Герветин (0,15%)

Герветин

Бензидамин

Дәрілік түрі, дозасы

Жергілікті қолдануға арналған спрей, 0.15%, 30 мл

Ас қорыту жолы және зат алмасу. Стоматологиялық препараттар. Ауыз қуысының ауруларын жергілікті емдеуге арналған басқа препараттар. Бензидамин.

АТХ коды А01AD02

Анальгетикалық және қабынуға қарсы дәрілер ретінде жергілікті симптоматикалық емдеу үшін (кешенді ем құрамында)

- ауыз қуысы мен тамақтың қабыну аурулары мен жарақаттық жай-күйі (гингивит, стоматит, фарингит, сәулемен емдеуден кейінгі ойық жаралану, бадамша безді алып тастағаннан кейінгі және мұрын асқазан зондын пайдаланғаннан кейінгі жай-күй)

- тістерді консервативті емдеуге қосымша ретінде және стоматологиялық операциялардан кейін.

Қолданудың басталуына дейін қажетті мәліметтер тізбесі

- препарат компоненттеріне жоғары сезімталдық

- салицил қышқылына және / немесе қабынуға қарсы стероидты емес дәрілік заттарға жоғары сезімталдық.

Қолдану кезіндегі қажетті сақтандыру шаралары

Спрейдің көзге түсуінен сақтану керек.

Басқа дәрілік препараттармен өзара әрекеттесуі

Герветин препаратының басқа дәрілік заттармен клиникалық мәнді өзара әрекеттесулері анықталмаған.

Арнайы ескертулер

Герветин препаратымен емдеу ұзақтығы дәрігердің ұсынымы бойынша қолдану жағдайларын қоспағанда, 7 күннен аспауы тиіс. Инфекциялық-қабыну аурулары кезінде Герветин препаратын біріктірілген ем құрамында қолдану қажет. Бронх демікпесі бар және бұрын бронх демікпесі болған пациенттерде препарат бронх түйілуін тудыруы мүмкін. Препарат құрамында метилпарагидроксибензоат бар, ол аллергиялық реакцияларды тудыруы мүмкін (оның ішінде баяу түрі).

Кейбір жағдайларда, ауыз қуысы мен жұтқыншақтың шырышты қабығындағы қабынулар мен ойық жаралар күрделі аурулардың белгілері болуы мүмкін. Егер сізде қабыну симптомдары артса немесе 3 күн бойы емдегенде жақсарулар байқалмаса, емдеуші дәрігерге немесе стоматологқа жүгіну қажет.

Герветин препаратымен ұзақ емдеу аллергиялық реакциялар тудыруы мүмкін, бұл жағдайда емдеуді тоқтату және дәрігерге қаралу қажет. Препарат құрамында азғана мөлшерде спирт бар.

Жүктілік немесе лактация кезінде

Герветин препараты жүктілік кезінде қолданылмауы тиіс, егер дәрігер қажет деп санаса, Герветин препаратын бала емізу кезінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында спирт бар, бұны автокөлікті басқару және жоғары зейін қоюды талап ететін жұмыстарды жүргізу кезінде ескеру қажет.

Қолдану жөніндегі нұсқаулар

Дозалау режимі

Ересектер мен егде жастағыларға: 4-8 бүркуден (дозадан), 1,5-3 сағаттан кейін.

6 жастан 12 жасқа дейінгі балаларға: 4 бүркуден (дозадан), 1,5-3 сағаттан кейін.

6 жасқа дейінгі балаларға: 1 бүркуден (дозадан) 4 кг дене салмағына, ең көбі 4 бүркуге (дозаға) дейін , 1,5-3 сағаттан кейін.

Енгізу әдісі мен жолы

Ауыз қуысының шырышына бүркуге арналған.

1. Құтыны тік қалыпқа қойыңыз, қалпақшаның қондырмасын бұраңыз және оны құтыға 900 бұрышпен орнатыңыз.

