Вальпрокс (Вальпроевая кислота)

Вальпрокс Хроно

Вальпрой қышқылы

Дәрілік түрі, дозалануы

Босап шығуы ұзартылған, үлбірлі қабықпен қапталған таблеткалар 500 мг

Жүйке жүйесі. Эпилепсияға қарсы препараттар. Май қышқылының туындылары. Вальпрой қышқылы.

АТХ коды N03AG01

Ересектер мен балаларда эпилепсияны емдеу үшін монотерапия ретінде немесе жайылған (клонустық, тонустық, тонус-клонустық, абсанс, миоклониялық және атониялық ұстамалар; Леннокс-Гасто синдромы) эпилепсия кезінде де, фокустық эпилепсия (салдарлы жайылумен немесе онсыз фокустық ұстамалар) кезінде де эпилепсияға қарсы басқа препараттармен біріктіріп.

Қолданудың басталуына дейінгі қажетті мәліметтер тізбесі

- вальпроатқа, вальпроат семинатрийге, вальпромидке немесе препараттың компоненттерінің қандай-да біреуіне аса жоғары сезімталдық

- жүктілік, қолайлы баламалы емі болмаған жағдайлардан басқасында

- ұрпақ өрбітетін жастағы әйелдерде қолдану, Жүктіліктің алдын алу бағдарламасының шарттары орындалған жағдайлардан басқасында

- жедел және созылмалы гепатит

• пациенттің жеке немесе отбасылық анамнезіндегі, атап айтқанда, дәрілік препараттардан туындаған ауыр гепатит жағдайлары

• бауыр порфириясы

- митохондрийдің бұрыннан бар, митохондрий ферменті γ-полимеразаны кодтайтын ядролық гендегі мутациялардан туындаған бұзылулары (POLG, яғни, Альперс-Гуттенлохер синдромы) және 2 жасқа дейінгі, POLG-мен байланысты бұзылуларының бар екендігіне күдік бар балалар

- мочевина түзілуі циклының диагнозы анықталған бұзылулары

Қолдану кезіндегі қажетті сақтандыру шаралары

Сирек жағдайларда ауыр немесе кейде өлімге соқтыратын бауыр аурулары туралы. Жоғары қауіп тобын ауыр дәрежелі эпилепсиясы, әсіресе, мидың зақымдануымен, ақыл-ой дамуының тежелуімен және/немесе туа біткен метаболизмдік немесе дегенерациялық аурулармен байланысты эпилепсиясы бар сәбилер мен 3 жасқа дейінгі балалар құрайды. 3 жастан асқандарда ондай асқынулардың жиілігі едәуір азая түседі және жас ұлғая келе біртіндеп төмендей береді.

Көпшілік жағдайларда, бауыр функциясының бұзылуы емнің алғашқы 6 ай ішінде, әдетте, 2 және 12 апталар аралығында, және көбінесе, эпилепсияға қарсы біріктіріп емдеу кезінде байқалады.

Ескертпе белгілер

Ерте жүргізілетін диагностика көбінесе, клиникалық тексерудің нәтижелеріне негізделеді. Атап айтқанда, ауру манифестациясының екі, әсіресе, сарғаюға ізашар болуы мүмкін жоғары қауіп тобындағы пациенттерге қатысты типі ескерілуі тиіс:

• әдетте кенеттен көрініс беретін, астения, анорексия, қажу, ұйқышылдық сияқты, кейде қайталанатын құсумен және іш ауыруымен көрініс беретін спецификалық емес жүйелі белгілер.

• емінің сәйкестігіне қарамастан, эпилепсия ұстамаларының қайталануы.

Пациенттерге, егер олар балалар болса, олардың отбасыларына, ондай клиникалық симптомдар пайда болған жағдайда, дереу дәрігерге жүгіну керектігін айту ұсынылады. Клиникалық тексеруден өзге, бауырдың функционалдық сынамаларын да бірден жүргізіп отыру керек.

Анықтау

Емдеудің алғашқы 6 айы ішінде, әсіресе, қауіп тобындағы пациенттер үшін бауырдың функционалдық сынамаларын жүйелі түрде бақылап отыру қажет.

Классикалық тестілер арасында, бауырдың ақуызды синтездейтінін, және әсіресе, протромбин уақытын (ПУ) көрсететін тестілер анағұрлым орынды. Протромбин уақытының аномальді төмен деңгейі расталған жағдайда, әсіресе, егер зертханалық талдауларда басқа да аномальді ауытқулар (фибриноген және ұю факторлары деңгейінің едәуір төмендеуі, билирубин және бауыр трансаминазалары деңгейінің жоғарылауы) білінсе, Вальпрокс Хроно препаратымен емдеу тоқтатылуы тиіс (сақтық шарасы ретінде, біріктіріп тағайындалған кезде салицилат туындыларымен емдеуді де тоқтата тұрған дұрыс, өйткені олар метаболизмнің бірдей жолдарын пайдаланады).

Панкреатит

Сирек жағдайларда, кейде өлімге соқтыратын панкреатит байқалды. Ондай жағдайлар науқастың жас шамасы мен емдеу ұзақтығына байланыссыз байқалды, сонымен қатар, кішкентай балалар қауіп тобына жатқызылды. Нәтижесі жағымсыз панкреатит әдетте, кішкентай балаларда немесе ауыр эпилепсиясы, ми зақымдануы бар пациенттерде, немесе эпилепсияға қарсы бірнеше дәрімен емделіп жүрген пациенттерде байқалады.

Егер панкреатит бауыр жеткіліксіздігімен қатар пайда болса, нәтижесіндегі өлім қаупі жоғарылай түседі.

Іштің қатты ауыруы немесе асқазан-ішек жолы тарапынан жүрек айнуы, жұсу және/немесе анорексия сияқты белгілер пайда болса, панкреатит диагнозын қарастыру керек және, ұйқы безі ферменттерінің деңгейі жоғары пациенттерде, емдеуді тоқтату және қажетті баламалы шараларды қолдану керек.

Жасөспірім қыздар, ұрпақ өрбітетін жастағы әйелдер және жүкті әйелдер үшін

Ескерту:

Жүктіліктің алдын алу бағдарламасы

Вальпроаттың тератогенділік ықтималдылығы жоғары, ал құрсақта жатқанда вальпроаттың әсеріне ұшыраған балаларда туа бітетін даму ақауларының және неврологиялық дамудың бұзылуларының қаупі жоғары болады.

Вальпрокс Хроно препаратын келесі жағдайларда қолдануға болмайды:

• жүктілік кезінде, қолайлы баламалы емі болмаған жағдайлардан басқасында

• ұрпақ өрбітетін жастағы әйелдерде, Жүктіліктің алдын алу бағдарламасының шарттары орындалған жағдайлардан басқасында

Жүктіліктің алдын алу бағдарламасының шарттары

Препаратты тағайындайтін дәрігер (емдеуші дәрігер), келесілерге көз жеткізуі тиіс:

• дербес жағдайлар әр жағдайда пациент әйелмен талқылау жолымен, оның қатысуына кепілдік бере отырып, емдеу нұсқаларын талқылауды және пациент әйелдің қауіптерді және қауіптерді азайту үшін қажетті шараларды түсінуін қамтамасыз етудің бағаланғандығына.

• жүктілік ықтималдылығы пациент әйелдердің барлығы үшін бағаланатынына.

• пациент әйелдің туа бітетін даму ақаулары қауіптерін және аталған қауіптердің құрсақта жатқанда вальпроаттың әсеріне ұшырайтын балалар үшін шамасын қоса, неврологиялық даму бұзылуларының қауіптерін түсінгендігіне және растайтындығына.

• пациент әйелдің емдеу басталғанға дейін және емдеу кезінде қажеттілігіне қарай, жүктілікті анықтауға арналған тестіден өтуі қажеттілігін түсінетіндігіне.

• пациент әйелге контрацепцияға қатысты кеңес берілгендігіне, және пациент әйелдің тиімді контрацепцияны (егжей-тегжейлі ақпарат алу үшін, жақтаудағы осы ескертудің «Контрацепция» қосалқы бөлімін қараңыз) вальпроатпен емдеудің барлық кезеңі бойын үзбей сақтауға қабілетті екендігіне.

