Веро-аспарагиназа
Инструкция
-
русский
-
қазақша
Саудалық атауы
Веро-аспарагиназа
Халықаралық патенттелмеген атауы
Аспарагиназа
Дәрілік түрі
Көктамыр ішіне және бұлшықет ішіне енгізу үшін ерітінді дайындауға арналған лиофилизат 10000 ХБ
Құрамы
белсенді зат – L-Аспарагиназа 10000 ХБ,
қосымша заттар – глицин (аминсірке қышқылы)
Сипаттамасы
Ақ түсті кеуекті масса
Фармакотерапиялық тобы
Ісікке қарсы препараттар. Ісікке қарсы басқа препараттар. Аспарагиназа.
АТХ коды L01XX02
Фармакологиялық қасиеттері
Фармакокинетикасы
Қан плазмасындағы ең жоғарғы концентрациясына көктамыр ішіне енгізгенде алғашқы минуттарда, бұлшықет ішіне енгізгенде - 14-24 сағаттан соң жетеді. Препараттың 30%-ы плазма ақуыздарымен байланысады. Аспарагиназа ретикуло-эндотелиальді жүйеге өтеді және белсенді емес заттарға дейін баяу ыдырайды. Жартылай шығарылу кезеңі көктамыр ішіне енгізгенде 8-ден 30 сағатқа дейін ауытқиды, бұлшықет ішіне енгізгенде ол 39-49 сағатты құрайды. Препаратты күнделікті қолданғанда оның қандағы жеткілікті деңгейін ұстап тұруға мүмкіндік болады, сонымен қатар фермент іздерін қан плазмасында емдеу курсы аяқталғаннан кейін тағы 10 тәулік бойы анықтауға болады. Жұлын сұйықтығында енгізілген дозасының 1%-ынан азы анықталады.
Препараттың шығарылу жолы анықталмаған. Несепте препарат тек іздік мөлшерлерде білінеді.
Фармакодинамикасы
Аспарагиназа – бұл жасушалардың тіршілік етуі үшін қажетті аминқышқылы – аспарагиннің ыдырауын катализдейтін фермент. Пролиферациясының бәсеңдеуі бойынша оның ең жоғарғы белсенділігі жасушалық циклдың постмитоздық G1-фазасында білінеді. Аспарагиназаның әсері қалыпты жасушалармен салыстырғанда, өзіндегі аспарагинді синтездеуге қабілетсіз лейкемиялық ісік жасушаларындағы аспарагин деңгейінің төмендеуіне негізделеді деп есептеледі. Соның нәтижесінде ақуыз синтезі, сондай-ақ ДНҚ және РНҚ синтезі бұзылады.
Қолданылуы
|
|
жедел лимфобласттық лейкозда (басқа дәрілермен біріктіріп ремиссияны индукциялау үшін қолданады) |
|
|
лимфобластты ходжкиндік емес лимфомаларда |
|
Препаратқа резистенттілік тез дамитындықтан (жасушалардың аспарагинді синтездеу қабілетінің бәсеңдеуі), аспарагиназаны демеуші ем сызбасы құрамында пайдалану ұсынылмайды. |
|
Қолдану тәсілі және дозалары
Аспарагиназа монотерапия ретінде де, басқа цитостатиктермен біріктіріліп те пайдаланылады, соған байланысты әр жекелеген жағдайда дозасын, енгізу режимі мен тәсілін таңдауда арнайы әдебиеттердегі мәліметтерді басшылыққа алу керек.
Препарат көктамыр ішіне инфузия түрінде (кемінде 30 минут), немесе бұлшықет ішіне енгізедііл. Әдетте аспарагиназа балалар мен ересектерге м2 дене беткейіне 5000-10000 ХБ дозада, көктамыр ішіне немесе бұлшықет ішіне, 400000 ХБ аспайтын жалпы дозасына жеткенге дейін күнара немесе күн сайын тағайындалады.
Бұлшықетішілік енгізу тәсілі кезінде аспарагиназа ерітіндісін бір жерге 2 мл асырмай енгізу керек. Жоғарырақ дозасын енгізу қажет болса, бір ретте бірнеше инъекциясын жасауға тура келеді.
