Вернисал

Вернисал

Жоқ

Дәрілік түрі, дозалануы

Жергілікті қолдануға арналған спрей

Қолдануға көрсетілімдері

Ангина, фарингит, тонзиллит, стоматит, афтоз, глоссит, гингивит, паразиттік зеңдерден туындаған аурулар (микоз) сияқты ауыз қуысы мен жұтқыншақтың инфекциялық-қабыну ауруларын симптоматикалық жергілікті емдеу, пациентке операцияға дейінгі және операциядан кейінгі күтім көрсету.

Қолданудың басталуына дейін қажетті мәліметтер тізбесі

• препараттың белсенді заттарына препараттың құрамындағы қандай да бір қосымша заттарға немесе амидтік типті анестетиктерге аса жоғары сезімталдық

• ауыздың шырышты қабығына келтірілген ауыр зақым.

Препарат сәбилер мен кіші жастағы балаларға (3 жасқа дейінгі) қолданылмайды.

Басқа дәрілік  препараттармен өзара әрекеттесуі

Деквалиний хлориді сабынмен және анионды беткейлік белсенді заттармен, сондай-ақ құрамында фенолды қосылыстары бар дезинфекциялық заттармен үйлеспейді.

Басқа анестетиктермен бір мезгілде тағайындаудан аулақ болу керек.

Арнайы ескертулер

Препаратты ауыздың шырышты қабаты зақымданған пациенттерге тағайындағанда жағымсыз реакциялардың даму қаупінің жоғарылауына байланысты сақ болу керек.

Дозаны бауыр жеткіліксіздігі және жүрек-қан тамырлары аурулары кезінде төмендету керек. Ұзақ немесе дұрыс пайдаланбау (жұту немесе тым жиі бүрку) дауыс саңылауының сезімталдығын ішінара немесе толық жоғалту қаупін, атап айтқанда асфиксия қаупін арттыруы мүмкін.

Ауыз қуысының табиғи флорасының бұзылу қаупін тудырмас үшін ұзақ уақыт пайдаланудан (10 күннен артық) аулақ болу керек.

Қосымша заттар

Вернисал құрамына аз мөлшерде этанол (спирт) кіреді, бір дозада 100 мг-ден аз.

Препараттың құрамында 1 мл-де 270,0 мг пропиленгликоль бар, бұл 35,1 мг/дозаға тең.

Жүктілік және лактация

Деректердің болмауына байланысты Вернисалды жүктілік кезінде немесе лактация кезінде қолдануға болмайды.

Препараттың көлік құралын немесе әлеуетті қауіптілігі зор механизмдерді  басқару қабілетіне әсер ету ерекшеліктері

Вернисал препараты көлік құралдарын және әлеуетті қауіпті механизмдерді басқару қабілетіне әсер етпейді.

Қолдану жөніндегі нұсқаулар

Дозалану режимі

Спрей ауыз қуысы мен тамаққа бүркуге арналған.

Механикалық бүріккіштің ұшын ауыз қуысына енгізіп, басу керек. Құтыны тік ұстау керек. Препараттың ұсынылатын тәуліктік дозасы - 2 бүркуден 3-6 рет қолданылады (бір бүрку 0.1 мл препаратқа сәйкес келеді). Ең жоғары тәуліктік доза 12 бүркуді құрайды.

Егер емнің 3-4 күнінде жақсармаса, дәрігермен кеңесу қажет.

Қолдану тәсілі мен енгізілу жолы

Жергілікті қолдануға арналған

Артық дозалану жағдайында қабылдануы қажеті шаралар

Деквалиний хлориді: адам үшін артық дозалану қаупі туралы ақпарат жоқ.

Лидокаин гидрохлориді: дұрыс пайдаланбаған жағдайда (шамадан тыс дозалау, ауыздың шырышты қабығының зақымдануы) лидокаин уытты реакциялар тудыруы мүмкін («Жағымсыз реакциялар» қараңыз). Бұл жағдайда дәрігердің шұғыл көмегі, вена ішіне тез әсер ететін барбитурат және қажет болған жағдайда, респираторлық қолдау қажет.

Терапия ретінде жылдам әсер ететін барбитураттарды вена ішіне енгізу, егер жүрек-қантамыр және тыныс алу жүйелерінің бұзылыстары дамыған жағдайда - симптоматикалық емдеу ұсынылады.

Дәрілік препаратты қабылдамас бұрын дәрігермен немесе фармацевтпен кеңесіңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз әсерлер олардың даму жиілігіне сәйкес былайша жіктелген: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), жиілігі белгісіз (қолда бар мәліметтерге сәйкес, пайда болу жиілігін анықтау мүмкін болмады).

Деквалиний хлориді: жағымсыз реакциялары белгісіз.

Лидокаин гидрохлориді:

өте сирек: шамадан тыс дозалауға немесе ауыздың шырышты қабығының зақымдалуына, жоғары сезімталдық реакцияларына байланысты уытты реакциялар.

Сыртқа қолданғанда токсикалық реакциялар өте сирек кездеседі, бұл шырышты қабық зақымдалғанда препараттың қанға кездейсоқ түсуінен немесе ұзақ уақыт қолданғаннан кейін артық дозалануынан туындайды. Келесі жағымсыз реакциялар туралы хабарланды: есінеу, жүйкелік, ступор, көрудің бұзылуы, жүрек айну және құсу, бұлшықеттердің тартылуы және тырысулар.

Лидокаин өте сирек жоғары сезімталдық реакцияларын тудырады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір миллилитр препарат құрамында

Белсенді заттар: 1.25 мг деквалиний хлориді, 1.0 мг лидокаин гидрохлориді.

қосымша заттар: пропиленгликоль, этанол 96 %, сукралоза, хлорсутек қышқылы, натрий гидроксиді, тазартылған су.

Сыртқы түрінің, иісінің, дәмінің сипаттамасы

Спирттің иісімен тәтті дәмі бар, түссіз біртекті мөлдір ерітінді.

Шығарылу түрі және қаптамасы

30 мл препараттан механикалық бүріккіші бар күңгірт шыныдан жасалған құтыларға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли/Багджылар, Стамбул, Түркия

Тел: +90 (212) 474 70 50, факс: +90 (212) 474 09 01

Электронды пошта: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД.», Грузия

Бербути к-сі, 10/ Алмасиани к-сі, 19-21, 26 кеңсе (корп.II), Тбилиси қ., Грузия

Тел: + 995 32 2 21 28 12, факс: + 995 32 2 21 28 13,

Электронды пошта: worldmedicine.llc.geo@gmail.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«RIN Pharm» ЖШС, Алматы, Сүйінбай даңғылы 222-Б

тел: 8+7 727 252 90 90

е-mail: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«RIN Pharm» ЖШС, Алматы, Сүйінбай д-лы 222-Б

Ұялы тел +7 701 786 33 98

е-mail: pvpharma@worldmedicine.kz