Випромид (370 мг йода/мл)

Випромид

Йопромид

Тамыр ішіне енгізуге арналған 300 мг йод/мл, 370 мг йод/мл ерітіндісі

1 мл ерітіндінің ішінде

белсенді зат - сулы ерітіндіде йопромид 623,4 мг (300 мг йодқа баламалы) немесе 768,86 мг (370 мг йодқа баламалы) бар

қосымша заттар: трометамол, натрий кальций эдетаты, сұйылтылған хлорсутек қышқылы, инъекцияға арналған су.

Құрамында бөгде бөлшектері жоқ мөлдір, түссіз немесе ақшыл-сарғыш ерітінді.

Контрастылы заттар. Рентгеноконтрастылы, құрамында йоды бар заттар. Ренотропты рентгеноконтрастылы суда еритін төмен осмолярлы заттар. Йопромид.

ATХ коды V08 AB05

Випромид препаратының контрастылаушы қабілеті оның белсенді затымен – йопромидпен жүзеге асады, ол молекулалық салмағы 791,12 үш йодты изофтал қышқылының суда еритін, ионды емес туындысы болып табылады, онда мықты байланысқан йод рентген сәулелерін сіңіреді.

Фармакокинетикасы

Төменде Випромидтің инъекциялық ерітіндісінің концентрацияға тәуелділігінің физикалық-химиялық сипаттамасы:

Йопромидтің организмдегі іс әрекеті бүйректе бөлініп шығатын басқа да жоғары гидрофильді биологиялық инертті заттардың (мысалы, маннитолдың немесе инулиннің) іс әрекетіне ұқсас.

Сіңуі және таралуы

Тамыр ішіне енгізгеннен кейін випромид жасуша аралық кеңістікке өте тез таралады.

Тепе-тең концентрацияларда жалпы таралу көлемі шамамен 16 л құрайды, ол шамамен жасушадан тыс кеңістіктегі көлемге сәйкес келеді.

Қан плазмасы ақуыздарымен байланысуы мардымсыз және шамамен 1% құрайды. Йопромидтің интактілі гематоэнцефалдық бөгет арқылы өткенін көрсететін деректер жоқ. Препарат аздаған мөлшерде плацентарлық бөгет арқылы диффузияланады.

Метаболизмі

Йопромид метаболизденбейді.

Шығарылуы

Йопромидтің терминальді жартылай шығарылу кезеңі, дозаға қарамай-ақ, шамамен 2 сағатты құрайды.

Тестіленген дозалар шегінде йопромидтің жалпы клиренсі шамамен 106±12 мл/минут құрады, бұл 102±15 мл/минут шамасына тең бүйрек клиренсіне ұқсас. Сондықтан йопромидтің бөлініп шығуы тек бүйректік дерлік болып табылады. Енгізілген дозаның шамамен 2%-ы ғана 3 күн ішінде нәжіспен шығарылады.

Вена ішіне енгізгеннен кейін 3 сағат ішінде дозаның шамамен 60%-ы несеппен бірге шығарылады. Дозаның орта есеппен ≥ 93%-ы 12 сағат ішінде шығарылады. Шығарылуы іс жүзінде 24 сағат ішінде толық аяқталады

Дозаға байланыстылығы/байланыссыздығы

Йопромидтің фармакокинетикалық параметрлері (мысалы, Сmax (препараттың ең жоғары концентрациясы), AUC көрсеткіштері) енгізілетін дозаға пропорционалды және (мысалы, Vss (таралу көлемі) және T1/2 (жартылай шығарылу кезеңі) көрсеткіштері) дозаға тәуелді емес.

Фармакодинамикасы

Йопромидті енгізген кезде контрастылы заттың жолындағы тамырлар немесе дене қуыстары мөлдір болмайды, бұл заттар едәуір сұйылтылмайынша ішкі құрылымды рентгенографиялық түрде көзбен көруге мүмкіндік береді.

Препарат тек диагностикалық мақсатқа ғана арналған:

- вена ішіне/артерия ішіне сандық субтракциялық ангиографияны (ССА) қоса, компьютерлік томография (КТ), артериография және венография; венаішілік урография, эндоскопиялық ретроградты холангиопанкреатография (ЭРХП), артрография және дене қуысына басқа да зерттеулер жүргізген кезде бейненің контрастылығы күшейеді.

