Валат (Вальпроевая кислота)

Валат

Вальпрой қышқылы

Дәрілік түрі, дозасы

Босап шығуы ұзартылған, үлбірлі қабықпен қапталған таблеткалар, 500 мг

Жүйке жүйесі. Эпилепсияға қарсы препараттар. Май қышқылдарының туындылары. Вальпрой қышқылы.

АТХ коды N03AG01

- ересектер мен балалардағы эпилепсияны монотерапия ретінде немесе жайылған ұстамаларда да (клонустық, тонустық, тонус-клонустық, абсанс, миоклониялық және атониялық ұстамалар; Леннокс-Гасто синдромы), сондай-ақ фокальді эпилепсияда да (салдарлы жайылған немесе онсыз фокальді ұстамаларда) емдеуде эпилепсияға қарсы басқа препараттармен біріктірілімде.

Қолданудың басталуына дейін қажетті мәліметтер тізбесі

- белсенді затына немесе «құрамы» бөлімінде аталған қосымша заттардың кез келгеніне аса жоғары сезімталдық

- жүктілік

- Жүктіліктің алдын алу бағдарламасының шарттары орындалған жағдайларды қоспағанда, ұрпақ өрбіту мүмкіндігі бар әйелдерде қолдану

- жедел гепатит, немесе пациенттің жеке немесе отбасылық анамнезіндегі, әсіресе дәрілік препараттардан туындаған ауыр гепатит жағдайлары

- диагнозы анықталған мочевина түзілу циклының бұзылулары

- бауыр порфириясы

- шайқураймен бір мезгілде қолдану

- митохондриялық γ-полимераза ферментін кодтайтын, ядролық гендегі мутациялар туғызған диагнозы анықталған митохондриялық бұзылулар (POLG, мысалы, Альперс-Гуттенлохер синдромы) және POLG байланысты бұзылудың болуына күдік бар 2 жасқа дейінгі балалар

Басқа дәрілік препараттармен өзара әрекеттесуі

Плазмадағы концентрацияның төмендеуі және эпилепсияға қарсы препараттың тиімділігінің төмендеуі қаупі бар.

Ламотриджинмен біріктірілімде

Терінің ауыр реакцияларының (уытты эпидермальді некролиз) даму қаупі жоғары.

Сонымен қатар, плазмадағы ламотриджин концентрациясының жоғарылауы (натрий вальпроаты есебінен бауыр метаболизмінің төмендеуі) мүмкін. Бірге қолдану қажет болған жағдайларда мұқият клиникалық мониторинг жүргізген жөн.

Плазмадағы вальпрой қышқылы концентрациясының тез төмендеуі аясында ұстамалардың пайда болу қаупі бар, олар анықталмай қалуы мүмкін.

Ацетазоламидпен біріктірілімде

Энцефалопатия қаупі жоғары гипераммониемияның артуы мүмкін. Клиникалық және зертханалық параметрлерге үнемі мониторинг жүргізу қажет.

Азтреонаммен біріктірілімде

Плазмадағы вальпрой қышқылының концентрациясының төмендеуі нәтижесінде ұстамалар пайда болу қаупі бар.

Клиникалық бақылау, плазмадағы препараттардың концентрациясын анықтау және инфекцияға қарсы дәрі қолданылатын емдеу кезінде және оны тоқтатқаннан кейін құрысуға қарсы дәрінің дозасын түзету қажет.

Артық дозалану белгілерімен плазмада карбамазепиннің белсенді метаболитінің концентрациясы жоғарылауы мүмкін. Сонымен қатар, карбамазепиннің әсерінен вальпрой қышқылы бауыр метаболизмінің жоғарылауымен байланысты плазмада вальпрой қышқылы концентрациясының төмендеуі ықтимал.

Клиникалық бақылау, плазмадағы препараттардың концентрациясын анықтау және құрысуға қарсы екі дәріге де түзету енгізу ұсынылады.

Артық дозалану қаупімен сарысудағы вальпрой қышқылы концентрациясының жоғарылауы мүмкін.

Фелбаматпен емдеу барысында және оны тоқтатқаннан кейін клиникалық бақылау, зертханалық параметрлер мониторингі және вальпрой қышқылының дозасын түзету қажет.

Құрамында эстроген бар препараттар, құрамында эстроген бар гормональді контрацептивтер

Эстрогендер вальпроат глюкуронизациясына қатысатын УДФ-глюкуронозилтрансфераза (УГТ) изоформаларын индукциялайды және вальпроат клиренсін арттыруы мүмкін, бұл сарысудағы вальпроат концентрациясының төмендеуіне және вальпроат тиімділігінің төмендеуіне әкелуі мүмкін.

