Викасол-Дарница

Викасол-Дарница

Менадион натрий бисульфиті

Инъекцияға арналған ерітінді 1%

Қан және қан түзу ағзалары. Антигеморрагиялық препараттар. К дәрумені және басқа гемостатиктер. К дәрумені. Менадион.

АТХ коды В02В А02

- қанағыштықта және сарғаюдан болған гипопротромбинемия аясында, жедел гепатиттерде, қылтамырлық және паренхиматозды қан кетулер кезінде

- хирургиялық араласулар мен жарақаттан кейін

- асқазан мен он екі елі ішектің ойық жара ауруы кезіндегі қан кетуде

- жедел сәуле ауруының айқын симптомдарында

- ұзаққа созылған мұрын және геморроидалдық қан кетуінде

- шала туған балалардағы геморрагиялық құбылыстарда

- жатырдан климакс алдылық және ювенильдік қан кетуде

- өздігінен болған қанағыштықта

- операцияға дайындық, операциядан кейінгі кезеңде қан кету қаупі болса, өкпеден қан кетуде, сепсистік аурулар аясындағы геморрагиялық құбылыстар кезінде

- қан кетуде және фенилин, неодикумарин, басқа да антикоагулянттар – К дәрумені антагонистерінің артық дозалануынан болған гипопротромбинемияда.

Қолдануды бастағанға дейін қажетті мәліметтер тізбесі

- әсер етуші заттарға немесе кез келген қосымша заттарға аса жоғары сезімталдық

- гиперкоагуляция, тромбоэмболия

- жаңа туған нәрестелердегі гемолиздік ауру

- глюкоза-6-фосфатдегидрогеназа тапшылығы

- бауырдың ауыр жеткіліксіздігі

- жүктіліктің ІІІ триместрінде (плацента арқылы өткізгіштігінің төмен болуы салдарынан К дәруменін профилактика ретінде тағайындау тиімсіз).

Қолдану кезінде қажетті сақтық шаралары

Викасолды қолданғанда тромбоциттер агрегациясының тежелуі орын алуы мүмкін екендігін ескеру қажет. Гемофилияда, тромбоцитопениялық пурпурада және Верльгоф ауруында препарат тиімсіз.

Жаңа туған нәрестелерде геморрагиялық аурулардың профилактикасы үшін фитоменадионды менадионның натрий бисульфитіне қарағанда қолдану жақсырақ, өйткені жаңа туған нәрестелерде (шала туған нәрестелерді қоса есептегенде) гипербилирубинемия мен гемолиздік анемияны сирек туындатады.

Педиатрияда қолдану

Препаратты педиатриялық іс-тәжірибеде қолданады.

Басқа дәрілік препараттармен өзара әрекеттесуі

Пероральді антикоагулянттармен бір мезгілде қолданғанда антикоагулянттық әсері төмендеуі мүмкін. Әсері тікелей емес антикоагулянттардың (оның ішінде кумарин және индандион туындылары) әсерін әлсіретеді. Гепариннің антикоагулянттық белсенділігіне ықпалын тигізбейді. Әсер ету ауқымы кең антибиотиктердің, хинидиннің, хининнің, салицилаттардың жоғары дозаларымен, сульфаниламидтермен бір мезгілде қолдану К дәруменінің дозасын арттыруды қажет етеді.

Гемолитикалық дәрілік заттармен бір мезгілде қолданғанда жағымсыз әсерлерінің біліну қаупі артады.

Фибринолиздің агреганттарымен және тежегіштерімен бір мезгілде қолданғанда олардың гемостаздық әсері күшейтіледі.

Викасол сульфаниламидті препараттармен, ПАСК-пен, салицилаттармен, оксикумаринмен үйлеспейді.

Бір шприцте сілтілер мен қышқылдар ерітінділерімен үйлеспейді.

Препараттың әсер етуші заттары тікелей түсетін күн сәулесінің әсерінен тез ыдырайды.

Арнайы ескертулер

Педиатрияда қолдану

Препаратты педиатриялық іс-тәжірибеде қолданады.

Жүктілік немесе лактация кезінде

Викасол-Дарница жүктілік кезінде қауіпті препараттар тобына жатады. Препарат Ι және ΙΙ триместрлерде, егер ана үшін пайдасы ұрық үшін болатын қауіптен басым болса, қолданылуы мүмкін. Жүктіліктің ІІІ триместрінде оның плацента арқылы өткізгіштігінің төмен болуы салдарынан К дәруменін профилактика ретінде тағайындау тиімсіз.

Препаратты емшек емізіп жүрген әйелдерге тағайындау қажет болған жағдайда емдеу кезінде емшек емізуді тоқтату қажет.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқарғанда немесе басқа механизмдермен жұмыс жасағанда реакция шапшаңдығына ықпалын тигізбейді. Емделу кезінде бас айналу, артериялық қысымның төмендеуі байқалған жағдайда, көлікті басқаруды және қозғалыстағы механизмдермен жұмыс жасауды тоқтата тұрған жөн.