Випромид 370 мг йод/мл:

Ангиокардиография жүргізудің арнайы артықшылықтары бар.

Випромид 300/370 мг йод/мл субарахноидальді кеңістікті зерттеуге арналмаған.

Жалпы мәліметтер

Енгізер алдында дене температурасына дейін жылытылған контрастылы заттың жағымдылығы өте жақсы және оны ерітіндінің тұтқырлығының төмендеуі салдарынан енгізу оңай. Қосымша нұсқаулар үшін «Қолдану/енгізу жөніндегі нұсқаулық» бөлімін қараңыз.

Дозалау режимі

Тамырлар ішіне енгізген кездегі дозасы

Контрастылы заттың дозасы жасқа, дене салмағына, шешілетін клиникалық мәселеге және зерттеу әдістемесіне сәйкес келуі тиіс.

Төменде берілген дозаларды ұсынылатын ретінде ғана қараған жөн; олар дене салмағы 70 кг ересек адамға арналған әдеттегідей дозалар болып табылады. Дозалар шамасы бір реттік инъекциялар үшін немесе кг дене салмағына мл-мен белгіленген.

Дене салмағының әр кг шаққанда 1,5 г доза йодтың жағымдылығы әдетте жақсы.

Бір реттік инъекциялар үшін ұсынылатын дозалар

Әдеттегі ангиографиясы

Венаішілік сандық субтракциондық ангиография (ССА)

Ірі тамырларға ССА жүргізу үшін көлемі 30-60 мл Випромид 300/370 мг йод/мл пайдаланылады. Препаратты болюсті түрде шынтақ венасына секундына 8-12 мл жылдамдықпен немесе вена қуысына катетер арқылы секундына 10-20 мл жылдамдықпен енгізеді. Қонтрастылы заттың вена қабырғасымен жанасу уақытын Випромидтен, натрий хлоридінің изотониялық ерітіндісінен кейін тікелей болюсті түрде тез енгізу арқылы қысқартуға болады.

Ересектер

30-60 мл Випромид 300/370 мг йод/мл

Компьютерлік томография (КТ)

Егер мүмкіндік болса, Випромидті вена ішіне автоматты инжектордың жәрдемімен болюсті түрде инъекциялаған жөн. Тек баяу сканирлеген кезде ғана дозаның шамамен жартысын болюсті түрде, ал қалған бөлігін қанда препараттың тұрақты концентрациясына қатысты кепілдік беру үшін 2-6 мин ішінде енгізген жөн.

Спиральді КТ және ерекше көп қабатты КТ тыныс алудың бір іркілісінде үлкен көлемде деректер алуға мүмкіндік береді. Зерттелген аймақта вена ішіне енгізілетін болюстің (80 – 150 мл Випромид 300) оңтайлы диагностикалық әсерін (контрастылаудың жоғарғы шегі, уақыты және ұзақтығы) алу үшін автоматты инжекторды пайдалану және сканирлеуді бастағанға дейін контрастылы затты енгізуді бастағаннан кейінгі уақыт аралығын бақылау ұсынылады.

• Бүкіл дененің КТ

Контрастылы заттың қажетті дозалары және оларды енгізу жылдамдығы диагностикалық мәселемен шешіліп зерттелетін ағзаға және, әсіресе сканирлеудегі және бейнені қайта құрылымдау ұзақтығындағы айырмашылықтарға байланысты.

• Бас сүйектің КТ

Ересектер:

Випромид 300 мг йод/мл: 1,0 – 2,0 мл/кг

Випромид 370 мг йод/мл: 1,0 - 1,5 мл/кг

Венаішілік урография

Балаларда бүйректің жетілмеген нефрондарының физиологиялық тұрғыдан әлсіз концентрациялық қабілетіне байланысты контрастылы заттың біршама жоғары дозалары қажет болады.

Ұсынылатын дозалар

Қажет болғанда арнайы жағдайларда ересектерде көрсетілген дозалар арттырылуы мүмкін.

Бейнені түсіру уақыты

Випромид 300/370 препаратын 1-2 минут ұзақтықпен енгізгеннен кейін бейненің түсірілу мерзімі бүйрек паренхимасы үшін 3-5 мин. құрайды, ал бүйрек астаушалары мен несеп ағарларды көру үшін контрастылы заттарды енгізгеннен кейін 8-15 мин құрайды.

