ай бойы Гепавирді көктамыр ішіне енгізу емі жүргізілуі тиіс.
Сүйек кемігі трансплантациясынан кейінгі науқастарды емдеудің ұзақтығы 6 ай ( трансплантациядан кейін 1 айдан 7 айға дейін). АИВ жұқпасының толық сатысындағы науқастарды емдеу курсы 12 айды құрайды, жағымды әсерін сақтау үшін емдеу курсын жалғастырған жақсы.
Балалар
Желшешекті емдеу үшін жасы 6-дан асқан балаларға 800 мг Герпавирді тәулігіне 4 рет тағайындайды. Барынша дәлме-дәл бір реттік дозаны дене салмағының 20 мг/кг есебінен анықтауға болады (бірақ тәулігіне 3,2 г артық емес). Емдеу ұзақтығы 5 күнді құрайды.
Егде жастағы емделушілер
Егде жастағы емделушілердің бүйрек қызметі бұзылуы мүмкіндігін ескерген жөн, сондықтан оларға препараттың дозасын тиісінше өзгерткен жөн. Ағза гидратациясының барабар деңгейін ұстап тұру қажет.
Бүйрек жеткіліксіздігі
Герпевирді бүйрек жеткіліксіздігі бар науқастарға сақтықпен тағайындаған жөн. Ағза гидратациясының барабар деңгейін ұстап тұру қажет.
Қарапайым ұшық вирусы туындатқан жұқпаларды емдеу кезінде бүйрек жеткіліксіздігі бар науқастарда ұсынылатын ішу арқылы қабылданатын дозалар деңгейі көктамырішілік енгізуге белгіленген қауіпсіз деңгейден асып кететіндей ацикловирдің жиналуына әкелмейді. Алайда ауыр бауыр жеткіліксіздігімен науқастарға (креатинин клиренсі 10 мл/мин аздау) шамамен 12 сағат аралықпен тәулігіне 2 рет 200 мг доза белгілеу ұсынылады.
Varicella zoster вирусы туындатқан жұқпаны емдеу кезінде (желшешек және белдемелі ұшық), ауыр бүйрек жеткіліксіздігінде иммунитеті елеулі төмендеген науқастар үшін (креатинин клиренсі – 10мл/мин аздау) шамамен 12 сағаттық аралықпен тәулігіне 2 рет 800 мг дозасын, ал орташа бүйрек жеткіліксізідігімен науқастарға (креатинин клиренсі – 10-25 мл/мин шегіндегі) 8 сағатқа жуық аралықпен тәулігініе 3 рет 800 мг белгілеу керек.
Ацикловирдің көп мөлшерлі пероральді дозаларын қолданған кезде осы емделушілердің барабар гидратациясын ұстанған жөн.
Жағымсыз әсерлері
-
жүректің айнуы, анорексия, құсу, диарея, іштің ауыруы, ішектің шаншуы, сарғаю, гепатит
-
аллергиялық реакциялар (тері бөртпесі, қышу, есекжем, ісінулер, қызба, Лайелл синдромы, мультиформалы экссудативті эритема, ангионевротикалық ісіну, анафилаксия)
-
бас ауыруы, шаршағыштық, бас айналуы, ұйқышылдық, сананың шатасуы, тремор, атаксия, дизартрия, елестеулер, көрудің бұзылуы, қозу, психотикалық симптомдар, құрысулар, энцефалопатия, кома
-
ентігу, лимфаденопатия
-
шеткергі ісінулер
-
билирубин, мочевина, креатинин, бауыр трансаминазасы деңгейлерінің жоғарылауы, тромбоцитопения, анемия
-
миалгия
-
жедел бүйрек жеткіліксіздігі
-
анорексия
-
алопеция
Қолдануға болмайтын жағдайлар
-
жеке көтере алмаушылықта (оның ішінде валацикловирге)
-
организм сусызданғанда
-
бүйрек қызметінің ауыр бұзылуында
-
65-тен асқан егде жаста
-
6 жасқа дейінгі балаларға
Дәрілермен өзара әрекеттесуі
Ацикловир негізінен өзекшелік сөлініс жолымен бүйрекпен өзгермеген түрде шығарылады, сондықтан шығарылу механизмі ұқсас қандай да болсын дәрілік заттар қан плазмасындағы ацикловир концентрациясын ұлғайтуы мүмкін.
Пробенецидпен немесе циметидинмен бір мезгілде қолданған кезде препараттың шығарылуы баяулайды. Нефроуытты препараттармен бірге қолданғанда, әсіресе бүйрек қызметі бұзылған кезде нефроуытты әсері
күшеюі мүмкін.
Ағзалар трансплантациясынан кейінгі науқастарды емдеу кезінде иммуносупрессанттармен бір мезгілде қолданғанда да қан плазмасында ацикловир мен иммуносупрессивті препараттың белсенді емес метаболиті деңгейі жоғарылайды, бірақ ацикловир емдік индексінің кеңдігіне байланысты дозаны түзету қажет етілмейді.
Айрықша нұсқаулар
Иммунитеті төмендеген науқастарды ацикловирмен ұзақ немесе қайталап емдеу вирустардың оның әсеріне сезімталдығы жоқ штаммдары пайда болуына әкелуі мүмкін. Жоғары пероральді дозамен емдеу барысында организмге сұйықтықтың жеткілікті түсуін қамтамасыз еткен жөн.
Герпевирді қолданған кезде бүйрек қызметін бақылап отыру қажет (қанда мочевина азотының және қан плазмасында креатинин деңгейін анықтау).
Егер жыныс ағзаларының герпесі бар әйелдерде 1 апта бойы жағдайы жақсармаса, дәрігермен кеңескен дұрыс (жыныс ағзалары ұшығы бар науқастарда жатыр мойны обырының даму қаупі жоғары болады, сондықтан жатыр мойнындағы алғашқы өзгерулерді анықтау үшін жылына 1 рет Папаниколау тестін жүргізу керек).
Генитальді ұшықты емдеген кезде жыныстық қатынастан тартына тұрған жөн.
Желшешек кезінде емдеуді оған тән бөртпелер пайда болғаннан кейін 24 сағат ішінде бастаса, анағұрлым тиімді болмақ.
Герпевирді тамақпен бірге қабылдауға болады.
Жүктілік немесе емшек емізу кезеңі
Жүктілік кезеңінде препаратты тек өмірлік көрсетілімдер бойынша ғана тағайындайды; емдеу кезінде емшек емізу тоқтатылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Дәрілік заттың жағымсыз әсерлерін ескере отырып, автокөлікті немесе қауіпті механизмдерді басқарған кезде сақтық танытқан жөн.
Артық дозаланғанда
Белгілері: бас ауыру, жүректің айнуы, құсу, диарея, ентігу, бүйрек жеткіліксіздігі, летаргия, құрысулар, кома.
Емдеу: өмірлік маңызды ағзалар қызметін демеу, гемодиализ.
Шығарылу түрі және қаптамасы
10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде 8оС-ден 15оС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Киевмедпрепарат» ААҚ, Украина
01032, Киев қ., Саксаганский к-сі, 139
Тіркеу куәлігінің иесі
«Киевмедпрепарат» ААҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы: «Артериум» корпорациясының Қазақстан Республикасындағы өкілдігі
050060, Алматы қ., Әл Фараби даңғылы 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: office@arterium.kz