Ерітіндіні дайындау
Ұнтақ 4,0 мл инъекцияға арналған суда ерітіледі. Көпіршік түзілуін болдырмас үшін, құтының ішкі қабырғасына су ағынын баяу құйып, еріген кезде құтыны шайқамай, айналдыру керек.
Дайындалған ерітінді сәл бозаңдануы мүмкін.
Бұлшықет ішіне енгізу үшін дайындалған ерітіндіні сұйылту керек емес.
Ұзаққа созылатын көктамырішілік инфузия үшін, нұсқаулыққа сәйкес еріткеннен кейін, аспарагиназаның есептелген мөлшері 250-500 мл 0,9% натрий хлориді ерітіндісінде немесе 5% декстроза ерітіндісінде сұйылтылуы тиіс.
Дайындалған ерітінді 6 сағат бойы жарамды.
Жағымсыз әсерлері
Жағымсыз әсерлері кездесу жиілігін ескере отырып келтірілген: өте жиі (≥ 1/10), жиі (≥ 1/100-дан < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-дан < 1/1000 дейін), өте сирек (< 1/10000).
Өте жиі
|
|
тәбеттің болмауы, жүрек айнуы, құсу, іш тұсының спастикалық ауыруы, диарея, дене салмағының төмендеуі |
|
|
аса жоғары сезімталдық реакциялары (бөртпе және/немесе күлдіреуіктер, тыныстың тарылуы) |
|
|
қандағы липидтер деңгейінің өзгеруі, көп жағдайларда клиникалық көріністерсіз (холестериннің жоғарылауы немесе төмендеуі, триглицеридтердің жоғарылауы, тығыздығы өте төмен липопротеидтер деңгейінің жоғарылауы және тығыздығы төмен липопротеидтер деңгейінің төмендеуі, липопротеинлипаза белсенділігінің жоғарылауы) |
|
|
преренальді метаболикалық бұзылулар салдарынан қан мочевинасы азоты деңгейінің жоғарылауы |
|
|
инъекция орнының ауыруы, ісіну |
|
|
бауыр көрсеткіштерінің өзгерістері (сілтілік фосфатаза, сарысулық трансаминазалар, аммиак, лактатдегидрогиназа, сарысулық билирубин деңгейінің жоғарылауы), бауырдың майлы инфильтрациясы, тіндердің ісінуіне алып келуі мүмкін гипоальбуминемия |
|
Жиі |
|
|
|
қанда амилаза деңгейінің жоғарылауы |
|
|
барлық үш жасуша желісінің миелосупрессиясы |
|
|
қан кетулер, диссеминацияланған қантамырішілік қан ұюы, қан ұюының бұзылуы салдарынан болатын тромбоздар |
|
|
апоплексиялық инсульт, ми қантамырларында қан ұюының бұзылуы салдарынан естен тану |
|
|
қозу, депрессия, елестеулер, сананың шатасуы және патологиялық ұйқышылдық, электроэнцефалограммадағы өзгерістер түрінде білінетін орталық жүйке жүйесі функциясының бұзылуы (альфа-толқындар белсенділігінің төмендеуі, тета- және дельта-толқындар белсенділігінің жоғарылауы) |
|
|
жедел панкреатит, диареямен қатар жүретін ұйқы безінің сыртқы секреторлық функциясының бұзылуы |
|
|
диабеттік кетоацидозбен, гиперосмолярлық гипергликемиямен жүретін ұйқы безінің эндокриндік функциясының бұзылуы |
|
|
температура жоғарылауы, арқаның, буындардың, іш тұсының ауыруы |
|
|
анафилактикалық шок, бронх түйілуі Анафилаксия қаупі қайталап қолданғанда арта түседі. Алайда, анафилактикалық шок алғаш рет енгізгенде де болуы мүмкін. Теріішілік сынамалардың нәтижелері аллергиялық реакциялар туралы болжам жасауда әрдайым нақты бола бермейді. |
|
Жиі емес |
|
|
|
қандағы мочевина деңгейінің жоғарылауы (гиперурикемия), гипераммониемия |
|