Пациент неғұрлым жас болса, бейненің түсірілімі соғұрлым ертерек жасалады. Әдетте контрастылы затты енгізгеннен кейін 2 - 3 минуттан соң алғашқы бейнені түсірген жөн. Жаңа туған нәрестелерде, емшектегі балаларда және бүйрек функциясы бұзылған пациенттерде бейнені түсіруді кештеу мерзімде орындау несеп шығару жолдарының көзге көрінуін жақсартуы мүмкін.

Дене қуысына енгізген кездегі дозасы

Артрография, ЭРХП және гистеросальпингография жүргізген кезде контрастылы затты енгізу рентгеноскопияны бақылай отырып жүзеге асырылуы тиіс.

Жекелеген зерттеулер үшін ұсынылатын дозалар

Доза үлкен дәрежеде науқастың жасына, дене салмағына, жалпы жағдайына, сондай-ақ шешілетін клиникалық мәселеге, пайдаланылатын техникалық құралға және зерттеу саласына байланысты. Төменде ересек адамдарға ұсынылған қалыпты орташа дозалар берілген.

Артрография

5-15 мл Випромид 300/370 мг йод/мл

ЭРХП

Доза шешілетін клиникалық мәселеге және көзге көрінетін құрылымның өлшеміне байланысты.

Басқа қуыстар

Доза шешілетін клиникалық мәселеге және көзге көрінетін құрылымның өлшеміне байланысты.

Пациенттердің ерекше санаттары үшін қосымша ақпарат:

Жаңа туған нәрестелер (1 айлықтан кіші) және 1 айлықтан 2 жасқа дейінгі балалар

Жаңа туған нәрестелер және сәбилер

Емшектегі (бір жасқа дейінгі) балалар және әсіресе жаңа туған нәрестелер электролиттік теңгерімнің бұзылуына және гемодинамикалық бұзылыстарға сезімталдығымен сипатталады. Контрастылы заттың дозасына, радиологиялық зерттеу мен пациенттің жағдайының техникалық көрсетіліміне назар аударылуы тиіс.

Егде жастағы пациенттер

Егде жастағы пациенттер (65 жастағы және одан үлкен) және жастау пациенттер арасында препараттың фармакокинетикасында айырмашылықтар байқалған жоқ.

Демек, егде жастағы пациенттерде дозаны түзету қажеттілігі жоқ.

Бауыр функциясы бұзылған пациенттер

Бауыр функциясының бұзылуы йопромидтің шығарылуына ықпалын тигізбейді, өйткені препараттың енгізілген дозасының тек 2%-ы ғана метаболиттер түзбей-ақ нәжіспен бірге шығарылады. Мұндай пациенттерде дозаны түзету қажет емес.

Бүйрек функциясы бұзылған пациенттер

Йопромид өйткені бүйрек арқылы ғана шығарылатын болғандықтан, бүйрек функциясы бұзылған пациенттерде йопромидтің шығарылуының баяулағаны білінеді. Контрастылы заттан туындайтын бүйрек функциясының әрі қарай бұзылу қаупін азайту үшін мұндай пациенттерде препараттың мүмкіндігінше ең төмен дозасын пайдалану қажет («Фармакокинетикалық қасиеттер» және «Айрықша нұсқаулар» бөлімдерін қараңыз).

Випромидті қолданған кезде пациенттерде бас ауыру, жүректің айнуы және вазодилатация сияқты жағымсыз реакциялар өте жиі (4%) байқалды.

Препараттың өте күрделі жағымсыз реакциялары анафилактоидтық шок, тыныс алудың тоқтап қалуы, бронхтың түйілуі, көмейдің ісінуі, демікпе, кома, ми инфарктісі, инсульт, мидың ісінуі, құрысулар, аритмиялар, жүректің тоқтап қалуы, миокард ишемиясы, миокард инфарктісі, жүрек функциясының жеткіліксіздігі, брадикардия, цианоз, артериялық гипотензия, шок, ентігу, өкпенің ісінуі, тыныс алу функциясының жеткіліксіздігі және аспирация болып табылады.