• пациент әйел эпилепсияны емдеуді тәжіриесі бар маманның емді жүйелі түрде (кемінде жыл сайын) қайта қарау қажеттігін түсінетіндігіне.

• пациент әйелдің жүктілікті жоспарлаған бойда, дер кезінде талқылануын және бала көтергенге дейін және контрацепцияны пайдалануды тоқтатқанға дейін баламалы емдеу нұсқаларына көшуді қамтамасыз ету үшін, өзінің дәрігерімен кеңесуі қажеттігін түсінетіндігіне.

• пациент әйел бала көтерген жағдайда тез арада дәрігерге жүгіну қажеттігін түсінетіндігіне.

• пациент әйелге пациентке арналған нұсқаулық берілгеніне.

• пациент әйелдің, қауіптерді және вальпроатты пайдаланумен байланысты қажетті сақтық шараларын түсінгендігін (Жыл сайынғы қауіптермен танысу формасы) растайтындығына.

Бұл шарттар, ем тағайындап отырған адам жүктілік қаупінің жоқтығын растайтын айқын себептер бар деп есептеген жағдайлардан басқасында, қазіргі кезде жыныстық қарым-қатынаста болып жүрмеген әйелдерге де қатысты.

Қыз балалар

Препаратты тағайындайтін дәрігер (емдеуші дәрігер), келесілерге көз жеткізуі тиіс:

• қыз балалардың ата-аналары/қамқоршылары, вальпроатты қабылдап жүрген қыз балада алғашқы етеккірі басталғаннан кейін бірден маманға жүгіну қажеттілігін түсінетіндігіне.

• алғашқы етеккірі басталған қыз балалардың ата-аналары/қамқоршылары, туа бітетін даму ақаулары және аталған қауіптердің құрсақта жатқанда вальпроат әсеріне ұшыраған балалар үшін шамасын қоса, шамасын қоса неврологиялық даму бұзылуларының қауіптері туралы егжей-тегжейлі ақпарат алғандығына.

• алғашқы етеккірі басталған пациенттерде вальпроатпен емдеу қажеттілігі жыл сайын қайта бағаланады және баламалы емдеу нұсқалары қарастырылады. Егер вальпроат емнің бірден-бір қолайлы нұсқасы болса, тиімді контрацепцияны пайдалану қажеттілігін және Жүктіліктің алдын алу бағдарламасының барлық басқа шарттарын талқылау керек. Емдеуші дәрігер қыз балаларды жыныстық тұрғыдан жетілгенге немесе кәмелет жасына жеткенге дейін баламалы емге ауыстыруға бар күшін салуы тиіс.

Жүктілікті анықтауға арналған тест

Вальпроатпен емдеуді бастағанға дейін жүктіліктің бар-жоқтығын анықтау керек. Байқаусызда жүктілік кезінде пайдаланылуына жол бермеу үшін, бала туатын жастағы әйелдерде вальпроатпен емдеуді, сезімталдығының 25 мХБ/мл кем еместігі анықталған плазманы пайдаланып жүктілікті анықтауға арналған тестінің денсаулық сақтау қызметкері растаған теріс нәтижесінсіз бастамау керек. Жүктілікті анықтауға арналған бұл тестіні, емдеу кезінде жүйелі уақыт аралықтары сайын қайталап отыру керек.

Контрацепция

Бала туатын жастағы, вальпроат тағайындалған әйелдер вальпроатпен емдеудің барлық кезеңі бойына үздіксіз тиімді контрацепцияны пайдалануы тиіс. Ондай пациент әйелдерге жүктіліктің алдын алу жөнінде егжей-тегжейлі ақпарат берілуі тиіс, және егер олар тиімді контрацепцияны пайдаланып жүрмеген болса, оларды контрацепция мәселелері бойынша кеңес алуға жолдау керек. Контрацепцияның кемінде бір тиімді әдісін (дұрысы, жатырішілік спираль немесе имплантат сияқты автономдық түрін) немесе контрацепцияның бөгеттік әдісін қоса, екі қосымша түрін пайдалану керек. Дербес жағдайлар контрацепция әдісін таңдаудың әр жағдайда пациент әйелдің қатысуына және таңдалған шаралардың сақталатындығына кепілдік беру үшін, онымен талқылау жолымен бағалануы тиіс. Тіпті аменорея кезінде де, пациент әйел тиімді контрацепция жөніндегі барлық кеңестерді сақтауы тиіс.

Құрамында эстроген бар препараттар

Құрамында эстроген бар гормональді контрацептивтерді қоса, құрамында эстроген бар препараттармен бр мезгілде қабылдау, вальпроат тиімділігінің төмендеуіне алып келуі ықтимал. Құрамында эстроген бар препараттарды қабылдау басталған немесе тоқтатылған кезде, клиникалық жауапқа (ұстамалардың бақылануына) мониторинг жүргізу қажет.

Екінші жағынан, вальпроат гормональді контрацептивтердің тиімділігін төмендетпейді.

Дәрігердің емді жыл сайын қайта қарауы

Емдеуші дәрігер вальпроаттың пациент әйел үшін анағұрлым қолайлы ем болып табылатындығын-табылмайтындығын кемінде жылына бір рет қайта қарауы тиіс. Емдеуші дәрігер емдеуді бастағанда және әрбір жыл сайынғы қайта қарау барысында, жыл сайынғы қауіптермен танысу формасын талқылауы, және пациент әйел оның мазмұнын түсінгендігіне көз жеткізуі тиіс. Қауіптермен танысу формасын емдеуші дәрігер мен пациент әйел (немесе оның заңды өкілі) тиісінше толтыруы және қол қоюы тиіс.

Жүктілікті жоспарлау

Егер әйел жүктілікті жоспарлап жүрсе, эпилепсияны емдеуді тәжірибесі бар маман, вальпроатпен емді қайта бағалауы және емнің баламалы нұсқаларын қарастыруы тиіс. Бала көтергенге дейін және контрацепцияны пайдалану тоқтатылғанға дейін сәйкесінше баламалы емге ауыстыру үшін бар күшін салуы қажет. Егер ауыстыруға мүмкіндік болмаса, әйелдің отбасын жоспарлауға қатысты негізді түрде шешім қабылдауын қамтамасыз ету үшін, оған вальпроаттың болашақ бала үшін қауіптеріне қатысты қосымша кеңес берілуі тиіс.

Жүктілік жағдайында

Егер вальпроатты пайдаланып жүрген әйелде жүктілік басталса, вальпроатпен емді қайта бағалауы және баламалы нұсқаларын қарастыруы үшін оны дереу маманға жолдау керек. Вальпроатты пайдаланып жүріп бала көтерген пациенттер мен олардың серіктестерін, вальпроат әсеріне ұшыраған жүктілікке қатысты баға беруі және кеңес беруі үшін тератологияда тәжірибесі бар маманға жолдау керек.

Фармацевттер келесілерге көз жеткізуі тиіс:

• Пациенттің карточкасы Вальпрокс Хроно препаратын әр берген кезде қоса беріледі, және пациенттер оның мазмұнын түсінеді.

• Пациенттерге Вальпрокс Хроно препаратын қабылдауды тоқтатпау және жоспарлы немесе болжамды жүктілігі жағдайында дереу маманға жүгіну ұсынылады.

Оқытып-үйрету материалдары

Денсаулық сақтау мамандары мен пациент әйелдерге жүктілік кезінде вальпроаттың әсерінен сақтануға көмектесу үшін, Тіркеу куәлігінің ұстаушысы вальпроаттың тератогенділігі (туа біткен даму ақаулары) және фетоуыттылығына (неврологиялық дамудың бұзылуы) қатысты ескерту шараларын күшейту үшін оқытып-үйрету материалдарын ұсынады және ұрпақ өрбітетін жастағы әйелдерде вальпроаттың пайдаланылуына қатысты нұсқаулар мен Жүктіліктің алдын алу бағдарламасы туралы егжей-тегжейлі мәліметтерді береді. Пациентке арналған нұсқаулық пен пациенттің карточкасын бала туатын жастағы, вальпроатты пайдаланып жүрген әйелдердің барлығына беру керек. Вальпроатпен емдеу басталған кезде және емнің әрбір жыл сайынғы қайта қаралуы барысында маман мен пациент (немесе оның заңды өкілі) тиісінше толтыруы және қол қоюы тиіс Жыл сайынғы қауіптермен танысу формасын пайдалану керек.