Сирек |
|
|
|
құрысулар, команы қоса сананың ауыр бұзылулары, |
|
|
қайтымды артқы лейкоэнцефалопатия синдромы |
|
|
геморрагиялық немесе некроздық панкреатит |
|
|
бүйректің жедел жеткіліксіздігі |
|
|
холестаз, сарғаю, бауыр жасушаларының некрозы және өліммен аяқталуы мүмкін бауыр жеткіліксіздігі |
|
Өте сирек |
|
|
|
гемолитикалық анемия |
|
|
саусақтардың жеңіл треморы |
|
|
ұйқы безінің псевдокистозы, өлімге соқтыратын панкреатит, жедел паротитпен қатар жүретін панкреатит |
|
|
уытты эпидермальді некролиз (Лайелл синдромы) |
|
|
транзиторлық екіншілік гипотиреоз, тироксин‑байланыстырғыш глобулин деңгейінің төмендеуі, гипопаратиреоз |
|
|
өмірге қауіп төндіретін гипертермия |
|
|
жұқпалардың дамуы |
Қолдануға болмайтын жағдайлар
|
|
емдеу кезіндегі немесе сыртартқыдағы панкреатит |
|
|
аспарагиназаға бұрын байқалған аллергиялық реакциялар |
|
|
жүктілік және лактация кезеңі |
|
|
бауыр және бүйрек функцияларының айқын бұзылулары |
Дәрілермен өзара әрекеттесуі
Уытты әсерінің айқындығы аспарагиназаны преднизолоннан және винкристиннен кейін енгізгенде, оны аталған дәрілік заттарды қолданғанға дейін немесе қолдану кезінде пайдаланғандағыға қарағанда аздау болады.
Аспарагиназа метотрексат пен цитарабинге, дозасы мен қолданылған сәтіне байланысты, синергиялық немесе антагонистік әсер береді.
Метотрексат пен цитарабинді алдын-ала қолдану аспарагиназаның әсерін синергиялы күшейтеді. Егер аспарагиназа бірінші енгізілсе, бұл әсерін метотрексат немесе цитарабинді кейін енгізу арқылы әлсіретуге болады.
Аспарагиназа бауыр функциясына әсер ете отырып, басқа препараттардың уыттылығын күшейтуі мүмкін.
Подаграға қарсы урикозуриялық препараттарды қолдану несеп қышқылы түзілуінің жоғарылауымен байланысты нефропатия қаупін арттыруы мүмкін.
Аспарагиназамен емдеу кезінде алкоголь қолданудан бас тарту керек.
Айрықша нұсқаулар
ОЖЖ ауруларында, қант диабетінде, жедел жұқпаларда (желшешекті, герпесті, белдемелі теміреткіні қоса), подаграда (сыртартқыдағы), нефролитиазда сақтықпен қолдану керек.
Аспарагиназамен емдеуді тек ісікке қарсы химиотерапия жүргізу тәжірибесі бар маманның қадағалауымен жүргізу керек.
Емдеуді бастар алдында жекелей көтерімділікке сынама жүргізеді: құрамында 10 ХБ аспарагиназа бар 0,1 мл ерітіндіні тері астына иықтың латеральді беткейіне енгізеді. Бақылау үшін бір мезгілде 0,1 мл изотониялық натрий хлориді ерітіндісін қатар енгізеді (реакция нәтижесін 3 сағаттан соң бағалайды). Папула диаметрі 1 см аспайтын болса, сынама теріс болып саналады, және емдеуді бастауға болады.
Бұлшықет ішіне енгізгенде ерітіндінің көлемі 2 мл аспауы тиіс, егер көлемі 2 мл артық болса – дозасын бөлу керек.
Анафилактоидтық реакциялардың дамуының алдын алу үшін бөліп енгізген дұрыс. Аллергиялық реакциялар жағдайында аспарагиназаны енгізуді дереу тоқтату керек. Тиісінше шараларды қолдану қажет: антигистаминдік препараттарды, глюкокортикоидтарды және гемодинамиканы тұрақтандыратын препараттарды енгізу.
