Викасол (0.015 г)

• русский
• қазақша

• Скачать инструкцию медикамента

Саудалық атауы

Викасол

Халықаралық патенттелмеген атауы

Менадион натрий бисульфиті

Дәрілік түрі

Таблеткалар 15,0 мг

Бір таблетканың құрамында

белсенді зат - менадион натрий бисульфиті (викасол) (100 % затқа шаққанда) - 15,0 мг,

қосымша заттар: сахароза (қант), картоп крахмалы, натрий дисульфиті (натрий метабисульфиті), стеарин қышқылы, тальк (медициналық тальк), силикон эмульсиясы (эмульсия КЭ 10-12).

Сипаттамасы

Ақ немесе ақ дерлік түсті, жалпақ цилиндр пішінді, ойығы бар таблеткалар

Фармакотерапиялық тобы

Гемостатиктер. К витамині және басқа да гемостатиктер

АТХ коды В02ВА02

Фармакологиялық қасиеттері

Фармакокинетикасы

Ішке қабылдағаннан кейін жеңіл және жылдам сіңеді. Тіндерде елеусіз мөлшерде жинақталады. Бауырда метаболизмдік белсенділену циклын тез өте отырып, диол түріне дейін тотығады. Бүйрекпен (70% дейін) және өтпен іс жүзінде тек метаболиттер түрінде ғана шығарылады. К витаминінің нәжістегі жоғары концентрациясы оның ішек микрофлорасымен синтезделуіне байланысты.

Фармакодинамикасы

К витаминінің суда еритін синтетикалық аналогы, протромбин мен проконвертиннің синтезіне ықпал етеді, ұюдың II, VII, IX және X факторларын күшейту есебінен қан ұйығыштығын арттырады.

Гемостатикалық әсерге ие (К витамині тапшылығында қанағыштықтың артуы пайда болады). Қанда протромбин (фактор ІІ) тромбопластин мен кальций болуы кезінде проконветриннің (VII фактордың), IX (Кристмасс-факторы), X (Стюарт-Прауер факторы) факторларының қатысуымен тромбинге өтеді, осының ықпалымен фибриноген қан ұйындысының (тромбтың) негізін құрайтын фибринге айналады.

Субстратты тұрғыда К витаминін белсендіретін және гемостаздың К-витаминіне тәуелді плазмалық факторының бауыр синтезіне қатысуын қамтамасыз ететін K-витаминредуктазаны көтермелейді.

Әсері ішке қабылдағаннан кейін 7-12 сағат өткенде басталады.

Қолданылуы

Гипопротромбинемияға байланысты геморрагиялық синдромда; К гиповитаминозында (оның ішінде обтурациялық сарғаюда, гепатитте, бауыр циррозында, ұзаққа созылған диареяда). Жаралану, жарақаттанудан және хирургиялық араласулардан кейінгі қан кетулерде; жатырдың дисфункционалдық қан кетуінде, меноррагияда кешенді ем құрамында.

Кейбір дәрілік заттар қабылдау аясында (кумарин және индандион туындылары, салицилаттар, кейбір антибиотиктер) II, VII, IX, X факторлары құрамы төмендеуі салдарынан болатын гипопротромбинемияда.

Қолдану тәсілі және дозалары

Ішке.

Препаратты 3-4 күн бойы тағайындайды, төрт күндік үзілістен кейін курсты қайталайды. Тәуліктік дозаны 2-3 қабылдауға бөлуге болады.

Ересектер үшін ең жоғары бір реттік доза 30 мг құрайды, ересектер үшін ең жоғары тәуліктік доза – 60 мг.

Күшті паренхиматозды қан кету ықтималдығы бар жоспарлы хирургиялық араласуларда операция алдындағы 2-3 күн бойына тағайындайды.

Педиатрияда: 10-нан 14 жасқа дейін – тәулігіне 15 мг; 14 жастан асқан – тәулігіне 30 мг.