Ұстамалардың қайта жаңғыруы

Эпилепсияға қарсы басқа препараттармен жағдайдағы сияқты, вальпроататы енгізу, жақсарудың орнына, ұстамалардың жиілігі мен ауырлығының (эпилепсия статусын қоса) қайтадан қайталануына немесе ұстамалардың жаңа типтерінің пайда болуына алып келуі мүмкін. Ұстамалар қайта жаңғырған жағдайда, пациенттер дереу емдеуші дәрігерімен кеңесуі керек.

Суицид қаупі

Суицидтік ойлар немесе мінез-құлық бірнеше көрсетілім бойынша эпилепсияға қарсы дәрілермен емделген пациенттер арасында байқалды. Пациенттер суицидтік ойлар мен мінез-құлық белгілерінің пайда болуына қатысты мұқият қадағалауда болуы тиіс, және сәйкесінше емі қарастырылуы тиіс. Пациенттер (немесе олардың қамқоршылары) өздерінің суицидтік ойлар немесе мінез-құлық пайда болған жағдайда дәрігерге жүгінуі тиіс екендігінен хабардар болуы тиіс.

Карбапенемдер

Вольпроат пен карбапенемдерді бір мезгілде қолдану ұсынылмайды.

Белгілі немесе болжамды митохондрий аурулары бар пациенттер.

Вальпроат митохондрий ДНҚ, сондай-ақ, митохондрий ферменті γ -полимеразаны кодтайтын ядролық ген (POLG) мутацияларынан туындайтын митохондрийдің негізгі ауруларының клиникалық белгілерін туғызуы немесе нашарлатуы мүмкін

Атап айтқанда, бауырдың вальпроат-индукциялаған жедел жеткіліксіздігі мен өлім жағдайларының жиілеуі митохондрий ферменті полимераза үшін гендегі мутациялардан туындаған тұқым қуалайтын нейрометаболизмдік синдромдары, мысалы, Альперс-Гуттенлохер синдромы бар науқастарда тіркелді.

POLG-мен байланысты бұзылыстарды отбасылық анамнезінде POLG болған немесе POLG-мен байланысты симптомдық бұзылыстарға бейім, мысалы: түсініксіз энцефалопатиясы, рефрактерлік эпилепсиясы (фокустық, миоклонустық), бастапқы тексеру сәтінде эпилепсия статусы бар, дамуы тежелген, психомоторлық регрессиясы, сенсомоторлық нейропатиясы, миопатиясы, мишықтық атаксиясы, офтальмоплегиясы немесе эпилепсия ұстамасына алып келетін күрделі шүйделік бас сақинасы бар пациенттерде қарастыру керек.

POLG мутациялары диагнозын анықтау ондай бұзылуларды анықтауға арналған заманауи клиникалық тәжірибеге сәйкес жүргізілуі тиіс.

Когнитивтік немесе экстрапирамидалық бұзылыстар

Когнитивтік немесе экстрапирамидалық бұзылыстар мидың қайтымды атрофиясымен байланысты болуы тиіс. Ондай клиникалық көрініс деменция немесе Паркинсон ауруы сияқты патологиямен шатастырылуы мүмкін. Аталған бұзылулар препаратпен емдеуді тоқтатқан кезде қайтымды.

Препаратты қолданған кездегі сақтық шаралары

Қан талдауы

Емдеуді бастар, сондай-ақ, хирургиялық араласымның алдында және гематома немесе өздігінен қан кетулер дамыған жағдайда, қан талдауларын (тромбоциттер мөлшерін, қан ету уақыты мен ұю параметрлерін қоса, қанның толық талдауын) жүргізу ұсынылады.

Бүйрек жеткіліксіздігі

Бүйрек жеткіліксіздігі бар пациенттерге қатысты қандағы вальпрой қышқылының айналымдағы концентрациялары жоғарылайтынын ескеру керек, соған байланысты дозасын тиісінше төмендету керек.

Гипераммониемия

Бұл дәрілік препаратты мочевина түзілу циклында ферменттер тапшылығы бар пациенттерге тағайындау ұсынылмайды. Ондай пациенттер арасында мелшиюмен немесе кома жағдайымен жүретін гипераммониемия дамыған бірнеше жағдайлар болды.

Жүйелі қызыл жегі

Бұл дәрілік препараттың жекелеген жағдайларда тек иммунологиялық бұзылуларды туғызатындығы анықталғандығына қарамастан, жүйелі қызыл жегіден зардап шегіп жүрген пациенттерге қатысты «пайдасы-қаупі» арақатынасы салыстырылуы тиіс.

Дене салмағының жоғарылауы

Емдеуді бастар алдында пациентке салмақтың жоғарылауы қаупі және негізінен, ондай әсерін азайту үшін қолданылуы керек диета сипатындағы тиісінше шаралар туралы туралы айтылуы тиіс.

Қант диабеті

Вальпрой қышқылының ұйқы безіне жағымсыз әсер етуі мүмкіндігін ескере отырып, препаратты қант диабеті бар пациенттерде қолданғанда қандағы глюкоза концентрациясын мұқият мониторингілеу керек. Қант диабеті бар пациенттерде несепте кетондық денелердің бар-жоқтығын зерттеген кезде, жалған оң нәтижелер алынуы мүмкін, өйткені Вальпрой қышқылы бүйрек арқылы, ішінара кетондық денелер түрінде шығарылады.

II типті карнитин-пальмитоилтрансфераза (CPT) тапшылығы:

II типті карнитин-пальмитоилтрансфераза (КПТ) жеткіліксіздігі бар пациенттерге вальпрой қышқылын қабылдағанда рабдомиолиз дамуы қаупінің жоғарырақ болатындығы ескертілуі тиіс.

Басқа дәрілік препараттармен өзара әрекеттесуі

• Нейролептикалық дәрілер, моноаминоксидаза тежегіштері, антидепрессанттар, бензодиазепиндер

Вальпрокс Хроно басқа психотроптық заттардың, мысалы, нейролептикалық дәрілердің, моноаминоксидаза тежегіштерінің, антидепрессанттар мен бензодиазепиндердің әсерін күшейту мүмкін; сондықтан, медициналық қадағалау, және қажет болған жағдайда, дозасын түзету ұсынылады.

Вальпрокс Хроно қандағы литий концентрациясына әсер етпейді

- Оланзапин

Вальпрой қышқылы оланзапиннің плазмадағы концентрацияларын азайтуы мүмкін.

• ФенобарбиталВальпрокс Хроно қан плазмасындағы Фенобарбитал концентрациясын арттырады (бауырдағы метаболизмін бәсеңдету арқылы) және сол арқылы, ең адымен балалармен жағдайда седацияға алып келуі мүмкін. Сондықтан, біріктірілген емнің алғашқы 15 күні бойына бірізді медициналық қадағалау, ал седация белгілері пайда болған жағдайда – дереу Фенобарбиталдың дозасын төмендету ұсынылады. Қан плазмасындағы Фенобарбитал деңгейін анықтау қажет болуы мүмкін.

• ПримидонВальпрокс Хроно қан плазмасындағы Примидон деңгейін арттырады, бұл Примидонның жағымсыз әсерлерін (мысалы, седацияны) күшейтуі мүмкін; әдетте, мұндай симптомдар ұзағырақ емдеген кезде жоғалып кетеді. Әсіресе, біріктіріп емдеуді бастаған сәтте мұқият медициналық қадағалау ұсынылады. Қажет болған жағдайда, дозасын түзетуді қолдану керек.