Жиі (1/100, 1/10):

- бас айналу, бас ауыру, дисгевзия дәмнің бұзылуы)

- көрудің көмескіленуі

- төс артының ауыруы және жайсыздығы

- артериялық гипертензия, вазодилатация

- құсу, жүректің айнуы

- ауыру, инъекция жасаған жерде реакциялар (ауыру, жылу сезімі, ісіну, қабыну және экстравазация жағдайында жұмсақ тіндердің зақымдануы), қызу сезімі

Жиі емес (1/1000, 1/100):

- анафилактоидтық/аса жоғары сезімталдық реакциялары (анафилактоидтық шок*), тыныстың тоқтап қалуы*), бронхтың түйілуі*), көмейдің*)/жұтқыншақтың*) /тілдің*) /беттің ісінуі, көмейдің/жұтқыншақтың спазмы, демікпе*), конъюнктивит, көзден жас ағу, түшкіру, жөтелу, шырышты қабықтардың ісінуі, ринит, дауыстың қарлығуы, тамақтың тітіркенуі, есекжем, қышыну, ангионевроздық ісіну

- вазовагальді реакциялар, сананың шатасуы, мазасыздық жағдайы, парестезия/гипостезия, ұйқышылдық,

- аритмия*), артериялық гипотензия*)

- ентігу*)

- іштің ауыруы

- ісінулер

Сирек (1/10 000, 1/1 000):

- үрейлену жағдайы

- жүректің тоқтап қалуы*), миокард ишемиясы*), жүректің қағуы,

Жиілігі белгісіз (постмаркетингтік бақылаулар үдерісінде білінген):

- қалқанша без функциясының өзгерулері, тиреоуыттық криз

- кома*), церебральді ишемия/инфаркт*), инсульт*), мидың ісінуі*)а), құрысулар*), өткінші қабықты соқырлықа), есінен айырылу, қозу, амнезия, тремор, сөйлеудің бұзылуы, парез/салдану

- естудің нашарлауы

- миокард инфарктісі*), жүрек функциясының жеткіліксіздігі*), брадикардия*), тахикардия, цианоз*)

- шок*), тромбоэмболиялық бұзылулара), тамырлық түйілуа)

- өкпенің ісінуі*), тыныс алу функциясының жеткіліксіздігі*), аспирация*)

- дисфагия, сілекей бездерінің ісінуі, диарея

- буллезді бұзылулар (мысалы, Стивенс-Джонсон синдромы немесе Лайелл синдромы), бөртпе, эритема, гипергидроз

- экстравазация жағдайында компартмент-синдром а)

- бүйрек функциясының бұзылуыа), бүйрек функциясының жедел жеткіліксіздігі а)

- дімкәстік, қалтырау, тері жабындарының бозаруы

- қатты терлеу, естен тану

- дене температурасының ауытқуы

*) өмірге қауіп төндіретін және/немесе өліммен аяқталатын жағдайлар

а) препаратты тек тамыр ішіне енгізгенде ғана

ЭРХП жүргізген кезде көрсетілген жағымсыз әсерлерге қосымша ұйқы безі ферменттерінің деңгейлері және панкреатиттің дамуы (белгісіз жиілікпен) жоғарылауы мүмкін.

- белсенді затқа және қосымша компоненттерге жоғары сезімталдық

- бақыланбайтын тиреотоксикоз

Бигуанидтер (метформин)

Бүйрек функциясының жедел жеткіліксіздігі немесе бүйректің ауыр сырқаты бар пациенттерде бигуанидтердің шығарылуы төмендеуі мүмкін, бұл бигуанидтердің аккумуляциясына және лактатацидоздың дамуына әкеп соғуы мүмкін.

Випромидті қолдану бүйрек тарапынан бұзылуларға немесе бүйрек функциясының бұзылуына әкелуі мүмкін болғандықтан, метформин қабылдап жүрген, әсіресе бұрын бүйректік бұзылулары болған пациенттерде лактатацидоздың даму қаупі жоғары болуы мүмкін («Айрықша нұсқаулар» бөлімін қараңыз).

Интерлейкин-2:

Випромидті енгізуге жауап ретінде кейінге қалдырылған реакциялардың даму қаупі пациенттерді алдын ала (бірнеше апта ішінде) интерлейкин -2-мен емдеген кезде жоғарылайды.

Радиоизотоптар: Випромидті енгізгеннен кейін бірнеше апта ішінде қалқанша бездің тиреотроптық изотоптарының сіңуі төмендейді, бұл қалқанша без ауруларын диагностикалау және емдеу үшін олардың тиімділігін төмендетеді.

