Гекодез

• русский
• қазақша

• Скачать инструкцию медикамента

Саудалық атауы

Гекодез

Халықаралық патенттелмеген атауы

Жоқ

Дәрілік түрі

Инфузияға арналған 6% ерітінді, 200 мл, 400 мл

Құрамы

100 мл препараттың құрамында

белсенді зат - 200/0.5 гидроксиэтилкрахмал

(орташа молекулалық массасы 200.00 және орташа молярлық орын басуы 0.5 гидроксиэтилкрахмал) – 6.0 г,

қосымша заттар: натрий хлориді, инъекцияға арналған су.

Сипаттамасы

Аздап бозаңданатын түссіз немесе сәл сарғыш сұйықтық.

Фармакотерапиялық тобы

Плазманың орнын алмастыратын және перфузиялық ерітінділер. Қан плазмасының препараттары және плазманың орнын басатын препараттар. Гидроксиэтилкрахмал.

АТХ коды В05А А07

Фармакологиялық қасиеттері

Фармакокинетикасы

Гидроксиэтилкрахмал (ГЭК) молярлық орын басу дәрежесі әртүрлі және молекулалық массасы әртүрлі молекулалардың қоспасы болып табылады, бұл екі көрсеткіш шығарылу жылдамдығына ықпалын тигізеді. Волемиялық әсердің ұзақтығы, ең алдымен, молярлық орын басу дәрежесіне, сондай-ақ аз дәрежеде орташа молекулалық массасына байланысты.

Гидроксиэтилкрахмал ұзақ гидролизге ұшырайды, ол бүйректер арқылы шығарылатын, молекулалық массасы әртүрлі, онкотикалық тұрғыдан белсенді олиго- және полисахаридтердің түзілуіне әкеледі. Аздаған молекулалары шумақтық сүзілу жәрдемімен шығарылады, көбісі а-амилазамен ферментативтік гидролизге ұшырайды және әрі қарай бүйректер арқылы шығарылады. Гидролиз жылдамдығы неғұрлым төмен болған сайын, молекулалардың орын басу дәрежесі соғұрлым жоғары болады. Шамамен 50%-ы 24 сағат ішінде несеппен бірге шығарылады. 1000 мл Гекодезді бір рет енгізгеннен кейін плазмалық клиренсі минутына 19 мл құрайды, дәрілік заттың жалпы сіңуі сағатына 58 мг/мл құрайды. Сарысудан жартылай шығарылу кезеңі 12 сағатты құрайды.

Фармакодинамикасы

Гекодез – натрий хлоридінің изотоникалық ерітіндісіндегі құрамында 6% гидроксиэтилкрахмалы бар коллоидты плазманың орнын басушы.

ГЭК-ті амилопектиннен алады. 6% гекодез үшін ГЭК орташа молекулалық массасы 200000 Да, ал молярлы орын басу дәрежесі 0,5 дерлік. ГЭК құрылымы бойынша гликогенге ұқсас, бұл толеранттылығының жоғарылығымен және анафилактикалық реакциялардың пайда болу қаупінің төмендегімен түсіндіріледі. 6% Гекодез изоонкотикалық ерітінді болып табылады, яғни плазманың қантамырішілік көлемі инфузия кезінде енгізілген көлемге баламалы түрде артады. Гекодез гематокрит көрсеткіштерін, қан плазмасының тұтқырлығын төмендетеді, микроайналымды жақсартады. Волемиялық әсері кем дегенде 6 сағатқа созылады.

Қолданылуы

- кристаллоидты ерітінді ретінде белгілі альтернативті инфузиялық ерітінділер жеткіліксіз болғанда жедел қан кетуден туындаған гиповолемияны емдеуде. Мұндай ГЭК емделушілерінің ықтималдық қаупін азайту үшін 24 сағаттан артық пайдаланылмауы тиіс, ГЭК қолданғаннан кейін бүйрек функциясын бақылап отыру қажет.

Қолдану тәсілі және дозалары

Препарат ересектерде көктамыр ішіне тамшылатып енгізуге арналған.

Тәуліктік дозасы және енгізу жылдамдығы қан жоғалту көлеміне, гемодинамикалық параметрлерді демеуге немесе жаңартуға байланысты.

Жүрек-қантамыр немесе өкпе жүйелері бойынша қауіп тобына кіретін емделушілерде 30 % тең гематокриттің мәні коллоидты қан алмастырғыштарды пайдалану үшін шекті мүмкіндікте болып саналады.

Енгізудің тым жоғары жылдамдығы немесе препараттың өте үлкен дозасы кезінде орын алуы мүмкін қан айналу жүйесіне шамадан тыс жүктеме түсірмеу керек.

ГЭК қысқа уақыт мерзімінде ең төмен тиімді дозада пайдаланылуы тиіс. Емдеу үздіксіз гемодинамикалық бақылаумен, тиісті гемодинамикалық мақсатқа қол жеткен кезде инфузия тоқтатылатындай жүргізілуі тиіс.

Алғашқы 10-20 мл Гекодезді баяу, анафилактоидты реакциялар туындауы мүмкін болғандықтан, дәрігердің ұдайы бақылауымен енгізу керек.

Гекодездің ең жоғары тәуліктік дозасы дене салмағының 50 мл/кг аспауы тиіс.

Инфузияның ең жоғары жылдамдығы:

20 мл/кг дене салмағына сағатына (= 1500 мл/ 75 кг дене салмағына сағатына) (=1,2 г ГЭК/кг дене салмағына сағатына).

ГЭК 200/0.5 емдеу кезінде емделушінің жеткілікті сұйықтық мөлшерін қабылдауын бақылау қажет.

Прослушать

DETYEĬ Bezopasnostʹ i effektivnostʹ u detyeĭ ne ustanovlena. Poetomu preparat ne rekomenduet·sya dlya primeneniya u detyeĭ v vozraste do 16 let.

Словарь - Открыть словарную статью

Vnutrivennoe vvedenie Vnutrivennoe upotreblenie ETOGO PREPARATE zarezervirovano v bolʹnitsy i kliniki

Словарь - Открыть словарную статью

Прослушать

Прослушать

Жағымсыз әсерлері

- ауырлығы әр түрлі дәрежелі жоғары сезімталдық реакциялары, атап айтқанда анафилактикалық/анафилактоидты реакциялар (тұмауға ұқсас симптомдар: бастың ауыруы, бұлшықеттің ауыруы, белдің ауыруы; брадикардия, тахикардия, бронхтың түйілуі, өкпенің кардиальді емес ісінуі; есекжем, гипотензия, жүректің айнуы, құсу, дене температурасының жоғарылауы, қалтырау, аяқтардың ісінуі, сілекей безінің ұлғаюы, Квинке ісінуі, анафилактикалық шок). Аллергиялық реакциялар барынша сирек пайда болады және енгізілген препараттың дозасына байланысты емес. ГЭК ерітінділері енгізілетін барлық емделушілер медицина қызметкерінің ұдайы бақылауында болуы тиіс. Кез келген анафилактикалық реакциялардың бастапқы белгілері пайда болған жағдайда инфузияны шұғыл тоқтату және шұғыл емге кірісу керек.

- гемодилюция нәтижесінде коагуляция факторлары төмендейді (ГЭК ерітінділерін қан компоненттерімен қатар енгізбей-ақ енгізу кезінде ). Қан кету уақыты және БПТУ индексі (белсенділенген парциальді тромбопластин уақыты) артуы, ал FVIII/vWF белсенділігі (Виллебранд VIII факторы) азаюы мүмкін.

- гематокрит және қан плазмасындағы ақуыз концентрациялары төмендейді

- гидроксиэтилкрахмалды ұзақ уақыт енгізгеннен кейін терінің қышуы пайда болады

- плазмада α-амилаза концентрациясының артуы, бұл α-амилаза кешенінің крахмалмен түзілуімен байланысты, ол өз кезегінде, бүйрек және бүйректен тыс жолдар арқылы баяу шығарылады, мұның панкреатиттің биохимиялық шабуылы ретінде қате бағалануы мүмкін

- бас ауыру, бас айналу

- бүйрек тұсының ауыруы. Мұндай жағдайда препаратты енгізуді тоқтата тұру, сұйықтықты мол мөлшерде енгізуді қамтамасыз ету және сарысу креатинині көрсеткішін жиі бақылап отыру керек.

- препаратты өте тез енгізу сұйықтықтың көлемімен қан айналу жүйесіне түсетін жүктемені күшейтуі мүмкін.

Кортикостероидтарды профилактикалық түрде қолданудың тиімділігі дәлелденген жоқ.

Қолдануға болмайтын жағдайлар

- гидроксиэтилкрахмалға және препараттың басқа да құрамдастарына асқын сезімталдық

- гипергидратация

- гиперволемия

- гипокалиемия

- гипернатриемия

- жүрек қызметінің декомпенсацияланбаған жеткіліксіздігі

- қан ұю жүйесінің ауыр бұзылулары, оның ішінде ауыр геморрагиялық диатез, гипокоагуляция

- гиперхлоремия

- бассүйек гипертензиясы

- бассүйек ішіне қан құйылу

- су-электролиттік теңгерімді түзету керек болғандағы дегидратация жағдайы

- гемодиализ

- өкпенің ісінуі

- жүктіліктің I триместрі

- 18 жасқа дейінгі балалар мен жасөспірімдерге

• гидроксиэтилкрахмал ерітіндісін сепсисті, күйікті қоса, өте қиын

жағдайдағы емделушілерге және қарқынды терапия бөлімінде жақтан емделушілерге қолдануға болмайды

• гидроксиэтилкрахмал ерітінділерін бауыр функциясының ауыр

бұзылулары бар емделушілерге қолдануға болмайды

- гидроксиэтилкрахмал ерітінділерін бүйрек функциясының бұзылулары бар емделушілерге қолдануға болмайды

- гидроксиэтилкрахмал ерітінділерін аорто-коронарлық шунттау операциясы жасалатын емделушілерге қолдануға болмайды

Сақтықпен

Лактация кезеңі; компенсацияланған созылмалы жүрек жеткіліксіздігі, созылмалы бауыр аурулары, Виллебранд ауруы, геморрагиялық диатез, гипофибриногенемия.

Дәрілермен өзара әрекеттесуі

Үйлесімсіздікке жол бермеу үшін, Гекодезді басқа инфузиялық және инъекциялық ерітінділермен араластырмаған жөн. Препарат аминогликозидтік антибиотиктердің нефроуыттылығын арттырады. Гидроксиэтилкрахмалды енгізу сарысулық амилаза деңгейінің артуына мүмкіндік беруі мүмкін. Бұл әсер ұйқы безінің қызметі тарапынан бұзылу ретінде емес, гидроксиэтилкрахмалдың амилазамен кешен түзуі, әрі қарай оның бүйректер арқылы шығарылуының және бүйректен тыс жолмен шығарылуының кідіруіне ұласуы ретінде қарастырылуы тиіс.

Препарат клиникалық және биохимиялық талдау (глюкоза, ақуыз, ЭТЖ, биурет сынамасы, май қышқылдары, холестерин, сорбит-дегидрогеназа, несептің меншікті салмағы) көрсеткіштеріне ықпалын тигізуі мүмкін.

Айрықша нұсқаулар

Гекодез артық дозаланғанда пайда болуы мүмкін көлемдік жүктемеге жол бермеу қажет, бұл әсіресе қатарласқан жүрек қызметінің патологиясында, бүйрек қызметінің жеткіліксіздігінде, егде жастағы емделушілер үшін аса қауіпті. Қан сарысуындағы элекролиттерді, су теңгерімін бақылау қажет. Бүйрек қызметіне бақылау жасаған және организмге сұйықтықтың талапқа сай мөлшерде түсуін қамтамасыз еткен жөн. Емнің басында сарысудағы креатинин мөлшеріне бақылау жүргізу қажет етіледі. Креатининнің шектік көрсеткіштері (1,2 – 2,0 мг/дл немесе 106 – 177 мкмоль/л, бұл бүйрек қызметінің компенсацияланған жеткіліксіздігіне тән) болған жағдайда ем жүргізу қажеттілігіне мұқият баға беру және сұйықтықтың тепе-теңдігін, сондай-ақ азотты шлактардың бүйректермен іркілуін жиі бақылау қажет.