Сарысудағы вальпроат деңгейіне мониторинг жүргізу ұсынылады.

Екінші жағынан, вальпроаттың фермент тудыратын әсері жоқ; соның салдарынан вальпроат гормоналды контрацептивтерді қабылдайтын әйелдерде құрамында эстроген бар препараттардың тиімділігін төмендетпейді.

Нимодипин плазмалық концентрациясының 50%-ға жоғарылау қаупі бар. Артериялық гипотензиясы бар пациенттерде нимодипин дозасын төмендету қажет.

Энцефалопатия қаупі жоғары гипераммониемия артуы мүмкін. Клиникалық және зертханалық параметрлерге үнемі мониторинг жүргізу қажет.

Энцефалопатия қаупі жоғары гипераммониемия артуы мүмкін. Клиникалық және зертханалық параметрлерге үнемі мониторинг жүргізу қажет.

Пропофолдың плазмалық концентрациясының жоғарылауы мүмкін. Пропофол дозасын вальпроатпен бір мезгілде қолданғанда азайту туралы мәселені қарастыру керек.

Рифампицин есебінен вальпроаттың бауыр метаболизмі жоғарылауы нәтижесінде ұстамалардың пайда болу қаупі бар.

Рифампицинмен емдеу кезінде және оны тоқтатқаннан кейін клиникалық бақылау, зертханалық параметрлерді бақылау және қажет болған жағдайда құрысуға қарсы дәрілердің дозасын түзету талап етіледі.

Руфинамид плазмалық концентрациясының жоғарылауы, атап айтқанда, салмағы 30 кг-нан аз балаларда болуы мүмкін.

Салмағы 30 кг-нан кем балаларда: дозаны титрлеуден кейін тәулігіне 600 мг жалпы дозасынан аспауы тиіс.

Энцефалопатия қаупі жоғары гипераммониемияның артуы мүмкін. Клиникалық және зертханалық параметрлерге үнемі мониторинг жүргізу қажет.

Зидовудиннің, әсіресе гематологиялық жағымсыз әсерлерінің оның вальпрой қышқылымен метаболизмі төмендеуіне байланысты күшею қаупі бар.

Клиникалық және зертханалық көрсеткіштерге үнемі мониторинг жүргізу қажет. Біріктірілген емнің алғашқы екі айында анемияны анықтау үшін гемограмма жасау ұсынылады.

Зонисамидпен біріктірілімде

Энцефалопатия қаупі жоғары гипераммониемия туындауы мүмкін. Клиникалық және зертханалық параметрлерге үнемі мониторинг жүргізу қажет.

Валат препараты сарысудағы литий концентрациясына әсер етпейді.

Арнайы сақтандырулар

Ескертулер

Ұстамалардың қайта жаңғыруы

Басқа эпилепсияға қарсы препараттар сияқты, жақсару орнына вальпроатты қабылдау ұстамалар жиілігінің және ауырлығының (эпилепсиялық статусты қоса) қайта қайталануына немесе жаңа ұстама типтерінің пайда болуына әкелуі мүмкін. Ұстамалар қайта жаңғырған жағдайда пациенттер емдеуші дәрігермен дереу кеңесуі керек. Бұл ұстамаларды фармакокинетикалық әрекеттесулерден, уыттылықтан (бауыр ауруы немесе энцефалопатия) немесе артық дозаланудан туындауы мүмкін ұстамалармен салыстырып-саралау керек. Осы дәрілік препарат вальпрой қышқылына метаболизденетін болғандықтан, вальпрой қышқылының артық дозалануына жол бермеу мақсатында, оны сол трансформациядан өтетін басқа дәрілік препараттармен (мысалы: вальпроат семинатрия, вальпромид) біріктірмеген жөн.

Бауыр ауруы

Пайда болу жағдайлары

Кейде өлімге әкелетін бауыр функциясының ауыр бұзылуларының ерекше жағдайлары туралы хабарланды.

Жоғары қауіп тобын ауыр дәрежелі эпилепсиясы, әсіресе мидың зақымдануымен, ақыл-ой дамуының кідіруімен және/немесе тұқым қуалайтын метаболизмдік немесе дегенерациялық аурулармен байланысты эпилепсиясы бар сәбилер және 3 жасқа дейінгі балалар құрайды. 3 жастан асқандарда мұндай асқынулар едәуір азаяды және жастың ұлғаюымен біртіндеп төмендейді. Көптеген жағдайларда бауыр функциясының бұзылуы емдеудің алғашқы 6 айы ішінде, әдетте 2 және 12 апта арасында, және көбіне эпилепсияға қарсы біріктірілген емде байқалады.

