Ви-Сан

Ви-Сан

Жоқ

Дәрілік түрі, дозалануы

Қабықпен қапталған таблеткалар, 120 мг

Ас қорыту жолы және зат алмасу. Қышқылдығы бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюксті емдеуге арналған препараттар (gastro-oesophageal reflux disease – GORD). Ойық жараға қарсы препараттар және гастроэзофагеальді рефлюксті емдеуге арналған басқа препараттар (gastro-oesophageal reflux disease – GORD). Висмут субцитраты.

АТХ коды А02ВХ05

Ви-Сан ересектерге арналған:

- асқазан мен он екі елі ішектің ойық жарасы

- өршу фазасындағы созылмалы гастрит және гастродуоденит, оның ішінде

Helicobacter pylori-мен астасқан

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары

сезімталдық

- бүйрек функциясының ауыр бұзылуы

- жүктілік және бала емізу кезеңі

- тұқым қуалайтын галактоза жағымсыздығы, Lapp (ЛАПП)-лактаза

ферментінің тапшылығы, глюкоза-галактоза мальабсорбциясы

- балалар мен 18 жасқа дейінгі жасөспірімдерге

Қолдану кезіндегі қажетті сақтандыру шаралары

Висмут қосылыстарын жоғары дозада ұзақ қабылдау ұсынылмайды, өйткені қайтымды энцефалопатияның даму жағдайлары болды.

Ви-Сан препаратын ұсынылған дозаларда қолданған жағдайда қайтымды энцефалопатияның даму қаупі ең аз болып табылады.

Препаратты құрамында висмут бар басқа дәрілік заттармен біріктіріп қолдану ұсынылмайды.

Ви-Сан қолданғанда висмут сульфидінің түзілуіне байланысты нәжістің қара түске боялуы мүмкін. Кейде тілдің қараюы байқалады.

Ем кезінде алкоголь қабылдауға ұсынылмайды.

Басқа дәрілік препараттармен өзара әрекеттесуі

Ви-Сан препаратын қабылдағаннан кейін жарты сағат ішінде ішке басқа дәрілік заттарды, сондай-ақ тамақ пен сұйықтықты, атап айтқанда, антацидтерді, сүтті, жемістер мен жеміс шырындарын қолдану ұсынылмайды. Бұл оларды бір мезгілде ішке қабылдаған кезде Ви-Сан препаратының тиімділігіне әсер етуі мүмкіндігіне байланысты. Ви-Сан тетрациклиннің сіңуін азайтады.

Арнайы сақтандырулар

Бір таблетка Ви-Сан құрамында 26,76мг лактоза моногидраты бар, сондықтан тұқым қуалайтын галактоза жағымсыздығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар кісілерге қолдануға болмайды.

Педиатрияда қолдану

Балалар мен 18 жасқа дейінгі жасөспірімдерге қолдануға болмайды.

Жүктілік немесе лактация кезінде

Препаратты жүктілік және емшек емізу кезінде қабылдау ұсынылмайды

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Ересектерге

Ви-Сан тәулігіне 4 рет 1 таблеткадан үш рет тамақ ішудің әрқайсысынан 30 минут бұрын және түнге қарай немесе тамақ ішуден 30 минут бұрын тәулігіне 2 рет 2 таблеткадан тағайындалады. Ең жоғары бір реттік доза 240 мг, ең жоғары тәуліктік доза 480 мг.

Емдеу курсының ұзақтығы 4-8 апта.

Келесі 8 апта ішінде құрамында висмут бар препараттарды қолдануға болмайды.

Helicobacter pylori эрадикациясы үшін Ви-Сан препаратын хеликобактерияларға қарсы белсенділігі бар басқа бактерияға қарсы дәрілермен және квадротерапия деп аталатын протонды помпа тежегіштерімен біріктірілімде қолданған жөн.

Пациенттердің ерекше топтары

Балалар

Балалар мен 18 жасқа дейінгі жасөспірімдерге қолдануға болмайды

Енгізу әдісі және жолы

Ішке.

Таблеткаларды тамақтан 30 минут бұрын қабылдайды және аз мөлшердегі сумен ішу керек.

Артық дозалану жағдайында қабылдау қажет болатын шаралар

Симптомдары: диспепсия, бөртпе, ауыздың шырышты қабығының қабынуы, қызыл иектің көгілдір сызықтар түріндегі күңгірттену сипаты, бүйрек жеткіліксіздігіне әкелетін бүйрек функциясы бұзылуы.

Емі: препаратты тоқтату, асқазанды шаю, белсендірілген көмірді, тұзды іш жүргізгіш дәрілерді қабылдау. Бүйрек функциясын, қан мен несептегі висмут концентрациясын бақылау көрсетілген. Әрі қарай симптоматикалық ем жүргізіледі. Қан плазмасында висмуттың жоғары деңгейімен қатар жүретін бүйрек функциясының бұзылуында кешен түзгіштерді – димеркаптоянтарлық және димеркаптопропан-сульфон қышқылын енгізуге болады. Ауыр бүйрек жеткіліксіздігінде гемодиализ көрсетілген.

Дәрілік препараттың бір немесе бірнеше дозасын өткізіп алу кезіндегі қажетті шаралар

Өткізіп алғанның орнын толтыру үшін препараттың екі есе дозасын қабылдамаңыз.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар

Дәрілік препаратты қолданар алдында кеңес алу үшін дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі

- висмут сульфидінің түзілуіне байланысты нәжісті күңгірт түске бояу, бірақ

оны меленадан оңай ажыратуға болады

Жиі емес

- жүрек айнуы, құсу, іш қату, диарея

- аллергиялық реакциялар: терінің орташа аллергиялық реакциялары

Өте сирек

- анафилаксиялық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек,

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат - 304.60 висмут трикалий дицитраты

(Bi2O3 висмут тотығына шаққанда) 120.00 мг

қосымша заттар: микрокристалды целлюлоза, лактоза моногидраты, кросповидон, калий полакрилині, полиэтиленгликоль ( Макрогол 6000), сусыз коллоидты кремнийдің қостотығы, тальк, магний стеараты

қабық құрамы OPADRY® QX ақ: полиэтиленгликоль/макрогол, тальк, титанның қостотығы (Е171), глицерол монокаприлокапраты, поливинил спирті

Сыртқы түрінің, иісінің, дәмінің сипаттамасы

Екі беті дөңес дөңгелек пішінді, аммиактың жеңіл иісі болуы мүмкін, ақ немесе ақ дерлік түсті қабықпен қапталған таблеткалар

Шығарылу түрі және қаптамасы

10 таблеткадан Полиамид/Алюминий/ Поливинилхлоридті (ПА/АЛ/ПВХ) фольгадан және алюминий фольгадан жасалған пішінді ұяшықты қаптамаға салынады.

3 немесе 6, немесе 12 пішінді ұяшықты қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады.

Дәрілік препараты бар қорапшаларды картон қораптарға салады.

Қорапшаға салмай қаптауға жол беріледі: пішінді ұяшықты қаптамалар медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қораптарға салынады, медициналық қолдану жөніндегі нұсқаулықтардың саны қаптамалар саны бойынша салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, құрғақ жерде 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта: complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz