Винпоцетин (концентрат для приготовления раствора для инфузий, 5 мг/мл)

• русский
• қазақша

• Скачать инструкцию медикамента

Саудалық атауы

Винпоцетин

Халықаралық патенттелмеген атауы

Винпоцетин

Дәрілік түрі

Инфузия үшін ерітінді дайындауға арналған 5 мг/мл концентрат

Құрамы

Бір ампуланың ішінде

белсенді зат - 10,0 мг винпоцетин,

қосымша заттар: сорбит, пропиленгликоль, лимон қышқылының моногидраты, натрий метабисульфиті, динатрий эдетаты, сусыз натрий сульфиті, 0,1М хлорсутек қышқылы, инъекцияға арналған су.

Сипаттамасы

Сәл жасылдау-сары реңді мөлдір сұйықтық

Фармакотерапиялық тобы

Басқа да психостимуляторлар мен ноотроптар.АТХ коды N06BX18

Фармакологиялық қасиеттері

Фармакокинетикасы

Парентеральді енгізген кезде қан плазмасындағы емдік концентрациясы 10-20 нг/мл құрайды. Гистогематикалық бөгеттер, оның ішінде ГЭБ (гематоэнцефалдық бөгет) арқылы жеңіл өтеді. Плацентарлық кедергі арқылы емшек сүтіне (алғашқы сағат ішінде 0,25 %) енеді. Таралу көлемі – дене салмағына 5,3 л/кг. Қан плазмасы ақуыздарымен 66% -ға байланысады. Бауырда бірнеше метаболиттер түзу арқылы метаболизденеді, олардың негізгілері фармакологиялық белсенділікке ие аповинкамин қышқылы және гидроксивинпоцетин болып табылады. Жартылай шығарылу кезеңі (Т1/2) – 3,5-6,1 сағ. Бүйрекпен және ішекпен 3:2 арақатынаста шығарылады.

Фармакодинамикасы

Винпоцетин ми тіндерінің глюкоза мен оттегін қолдануын арттыра отырып, ми метаболизмін жақсартады. Оттегінің жасушаішілік тасымалдануына оған эритроциттердің туыстығын азайту жолымен ықпал етіп, глюкозаның ГЭБ арқылы тасымалдануын көтермелей, глюкозаның сіңуі мен метаболизмін күшейте, оны энергетикалық тұрғыдан анағұрлым пайдалы аэробты бағытқа жылжыту арқылы нейрондардың гипоксияға төзімділігін жоғарылатады.

Ca2+-тәуелді фосфодиэстеразаны (ФДЭ) талғамды түрде бөгейді; ми аденозинмонофосфаты (АМФ) және циклді гуанизинмонофосфатының (цГМФ) деңгейін жоғарылатады, бұл ми қан тамырлары тегіс бұлшықеттерінің босаңсуына алып келеді. Ми тіндеріндегі аденозинтрифосфат концентрациясы (АТФ) мен АТФ/АМФ арақатынасын жоғарылатады. Ми норадреналині мен серотонинінің алмасуын күшейтеді, жоғарылайтын норадренергиялық жүйенің қызметін көтермелейді, антиоксидантты әсері бар.

Тромбоциттер агрегациясын азайту, қан тұтқырлығын төмендету, эритроциттердің деформацияланғыштығын ұлғайту және аденозинді эритроциттердің утилизациялауын бөгеу есебінен мидағы микроайналымды жақсартады. Винпоцетин мидың қан ағысын талғамды күшейтеді; минуттық көлемнің ми фракциясын ұлғайтады; жалпы қан айналу параметрлеріне елеулі әсер етпей-ақ, іс жүзінде артериялық қысымға, жүректің минуттық көлеміне, жүректің жиырылу жиілігіне, жалпы шеткергі кедергіге ықпалын тигізбестен ми қан тамырларының кедергісін азайтады. Винпоцетин «жасырын келу» феноменін туындатпайды, - керісінше, оны қолданған кезде ең алдымен ишемияланған, бірақ әлі де төменгі перфузиядағы өмірге қабілеттілігі бар аймағын қанмен қамтуды күшейтеді; мұндайда ишемияланбаған аймақтың қанмен қамтамасыз етілуі өзгермейді.

Қолданылуы

• неврологияда (кешенді ем құрамында):

ми қан айналымы жеткіліксіздігінің әр алуан түрлерінде (ишемиялық инсульт, геморрагиялық инсульттің қалпына келу сатысы, өткерген инсульттің салдары; транзиторлық ишемия шабуылдары; тамырлық деменция; вертебробазилярлы бассейндегі қан айналымының жеткіліксіздігі; ми қан тамырлары атеросклерозы; жарақаттан кейінгі және гипертониялық энцефалопатия)

• офтальмологияда:

көз қан тамырлары қабығының және торқабықтың созылмалы қантамырлық ауруларында, оның ішінде орталық артерия немесе торқабық көктамырының тромбозы (окклюзия)

• оториноларингологияда:

естудің перцептивтік типті төмендеуінде, Меньер ауруында, идиопатиялық құлақ шуылдауында.

Қолдану тәсілі және дозалары

Тек көктамыр ішіне тамшылатып, баяу (инфузияның ең жоғары жылдамдығы минутына 80 тамшы!) енгізеді.

Препаратты бұлшықет ішіне және сорғалатып енгізуге жол берілмейді!

Бастапқы тәуліктік дозасы 20 мг құрайды. Инфузияға арналған ерітіндіні 0,5-1 л электролиттердің изотониялық ерітінділерінде немесе құрамында декстроза бар (мысалы, Рингер ерітіндісі (Ringer), сондай-ақ Сальсол (Salsol), Риндекс (Rindex), Реомакродекс (Rheomacrodex) изотониялық ерітінділерде сұйылту жолымен дайындайды.

Жақсы көтере алғанда препараттың дозасын 2-3 күннің ішінде дене салмағына 1 мг/кг дейін жоғарылатады. Емдеу курсын орташа алғанда 10-14 күн бойы жалғастырады, жалпы қабылданған тәуліктік доза 70 кг дене салмағына есептегенде тәулігіне 50 мг құрайды. Винпоцетиннің гепато- және нефроуытты әсері жоқтығына байланысты бүйрек немесе бауыр аурулары бар науқастарда дозаны өзгерту қажет емес. Парентеральді енгізу курсы аяқталғаннан кейін препаратты ішу арқылы қабылдауға көшеді. Препаратты тоқтатар алдында дозаны біртіндеп азайтқан жөн.

Сақтықпен

Винпоцетинді мына емделушілерде сақтықпен қолдану керек:

• артериялық қысымы тұрақсыз, тамыр тонусы төмен

• геморрагиялық церебральді инсульт кезінде винпоцетинді парентеральді енгізуге тек жедел құбылыстар төмендеген соң ғана жол беріледі (әдетте 5-7 күннен кейін).

Жағымсыз әсерлері

Жиі

- артериялық қысымның транзиторлы төмендеуі

- бет терісі гиперемиясы

- енгізу орнындағы тромбофлебит

Жиі емес

• ЭКГ-дегі өзгерістер (ST сегментінің депрессиясы, Q-T аралығының ұзаруы), тахикардия, экстрасистолия (себеп-салдарлық байланысы анықталмаған)

• ұйқының бұзылуы (ұйқысыздық, қатты ұйқышылдық), бас айналуы, бас ауыруы, жалпы әлсіздік (негізгі аурудың көрінісі болуы мүмкін)

• қатты тершеңдік

• ысыну сезімі

• жүрек айнуы

Өте сирек

• терінің аллергиялық реакциялары.