Емдеу кезінде шеткергі қан көрінісін, бауыр, бүйрек, ұйқы безі функциясын, қанның ұю жүйесін жүйелі түрде: аптасына кемінде 1 рет глюкоза, протромбин, фибриноген, билирубин, холестерин, жалпы ақуыз мөлшерін, ақуыз фракцияларын, трансаминазалар белсенділігін, сілтілік фосфатазаны, амилазаны және т.б. ферменттерді бақылау қажет. Бұл көрсеткіштер күрт өзгерсе, сондай-ақ протромбин деңгейі 60%-дан төмендесе және фибриноген концентрациясы 3 г/л аз, қан ұю уақытының жоғарылауы, панкреатит дамуы болса, емдеуді тоқтату және қажетті ем жүргізу керек.
Лейкоциттердің көп мөлшерде ыдырауының нәтижесінде несеп қышқылы түзілуінің жоғарылауымен байланысты нефропатияның дамуының алдын алу үшін, аллопуринолды тағайындау, несепті сілтілейтін сұйықтық ішуді арттыру ұсынылады.
Препарат байқаусызда теріге немесе шырышты қабықтарға тиіп кетсе, 15 минут бойы сумен (шырышты қабықтарды) немесе сабынды сумен (теріні) әбден жуып-шаю қажет. Уытты әсері балаларға қарағанда, ересектерде айқынырақ.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың кейбір жағымсыз әсерлері автокөлік басқару және жоғары зейін шоғырландыру мен психомоторлық реакциялардың жылдамдығын қажет ететін (әсіресе бір мезгілде алкоголь қабылданғанда) қауіптілігі зор қызмет түрлерімен шұғылдану қабілетіне теріс ықпал етуі мүмкін.
Артық дозалануы
Симптомдары: анафилаксия; инсулинмен емдеумен қайтаруға болатын гипергликемиялық статус; қан кету қаупін төмендету үшін жаңа мұздатылған плазмамен орынбасушы емді қажет етуі мүмкін қан ұюының бұзылуы.
Емі: ауруханаға жатқызу, өмірлік маңызы бар функцияларға мониторинг жүргізу, симптоматикалық ем. Арнайы у қайтарғысы белгісіз.
Шығарылу түрі және қаптамасы
10000 ХБ белсенді заттан түссіз шыныдан жасалған, резеңке қоспадан жасалған алюминий немесе алюмо-пластик қалпақшалармен қаусырылған тығындармен тұмшаланып тығындалған құтыларға салады.
Әр құтыға заттаңбалық немесе жазу қағазынан жасалған заттаңба, немесе өздігінен желімденетін заттаңба жапсырылады.
Бір құтыны медицинада қолданылуы жөніндегі мемлекеттік және орыс тілдеріндегі нұсқаулықпен бірге тұтынушы ыдысына арналған картоннан жасалған қорапшаға салады.
5 немесе 10 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге бөлгіш аралықтары немесе арнайы ұяшықтары бар тұтынушы ыдысына арналған картоннан жасалған қорапшаға салады.
Қорапшаларды топтық қаптамаға салады.
Сақтау шарттары
Жарықтан қорғалған жерде, 10 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды
Дәріханалардан босатылу шарттары
Рецепт арқылы
Өндіруші ұйымның атауы мен елі
«ЛЭНС-Фарм» ЖШҚ, Ресей Федерациясы.
Заңды мекенжайы: 601125, Владимир обл., Петушин ауд., Вольгинский кенті, 67 корпус
Өндірістің және шағымдарды қабылдау мекенжайы: 601125, Ресей, Владимир обл., Петушин ауд., Вольгинский кенті, 95 корпус және 67 корпус, тел. (49243) 7-17-53
Тіркеу куәлігі иесінің атауы мен елі
«ЛЭНС-Фарм» ЖШҚ, Ресей Федерациясы.
Қаптаушы ұйымның атауы мен елі
«ЛЭНС-Фарм» ЖШҚ, Ресей Федерациясы.
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:
«ВЕРОФАРМ» ЖШС, Қазақстан Республикасы
Алматы қ., Саин к-сі, 30 үй, 116 кеңсе
тел.: (727) 273-1634, (727) 230-09-09