• ФенитоинВальпрокс Хроно Фенитоиннің қан плазмасындағы жалпы концентрациясының төмендеуіне ықпал етеді. Бұдан өзге, ол Фенитоиннің бос бөлшектерінің жоғарылауына және сол арқылы, артық дозалану симптомдарының пайда болуы мүмкіндігіне алып келеді (Вальпрокс Хроно Фенитоинді қан плазмасы ақуыздарымен байланыстан ығыстырады және оның бауырдағы метаболизмін бәсеңдетеді). Сондықтан мұқият медициналық қадағалау ұсынылады. Қан плазмасындағы Фенитоин деңгейін анықтаған кезде оның бос бөлшектеріне ерекше көңіл бөлу керек.

• Карбамазепин

Вальпрокс Хроно пен Карбамазепиннің бір мезгілде қолданылуымен байланысты, клиникалық уытты әсерлерінің пайда болғаны туралы хабарламалар бар, өйткені Вальпрокс Хроно Карбамазепиннің уытты әсерлерін күшейтуі мүмкін. Әсіресе, біріктіріп емдеуді бастаған сәтте, мұқият медициналық қадағалау ұсынылады; қажет болған жағдайда, дозасын тиісінше түзетуді қолдану керек.

• Ламотриджин

Вальпрокс Хроно Ламотриджиннің метаболизмін төмендетуі және оның жартылай ыдырауының орташа кезеңінің ұзаруына алып келуі мүмкін. Қажет болған жағдайда, дозасын түзету (Ламотриджиннің дозасын азайту) керек. Ламотриджин мен Вальпрокс Хроно препаратын біріктіріп қолдану ең алдымен балаларда, тері реакциялары (ауыр) қаупін арттыруы мүмкін.

• Фелбамат

Вальпрой қышқылы Фелбамат клиренсінің орташа мәнін 16 %-ға төмендетуі мүмкін.

- Пропофол

Вальпрой қышқылы пропофолдың плазмадағы концентрацияларының артуына алып келуі мүмкін. Пропофолды вальпрой қышқылымен бір мезгілде қолданғанда оның дозасын азайту мәселесін қарастыру керек.

• Зидовудин

Вальпрокс Хроно қан плазмасындағы Зидовудин концентрациясын арттыруы мүмкін, бұл оның уытты әсерінің күшеюіне алып келуі мүмкін.

• Нимодипин

Нимодипиннің  плазмадағы концентрациясының 50%-ға жоғарылауына байланысты, оның гипотензиялық әсерінің күшейеді (вальпрой қышқылы нимодипиннің метаболизмін тежейді).

• Темозоломид

Темозоломид пен Вальпрокс Хроно препаратын бір мезгілде қолдану Темозоломидтің клиренсін болар-болмас төмендетуі мүмкін. Алайда, мұның клиникалық маңызы зор болмауы ықтимал.

Басқа дәрілік препараттардың Вальпрокс Хроно препаратына ықпалы

- Антиэпилептиктер

Ферменттерді индукциялайтын, эпилепсияға қарсы препараттар (Фенитоин, Фенобарбитал, Примидон, Карбамазепинді қоса) Вальпрокс Хроно препаратының қан плазмасындағы концентрациясын төмендетеді. Біріктіріп емдеген кезде дозасын препараттың қандағы деңгейіне сәйкес түзету қажет.

Вальпрокс Хроно мен Фелбамат біріктірілімі вальпрой қышқылының клиренсін 22-50 %-ға төмендетеді, бұл Вальпрокс Хроно препаратының қан плазмасындағы концентрациясының жоғарылауына алып келуі мүмкін. Сондықтан вальпрой қышқылының дозасын бақылау қажет.

- Безгекке қарсы препараттар

Мефлохин де, Хлорохин де құрысуға дайындық шегін төмендетуі мүмкін. Бұдан өзге, Мефлохин Вальпрокс Хроно деңгейінің төмендеуіне алып келуі мүмкін. Қажет болған жағдайда, вальпрой қышқылының дозасын тиісінше түзету керек.

- Байланысуы жоғары ақуыздық агенттер

Вальпрой қышқылы мен ақуыз түзуі айқын препараттарды (мысалы, ацетилсалицил қышқылын) бір мезгілде қолданғанда, қан плазмасындағы бос вальпрой қышқылының деңгейі жоғарылауы мүмкін.

- К дәруменіне тәуелді антикоагулянттар және ацетилсалицил қышқылы

Варфариннің және кумариндер қатарының басқа антикоагулянттарының тромбоцитке қарсы (қан ұюын бәсеңдететін) әсері, сондай-ақ, ацетилсалицил қышқылының тромбоциттер агрегациясын бәсеңдететін әсері, Вальпрокс Хроно препаратының әсерінен олардың қан плазмасы ақуыздарымен байланыстан ығысуы салдарынан жоғарылауы мүмкін. Оральді антикоагуляция кезеңі ішінде тромбопластин уақытын бақылауды жиі жүргізу көрсетілген.

- Циметидин немесе эритромицин

Циметидинді немесе Эритромицинді бірге қолданғанда Вальпрокс Хроно препаратының қан плазмасындағы деңгейі жоғарылауы мүмкін (оның бауырдағы метаболизмінің төмендеуі себепті).

- Карбапенемдік антибиотиктер

Вальпрой қышқылын Карбапенеммен бір мезгілде қолданғанда, оның қандағы деңгейінің төмендегені туралы хабарламалар орын алған. Шамамен екі күн ішінде, қандағы вальпрой қышқылы деңгейі шамамен 60-100 %-ға төмендеген. Жылдам пайда болатын және айқындығы күшті төмендеуі себепті, вальпрой қышқылын тұрақты түрде қабылдап жүрген пациенттер үшін Карбапенемді қабылдау бақыланбайды деп қарастырылады және сондықтан да, оған жол бермеу керек.

- Холестирамин вальпрой қышқылының резорбциясын төмендетуі мүмкін.

Флуоксетинді бір мезгілде қабылдаудың салдарынан қан сарысуындағы вальпрой қышқылы концентрациясы жоғарылауы да, кей жағдайларда төмендеуі де мүмкін.

- Рифампицин қан сарысуындағы вальпрой қышқылының деңгейін төмендетуі, және сол арқылы оның емдік әсерін азайтуы мүмкін. Сондықтан, біріктіріп емдегенде вальпрой қышқылының дозасын түзету қажет.

- Лопинавир және ритонавир сияқты протеаза тежегіштері, бірге қолданылғанда вальпроаттың плазмадағы деңгейін төмендетеді.

- Құрамында эстроген бар препараттар, соның ішінде құрамында эстроген бар гормональді контрацептивтер

Эстрогендер вальпроаттың глюкурондануына қатысатын UDP-глюкуронозилтрансфераза (UGT) изоформаларының индукторлары болып табылады, және Вальпрокс Хроно препаратының клиренсін арттыруы мүмкін, бұл сарысудағы вальпроат концентрациясының төмендеуіне алып келеді және Вальпрокс Хроно тиімділігінің төмендеуіне алып келуі ықтимал. Бұл ретте вальпроат ферменттік әсерді иеленбейді, және соның салдары ретінде, гормональді контрацепция қабылдап жүрген әйелдерде эстро-прогестативтік агенттердің тиімділігін төмендетпейді.

Басқа өзара әрекеттесулері

Вальпрой қышқылын фармакодинамикалық сипаттамалары әлі жеткілікті зерттелмеген, эпилепсияға қарсы жаңа буынды препараттармен біріктіріп қолданғанда, сақтық таныту қажет.

Топирамат немесе Ацетазоламид пен вальпрой қышқылын бір мезгілде қолдану энцефалопатиямен және/немесе гипераммониемиямен астасқан. Пациенттерді сәйкесінше қадағалау қажет болуы мүмкін.

Алкоголь

Вальпрокс Хроно препаратымен емдеудің барлық кезеңі бойына алкоголь тұтыну ұсынылмайды.