Ескертуші белгілер

Диагнозды ерте анықтау үшін клиникалық симптомдар өте маңызды. Атап айтқанда, әсіресе сарғаю алдында болуы мүмкін қауіп тобындағы пациенттердегі 2 жай-күйді ескеру керек («Пайда болу жағдайларын» қараңыз):

- біріншіден, әдетте кенеттен пайда болатын, астения, анорексия, летаргия, ұйқышылдық, кейде қайталанатын құсумен және іштің ауыруымен қатар жүретін спецификалық емес симптомдар.

- екіншіден, тиісті емді ұстануды сақтауға қарамастан, эпилепсиялық ұстамалардың қайталануы.

Пациенттер (немесе олардың отбасын, егер олар балалар болса), осыған ұқсас кез келген белгілер туралы, олар пайда болған жағдайларда дәрігерге дереу хабарлау керектігіне үйретілуі тиіс. Клиникалық тексеруді және бауыр функциясының зертханалық бағалауын қоса, зерттеулерді дереу жасаған дұрыс.

Анықталуы

Емнің алғашқы 6 айы ішінде бауыр функциясына жүргізілген сынаманы мерзім сайын бақылау қажет.

Классикалық тестілердің ішінде бауырда ақуыздың синтезін, және атап айтқанда протромбин деңгейін көрсететін тестілер жөндірек.

Протромбиннің тым төмен деңгейі расталған жағдайда, әсіресе зертханалық зерттеулердегі басқа да ауытқулар байқалса (фибриноген мен қан ұюы факторларының деңгейінің едәуір төмендеуі, билирубин мен бауыр трансаминазаларының деңгейінің жоғарылауы), Валат препараты емі тоқтатылуы тиіс (сақтық шарасы ретінде, сондай-ақ біріктірілімде тағайындалғанда салицилат туындыларымен емдеуді тоқтату керек, өйткені олар метаболизмнің бірдей жолдарын қолданады).

Панкреатит

Өте сирек жағдайларда кейде өліммен аяқталатын панкреатит байқалды. Бұл жағдайлар пациенттің жасына және емдеу ұзақтығына қарамай-ақ байқалды, бұл ретте қауіп тобында кіші жастағы балалар болды.

Жағымсыз аяқталатын панкреатит әдетте кіші жастағы балаларда немесе ауыр ұстамалары бар, неврологиялық бұзылулары бар немесе эпилепсияға қарсы бірнеше дәрілермен ем қабылдаған пациенттерде анықталды.

Егер панкреатит бауыр жеткіліксіздігімен қатар пайда болса, өліммен аяқталу қаупі жоғарылайды.

Іште қатты ауыру немесе асқазан-ішек жолы тарапынан жүректің айнуы, құсу және/немесе анорексия сияқты белгілер пайда болған жағдайда панкреатитті диагностикалау жағын қарастыру керек және, ұйқы безі ферменттерінің деңгейі жоғарылаған пациенттерде, емдеуді тоқтатқан және қажетті баламалы емдеу шараларын қолданған жөн.

Суицид қаупі

Суицидтік ойлар және мінез-құлық бірнеше көрсетілімдері бойынша эпилепсияға қарсы дәрілермен емделген пациенттер арасында байқалды. Эпилепсияға қарсы дәрілерге жүргізілген рандомизацияланған, плацебо бақыланатын зерттеулерден алынған деректерді мета-талдау сондай-ақ суицидтік ойлар мен мінез-құлықтың пайда болу қаупінің аздап жоғарылағанын көрсетті. Осы қауіптің себептері белгісіз, және де жергілікті деректер вальпроатты қолданғанда болатын жоғары қауіпті жоққа шығаруға мүмкіндік бермейді. Демек, пациенттер суицидтік ойлар мен мінез-құлықтың пайда болуына қатысты мұқият бақылауда болуы, және тиісті ем қарастырылуы тиіс. Пациенттер (және олардың қамқоршылары) суицидтік ойлар мен мінез-құлық пайда болған жағдайда дәрігерге қаралуы тиіс екендігінен хабардар болуы тиіс.

Белгілі немесе болжамды митохондриялық аурулары бар пациенттер.

Вальпроат митохондриялық ДНҚ мутациясынан, сондай-ақ кодталатын ядролық ген POLG туындаған клиникалық негізгі митохондриялық аурулардың белгілерін туындатуы немесе нашарлатуы мүмкін.

Атап айтқанда, жедел бауыр жеткіліксіздігі және бауыр ауруынан болатын өлімнің жиірек жағдайы мысалы, Альперс-Гуттенлохер синдромы сияқты POLG гендегі мутациядан туындаған тұқым қуалайтын нейрометаболизмдік синдромы бар пациенттердегі вальпроатпен емнің тым жоғары жиілігіне байланысты болды.

POLG байланысты бұзылыстарды, отбасылық анамнезінде POLG бар немесе POLG байланысты бұзылыстардың болжамды симптомдары, мысалы: түсініксіз энцефалопатиясы, рефрактерлық эпилепсиясы (фокальді, миоклонустық), бірінші тексеру сәтіндегі эпилепсиялық статусы, даму іркілісі, психомоторлық регрессиясы, аксональді сенсомоторлық нейропатиясы, миопатиясы, мишық атаксиясы, офтальмоплегиясы немесе желкелік ауралы асқынған бас сақинасын қоса, бірақ онымен шектелмей, пациенттерде күдікпен болжау керек.

POLG мутациясына тест жүргізу осындай бұзылуларды диагностикалық бағалауға арналған ағымдағы клиникалық практикаға сәйкес орындалуы тиіс.

Когнитивті немесе экстрапирамидалы бұзылыстар

Когнитивті немесе экстрапирамидалы бұзылыстар нейровизуализация кезінде церебральді атрофияны анықтаумен байланысты болуы мүмкін. Осылайша, клиникалық көріністің бұл түрін деменция немесе Паркинсон ауруымен шатастыруға болады. Бұл бұзылулар емдеуді тоқтатқан кезде қайтымды.

Басқа дәрілік препараттармен өзара әрекеттесуі

Осы дәрілік препаратты ламотриджинмен және пенемдермен бір мезгілде қолдануға болмайды.

Препаратты қолданған кездегі сақтандыру шаралары

Емдеуді бастар алдында бауыр функциясының сынамаларын тексерген және мұны, әсіресе қауіпті топқа жататын пациенттерде алғашқы алты ай бойы мезгіл-мезгіл жүргізген жөн. Әсіресе емдеудің басында қандай да бір клиникалық белгілерсіз эпилепсияға қарсы көптеген құралдарды қолданғанда орын алатындай трансаминазалар деңгейінің оқшауланған және өтпелі, орташа көтерілуі байқалатынын атап өткен жөн.

Бұл жағдайда биологиялық зерттеулерді толығырақ жүргізуге кеңес беріледі (протромбин деңгейін қоса); қажет болғанда дозаға түзету жүргізу және керегіне қарай талдауды қайталау дұрыс. Үш жастан кіші балаларға қатысты вальпроатты емдік пайда осы жас тобындағы пациенттер арасында бауыр ауруы мен панкреатиттің даму қаупіне қатысты салыстырылғаннан кейін тек монотерапия ретінде қолдану ұсынылады.

Ем басталар алдында, содан кейін 15 күннен соң және емдеу соңында, сондай-ақ хирургиялық араласу алдында және гематома немесе өздігінен қан кетулер дамыған жағдайда қан талдауларын орындау ұсынылады (тромбоциттер санын, қан кету уақытын және ұю параметрлерін анықтауды қоса, қанның толық талдауы).

Балаларға қатысты гепатоуыттылықтың және қан кетуі даму қаупіне байланысты салицилаттардың туындыларын бір мезгілде тағайындаудан аулақ болу керек.

Бүйрек жеткіліксіздігі бар пациенттерге қатысты қандағы вальпрой қышқылының айналымдағы концентрациясының жоғарылауын ескеру керек, осыған байланысты дозаны тиісті түрде төмендету керек.

Бұл дәрілік препаратты мочевина түзілу циклінде ферменттер тапшылығы бар пациенттерге қолдануға болмайды. Мұндай пациенттер арасында мелшию немесе коматозды жай-күймен гипераммониемия дамуының бірнеше жағдайы болды.

Анамнезінде бауыр мен асқазан-ішек жолдары тарапынан түсініксіз бұзылулар (анорексия, құсу, цитолиздің жедел көріністері), летаргия немесе коматоздық жай-күй көріністері, ақыл-ой кемістігі бар немесе жаңа туған нәрестелер немесе сәбилер арасындағы өліммен аяқталған отбасылық анамнезі бар балаларға қатысты кез келген вальпроатпен емдеу басталғанға дейін метаболизмдік тестілер, әсіресе ашқарынға және тамақ ішкеннен кейін қандағы аммиак деңгейлеріне талдау жүргізу керек.

Осы дәрілік затты қолдану кезінде иммундық бұзылулар ерекше жағдайларда ғана байқалғанына қарамастан, жүйелі қызыл жегісі бар пациенттерде оның ықтималды пайдасын әлеуетті қаупімен салыстыру керек. Емдеуді бастар алдында пациентті салмақтың арту қаупі жөнінде ескерту керек және осындай қаупін барынша азайту үшін тиісінше стратегиялық шешім қабылдануы тиіс. Вальпроат организмнен негізінен несеппен, ішінара кетондық денелер түрінде шығарылатындықтан, қант диабеті бар пациенттерде кетондық денелер экскрециясына тест жалған оң нәтижелер беруі мүмкін.

II типті (КПТ II) пальмитоилтрансфераза карнитині жеткіліксіздігі бар пациенттер вальпроатты қабылдаған кезде рабдомиолиздің даму қаупінің жоғарылауы туралы ескертілуі тиіс.

Валат препаратымен емдеудің бүкіл барысында алкоголь ішу ұсынылмайды.

Тератогенділігі және неврологиялық дамуына әсері

Вальпроат монотерапиясы сияқты, эпилепсияға қарсы басқа препараттарды қоса вальпроатпен политерапия да жүктіліктің жағымсыз аяқталуымен жиі байланысты болады. Эпилепсияға қарсы вальпроат қосылған біріктірілген емнің қолда бар деректері бойынша жүктіліктегі вальпроат монотерапиясымен салыстырғанда туа біткен ақаудың жоғарырақ қаупімен астасады. Вальпроат жануарлар мен адамдарда плацентарлы бөгеттен өтетіні көрсетілген.

Туа біткен даму ақаулары

Мета-талдаулардан алынған деректер (регистрлер мен когортты зерттеулерді қоса) жүктілік кезінде вальпроатпен монотерапия түрінде ем қабылдаған эпилепсиямен ауыратын әйелдердің балаларының 10,73%-ы дамудың туа біткен ақауынан зардап шегетінін көрсетті (95% СА: 8,16-13,29), бұл қаупі 2-3%-ға жуықты құрайтын жалпы популяцияға қарағанда бұл дамудың негізгі туа біткен ақауының үлкен қаупі болып табылады. Қауіп дозаға тәуелді, бірақ одан төмен қауіп болмайтын шектік доза анықталмаған. Қолда бар деректер кіші және ауыр даму ақауларының туындау жиілігінің артуын көрсетті. Жиірек бақыланатын даму ақауы жүйке түтікшесінің жабылуы (шамамен 2-ден 3%-ға дейін), бет дисформизмі, таңдай мен еріннің туа біткен жарығы, краниостеноз, жүрек ақауы, бүйрек және несепжыныс жүйесінің даму ақаулары (атап айтқанда, гипоспадия), аяқ-қол дамуының ақаулары (оның ішінде кәрі жіліктің екі жақты аплазиясы), сондай-ақ организмнің әртүрлі жүйелеріне байланысты басқа да аномалиялар болып табылады.

Құрсақішілік вальпроаттың әсері құлақтың және/немесе мұрынның бұзылуына байланысты есту қабілетінің төмендеуіне/жоғалуына (қайталама әсер) және/немесе есту функциясына тікелей уыттылыққа әкелуі мүмкін. Жағдайлар бір жақты және екі жақты саңырау немесе есту қабілетінің нашарлауын сипаттайды. Барлық жағдайлар бойынша нәтижелер туралы хабарланған жоқ. Нәтижелер туралы хабарланған кезде көптеген жағдайлар шешілген жоқ.

Вальпроаттардың құрсақ ішіне әсері басқа туа біткен даму ақауларымен бірге хабарланған көздің даму ақауларын (колобомаларды, микрофтальмдерді қоса) туындатуы мүмкін. Көздің бұл ақаулары көруге әсер етуі мүмкін.

Неврологиялық даму бұзылулары

Зерттеулер жүктілік кезінде аналары вальпроат қабылдаған жаңа туған нәрестелерде вальпроат неврологиялық даму бұзылыстарының құрсақішілік қаупін ұлғайтатынын көрсетті. Ықтимал қаупі дозаға байланысты, бірақ одан төмен қауіп болмайтын шектік доза қолда бар деректер негізінде анықталмайды. Жүктіліктің барлық уақыты қауіп кезеңіне жатуы мүмкін. Вальпроат әсеріне жатыр ішінде ұшыраған мектеп жасына дейінгі балалардың зерттеулері 30-40% балаларда сөйлеудің дамуы, кеш жүру, интеллектуалдық қабілет деңгейінің төмендеуі, нашар тілдік дағдылар (сөйлеу және түсіну) және жадымен проблемалар сияқты ерте даму іркілістері барын көрсетті.