2. Бірінші қолданар алдында бүріккішке сынама ретінде бірнеше рет басыңыз. Қондырманы ауыз қуысына енгізіп, оны зақымдану аймағына бағыттаңыз. Нұсқаулықта көрсетілген бойынша қалпақшаны сонша рет басыңыз. Басу арасындағы кезең кемінде 5 секунд болуы тиіс.

3. Қондырманы бастапқы қалыпқа бұрыңыз.

4. Егер спрей ұзақ уақыт пайдаланылмаса, қайта қолданар алдында бүріккішті бір рет басу арқылы белсендіру қажет.

Емдеу ұзақтығы

Емдеу ұзақтығы 7 күннен аспауы тиіс. Ұсынылған дозадан асыруға болмайды. Тек дәрігердің ұсынымы мен бақылауы бойынша ұзағырақ емделуге болады.

Артық дозалану жағдайында қабылдау қажет болатын шаралар

Симптомдары: ерітіндіні кездейсоқ азғана мөлшерде жұтып қою күрделі жағымсыз әсерлердің дамуына әкелу ықтималдығы аз. Бензидаминді көп мөлшерде (300 мг астам) жұтып қойған жағдайда жүрек айнуы, құсу, іштің ауыруы және өңештің тітіркенуі дамуы мүмкін. Орталық жүйке жүйесіне әсер ету симптомдарына бас айналу, елестеулер, қозу, мазасыздану және ашушаңдық кіреді.

Емі: жедел артық дозаланғанда дәрігерге бару керек, себебі симптоматикалық ем қажет болуы мүмкін. Сұйықтықтың жеткілікті мөлшерін қабылдау қажет.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну ұсынылады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек

- ауыз қуысының ұйып қалуы және ауызда күйдіру сезімі, ауыз қуысының ауырсынуы.

Өте сирек

- айқын ентігумен (ларингоспазм) дыбыс саңылауының кенеттен еріксіз жабылуы, тыныс алудың қиындауын тудыратын бронх саңылауының тарылуы (бронх түйілуі)

-қышынумен, тез дамитын, терідегі бозғылт қызғылт күлдіреуіктер, қатты қышынумен қатар жүретін, күйіктен болатын күлдіреуіктерге ұқсас (есекжем), күн сәулесіне терінің реакциясымен және бөртпемен көрініс беретін аллергиялық реакциялар.

Белгісіз (қолда бар деректер негізінде бағалау мүмкін емес)

-  терінің терең қабатының және теріасты тіндерінің тығыз, асимметриялық, ауыртпай ісінуі (ангионевроздық ісіну), өмірге қауіп төндіретін тез ауыр аллергиялық реакция (анафилаксиялық реакция) және аллергиялық реакциялар, соның ішінде баяу типтегі.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек 

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл препараттың құрамында

белсенді зат – 0,150 г бензидамин гидрохлориді,

қосымша заттар: метилпарагидроксибензоат, глицерол, 96 % этанол, натрий сахарині, натрий гидрокарбонаты, полисорбат 60, сұйық бұрышты жалбыз 27198/14, тазартылған су.

Сыртқы түрінің, иісінің, дәмінің сипаттамасы

Жалбыз иісі бар мөлдір, түссіз ерітінді.

Шығарылу түрі және қаптамасы

30 мл препараттан дозалағыш құрылғысы бар пластик құтыға салынған.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі 4 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

REPLEK FARM Ltd. Skopje, Козле к-сі 188, 1000 Скопье,

Солтүстік Македония Республикасы

телефон: +389 2 3081343

электронды пошта: info@replek.com.mk

Тіркеу куәлігінің ұстаушысы

Spey Medical Ltd., Линтон Хаус 7-12 Тависток Сквер, Лондон, WC1H 9LT, Ұлыбритания

телефон: +44 203 598 2050

электронды пошта: info@spey.eu

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):

«Cepheus Medical» (Цефей Медикал) ЖШС: 050000, Қазақстан Республикасы, Алматы қ., Панфилов к-сі 98, «OLD SQUARE» БО, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk