Верклав (600 мг)

• русский
• қазақша

• Скачать инструкцию медикамента

Саудалық атауы

Верклав

Халықаралық патенттелмеген атауы

Жоқ

Дәрілік түрі

Көктамыр ішіне енгізу үшін ерітінді дайындауға арналған 600 мг және 1200 мг ұнтақ

Құрамы

Бір құтының ішінде

белсенді заттар: 500 мг немесе 1000 мг натрий амоксициллині (амоксицилинге шаққанда), 100 мг немесе 200 мг калий клавуланаты (клавулон қышқылына шаққанда)

Сипаттамасы

Ақтан аздап сарғыш түске дейінгі ұнтақ

Фармакотерапиялық тобы

Жүйелі пайдалануға арналған бактерияларға қарсы препараттар

Бета-лактамды бактерияларға қарсы препараттар - Пенициллиндер

Пенициллиндер бета-лактамаза тежегіштерімен біріктірілімде

Клавулон қышқылы + амоксициллин

АТХ коды J01CR02

Фармакологиялық қасиеттері

Фармакокинетикасы

Амоксициллиннің және клавулан қышқылының негізгі фармакокинетикалық параметрлері ұқсас. 1,2 г (1000мг+200мг) препараттың болюсті инъекциясынан кейін плазмалық концентрацияларының шыңы амоксициллин үшін 105,4 мг/л және клавулан қышқылы үшін 28,5 мг/л құрайды.

Екi компонент те организмнің сұйықтықтарында және тіндерiнде (өкпе, ортаңғы құлақ, плевралық және перитонеальді сұйықтықтар, жатыр, аналық бездер және тағы басқаларда) жақсы таралу көлемімен бейнеленедi, амоксициллин сондай-ақ синовиальді сұйықтықтарға, бауырға, қуық асты безіне, таңдай бадамша бездеріне, бұлшықет тініне, өтке, мұрынның қосалқы қойнаулары сөлінісіне, сiлекейге және бронх сөліне өтедi.

Амоксициллин және клавулан қышқылы қабынбаған ми қабаттары кезінде гематоэнцефалдық бөгет арқылы өтпейді.

Организмнің сұйықтықтарындағы концентрациясының шыңы плазмалық концентрациялардың шыңына жеткеннен кейiн 1 сағаттан соң байқалады.

Амоксициллин және клавулан қышқылы плаценталық бөгет арқылы өтеді және іздік концентрацияларда емшек сүтіне түседі.

Амоксициллин және клавулан қышқылы плазманың ақуыздарымен нашар байланысуымен бейнеленедi.

Амоксициллин ішінара метаболизденеді, клавулан қышқылы қарқынды метаболизмге душар болады.

Амоксициллин iс жүзiнде тубулярлық сөлініс және шумақтық сүзіліс жолымен дерлік өзгермеген түрде бүйректермен шығарылады. Клавулан қышқылы ішінара метаболиттер түрiнде шумақтық сүзіліс жолымен шығарылады. Бiраз мөлшері iшек және өкпе арқылы шығарылуы мүмкін. Амоксициллиннiң және клавулан қышқылының жартылай шығарылу мерзiмi 1-1,5 сағат. Ауыр бүйрек жеткiлiксiздiгiмен емделушiлерде жартылай шығарылу мерзiмi амоксициллин үшiн 7,5 сағатқа дейiн және клавулан қышқылы үшін 4,5 сағатқа ұлғаяды.

Екi компонентте гемодиализбен және болмашы мөлшерде - перитонеальді диализбен шығарылады.

Фармакодинамикасы

Верклав антибактериялық белсендiлiктiң кең ауқымымен амоксициллин-жартылай синтетикалық пенициллиннiң және клавулан қышқылы-β-лактамазаның қайтымсыз тежегішінің біріктірімін білдіреді. Клавулан қышқылы көрcетiлген ферменттермен табанды белсенділігі төмендетілген кешендi түзеді және микроорганизмдермен өндірілетін β-лактамаза әсеріне амоксициллиннiң төзімділігін қамтамасыз етедi.