Арнайы сақтандырулар

Балалар

Дене салмағы 20 кг асатын балалар: ұстамалары жойылған сәтке дейінгі арттыру аралығымен ұсынылатын бастапқы дозасы күніне 400 мг құрайды (дене салмағына байланыссыз). Әдетте, бұл үшін қажетті дозалау кг дене салмағына қарай күніне 20-30 мг шегінде болады. Егер мұндай ауқымда ұстамаларды талапқа сай бақылауға қол жетпесе, дозасын кг дене салмағына қарай күніне 35 мг дейін арттыруға болады. Күніне 40 мг/кг астам дозаны қажет ететін балаларда биохимиялық және гематологиялық көрсеткіштерді бақылау керек.

Дене салмағы 20 кг дейінгі балалар: таблетканың мөлшеріне және доза титрлеу қажеттігіне байланысты осы топтағы пациенттер үшін вальпроаттардың баламалы түрлерін қолдану керек. Осы топтағы пациенттер үшін ең қолайлысы вальпроаттардың сұйық түріне қолжетімді.

Егде жастағы пациенттер

Егде жастағыларда вальпроаттардың фармакокинетикасында өзіндік ерекшеліктері болатын болса да, мұның клиникалық маңызы шектеулі, және дозасын клиникалық әсеріне қарай анықтау керек. Сарысу альбуминімен байланысуының азаятындығы салдарынан, плазмадағы байланыспаған препараттың үлесі арта түседі. Бұл егде жастағы адамдарда препараттың азғантай дозаларын қолдану мүмкіндігімен, препараттың дозасын мұқиятырақ таңдау дұрыс болатындығын көрсетеді.

Бауыр жеткіліксіздігі бар пациенттер

Салицилаттарды Вальпрокс Хроно препаратымен бір мезгілде қолданбау керек, өйткені олар метаболизмнің бірдей жолын пайдаланады.

Өлімге соқтыратын бауыр жеткіліксіздігін қоса, бауыр дисфункциясы, емделуі вальпрой қышқылын қамтыған пациенттерде байқалды.

Салицилаттар 16 жасқа дейінгі балаларда пайдаланылмауы тиіс (Аспирин / салицилат препараты, Рейе синдромы туралы ақпаратты қараңыз). Бұдан өзге, 3 жасқа дейінгі балаларда Вальпрокс Хроно препаратымен біріктіріп, бір мезгілде қабылдау бауыр үшін уыттылығы қаупін арттыруы мүмкін.

Бүйрек жеткіліксіздігі бар пациенттер

Бүйрек жеткіліксіздігі бар пациенттерге дозасын азайту немесе гемодиализ жүргізілетін пациенттерге дозасын арттыру қажет болуы мүмкін. Вальпроат диализ арқылы шығарылады. Дозасын пациенттің клиникалық қадағалануына сәйкес түзету керек.

Жасөспірім қыздар, ұрпақ өрбітетін жастағы әйелдер және жүкті әйелдер

Вальпроатпен емдеуді эпилепсияны немесе биполярлық бұзылыстарды емдеуде тәжірибесі бар маманның қадағалауымен бастау керек. Емдеуді тек, егер емнің басқа түрлері тиімсіз немесе жақпайдын болса ғана бастау керек. Жүйелі тексеру жүргізе отырып, ары қарай емдеудің бір бөлігі ретінде, емнің пайдасы мен қаупінің арақатынасын қайтадан мұқият бағалау керек. Препараттың плазмадағы концентрациясы жоғары болмауы үшін, вальпроатпен емдеуді монотерапия түрінде және ең төмен тиімді дозасында, дұрысы, баяу босап шығатын дәрілік түрін тағайындаған жөн. Тәуліктік дозасын кемінде екі тең дозаға бөлу керек.

Жүктілік немесе лактация кезінде

Жүктілік

Вальпроатты қолдануға болмайды:

• жүктілік кезінде, эпилепсияны емдеу үшін қолайлы баламалы нұсқасы болмаған жағдайлардан басқасында

• ұрпақ өрбітетін жастағы әйелдерде, Жүктіліктің алдын алу бағдарламасының шарттары орындалған жағдайлардан басқасында.

Тератогенділігі және неврологиялық дамуға әсері

Вальпрой қышқылымен монотерапия да, вальпрой қышқылы қамтылған біріктірілген ем де жүктіліктің қолайсыз нәтижесімен астасады. Қолда бар деректер бойынша, вальпрой қышқылымен монотерапиямен салыстырғанда вальпрой қышқылы қамтылған, эпилепсияға қарсы біріктірілген ем, жүктілік кезінде туа біткен ақау қаупінің жоғарырақ болуымен астасады.

Жануарларда да, адамдарда да вальпроаттың плацентарлық бөгет арқылы өтетіндігі көрсетілді.

Жануарларда:  тышқандарда, егеуқұйрықтар мен үй қояндарында тератогендік әсерлері анықталды.

Туа біткен ақаулар

Қолда бар деректер дамудағы жеңіл және ауыр ақаулардың туындау жиілігінің көптігін көрсетті. Анағұрлым жиі байқалған даму ақаулары жүйке түтігі жабылуының ақаулары (шамамен 2-ден 3%-ға дейін), бет дисморфизмі, ерін мен таңдайдың туа біткен жарығы, краниостеноз, жүрек ақаулары, бүйрек және несеп шығару жүйелері дамуының ақаулары (атап айтқанда, гипоспадия), аяқ-қолдар дамуының ақаулары (соның ішінде, кәрі жілік сүйегінің екіжақты аплазиясы), сондай-ақ, организмнің түрлі жүйелерімен байланысты басқа аномалиялар болды.

Ана құрсағында жатқанда вальпроаттың әсер етуі де, құлақ және/немесе мұрын дамуының ақауларына (салдарлы әсері) байланысты естудің бұзылуына немесе кереңдікке және/немесе есту функциясына тікелей уытты әсеріне әкеп соқтыруы мүмкін. Жағдайлар біржақты деп те, екіжақты кереңдік немесе естудің бұзылуы деп те сипатталады. Нәтижелері туралы барлық жағдайлар бойынша хабарланбады. Нәтижелері туралы хабарланған жағдайда, көпшілік жағдайларда сауығу болмаған.

Вальпроаттардың құрсақішілік әсері көз дамуының ақауларына (колобомаларды, микрофтальмдарды қоса) алып келуі мүмкін, олар туралы дамудағы туа біткен басқа ақаулармен бірге хабарланған. Көз дамуының мұндай ақаулары көру қабілетіне әсер етуі мүмкін.

Неврологиялық дамудың бұзылулары

Зерттеулер, вальпроаттың әсері жүктілігі кезінде вальпроатты қабылдаған аналардан туған балаларда неврологиялық даму бұзылуларының құрсақішілік қаупін арттыратындығын көрсетті. Ықтимал қаупі дозасына тәуелді, бірақ одан төмен кезде қауіп болмайтын шектік дозасын, қолда бар деректердің негізінде анықтау мүмкін емес. Қауіп кезеңі жүктілік мерзімін түгел қамтуы мүмкін. Мектеп жасына дейінгі, вальпроатты қабылдаған аналардан туған балаларды зерттеулер, балалардың 30-40%-ында сөйлеуінің дамуы, сияқты бастапқы дамуында тежелулер, интеллектуалдық қабілеттіліктері деңгейі, сөйлеу дағдыларының әлсіздігі (ауызша сөйлеу тілі мен түсінісуі), есте сақтауда қиындықтар, сондай-ақ, жүруді кеш бастауы) болатындығын көрсетті.

Анамнезінде вальпроаттың құрсақішілік әсері болған, мектеп жасындағы (6 жас) балаларда өлшенген интеллект коэффициенті (IQ), орташа алғанда, эпилепсияға қарсы басқа дәрілердің әсеріне ұшыраған балалардағыға қарағанда 7-10 тармақ төмен құрады, сонымен қатар, балалардағы IQ анасындағы IQ тәуелді болмауы мүмкін.

Жалпы популяциямен салыстырғанда, құрсақта жатқанда вальпрой қышқылының әсеріне ұшыраған балаларда, балалардағы аутизмді (қауіптің шамамен бес есе артуы) қоса, аутистік ауқымдағы бұзылыстардың (қауіптің шамамен үш есе артуы) даму қаупі жоғары болатындығын көрсететін деректер бар.