Айқын дегидратация жағдайында ең алдымен су-электролиттік теңгерімді қалыпқа келтіру қажет.

Назар аударыңыз: қанда Гекодездің болуы емделуші қанының қай топқа жататындығын анықтауда қателік тудыруы мүмкін. Қан тобын дұрыс анықтау үшін, сынама Гекодезді енгізуден бұрын алынуы тиіс.

Анафилактоидтық реакциялардың қаупін барынша ертерек анықтау үшін, алғашқы 10-20 мл Гекодезді медициналық қызметкердің ұдайы бақылауымен баяу енгізу керек.

Жақпаушылық реакциясы пайда болғанда инфузияны дереу тотату және бір мезгілде шұғыл жәрдемнің жалпыға бірдей шараларын қолдана бастау керек.

Егер ерітінді мөлдір болмаса немесе көзге көрінетін бөлшектер бар болса, егер бөтелке немесе контейнер бүлінген немесе алдын ала ашылған болса, препаратты қолдануға болмайды.

Ұзақ уақыт күн сайын орташа (тәулігіне 500 мл) немесе жоғары (тәулігіне 1000 мл) дозаларда қолданғанда емдеуге көнуі қиын тері бөртпесі пайда болуы мүмкін. Қышыну емдеуді аяқтағаннан кейін бірнеше аптадан соң басталуы және айлар бойы жалғасуы мүмкін.

Отоневрологиялық ауруларда, мысалы естудің күшті нейросенсорлы бұзылуында, құлақ іші шуылдағанда және дыбыстық жарақатта дозаның шамасы және қышынудың пайда болу жиілігі арасындағы өзара байланыс болғаны сипатталған. Сондықтан мұндай жағдайларда дозаны тәулігіне 500 мл-ге дейін төмендету керек. Осылайша, қышынудың пайда болу жиілігін төмендетуге болады.

Ацетилцеллюлозаны қолдана отырып, несепке жүргізілген электрофорезде ГЭК парапротеинге ұқсас артефактің пайда болуын тудырады. Сондықтан гидроксиэтилкрахмалмен емдеу кезінде немесе оны аяқтағаннан кейін бірнеше күн өткен соң парапротеинурия жөніндегі мәселені шешу үшін альтернативті әдістерді (мысалы, иммунологиялық фиксация) пайдалану қажет.

Гекодездің өте жоғары дозалары (сұйылту әсеріне байланысты) гематокрит көрсеткіштерінің, сондай-ақ гемоглобин концентрациялары мен плазма ақуыздарының төмендеуіне әкеледі. Гемоглобиннің 10 г/дл аз және гематокриттің 27% төмен көрсеткіштері күрделі деп есептеледі. Жалпы ақуыздың < 5,0 г/дл көрсеткіштерінен бастап, альбумин енгізіледі. Айналымдағы қан көлемінің 20-25%-нан астамын құрайтын қанды жоғалтқанда міндетті түрде эритроциттер енгізіледі.

Жүктілік және лактация кезеңі

Гекодезді жүктілік кезеңінде қолдануға қатысты клиникалық деректер жоқ. Жануарларға жүргізілген зерттеулер жүктілік барысына, эмбрион/ұрықтың дамуына, босануға және постнатальді дамуға тікелей немесе жанама жағымсыз ықпалын тигізетіні анықталған жоқ. Сондай-ақ тератогенділік белгілері де байқалған жоқ. Жүктіліктің 2-ші және 3-ші триместрлерінде препаратты өмірлік көрсетілімдері бойынша ғана қолдануға болады. Инфузиялық ерітіндіні жүкті әйелдерге, ең алдымен жүктіліктің ерте сатыларында, емдеуші дәрігердің пікірі бойынша потенциалды пайдасы препаратты қолданудан болатын қауіптен басым болатын жағдайлардан басқасында, қолданбау керек. Осы препаратты жүктілік кезінде қолданғанда анафилактикалық реакциялар қаупінің болатындығын, және мұның салдарынан – ұрықтың миының зақымдану қаупінің жан-жақты ауырлығын ескеру қажет. Препаратты лактация кезеңінде қолдану тәжірибесі жоқ. Сондықтан препаратты емшек емізетін әйелдерге тағайындағанда сақ болған жөн.