Құрылымы бойынша β-лактамды антибиотиктерге ұқсас клавулан қышқылы әлсiз меншiктi антибактериялық белсендiлiкке ие болады.

Верклав антибактериялық әсердiң кең ауқымына ие болады. Амоксициллинге сезімтал штаммдарға қатысты, β-лактамазаны өндіретін штаммдарды қоса белсендi:

грамоң аэробтар: Streptococcus pneumoniae, Streptococcus pyogenes, Streptococcus viridans, Streptococcus bovis, Staphylococcus aureus (метициллин-резистентті штаммдардан басқа), Staphylococcus epidermidis (метициллин-резистентті штаммдардан басқа), Staphylococcus saprophyticus, Listeria spp., Enteroccocus spp.;

грамтеріс аэробтар: Bordetella pertussis, Brucella spp.t Campylobacter jejuni, Escherichia coli, Gardnerella vaginalis, Haemophilus influenzae, Haemophilus ducreyi, Klebsiella spp., Moraxella catarrhalis, Neisseria gonorrhoeae, Neisseria meningitides, Pasteurela multocida, Proteus spp, Salmonella spp., Shigeila spp, Vibrio cholerae, Yersinia enterocolitica, Helicobacter pylori, Eikenella corrodens;

грамоң анаэробтар: Peptococcus spp., Peptostreptococcus spp., Clostridium spp., Actinomyces israelli, Fusobacterium spp., Prevotella;

грамтеріс анаэробтар: Bacteroides spp.

Қолданылуы

Микроорганизмдердің сезімтал штаммдары туғызған жұқпалар (соның ішінде грамтерiс және грамоң аэробтар мен анаэробтар туғызған аралас жұқпалар):

- тыныс алу жолдарының жоғарғы бөлiмдерінiң және ЛОР-ағзаларының жұқпалары (жедел және созылмалы синусит, жедел және созылмалы ортаңғы отит, жұтқыншақтың арғы жағының iрiңдеуі, тонзиллит, фарингит)

- тыныс алу жолдарының төменгi бөлiмдерінiң жұқпалары (бактериялық асқынжұқпамен жедел бронхит, созылмалы бронхит, пневмония)

- несеп шығару жолдарының жұқпалары

- терiнiң және жұмсақ тіндердің жұқпалары

- сүйек және дәнекер тіндердің жұқпалары

- іш қуысының, соның iшiнде өт жолдарының жұқпалары (холецистит, холангит)

- одонтогенді жұқпалар (перидонтит)

- жыныс жолымен берiлетiн жұқпалар (соз, шанкроид)

- хирургиялық араласудан кейiн жұқпалардың алдын алу.

Қолдану тәсілі және дозалары

Көктамырішілік.

Ересектер және 12 жастан асқан балалар (салмағы 40 кг-нан артық): препараттың 1,2 г-ын (1000мг+200мг) 8 сағат аралықпен, жұқпаның ауыр ағымы жағдайында - 6 сағат аралықпен.

3 айлықтан 12 жасқа дейінгі балалар: дене салмағы 30 мг/кг (белсендi заттардың жалпы дозасына шаққанда) 8 сағат аралықпен, жұқпаның ауыр ағымы жағдайында - 6 сағат аралықпен.

Верклав препаратының әрбір 30 мг-ы амоксициллиннің 25 мг-ынан және клавулан қышқылының 5 мг-ынан тұрады.

1-ден 3 айлыққа дейінгі балалар (салмағы 4 кг-нан артық): дене салмағы 30 мг/кг (белсендi заттардың жалпы дозасына шаққанда) әрбір 8 сағат сайын, егер баланың салмағы 4 кг-нан кем болса - әрбір 12 сағат сайын.