Шектеулі деректерге сәйкес, құрсақта жатқанда вальпроаттың әсеріне ұшыраған балаларда, гиперактивтілікпен жүретін зейін тапшылығы синдромының (ГЗТС) симптомдары дамуы әбден ықтимал.

Бала туатын жастағы әйелдер

Вальпрокс Хроно препаратын бала туатын жастағы әйелдерде, емнің басқа әдістері тиімсіз немесе жақпайтын жағдайлардан басқасында қолданбау керек. Егер басқа ешқандай ем жүргізуге мүмкіндік болмаса, Вальпрокс Хроно препаратымен емдеуді тек, егер Жүктіліктің алдын алу бағдарламасының шарттары орындалатын болса ғана, келесі:

• пациент әйел жүкті болмаған (емнің басында және емдеу кезінде жүйелі уақыт аралықтары сайын сезімталдығы 25 мХБ/мл кем емес плазманы пайдаланып жүктілікті анықтауға арналған тест теріс болса).

• пациент әйел контрацепцияның кемінде бір тиімді әдісін пайдаланып жүрген.

• пациент әйел вальпроатты жүктілік кезінде қолданудың қауіптерінен хабардар болған жағдайларда бастауға болады.

Бала туатын жастағы әйелдерде емдеу кезінде пайдасы-қаупі арақатынасын жүйелі уақыт аралықтары сайын (жылына бір реттен сиретпей) мұқият қайта бағалап отыру керек.

Құрамында эстроген бар препараттар

Құрамында эстроген бар гормональді контрацептивтерді қоса, құрамында эстроген бар препараттар, вальпроаттың клиренсін арттыруы мүмкін, ол сарысудағы вальпроат концентрациясының төмендеуіне және вальпроат тиімділігінің төмендеуі ықтималдығына алып келуі мүмкін.

Егер әйел жүктілікті жоспарлап жүрсе

Егер әйел жүктілікті жоспарлап жүрсе, эпилепсияны емдеуде тіжәжірибесі бар маман, вальпроатпен емді қайта бағалауы және емнің баламалы нұсқаларын қарастыруы тиіс. Бала көтергенге дейін және контрацепцияны пайдалану тоқтатылғанға дейін тиісінше баламалы емге ауысу үшін барлық күшті салу қажет. Егер ауысуға мүмкіндік болмаса, әйелдің отбасын жоспарлауға қатысты негізді түрде шешім қабылдауын қамтамасыз ету үшін, оған болашақ баласы үшін вальпроаттың қауіптеріне қатысты қосымша кеңес берілуі тиіс.

Жүктілікке дейін және жүктіліктің басында фолий қышқылын қолдану жүйке түтігі ақауларының қаупін төмендетуі мүмкін, ол жүктіліктің барлық жағдайларында дамуы мүмкін. Ақпарат үшін, қолда бар дәлелдерден, мұның вальпроат әсерінің нәтижесіндегі туа бітетін даму ақаулары немесе мальформация қаупінің алдын алатындығы шамаланбайды.

Жүкті әйелдер

Эпилепсияны емдеуге арналған вальпроатты жүктілік кезінде, қолайлы баламалы емі болмаған жағдайлардан басқасында қолдануға болмайды.

Егер вальпроатты пайдаланып жүрген әйелде жүктілік басталса, емнің баламалы нұсқаларын қарастыру үшін оны дереу маманға жолдау қажет.

Жүктілік кезінде, анасындағы тонус-клонустық ұстамалар мен эпилепсия статусы гипоксиямен бірігіп, анасы үшін де, ана құрсағындағы сәби үшін де өлім қаупін төндіруі мүмкін.

Егер, вальпроаттың жүктілік кезіндегі белгілі қауіптеріне қарамастан және баламалы емін мұқият қарастырғаннан кейін, бірен-саран жағдайдарда жүкті әйел эпилепсиядан емделу үшін вальпроатты қабылдауы тиіс болса, онда:

• ең аз тиімді дозасын пайдалану керек;

• вальпроаттың тәуліктік дозасын күні бойы қабылдау үшін бірнеше азғантай дозаларға бөлу керек.

Босап шығуы ұзартылған дәрілік түрін қолдану, плазмадағы ең жоғарғы концентрацияларын болдырмау үшін, кез келген басқа дәрілік түрлеріне қарағанда қолайлырақ болып шығуы мүмкін.

Жүктілігі кезінде вальпроатты пайдаланып жүрген пациент әйелдердің барлығын, және олардың серіктестерін, вальпроат әсеріне ұшыраған жүктілігіне қатысты баға беруі және кеңес жүргізуі үшін тератологияда тәжірибесі бар маманға жолдау керек.

Жүйке түтігі ақауларының немесе басқа мальформациялардың туындауы мүмкіндігін анықтау мақсатында арнайы пренаталдық мониторинг жүргізу керек. Жүктілік басталғанға дейін фолий қышқылын қабылдау барлық жүктіліктер кезінде туындауы мүмкін жүйке түтігі ақауларының қаупін төмендетуі мүмкін. Алайда, қолда бар деректер оның вальпроат әсерінен туындаған туа біткен ақауларға немесе даму ақауларына қатысты профилактикалық әсерін растамайды.

Жаңа туған нәрестелердегі қаупі

• Аналары жүктілігі кезінде вальпроатты қабылдаған нәрестелердегі геморрагиялық синдромның бірен саран жағдайлары дамыған туралы хабарланды. Ондай геморрагиялық синдром тромбоцитопениямен, гипофибриногенемиямен байланысты және/немесе, оған қан ұюының басқа факторлары мөлшерінің төмендеуі түрткі болуы мүмкін. Сонымен қатар, өлімге соқтыған афибриногенемия дамығаны туралы хабарланды. Бұл геморрагиялық синдромды фенобарбитал және бауырдың микросомалық ферменттерінің басқа индукторлары туғызатын К дәруменінің тапшылығынан ажырата білу керек. Анасындағы гемостаз тестілерінің қалыпты нәтижелері жаңа туған нәрестелердегі гемостаз бұзылуын жоққа шығармайды. Сондықтан, вальпроатты қабылдаған аналардан туған нәрестелерде міндетті түрде, қандағы тромбоциттер мөлшерін, плазмадағы фибриноген концентрациясын, қан ұюы факторларын және коагулограмманы анықтау керек.

• Аналары жүктілігінің үшінші триместрі кезінде вальпроатты қабылдаған нәрестелердегі гипогликемия жағдайлары туралы хабарланды.

• Аналары жүктілігі кезінде вальпроатты қабылдаған нәрестелердегі гипотиреоидизм жағдайлары туралы хабарланды.

• Тоқтату синдромы (атап айтқанда, ажитация, ашушаңдық, аса жоғары қозғыштық, күйгелектік, гиперкинезия, тонус бұзылуы, тремор, құрысулар, ас ішу бұзылыстары) жаңа туған, аналары жүктілігінің III триместрі кезінде вальпроатты қабылдаған нәрестелерде туындауы мүмкін.

Лактация

Вальпроаттың организмнен емшек сүтімен шығарылуы плазмадағы мөлшерінің 1-ден 10%-ына дейінгісін құрайды. Дегенмен, гематологиялық бұзылулар, вальпроатпен емделген әйелдер жаңа туған нәрестелерін/ сәбилерін емшекпен тамақтандырған кезде анықталған. Емшек емудің бала үшін пайдасы мен емнің әйел үшін пайдасын ескере отырып, не бала емізуді тоқтату, не Вальпрокс Хроно препаратымен емдеуді тоқтату/тоқтата тұру туралы шешім қабылдау керек.

Препараттың көлік құралын немесе қауіптілігі зор мехнаизмдерді басқару қабілетіне әсер ету ерекшеліктері

Вальпрой қышқылын қабылдау аясында, пациенттерге, әсіресе, құрысуға қарсы біріктірілген немесе вальпрой қышқылын бензодиазепиндермен біріктіріп ем жүргізген жағдайда, ұйқышылдықтың дамуы ықтималдығы ескертілуі тиіс.