Қолдануға болмайтын жағдайлар

- винпоцетинге немесе препараттың қосымша заттарына жоғары сезімталдық

- жүрек ишемиялық ауруының үдемелі түрлері

- жүрек ырғағы бұзылуларының ауыр түрлері

- геморрагиялық инсульттің жедел фазасы

- жүктілік және лактация кезеңінде

- балаларға және 18 жасқа дейінгі жасөспірімдерге (қауіпсіздігі мен тиімділігі жөніндегі деректердің жеткіліксіздігіне байланысты)

Дәрілермен өзара әрекеттесуі

Гепаринмен емдеу аясында геморрагиялық асқынулардың өршу қаупін арттырады. Винпоцетин ерітіндісі фармацевтикалық тұрғыда гепаринмен үйлеспейді.

Метилдопамен бір мезгілде қолданғанда гипотензиялық әсері күшеюі мүмкін (АҚ бақылау қажет). Өзара әрекеттесуін растайтын деректердің жоқтығына қарамастан, орталық әсері бар дәрілік заттармен, антиаритмиктермен және антикоагулянттармен бір мезгілде қолданғанда сақ болу ұсынылады.

Біріктірілген ішілетін контрацептивтер, макролидті антибиотиктер (кларитромицин, эритромицин), зеңге қарсы дәрілер (кетоконазол) винпоцетин әсерінің айқындылығын өзгертеді, оның метаболизмін баяулатады және препараттың қан плазмадағы концентрациясын жоғарылатады.

Айрықша нұсқаулар

Ерітінді құрамында сорбит бар, сондықтан қант диабетімен науқастарға парентеральді енгізгенде қандағы глюкоза құрамын бақылау керек.

Геморрагиялық инсультте жедел құбылыстары басылғаннан кейін ғана (әдетте 5-7 күннен кейін) парентеральді енгізуге болады.

Q-T аралығының бастапқы ұзаруы жағдайында, сондай-ақ Q-T аралығын ұзартатын дәрілік заттармен бір мезгілде қолданғанда винпоцетинмен емдеу кезеңінде ауық-ауық ЭКГ-бақылау жүргізу қажет.

Препаратты 18 жасқа дейінгі балаларда қолданудың байқап-бақыланған жеткілікті саны жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану кезінде көлік құралын басқару және жоғары зейін шоғырландыру мен психомоторлық реакциялар жылдамдығын талап ететін басқа да қауіптілігі зор қызмет түрлерімен айналысқанда сақ болған жөн.

Артық дозалануы

Симптомдары: артериялық қысымның төмендеуі, бас айналуы, жүрек айнуы, тахикардия, экстрасистолия.

Емі: симптоматикалық.

Шығарылу түрі және қаптамасы

Препарат 2,0 мл-ден түрлі - түсті сындыру сақинасы немесе түрлі-түсті нүктесі мен кертігі бар, жарықтан қорғайтын шыны ампулада.

Ампулаға қосымша бір, екі немесе үш түрлі-түсті сақина және/немесе екі өлшемді штрих-код, және/немесе әріп-санмен кодтау жүргізіледі немесе қосымша түрлі-түсті сақинасыз, екі өлшемді штрих-кодсыз, әріп-сандық кодтаусыз. Әрбір ампулаға өздігінен жабысатын немесе импорттық заттаңба жапсырылады.

5 ампуладан поливинилхлоридті немесе импорттық үлбірден және алюминий немесе импорттық фольгадан немесе полимерлі немесе импорттық үлбірден, немесе фольгасыз және үлбірсіз жасалған пішінді ұяшықты қаптамаға салынады.

2 пішінді ұяшықты қаптамадан медицинада қолданылуы жөніндегі нұсқаулықпен бірге пәшкеге салынған.

Сақтау шарттары

Жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ФармФирма «Сотекс» ЖАҚ, Ресей

141345, Мәскеу обл., Сергиев-Посад муниципальді ауданы,

Березняков елді мекені, Беликово кенті, 11 үй

Тел./факс: (495) 956-29-30.

Тіркеу куәлігінің иесі

«ФармФирма «Сотекс» ЖАҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«A.N.P» ЖШС

050028, ҚР Алматы қ, Земнухов к-сі, 19А,

Телефон: 8 (727) 296-23-52, факс: 8 (727) 290-73-63