Құрсақішілік вальпроат әсері анамнезінде бар мектеп жасындағы (6 жас) балаларда өлшенген интеллект коэффициенті (IQ) басқа орташа эпилепсияға қарсы дәрілердің әсеріне ұшыраған балалардағыға қарағанда 7-10 тармаққа төменді құрады. Ауыр факторлардың рөлін жоққа шығаруға болмаса да, вальпроаттың құрсақішілік әсеріне ұшыраған балаларда IQ төмендеуі анасының IQ байланысты болмауы мүмкін деген дәлелдер бар. Ұзақ мерзімді нәтижелер бойынша деректер шектеулі.

Вальпрой қышқылының құрсақішілік әсеріне ұшыраған балаларда жалпы популяциямен салыстырғанда даму бұзылыстарының (аутистикалық спектрдегі бұзылыстар) (қауіптің шамамен үш есе ұлғаюы) балалар аутизмінің (қауіптің шамамен бес есе ұлғаюы) жоғарғы қаупі бар екендігін растайтын деректер бар.

Шектеулі деректерге сәйкес вальпроаттың құрсақішілік әсеріне ұшыраған балаларда, аса жоғары белсенділікпен зейін қою тапшылығы синдромы (АЖБЗҚТС) дамуы әбден мүмкін.

Бала тууға қабілетті әйелдер

Валат препаратын емнің басқа әдістері тиімсіз немесе жағымсыздығы болған жағдайларды қоспағанда, бала тууға қабілетті әйелдерге қолдануға болмайды. Егер ешбір басқа ем жасау мүмкін болмаса, Валат препаратымен емді егер Жүктіліктің алдын алу бойынша бағдарлама шарттары орындалса ғана бастауға болады, атап айтқанда:

- пациент әйелдің жүкті болмауы (ем басында және ем кезінде ұдайы белгілі бір уақыт аралығында сезімталдығы 25 мХБ/мл кем емес теріс плазманы пайдаланумен жүктілікке тест).

- пациент әйел контрацепцияның ең кемі бір тиімді әдісін пайдаланады.

- пациент әйелдің жүктілік кезіндегі вальпроат қолданудың қаупі туралы хабардар болуы.

Бала тууға қабілетті әйелдерде ем кезінде пайда-қаупінің арақатынасын ұдайы белгілі бір уақыт аралығында мұқият қайта бағалау керек (жылына бір реттен сирек емес).

Құрамында эстроген бар препараттар

Құрамында эстроген бар гормональді контрацептивтерді қоса, құрамында эстроген бар препараттар вальпроат клиренсін арттыруы мүмкін, бұл сарысуда вальпроат концентрациясының төмендеуіне әкелуі және вальпроат тиімділігінің әлеуетті төмендеуіне әкелуі мүмкін.

Егер әйел жүктілікті жоспарласа

Егер әйел жүктілік жоспарласа эпилепсия емдеуде тәжірибесі бар маман вальпроатпен емді қайта бағалауы және емнің баламалы нұсқасын қарастыруы тиіс. Барлық мүмкіндікті тиісінше баламалы емге ұрықтануға дейін және контрацепция пайдалануды тоқтатқанға дейін ауысу үшін пайдалануға тырысу керек. Егер ауысу мүмкіндігі болмаса, әйел отбасын жоспарлауға қатысты негізделген шешімді қабылдауды қамтамасыз етуі үшін вальпроаттың сәби болашағы үшін қаупіне қатысты қосымша кеңес алуы тиіс.

Жүктілікке дейін және жүктіліктің басында фолаттарды қосымша қолдану жүктіліктің барлық жағдайларында дамуы мүмкін жүйке түтігі ақауының қаупін азайтуы мүмкін. Алайда, қолда бар айғақтар бұл вальпроат әсері нәтижесіндегі туа біткен даму ақауын немесе мальформацияны болдырмайтынын болжамайды.

Босануға дейін

Босанғанға дейін анадан, тромбоциттер, фибриноген деңгейлерін және қан ұю уақытын (белсендірілген ішінара тромбопластин уақыты: БІТУ) анықтауды қоса, коагуляциялық тестілер жүргізілуі тиіс.

Жаңа туған нәрестелердегі қауіп

Жүкті кезінде аналары вальпроат қабылдаған жаңа туған нәрестелерде геморрагиялық синдромның өте сирек жағдайлары дамығаны туралы хабарланды. Бұл геморрагиялық синдром тромбоцитопениямен, гипофибриногенемиямен байланысты және/немесе басқа қан ұю факторының құрамы төмендеуімен шартталуы мүмкін. Сондай-ақ өліммен аяқталған афибриногенемия дамуы туралы мәлімделген. Бұл геморрагиялық синдромды фенобарбиталдан және ферменттердің басқа индукторларынан туындайтын К дәруменінің тапшылығы факторынан айыра білу керек. Аналарындағы гемостаз тесттерінің қалыпты нәтижелері жаңа туған нәрестелердегі гемостаз бұзылуын жоққа шығармайды. Сондықтан вальпроат қабылдаған аналардан туған жаңа туған нәрестелерде қандағы тромбоциттер санын, фибриногеннің плазмалық концентрациясын, қан ұюының факторын және коагуляциялық тестті міндетті түрде анықтау керек.