Қолдану жөніндегі нұсқаулар

Дозалану режимі

Вальпрокс Хроно босап шығуы ұзартылған дәрілік түр болып табылады, ол плазмадағы ең жоғарғы концентрацияларды төмендетеді және тәулік бойғы едәуір біркелкі концентрацияларды қамтамасыз етеді. Вальпрокс Хроно препаратын күніне бір немесе екі ретке тағайындауға болады.

Тәуліктік доза науқастың жасына және дене салмағына байланысты анықталады.

Ересектер

Монотерапия кезіндегі бастапқы дозасы күніне 600 мг құрайды, содан кейін дозасын ұстамалар жойылған сәтке дейін біртіндеп, үш күндік аралықпен 200 мг-ге арттыру керек. Әдетте, ол үшін қажетті дозасы күніне 1000-2000 мг (кг дене салмағына 20-30 мг) шегінде.Егер осы дозасы кезінде ұстамаларын бақылауға қол жеткізуге мүмкіндік болмаса, дозасын әрі қарай күніне 2500 мг дейін арттыруға болады.

Біріктірілген ем

Егер пациент емді өтуді бастап қойса және эпилепсияға қарсы басқа да препараттарды қабылдап жүрсе, Вальпрокс Хроно препаратымен емдеу біртіндеп, оңтайлы дозасына 2 аптадан соң жетумен жүргізілуі тиіс.

Алайда, белгілі бір жағдайларда, бауыр ферменттерінің белсенділігін индукциялайтын, құрысуға қарсы дәрілермен, мысалы: фенитоин, фенобарбитал және карбамазепинмен үйлестіре пайдаланғанда, дозасын 5-тен 10 мг/кг дейін арттыру қажеттілігі туындауы мүмкін. Энзимдердің белгілі индукторлары шығарылғаннан кейін, құрысуларды Вальпрокс Хроно препаратының азайтылған дозасымен бақылауды демеп отыруға болады. Барбитураттарды бір мезгілде тағайындағанда және әсіресе, седация кезінде (әсіресе, балаларда) барбитураттың дозасы азайтылуы тиіс.

Оңтайлы дозасы, негізінен, пациенттің емге жауабының негізінде анықталады.

Егер ұстамаларын бақылау мүмкін болмаса немесе жағымсыз әсерлеріне күдік болса, клиникалық қадағалауға қосымша ретінде вальпрой қышқылының плазмадағы деңгейлерін анықтауды қарастыру керек.

Енгізу әдісі және жолы

Препаратты ішке, сумен іше отырып, ұнтамай және шайнамай қабылдайды.

Қабылдау уақыты көрсетілген қолданылу жиілігі

Вальпрокс Хроно, босап шығуы ұзартылған, үлбірлі қабықпен қапталған 500 мг таблеткаларын күніне бір немесе екі рет тағайындауға болады. Тәуліктік дозасы науқастың жас шамасы мен дене салмағына байланысты анықталады.

Артық дозалану жағдайында қабылдау қажет болатын шаралар

Симптомдары

Байқаусызда немесе қасақана артық дозаланған жағдайлары туралы хабарланды. Препараттың қан плазмасындағы концентрациясы ең жоғарғы емдік деңгейінен 5-6 есе артық болған кезде, тек жүрек айнуы, құсу және бас айналуы күтіледі.

Күшті артық дозалануы кезінде, яғни препараттың қан плазмасындағы концентрациясы ең жоғарғы емдік деңгейінен 10-20 есе артық кезде орталық жүйке жүйесінің, қатты әлсіреуі мен тыныстың тарылуы байқалуы мүмкін. Алайда, симптомдары қатты өзгешеленуі мүмкін. Препараттың қан плазмасындағы деңгейлері өте жоғары болған кезде де эпилепсия ұстамалары орын алды. Мидың ісінулері мен бассүйекішілік гипертонияның туындағаны туралы хабарланды. Аса жоғары артық дозалануынан кейін бірнеше өлім жағдайы болды.

Артық дозаланған жағдайда, құрамында вальпроат бар препараттарда натрийдің болуы гипернатриемияға алып келуі мүмкін.

Емі

Артық дозалануын емдеу стационарда жүргізілуі және құстыруды, ішке қабылдағаннан кейінгі 10–12 сағат ішінде асқазанды шаюды, жасанды тыныс алдыруды және организмнің өмірлік маңызы бар функцияларын демеп отыруға арналған басқа шараларды қамтуы тиіс.

Гемодиализ бен гемоперфузия тиімді әдістер ретінде көрсетілді. Сонымен қатар Налоксон препаратын вена ішіне, ішінара белсендірілген көмірді оральді қабылдаумен бірге енгізу жүргізілді.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Егер Сізде осы препаратты қолдану жөнінде қосымша сұрақтар туындаса, дәрігермен немесе фармацевтпен кеңесіңіз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар

Туа біткен аномалиялар, деформациялар және хромосомалық бұзылулар: («Арнайы ескертулер» бөлімін қараңыз).

Бауыр және өт шығару жолдары тарапынан бұзылулар:

Жиі: бауыр зақымдануы

Бауырдың кейде өлімге соқтыратын жеткіліксіздігін қоса, бауырдың ауыр зақымданулары туралы хабарланды.

Бауыр ферменттері мөлшерінің жоғарылауы, әсіресе, емдеудің бастапқы сатыларында әдеттегі құбылыс болып табылады, және уақытша болуы мүмкін.

Асқазан-ішек жолы тарапынан бұзылулар

Өте жиі: жүрек айнуы.

Жиі: құсу, қызыл иектің ауруы (негізінен, қызыл иектердің гиперплазиясы), стоматит, гастралгия, диарея.

Жоғарыда көрсетілген жағымсыз құбылыстар емнің басында жиі туындайды, бірақ әдетте, бірнеше күннен соң емдеуді тоқтатпай-ақ басылады. Мұндай қиындықтарды әдетте, Вальпрокс Хроно препаратын тамақтану кезінде немесе тамақтан кейін қабылдай отырып еңсеруге болады.

Жиі емес: панкреатит, кейде өлімге соқтырады.

Жүйке жүйесі тарапынан бұзылулар:

Өте жиі: тремор.

Жиі: экстрапирамидалық бұзылыс, мелшию*, ұйқышылдық, құрысулар*, зейін қоюдың бұзылуы, бас ауыруы, нистагм.

Жиі емес: кома*, энцефалопатия, летаргия* (төменнен қараңыз), қайтымды паркинсонизм, атаксия, парестезия, құрысулардың өршуі.

Сирек: қайтымды церебральді атрофиямен байланысты қайтымды деменция, когнитивтік бұзылыс.

Кейде, әдетте құрысуға қарсы басқа дәрілермен бірлесіп жүретін седация туралы хабарланған. Монотерапия кезінде ол емдеудің бастапқы сатыларында сирек жағдайларда орын алады және әдетте, уақытша сипатқа ие.

*Летаргияның сирек, кейде мелшиюге ауысатын, кейде қатарлас елестеулермен немесе құрысулармен жүретін жағдайлары туралы хабарланды. Энцефалопатия мен кома өте сирек байқалды. Бұл жағдайлар көбінесе, құрысуға қарсы басқа дәрілердің, әсірісе, фенобарбиталдың немесе топираматтың бастапқы дозасының тым жоғарылығымен немесе дозасын жылдам арттырумен немесе бір мезгілде қолданумен байланысты болды. Әдетте олар, емдеуді тоқтатқан немесе дозасын азайтқан кезде қайтымды болды.

Қырағылық арта түсуі мүмкін; бұл әдетте, пайдалы, бірақ кейде озбырлық, гиперактивтілік және мінез-құлықтың нашарлағаны туралы хабарланды.

Психика бұзылулары:

Жиі: сананың шатасуы жағдайы, елестеулер, озбырлық*, қозу*, зейін қоюдың бұзылуы*.

Сирек: аномальді мінез-құлық*, психомоторлық гиперактивтілік*, оқып-үйренудің бұзылуы*.

* Бұл жағымсыз реакциялар негізінен балаларда байқалады.