1 айлыққа дейінгі балалар (соның iшiнде шала туылған, жаңадан туылған): дене салмағы 30 мг/кг (белсендi заттардың жалпы дозасына шаққанда) әрбір 12 сағат сайын.

Хирургиялық араласу кезінде жұқпалық асқынудың алдын алу: анестезия кезінде 1,2 г (2 сағатан аспайтын операцияның ұзақтығы кезінде).

Ұзақ операциялар кезінде қайтадан әрбiр 6 сағат сайын 1.2 г (1 тәулік iшiнде 4 ретке дейiн) енгiзу ұсынылады.

Бүйрек жеткiлiксiздiгiмен емделушiлер үшiн: дозасы және/немесе препаратты енгiзу арасындағы аралық оның жеткiлiксiздiгінің дәрежесiне байланысты түзетілуі керек

Препараттың 85%-ы гемодиализ кезінде шығарылады, гемодиализдің әрбiр рәсімінің соңында Верклавтың кәдiмгi дозасын енгiзу қажет.

Перитонеальді диализ кезінде дозаның түзету талап етілмейді. Бүйрек жеткiлiксiздiгiмен немесе гемодиализ қабылдайтын балалар үшін дозаны түзету амалы ересек емделушiдегідей. Емдеу курсы 5-14 күнді құрайды.

Емдеу курсының ұзақтығы емдеуші дәрігермен анықталады.

Терапияны жалғастыру үшiн симптомдардың ауырлығының дәрежелерiн азайту кезінде препараттың ішке қабылдайтын формаларына өту ұсынылады.

Көктамырішілік инъекция үшiн ерiтiндiнi даярлау.

Инъекцияға арналған құтының iшiндегiсін суда ерiту: инъекция үшін 10 мл суда - 600 мг (500мг+100мг) немесе инъекцияға арналған 20 мл суда - 1,2 г (1000мг+200мг). Көктамырішілік баяу, 3-4 минут бойы енгiзу.

Көктамырішілік инфузия үшiн ерiтiндiнi даярлау.

Верклав препаратын инфузиялық енгiзу үшiн көктамырішілік инъекцияға арналған жаңа даярланған ерiтiндiнi қосымша сұйылту керек болады.

Препараттың 600 мг-ынан (50 мг+100мг) тұратын ерiтiндiнi инфузияға арналған ерiтiндiнiң 50 мл-інде қосымша сұйылту керек болады, ерiтiндiнiң 100 мл-iне - 1,2 г (1000мг+200мг). Инфузия ұзақтығы 30-40 минут құрайды.

Инфузиялық ерiтiндiлердің ұсынылған көлемдерiнде төменде келтірілген сұйықтықтарды қолдану кезінде антибиотиктiң қажеттi концентрациясы сақталынады. Верклавтың глюкозадан, декстраннан немесе бикарбонаттан тұратын инфузиялық ерiтiндiлерде тұрақтылығы кемдеу.

Верклавты көктамырішілік енгізу үшiн ерiтiндiні даярлағаннан кейiн 20 минут iшiнде енгізу керек.

Тек мөлдiр ерiтiндiлерді ғана қолдану керек. Даярланған ерiтiндiлерді мұздатып қатыруға болмайды.

Жағымсыз әсерлері

- жүрек айнуы, құсу, диарея, артқы өтіс қышымасы, тәбеттiң болмауы

- терi бөртпесi, қышыну, есекжем, инъекцияның орнындағы тромбофлебит, эритематозды бөртпелер

Сирек

- тромбоцитоз, гемолитикалық анемия

- бас айналуы, бас ауыруы, құрысу

- iш ауыруы, стоматит, жалған жарғақшалы және геморрагиялық колит (соның iшiнде антибиотиктердi қолдануға байланысты), тiс эмалi түсiнiң беткейлі өзгерiсi

- мультиформалы эритема

- АсАТ және/немесе АлАТ жоғарылауы

Өте сирек

- лейкопения, гранулоцитопения, нейтропения, эозинофилия, тромбоцитопения, панцитопения, анемия, агранулоцитоз, миелосупрессия, қан кету және протромбин уақытының ұлғаюы