Аналары жүктіліктің үшінші триместрінде вальпроат қабылдаған жаңа туған нәрестелерде гипогликемия жағдайлары туралы хабарланған.

Аналары жүктілік кезінде вальпроат қабылдаған жаңа туған нәрестелерде гипотиреоз жағдайлары туралы хабарланған.

Аналары жүктіліктің соңғы триместрі кезінде вальпроат қабылдаған жаңа туған нәрестелерде тоқтату синдромы (атап айтқанда, ажитация, ашушаңдық, қатты қозғыштық, күйгелектік, гиперкинезия, тонус бұзылуы, тремор, құрысулар, тамақ ішу бұзылыстары) туындауы мүмкін.

Постнатальді мониторинг/балалардың мониторингі

Жүктілік кезінде вальпроат әсеріне ұшыраған балалардың неврологиялық мінез-құлқына мұқият мониторинг жүргізу керек, және қажет болған жағдайда мүмкіндігінше ерте жағымды ем бастау керек.

Құрамындағы натрий мен калийге қатысты ақпарат

Бұл дәрілік препараттың бір таблеткасының кұрамында 46,05 мг натрий бар (ДДҰ деректеріне сәйкес ересектердегі 2 г натрий ұсынылған тәуліктік дозасының 2,3%-ына баламалы). Бұл натрий мөлшері төмен диетаны қатаң ұстанатын пациенттерге қатысты ескерілуі тиіс.

Валат препаратының өз құрамында 1.17 мг мөлшерінде калий болады. Препаратты бүйрек функциясы төмендеген немесе калийдің тағаммен түсуі бақыланатын адамдарға сақтықпен тағайындау керек.

Жүктілік немесе лактация кезінде

Вальпроатты қолдануға болмайды:

• эпилепсияны емдеу үшін қолайлы баламалы ем болмаған жағдайды қоспағанда, жүктілік кезінде

• бала тууға қабілетті әйелдерде, Жүктіліктің алдын алу бойынша бағдарлама шарттары орындалатын жағдайларды қоспағанда.

Егер вальпроат пайдаланушы әйелдер жүкті болса, оны дереу баламалы ем нұсқаларын қарастыру үшін маманға жіберу керек.

Жүктілік кезіндегі анасының гипоксиямен бірге тонус-клонустық ұстамалары және эпилепсиялық статусы анасы үшін де, анасының құрсағындағы сәби үшін де өлім қаупі болуы мүмкін.

Егер жүктіліктегі вальпроат қолданудың белгілі қаупіне қарамастан және баламалы емді мұқият қарастырғаннан кейін жеке-дара жағдайларда жүкті әйел эпилепсия емі үшін вальпроат қолдануы тиіс болса, мына жағдайларда алады:

• ең төмен тиімді дозаны пайдалану керек;

- оларды күні бойы қабылдау үшін вальпроаттың тәуліктік дозасын бірнеше аз дозаға бөлу керек. Босап шығуы ұзаққа созылатын дәрілік түрін қолдану плазмадағы жоғары шектік концентрациясынан аулақ болу үшін басқа кез келген дәрілік түрден басымдық беруі мүмкін.

Жүктілік кезінде вальпроат пайдаланатын барлық пациент-әйелдерді және олардың жұптастарын вальпроат әсеріне ұшырайтын жүктілікке қатысты бағалау және ақылдасу үшін тератологияда тәжірибесі бар маманға жіберу керек.

• жүйке түтігінің ақаулары немесе басқа мальформациялардың болжамды туындауын анықтау мақсатында арнайы пренаталдық мониторинг жүргізу керек.

Вальпроаттың емшек сүтімен организмнен шығарылуы ана сарысуындағы мөлшерінің 1-ден 10%-ына дейін құбылып отырады. Дегенмен, вальпроатпен емделген әйелдер жаңа туған нәрестелерді/сәбилерді емізгенде гематологиялық бұзылулар анықталды.

Бала үшін емшек емудің пайдасын және әйел үшін емнің пайдасын ескере отырып, бала емізуді тоқтату туралы немесе Валат препаратымен емді тоқтату/бас тарту туралы шешім қабылдануы тиіс.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Пациентке әсіресе біріктірілімдегі конвульсияға қарсы ем немесе ұйқышылдықты күшейтуге қабілетті басқа препараттармен Валат препаратының біріктірілімі жағдайында ұйқышылдықтың туындау қаупі туралы ескерту керек.