Барлық көрсетілімдер үшін

Аса жоғары сезімталдық реакциялары

Випромидті қолдану анафилактоидтық/аса жоғары сезімталдық реакцияларының немесе жүрек-тамырлық, респираторлық немесе терілік біліністер түрінде басқа да идиосинкратикалық реакциялардың туындауымен байланысты болуы мүмкін.

Контарстылы затты енгізгеннен кейін 30 минут ішінде, шокты қоса, айқындылығы орташадан ауырға дейінгі аллергияға ұқсас көптеген реакциялар дамуы мүмкін. Алайда сирек жағдайларда кейіннен (сағаттан күндерге дейін) байқалатын реакциялар дамуы мүмкін.

Аллергиялық реакциялардың даму қаупі келесі жағдайларда жоғарылайды:

- бұрын контрастылы заттарға реакция бар болғанда

- анамнезінде бронх демікпесі немесе басқа да аллергиялық аурулар бар болғанда.

Випромидке немесе оның қандай да болсын компонентіне белгілі аса жоғары сезімталдығы бар немесе бұрын құрамында йод бар контрастылы затқа аса жоғары сезімталдық реакциясы орын алған пациенттерде аса жоғары сезімталдық реакцияларының даму қаупі жоғары болады, ол пайда/қаупі арақатынасына мұқият баға беруді қажет етеді.

Алайда, мұндай реакциялар сирек және алдын ала болжам жасауға келмейді.

Бета-блокаторларды қабылдап жүрген, бұрын осындай реакциялар байқалған пациенттер бета-агонистермен емдеуге резистентті болуы мүмкін (Дәрілермен өзара әрекеттесуі бөлімін қараңыз).

Ауыр жүрек-тамыр аурулары бар пациенттер аса жоғары сезімталдық реакциялары дамыған кезде ауыр немесе тіпті өліммен аяқталатын жағдайдың дамуына бейімірек болады.

Контрастылы заттарды енгізгеннен кейін ауыр аса жоғары сезімталдық реакцияларының дамуы мүмкін болғандықтан, емшара аяқталғаннан кейін пациенттің жағдайын бақылау қажет.

Барлық жағдайда да пациентке шұғыл жәрдем көрсету үшін дайын болу қажет.

Аллергияға ұқсас реакциялардың даму қаупі жоғары, бұрын орташа немесе ауыр реакциялар орын алған, медициналық емдеуді қажет ететін бронх демікпесі немесе аллергиясы бар пациенттерде кортикостероидтарды қолдану қажеттілігін қарастырған жөн.

Қалқанша без функциясының бұзылулары

Анықталған немесе күмәнді гипертиреозы немесе зобы бар пациенттерде пайда/қаупі арақатынасын аса мұқият таразылаған жөн, өйткені құрамында йод бар контрастылы заттар оларда гипертиреоздың немесе тиреоуытты криздің дамуын туындатуы мүмкін. Анықталған немесе күмәнді гипертиреозы бар науқастарда Випромидті енгізгенге дейін қалқанша бездің функциясына баға беру қажеттілігін қарастырған/немесе профилактикалық мақсатта тиреостатикалық ем тағайындаған жөн.

Жүктілік кезінде немесе неонатальді кезеңде анасының организмі арқылы Випромидтің әсеріне ұшыраған жаңа туған нәрестелерде, әсіресе шала туған нәрестелерде қалқанша без функциясын бақылау ұсынылады, өйткені йодтың шамадан тыс әсері гипотиреоздың дамуын туындатуы мүмкін, ол емдеуді қажет етуі ықтимал.

ОЖЖ (орталық жүйке жүйесінің) аурулары

ОЖЖ аурулары бар пациенттерде препаратты енгізумен байланысты неврологиялық асқынулардың даму қаупі жоғарылауы мүмкін.

Неврологиялық асқынулар церебральді ангиография немесе соған ұқсас зерттеулер жүргізген кезде жиі пайда болады.

Анамнезінде құрысулардың болуы сияқты құрысуға дайындық шегінің төмендеуі немесе белгілі бір препараттар қатар қолданылуы мүмкін жағдайларда сақтық танытқан жөн.

Гематоэнцефалдық бөгеттің өткізгіштігін арттыратын факторлар контрастылы заттың ми тіндеріне өтуін жеңілдетеді, бұл ОЖЖ тарапынан реакцияларға әкелуі мүмкін.