- қара тiл («шашты» тiл)

- интерстициальді нефрит, гематурия, кристаллурия

- Стивенс-Джонсон синдромы, уытты эпидермальді некролиз, буллезді эксфолиативті дерматит, жедел жайылған экзантематозды пустуллез, Лайелл синдромы

- ангионевротикалық ісіну, анафилаксия, сарысулық ауру, аллергиялық васкулит, дәрілік қызба

- гепатит және холестатикалық сарғаю

- жоғары белсенділік, үрейлену сезімі, ұйқышылдық, сананың шатасуы, агрессия

Қолдануға болмайтын жағдайлар

- препараттың компоненттеріне жоғары сезімталдық (соның iшiнде сыртартқысында пенициллиндер мен цефалоспориндердің тобындағы антибиотиктерге);

- холестатикалық сарғаю, гепатит немесе бауыр қызметінің басқа да ауыр бұзылыстары

- лимфолейкоз

- жұқпалы мононуклеоз

• жүктіліктің I триместрі

- лактация кезеңі

Сақтықпен: балалар, жүктіліктің II-III триместрлері, асқазан-ішек жолының аурулары (соның iшiнде сыртартқысында пенициллиндерді қолдануға байланысты колит), созылмалы бүйрек жеткiлiксiздiгi, егде жас (болуы мүмкiн бүйрек жеткiлiксiздiгiмен байланысты), аллергиялық аурулар.

Дәрілермен өзара әрекеттесуі

Диуретиктер, аллопуринол, фенилбутазон, ҚҚСП және өзекшелік сөліністі бөгейтін басқа да дәрілік заттар амоксициллиннің концентрациясын жоғарылатады (клавулан қышқылы негізінен шумақтық сүзіліс жолымен шығарылады).

Верклав пен метотрексатты бірмезгілде қолдану метотрексаттың уыттылығын жоғарылатады.

Аллопуриноломымен бiрге тағайындау экзантеманың даму жиiлiгiн жоғарылатады.

Кейбір жағдайларда препаратты қабылдау протромбин уақытын ұзарта алады, осыған байланысты антикоагулянттар мен Верклавты бірмезгілде тағайындау кезінде сақ болу керек.

Дисульфираммен бірмезгілде қолдануға болмайды.

Верклав және аминогликозидті антибиотиктер физикалық және химиялық сыйымсыз.

Верклавты басқа дәрiлiк заттармен еккіште немесе инфузиялық құтыда араластыруға болмайды.

Глюкозаның, декстранның, бикарбонаттың ерiтiндiлерiмен, сондай-ақ қаннан, протеиндерден, липидтерден тұратын ерiтiндiлермен араластыруға болмайды.

Препарат ішке қабылданатын контрацептивтердiң тиiмдiлiгiн төмендетедi.

Айрықша нұсқаулар

Емдеу басталар алдында пенициллиндерге, цефалоспориндерге немесе басқа бета-лактамды антибиотиктерге бұрынғы жоғарғы сезiмталдық реакцияларына қатысты егжей-тегжелі сыртартқысын жинау қажет.

Пенициллиндерге күрделі, кейде фатальді жоғарғы сезiмталдық реакциялары (анафилактикалық шок) сипатталған.

Курстық емдеу кезінде қан түзiлу, бауыр, бүйрек ағзалары қызметінің күйiн бақылауды 7 күннен астам уақыт жүргiзу қажет.

Бүйрек қызметінің ауыр бұзылыстарымен емделушiлерде дозаны бiрдей түзету немесе препаратты енгiзу аралықтарын ұлғайту талап етіледі.

Ампициллин қабылдаған, жұқпалы мононуклеоздан және лимфолейкоздан зардап шегетін емделушiлердiң көпшілігінде эритематозды бөртпе пайда болғаны байқалғандықтан, жоғарыда келтірiлген ауруларды емдеу үшiн Верклав препаратын қолдануға болмайды.