Қолдану жөніндегі нұсқаулар

Дозалау режимі

Ересектерге бір реттік доза – 10 мг, ең жоғары бір реттік доза – 15 мг, ең жоғары тәуліктік доза – 30 мг.

Емдеу ұзақтығы – 3-4 күн, 4 күндік үзілістен кейін қажет болғанда курсты қайталайды.

Күшті паренхиматозды қан кету болуы мүмкін хирургиялық араласымдарда операция алдында 2-3 күн бойы тағайындайды.

Балаларға: 1 жасқа дейін – тәулігіне 2-5 мг, 1-2 жас – тәулігіне 6 мг, 3-4 жас – тәулігіне 8 мг, 5-9 жас – тәулігіне 10 мг, 10-18 жас – тәулігіне 15 мг. Дозаны 2 енгізуге бөледі. Емдеу ұзақтығын дәрігер белгілейді.

Енгізу әдісі және жолы

Бұлшықет ішіне енгізеді.

Емдеу ұзақтығы

Емдеу курсы – дәрігер анықтайды.

Артық дозаланған жағдайда қолданылуы қажет шаралар

Симптомдары: гиперпротромбинемиямен және гипертромбинемиямен, гипербилирубинемиямен, сарғаюмен, бауыр ферменттері белсенділігінің жоғарылауымен білінетін К гипервитаминозы; іштің ауыруы, іш қатулар немесе диарея, жалпы қозу және ажитация және тері бөртпелері білінді. Жекелеген жағдайларда балаларда құрысулармен білінетін уыттану пайда болады.

Емі. Препаратты тоқтату. Қан ұю жүйесінің көрсеткіштерін бақылай отырып, антикоагулянттар тағайындайды. Симптоматикалық ем.

Дәрілік препараттың бір немесе бірнеше дозасын өткізіп алған кездегі қажетті шаралар

Дәрілік зат емдеу мекемесі жағдайында қолдануға арналған. Өткізіліп алынған дәрілік затты қабылдауды өтеу үшін қос дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге хабарласыңыз.

Тоқтату симптомдары қаупінің барын көрсету

Осы дәрілік затқа қолданылмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Әрқашан препаратты қосымша параққа немесе емдеуші дәрігердің ұсынымдарына сәйкес қабылдаңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек

- артериялық қысымның транзиторлы төмендеуі, тахикардия, тамыр соғуының әлсіз толуы

Өте сирек

- аса жоғары сезімталдық реакциялары, оның ішінде бет гиперемиясы, тері бөртпелері (оның ішінде эритематозды, есекжем), терінің қышуы, бронх түйілуі.

Жиі емес

- бас айналуы

Өте сирек

• профузды тер, дәм сезімінің өзгеруі, ыстықты сезіну, енгізу орнындағы ауырсыну және ісіну, бір орынға қайта инъекция кезінде дақ түрінде тері түсінің өзгеруі

Өте сирек

• гемолитикалық анемия, туа біткен глюкозо-6-фосфатдегидрогеназа тапшылығы бар нәрестелерде немесе Е дәрумені жеткіліксіздігі, тромбоэмболиясы бар пациенттерде гемолиз

Белгісіз

• гипербилирубинемия, сарғаю (оның ішінде емшектегі балалардағы ядролық сарғаю)

Белгісіз: викасол жергілікті склеродермияны тудыруы мүмкін

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл ерітіндінің құрамында

белсенді зат – 10 мг викасол (менадион натрий бисульфиті)

қосымша заттар: натрий метабисульфиті (Е 223), 0,1 М хлорсутек қышқылы, инъекцияға арналған су

Сыртқы түрінің, иісінің, дәмінің сипаттамасы

мөлдір, түссіз немесе сәл сарғыш сұйықтық

Шығарылу түрі және қаптамасы

1 мл препараттан шыны ампулаларда.

Ампулаға өздігінен жабысатын жабыны бар қағаздан жасалған заттаңба жапсырылады.

5 ампуладан ампуланы ашуға арналған пышағымен пішінді ұяшықты қаптамаға (кассетаға) бірге салынған.

Түрлі түсті сындыру сақинасы немесе түрлі түсті сындыру нүктесі бар ампуланы қаптағанда ампуланы ашуға арналған пышақ салынбайды. Пішінді ұяшықты екі қаптама медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамада, 2 °С-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Фармацевтикалық фирма «Дарница» ЖАҚ

Украина, 02093, Киев қ., Борисполь к-сі, 13

Телефон, факс: (+38044)5666878

е-mail: vigilance@darnitsa.ua

Тіркеу куәлігінің ұстаушысы

«Фармацевтикалық фирма «Дарница» ЖАҚ

Украина, 02093, Киев қ., Борисполь к-сі, 13

Телефон, факс: (+38044)5666878

е-mail: vigilance@darnitsa.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Утегенова Ж.Ж.» ЖК

050043, Алматы қ-сы, Навои к-сі, 68 үй, 49 пәтер

телефон: (+ 727) 2424328 (тәулік бойы)

е-mail: vigilance@darnitsa.ua