Гидратация

Випромидті тамыр ішіне енгізуге дейін және енгізгеннен кейін контрастылы заттардан туындайтын нефроуыттылықтың даму қаупін барынша азайту үшін сұйықтықтың адекватты мөлшерін тұтынған жөн.

Бұның көптеген миеломасы, қант диабеті, полиуриясы, олигуриясы, гиперурикемиясы бар науқастар үшін, сондай-ақ жаңа туған нәрестелер, сәбилер, кішкентай балалар және қартаң жастағы пациенттер үшін аса маңызы бар.

Толқу

Пациентте толқу, үрейлену және ауыруы жағдайлары бар болғанда жағымсыз әсерлердің даму қаупі немесе контрастылы заттардың әсерінен туындайтын реакциялар қарқындылығы артуы мүмкін. Мұндай пациенттерде үрейленуді азайтуға арналған шараларды қабылдаған жөн.

Сезімталдығына алдын ала тестілеу жүргізу

Сезімталдығына тесті жүргізу үшін контрастылы заттың аздаған мөлшерін пайдалану ұсынылмайды, өйткені оның болжам жасауда мәні жоқ. Оның үстіне, мұндай тестілеуді жүргізу өзінен өзі жекелеген жағдайларда күрделі және тіпті фатальді аса жоғары сезімталдық реакцияларына әкеп соғуы мүмкін.

Тамыр ішіне енгізу

Бүйректің зақымдануы

Контрастылы заттардан туындайтын бүйрек функциясының транзиторлық бұзылуы болып табылатын нефроуыттылық препаратты енгізуден кейін пайда болуы мүмкін. Сирек жағдайларда бүйрек функциясының жедел жеткіліксіздігі дамуы мүмкін.

Қауіп факторлары мыналарды қамтиды, мысалы:

- бұның алдында болған бүйрек функциясының жеткіліксіздігін

- дегидратацияны

- қант диабетін

- көптеген миеломаны/парапротеинемияны

- Випромидтің қайталанған және/немесе үлкен дозаларын

Випромид енгізілетін барлық пациенттерде адекватты гидратацияны қамтамасыз ету қажет.

Диализде жүрген, бүйректің қалдық функциясынсыз пациенттер радиологиялық емшара жүргізу үшін Випромид қабылдауы мүмкін, өйткені құрамында йоды бар контрастылы заттар организмнен диализ үдерісі арқылы шығарылады.

Жүрек-тамыр аурулары

Жүректің айқын аурулары немесе коронарлы артериялардың ауыр сырқаты бар науқастарда гемодинамиканың және аритмиялардың клиникалық тұрғыда маңызды өзгерулерінің даму қаупі жоғарылайды.

Контрастылы затты тамыр ішіне енгізу жүрек функциясының жеткіліксіздігі бар науқастарда өкпенің ісінуін туындатуы мүмкін.

Феохромоцитома

Феохромоцитомадан зардап шегіп жүрген пациенттерде гипертензиялық криздің даму қаупі бар.

Миастения

Құрамында йоды бар контрастылы заттарды енгізу миастения симптомдарының айқындылығын күшейтуі мүмкін.

Тромбоэмболиялық асқынулар

Иондық емес контрастылы заттардың қасиеттерінің бірі олардың организмнің қалыпты физиологиялық функциясына өте аз әсер етуі болып табылады. Нақ сондықтан иондық емес контрастылы заттардың иондыққа қарағанда, аздаған антикоагулянттық in vitro белсенділігі бар. Сол контрастылы заттардың қасиеттерімен бірге, зерттеу ұзақтығы, инъекциялар саны, катетер мен шприцтің қасиеттері, аурудың жағдайы және жүргізілетін ем сияқты бірқатар факторлар тромбоэмболиялық асқынулардың дамуына ықпалын тигізуі мүмкін. Сондықтан тамырларға катетеризация жүргізген кезде осы факторларды ескеру және ангиография техникасын орындауға, сондай-ақ катетерді физиологиялық ерітіндімен (қажет болғанда гепарин қосып) шаюға және тромбоздар мен эмболиялардың пайда болу қаупін ең төменге жеткізу үшін осы емшара мерзімін барынша қысқартуға аса жоғары назару аудару керек.