Орынды:

Бірінші кезекте кристаллоидты ерітінділерді пайдалану керек, ал ГЭК ерітінділерін емделушінің жағдайын тұрақтандыру мүмкін болмағанда, және болжамды пайдасы оны пайдаланудан болатын қауіптен асып түсетін болса, қолданған жөн. ГЭК енгізілген барлық емделушілерде енгізуді аяқтағаннан кейін 90 күн бойы бүйрек функциясын бақылауды жалғастыру керек. Бүйрек функциясы нашарлауының алғашқы белгілері туындағанда гидроксиэтилкрахмал ерітінділерін енгізуді тоқтату керек. Коагулопатия дамуының алғашқы белгілері туындағанда ГЭК ерітінділерін енгізуді тоқтату керек. Қайталап ГЭК қолдану жағдайында қан ұю көрсеткіштері мұқият тексерілуі тиіс.

Хирургиялық ем-шараларды өткерген емделушілерге және жарақаты бар емделушілерге ГЭК қолданудың қауіпсіздігі жөніндегі деректер жеткіліксіз. ГЭК қолданудан күтілетін пайда мұқият таразылануы тиіс, емдеудің қол жетімді нұсқалары қарастырылуы қажет. Жарақаты бар және элективті хирургиядағы емделушілерге ГЭК қолдануға қатысты қосымша зерттеулер жүргізіледі.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Анықталмаған.

Артық дозалануы

Симптомдары: препараттың артық дозалануы және өте тез енгізілуі шамадан тыс көлемдік жүктемеге немесе гипернатриемияға әкеп соғуы мүмкін, ол шеткергі, интерстициальді немесе өкпе ісінулерімен және жүрек қызметінің жедел жеткіліксіздігімен қатарласа жүреді. Хлоридті шамадан тыс енгізу гиперхлоремиялық метаболикалық ацидозға әкеп соғуы мүмкін. Қан кету үдерісі де жоққа шығарылмайды.

Емі: анафилактикалық реакциялардың бастапқы симптомдары немесе гиперволемиялық жүктеме белгілері пайда болған кезде Гекодез енгізуді тоқтату қажет, және қажет болса диуретиктер тағайындау, сәйкесінше симптоматикалық ем жүргізу керек.

Шығарылу түрі және қаптамасы

Инфузияға арналған 6 % 200 мл, 400 мл ерітінді

Резеңке тығынмен бекітілген және алюминий қалпақшалармен немесе алюминий-пластик қалпақшалармен қаусырылған, қанға, трансфузиялық және инфузиялық препараттарға арналған шыны бөтелкелерде препарат 200 мл-ден немесе 400 мл-ден.

Бөтелкелер жылу ұстайтын үлбірмен қатпалған және гофрокартоннан жасалған жәшікке медицинада қолданылуы жөнінде мемлекеттік және орыс тілдеріндегі нұсқаулықтың санына сәйкес мөлшерде салынған.

Сақтау шарттары

25 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек.

Сақтау мерзімі

2 жыл. Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Юрия-Фарм» ЖШҚ, Украина 03680, Киев қ., Н. Амосов к-сі, 10.

Тіркеу куәлігінің иесі

«Юрия-Фарм» ЖШҚ, Украина 03680, Киев қ., Н. Амосов к-сі, 10.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«GOOD LOOK сауда үйі» ЖШС

ҚАЗАҚСТАН РЕСПУБЛИКАСЫ, Тараз қ., Көшеней 6-шы тұйығы

көшесі 16.

Телефон нөмірі: 8(726) 2438219

Электронды поштасы:goodlook@mail.ru