Препаратты, сондай-ақ кең ауқымды әсер ететін басқа да антибиотиктердi ұзақ қолдану кезінде сезiмтал емес бактериялар мен зеңдердің өсуі есебiнен асқынжұқпа болуы мүмкін, бұл емдеудi тоқтатуды немесе емге түзету енгiзудi талап етуі мүмкін.

Препараттың құрамында калий бар.

Натрийдің төмен құрамымен емдәмді ұстанатын емделушiлер үшiн ақпарат: 600 мг-дық (500мг+100мг) әрбір құтыда натрийдің 29,7 мг-ы болады. 1,2г-дық (100мг+200мг) әрбір құтыда натрийдің 59,3 мг-ы болады. Ең жоғары күнделікті дозадағы натрийдің мөлшері 200 мг-нан асады.

Сирек жағдайларда баяулаған диурезбен емделушiлерде кристаллурия туындауы мүмкін.

Амоксициллиннiң жоғары дозаларын енгізу уақытында сұйықтықтың жеткiлiктi мөлшерін қабылдауға және амоксициллин кристалдарының түзілу ықтималдығын азайту үшiн баламалы диурездi демеу ұсынылады.

Зертханалық талдаулар: амоксициллиннiң жоғары концентрациялары Бенедикт реактивін немесе Феллинг ерітіндісін қолданған кезде несепте глюкозаның бар болуына жалған оң реакцияны бередi. Глюкозооксидазамен ферментативті реакцияларды қолдану ұсынылады.

Жүктілік және лактация кезеңі

Верклавты жүктiлiк уақытында қауіп\пайда арақатынасын бағалауды жүргізгеннен кейiн күрделі көрсетілімдер бар болған жағдайларды ескермегенде, әйелдерге тағайындауға болмайды.

Амоксициллин және клавулан қышқылы емшек сүтімен бөлінеді, осыған байланысты препаратпен емдеу қажеттігі кезінде емшек емізуді тоқтату керек.

Дәрілік заттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері

Болуы мүмкiн жағымсыз әсерлерді, мысалы сананың шатасуын, бас айналуды және құрысуды есепке ала, қозғалысты жоғары жұмылдыруды және психомоторлық реакциялардың шапшаңдығын талап ететiн көлік құралын немесе күрделі механизмдерді басқару кезінде сақтану қажет.

Артық дозалануы

Препаратты артық дозалау салдарынан өлiммен аяқталу немесе жағымсыз әсерлердің өмiрге қауіп төндіруі туралы хабарлар келіп түспеген.

Симптомдары: асқазан-iшек жолы тарапынан бұзылыстар (iш ауыруы, диарея, құсу), сондай-ақ қозу, ұйқысыздық, бас айналу, жекелеген жағдайларда құрысу болуы мүмкiн.

Емі: симптоматикалық, дәрiгердiң бақылауы қажет. Верклав гемодиализ кезінде шығарылады.

Шығарылу түрі

Алюминий қалпақшамен қаусырылған және қоңыр бромбутил резеңкеден жасалған тығынмен тығындалған, тығыз жабылған шыны құтыға препарат 600 мг немесе 1200 м-ден салынған.

1 құты медицинада қолданылуы жөніндегі мемлекеттік және орыс тіліндегі нұсқаулықпен бірге картон пашкеге салынған.

Стационарлар үшін: 50 құты медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Карнатака Антибиотикс & Фармасьютикалс Лимитед

Плот № 14,11Фазе Пения, Бангалор-560058, Үндістан

Тіркеу куәлігінің иесі

«Русюрофарм» ЖШҚ

117049, Мәскеу, Донская к-сі, 4 үй, құрылыс 1, Ресей Федерациясы

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

Қарағанды қ., Натур Фарма ЖШС, Ержанов к-сі 10/2, 202 кеңсе