Үйлесімсіздік

Препаратты ықтимал үйлесімсіздіктің дамуына жол бермеу үшін басқа препараттармен араластыруға болмайды.

Пайдаланылуы жөніндегі нұсқаулық

Препаратты пайдаланар алдында, оны дене температурасына дейін жылытқан жөн.

Қолданар алдында контрастылы заты бар құтыны мұқият қарап тексеру керек. Препаратты ерітіндісінің түсі өзгергенде, көзге көрінетін, соның ішінде кристалл бөлшектер пайда болғанда, немесе құтының бүтіндігі бұзылғанда пайдалануға болмайды. Випромид жоғары концентрациялы ерітінділерге жататын болғандықтан, онда өте сирек кристаллизация (құтының түбіндегі шөгінді және/немесе сүт ақ түсті мөлдір емес ерітінді, немесе жүзінді кристалдар) болуы мүмкін.

Құтылар

Тура енгізер алдында препаратты шприцке немесе инфузоматқа құйып алу ұсынылады.

Дайындалған ерітіндіге тығыннан микробөлшектердің көп мөлшерінің еніп кетуіне жол бермеу үшін резеңке тығынға шаншуды біреуден артық жасауға болмайды. Сондықтан резеңке тығынды шаншу және контрастылы затты құйып алу үшін диаметрі 18 G аспайтын ұзын ұштығы бар канюляны қолдану ұсынылады (бәрінен бұрын Nocore-Admix типті бүйір тесігі бар, таңбаланған канюляларды қолдану жақсырақ).

Бір емшарада пайдаланылмаған контрастылы заттың ерітіндісін жою қажет.

Көлемі үлкен құтылар (өлшемі 200 мл және одан үлкенірек; тек қанатымыр ішіне ғана енгізуге арналған)

Контрастылы затты енгізу үшін автоматты инжекторды немесе стерильділігі сақталған басқа да арнайы құралдарды пайдалану қажет.

Аталған құралдарды қолдану жөніндегі нұсқауларды ұстанған жөн.

Құтыны ашқаннан кейін 10 сағат ішінде пайдаланылмаған препарат жойылуы тиіс.

Жүктілік және лактация

Жүктілік. Жүктілік кезінде адекватты және бақыланатын зерттеулер жүргізілген жоқ. Клиникаға дейінгі зерттеу нәтижелері жүктілікке, эмбрионның және ұрықтың дамуына, босануға, сондай-ақ Випромидті диагностикалық мақсатта енгізген кезде постнатальді дамуға қатысты жағымсыз әсерлерді көрсетпейді.

Лактация.

Емшек еметін балаларда Випромидтің қауіпсіздігі зерттелген жоқ. Контрастылы заттар емшек сүтімен аздап экскрецияланады. Препараттың емшектегі балалар үшін қауіптілік тудыруы екіталай.

Автокөлікті және потенциалды қауіпті механизмдерді басқару қабілетіне дәрілік заттың ықпал ету ерекшеліктері

Белгісіз.

Тамыр ішіне енгізу

Симптомдары: сұйықтық пен электролиттер теңгерімінің бұзылуы, бүйрек функциясының жеткіліксіздігі, жүрек-тамыр жүйесі және өкпе тарапынан асқынулар.

Емі: сұйықтықтың, электролиттердің деңгейлерін, бүйрек функциясын бақылау қажет. Емдеу организмнің өмір үшін маңызды функцияларын демеуге бағытталуы тиіс. Препарат организмнен диализдің жәрдемімен шығарылуы мүмкін.

Шығарылу түрі және қаптамасы

Құтыларға 20 мл, 50 мл және 100 мл препараттан құйылады. 10 құтыдан медициналық қолдану жөнінде мемлекеттік және орыс тілдеріндегі нұсқаулықпен бірге, құтылар санына тең мөлшерде картон қорапшаға қапталады.

Жарықтан және рентген сәулесінен қорғалған жерде, 25оС-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!

2 жыл

Жарамдылық мерзімі өткеннен кейін қолдануға болмайды.

Рецепт арқылы

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Первомайский ш.а., Қапшағай көш., 17 үй.

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Первомайский ш.а., Қапшағай көш., 17 үй.

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы:

«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауданы, Первомайский ш.а., Қапшағай көш., 17 үй. тел/факс: 8 (727) 2603974, E-mail: office@nm-pharm.kz.