Зат алмасу және тамақтану тарапынан бұзылулар:

Жиі: гипонатриемия, салмақтың артуы *

* Салмақ қосуды мұқият бақылау керек, өйткені ол аналық бездер поликистозы синдромының факторы болып табылады.

Сирек: гипераммонемия*, семіздік.

* Бауыр функциясы көрсеткіштерінің өзгеруінсіз оқшау және орташа гипераммонемия жағдайлары орын алуы мүмкін, әдетте, өтпелі болып табылады және емдеуді тоқтатуға түрткі болмауы тиіс. Алайда, клиникалық тұрғыдан олар құсу, атаксия және сананың көмескіленуінің күшеюі түрінде көрініс беруі мүмкін. Аталған симптомдар пайда болған жағдайда, Вальпроксты қабылдауды тоқтату керек.

Неврологиялық симптомдармен байланысты гипераммонемия туралы да хабарланды. Ондай жағдайларда ары қарай зерттеу жүргізу мәселесін қарастыру керек.

Эндокриндік жүйе тарапынан бұзылулар:

Жиі емес: антидиуретиктік гормонның қалыпсыз секрециясы синдромы (АДГҚСС), гиперандрогения (гирсутизм, вирилизм, акне, алопецияның ерлердегі типі және / немесе андрогендер деңгейінің жоғарылауы).

Сирек: гипотиреоз.

Қан және лимфа жүйесі тарапынан бұзылулар:

Жиі: анемия, тромбоцитопения.

Жиі емес: панцитопения, лейкопения.

Сирек: таза эритроциттердің аплазиясын, агранулоцитозды, макроциттік анемияны, макроцитозды қоса сүйек кемігінің жеткіліксіздігі.

Қан көрінісі препаратты тоқтатқаннан кейін қалпына түскен.

Қандағы фибриноген төмендеуінің және/немесе протромбин уақыты артуының, әдетте, байланысқан клиникалық белгілерсіз, әсіресе, жоғары дозаларын қабылдағандағы жекелеген жағдайлары туралы хабарланды (Вальпрокс Хроно тромбоциттер агрегациясының екінші фазасына тежегіштік әсер береді). Өздігінен пайда болатын қанталаулар немесе қан кетулер дәрілерді зерттеу жүргізілгенге дейін тоқтатуға көрсетілім болып табылады.

Тері және теріасты тіндері тарапынан бұзылулар:

Жиі: аса жоғары сезімталдық, өтпелі және/немесе дозаға тәуелді алопеция (шаштың түсуі), тырнақ және тырнақ ойығының аурулары. Өсіп шығуы әдетте, алты ай ішінде басталады, әйтсе де бұрынғысына қарағанда бұйраланған болуы мүмкін.

Жиі емес: ангионевроздық ісіну, бөртпе, шаш ауруы (мысалы, шаш текстурасының қалыпсыздығы, шаш түсінің өзгеруі, шаш өсуінің ауытқуы).

Сирек: уытты эпидермалық некролиз, Стивенс-Джонсон синдромы, мультиформалы эритема, эозинофилиямен жүретін дәрілік бөртпе және жүйелі көріністер синдромы (DRESS-синдром).

Ұрпақ өрбіту жүйесі мен сүт бездері тарапынан бұзылулар:

Жиі: дисменорея.

Жиі емес: аменорея.

Сирек: ерлердегі белсіздік, аналық бездердің поликистозы.

Өте сирек гинекомастия болуы мүмкін.

Қантамырлар тарапынан бұзылулар:

Жиі: қан кету

Жиі емес: васкулит.

Көру мүшесі тарапынан бұзылулар:

Сирек: диплопия.

Есту мүшесі мен тепе теңдік тарапынан бұзылулар:

Жиі: кереңдік, себеп-салдарлық байланыстылығы анықталмаған.

Бүйрек және несеп шығару жолдары тарапынан бұзылулар:

Жиі: несепті ұстай алмау.

Жиі емес: бүйрек жеткіліксіздігі.

Сирек: энурез, тубулоинтерстициальді нефрит, қайтымды Фанкони синдромы (бүйректің проксимальді өзекшелері функциясының бұзылуы, глюкозурияға, аминоацидурияға, фосфатурияға және урикозурияға алып келеді), Вальпрокс Хроно емімен байланысты, бірақ әсер ету механизмі анықталмаған.

Жалпы бұзылулар және енгізген орындағы бұзылулар:

Жиі емес: тоңу, ауыр емес шеткері ісінулер.

Қаңқа-бұлшықет және дәнекер тіндер тарапынан бұзылулар:

Жиі емес: Вальпрокс Хроно препаратын ұзақ уақыт қабылдап жүрген пациенттерде сүйек тінінің минералдық тығыздығының төмендеуі, остеопения, остеопороз және сынулар. Соның көмегімен Вальпрокс Хроно сүйектердің метаболизміне ықпал ететін механизм анықталмаған.

Сирек: жүйелі қызыл жегі, рабдомиолиз.

Тыныс мүшелері, кеуде қуысы және көкірекорта тарапынан бұзылулар:

Жиі емес: плевра жалқығы.

Зертханалық және аспаптық зерттеу деректері:

Сирек: ұю факторларының (кемінде біреуінің) төмендеуі, коагуляцияның аномальді тестілері (мысалы, протромбин уақытының ұзаруы, ішінара белсенділенген тромбопластин уақытының ұзаруы, тромбин уақытының ұзаруы, ХҚҚ артуы)

Қатерсіз, қатерлі және нақты анықталмаған жаңа түзілімдер (кисталар мен полиптерді қоса):

Сирек: миелодисплазиялық синдром.

Балалар

Вальпроаттың педиатриялық популяциядағы қауіпсіздік бейіні ересектердегісімен салыстырымды, бірақ кейбір жағымсыз реакциялар ауырырақ және негізінен, педиатриялық популяцияда байқалады. Сәбилер мен кішкентай балаларда, әсіресе, 3 жасқа дейінгілерде бауырдың ауыр зақымдануының ерекше қаупі бар. Кішкентай балалар да панкреатит қаупіне айрықша ұшырайды. Бұл қауіптер жас ұлғая келе азая түседі. Озбырлық, қозу, зейін қоюдың бұзылуы, әдеттен тыс мінез-құлық, психомоторлық гиперактивтілік және оқып-үйренудің бұзылулары сияқты психиатриялық бұзылыстар, негізінен, педиатриялық популяцияда байқалады. Фанкони синдромы, энурез және қызыл иектердің гиперплазиясы ересектердегіге қарағанда, балаларда жиірек тіркелді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 333.0 мг натрий вальпроаты, 145.0 мг вальпрой қышқылы (қосындысы 500 мг натрий вальпроатына баламалы)

қосымша заттар: гидроксипропилметилцеллюлоза (4000 мПа·с), гидроксипропилметилцеллюлоза (15000 мПа·с), калий ацесульфамы, кремнийдің гидратацияланған коллоидты қостотығы,

қабығы: натрий лаурилсульфаты, дибутилсебакат, бутилденген метакрилаттың негізгі сополимері, магний стеараты, титанның қостотығы (Е171).

Сыртқы түрінің, иісінің, дәмінің сипаттамасы

Ұзынша пішінді, ақ түсті үлбірлі қабықпен қапталған, бір жағында сындыруға арналған сызығы бар таблеткалар.

Шығарылу түрі және қаптамасы

Алюминий фольга мен бағдарлы полиамид/алюминий/ поливинилхлорид (OPA/Al/PVC) үлбірден жасалған пішінді ұяшықты қаптамаға 6 таблеткадан салынған.

Пішінді ұяшықты 5 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауданы, Өнеркәсіп аймағы 282, тел.: +7 (727) 356-11-00, 8-800-070-1100, электронды пошта: info@aigp.kz

Тіркеу куәлігінің ұстаушысы

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауданы, Өнеркәсіп аймағы 282, тел.: +7 (727) 356-11-00, 8-800-070-1100, электронды пошта: info@aigp.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өнеркәсіп аймағы 282, тел.: +7 (727) 356-11-00, 8-800-070-1100, электронды пошта: info@aigp.kz