Жағымсыз әсерлері

Жиі:

- бет гиперемиясы, тері бөртпесі (оның ішінде эритематозды, есекжем), тері қышынуы,

- бронх түйілуі

- гемолитикалық анемия, туа біткен глюкоза-6-фосфатдегидрогеназа тапшылығы бар балалардағы гемолиз

- гипербилирубинемия, сарғаю

Сирек:

- бас айналуы, АҚ транзиторлы төмендеуі, "ағыл-тегіл" тер

- тахикардия, тамыр соғуының "әлсіз" толығуы

- дәм сезінудің өзгеруі

Қолдануға болмайтын жағдайлар

- препарат компоненттеріне жоғары сезімталдық

- қан ұюының жоғарылығы, тромбоэмболия

- жаңа туған нәрестелердің гемолиздік ауруы

- сахараза және/немесе изомальтаза тапшылығы

- фруктоза жақпаушылығы

- глюкоза-галактоза мальабсорциясы

- 10 жасқа дейінгі балаларға

Сақтықпен

- глюкоза-6-фосфатдегидрогеназа тапшылығы

- бауыр жеткіліксіздігі

- жүктілік

- лактация кезеңі

- қант диабеті

- обтурациялық сарғаюда препараттың инъекциялық түрін қолданған дұрыс

Дәрілермен өзара әрекеттесуі

Неодикумарин мен фенилиннің антикоагулянттық әсерін азайтады немесе бөгейді.

Гепариннің антикоагулянттық белсенділігіне әсер етпейді.

Антацидтер жіңішке ішектің бастапқы бөлігіне өт қышқылы тұздарының шөгуі салдарынан сіңуді төмендетеді.

Кең ауқымда әсер ететін антибиотиктермен хинидинмен, хининмен, салицилаттармен жоғары дозаларда, бактерияға қарсы сульфонамидтермен бір мезгілде тағайындау К витаминінің дозасын арттыруды талап етеді.

Колестирамин, колестипол, минералдық майлар, сукральфат, дактиномицин К витаминінің сіңуін төмендетеді, бұл оның дозасын жоғарылатуды қажет етеді.

Айрықша нұсқаулар

Гемофилияда, Виллебранд ауруында және Верльгоф ауруында препарат тиімсіз.

Өт ағып шығуының бұзылуына алып келетін ауруларда парентеральді енгізу ұсынылады.

Жүктілік және лактация кезеңі

Препаратты ана үшін болжамды пайдасы шарана мен балаға төнетін ықтимал қауіптен асып түсетін жағдайда ғана қолдануға болады.

Плацентаға оның өту төмендігі салдарынан К витаминін жүктіліктің III триместрінде профилактикалық тағайындау тиімсіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препаратты қолданған кезеңде көлік құралдарын және әртүрлі механизмдерді басқарғанда, сондай-ақ жоғары зейін қою мен психикалық және қимыл-қозғалыс реакциялары жылдамдығын қажет ететін басқа да қауіптілігі зор қызмет түрлерімен айналысқанда сақ болу керек.

Артық дозалануы

Симптомдары: гиперпротромбинемиямен және гипербилирубинемиямен көрініс беретін К гипервитаминозы, жекелеген жағдайларда, әсіресе балаларда құрысулармен қоса жүретін токсикоз дамиды.

Емі: препаратты тоқтату, симптоматикалық.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 20 таблеткадан салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

"Фармстандарт-Лексредства" ААҚ, 305022,

Ресей Федерациясы, Курск қ., 2-ші Агрегат к-сі, 1а/18,

тел/факс: (4712) 34-03-13,

www.pharmstd.ru

Тіркеу куәлігінің иесі

"Фармстандарт-Лексредства" ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

“Қарағанды фармацевтикалық кешені” ЖШС,

100009, Қазақстан Республикасы, Қарағанды қ., Ботаническая к-сі, 12 үй

Тел/факс: +7 (7212) 437002

Тел: + 7 (7212) 507322

E-mail: kphk@kphk.kz