Қолдану жөніндегі нұсқаулар

Дозалау режимі

Валат препараты вальпроаттың босап шығуы ұзартылған дәрілік түрі болып табылады, ол ең жоғары плазмалық концентрациялардың төмендеуіне әкеледі және 24-сағаттық кезең ішінде неғұрлым біртекті концентрацияны қамтамасыз етеді.

Бұл дәрілік препарат, дозасын ескерсе, ересектерге және дене салмағы 17 кг-ден асатын балаларға арналған.

Бұл дәрілік түр 6 жастан кіші балаларға қолдануға жарамайды (жұтқан кезде тыныс алу жолдарына түсіп кету қаупі бар).

Бастапқы тәуліктік доза әдетте 10-15 мг/кг құрайды, бұдан кейін оны оңтайлы дозаға жеткенге дейін арттырады (төмендегі «Емнің басында» бөлімін қараңыз).

Орташа тәуліктік дозасы тәулігіне 20 - 30 мг/кг құрайды. Дегенмен, егер эпилепсиялық ұстамаларды бұндай дозаларда бақылау мүмкіндігі болмаса, оларды жоғарылатуға болады, бұл арада пациенттер мұқият бақылауда болуы тиіс.

Балалар үшін әдеттегі доза тәулігіне 30 мг/кг құрайды. Ересектер үшін әдеттегі доза тәулігіне 20-30 мг/кг құрайды. Егде пациенттер үшін дозаны эпилепсиялық ұстамалар бақылауы негізінде анықтау керек.

Тәуліктік доза пациенттің жасына және дене салмағына байланысты анықталады; дегенмен, вальпроатқа елеулі жекеше сезімталдықты ескерген жөн.

Тәуліктік доза, қан сарысуындағы препарат концентрациясы және емдік әсері арасындағы нақты өзара байланыс анықталған жоқ: ең бастысы дозасы пациенттің емге клиникалық жауабы негізінде анықталады.

Егер эпилепсиялық ұстамалар бақылауға келмесе немесе жағымсыз әсерлерге күдік бар болса, клиникалық бақылаумен қатар плазмадағы вальпрой қышқылының деңгейін анықтауды қарастыру керек. Тиімді емдік диапазоны әдетте 40 -100 мг/л (300 - 700 мкмоль/л) құрайды.

Бүйрек жеткіліксіздігі бар пациенттерге дозаны азайту немесе гемодиализдегі пациенттерге дозаны арттыру қажет болуы мүмкін. Вальпроат диализбен шығарылады. Дозаны пациенттің клиникалық бақылауына сәйкес өзгерту керек.

Енгізу әдісі және жолы

Ішке қабылдауға арналған.

Бұл дәрілік препаратты күн сайын 1 немесе 2 бөлінген дозалар түрінде, дұрысы тамақтану кезінде қабылдау керек.

Эпилепсия жақсы бақыланғанда тәуліктік бір реттік доза ретінде қолданылуы мүмкін.

Таблетканы бүтіндей, бөлшектемей және шайнамай жұту керек.

Емнің басында

- егер пациент емдеуден өтіп жүрген болса және басқа да эпилепсияға қарсы препараттар қабылдаса, оңтайлы дозаға жету үшін Валат препаратымен емдеуді шамамен екі апта бойы біртіндеп енгізу керек, содан кейін қажет болғанда, бір мезгілде қабылданатын препараттар дозасын ем тиімділігіне қарай азайтады.

- басқа эпилепсияға қарсы препараттар қабылдамайтын пациенттер үшін оңтайлы дозаға шамамен бір апта ішінде жету үшін дозаны әр 2-3 күн сайын сатылап ұлғайту керек.

- қажет болғанда басқа эпилепсияға қарсы дәрілермен біріктірілген емді біртіндеп бастау керек.

Артық дозалану жағдайында қабылдау қажет болатын шаралар

Жаппай жедел уланудың клиникалық белгілері, әдетте, бұлшықет гипотониясымен, гипорефлексиямен, миоз, тыныс алу функциясының бұзылуымен және метаболизмдік ацидозбен, гипотензиямен және коллапс/кардиоваскулярлық шокпен тереңдігі көп немесе аз болуы мүмкін команы қамтиды.

Ми ісінуіне қатысты бассүйекішілік гипертензияның сирек жағдайлары сипатталған.

Стационардағы пациенттерді емдеу мыналарды қамтиды: клиникалық көрсетілімдер болған кезде асқазанды шаю, тиімді диурезді ұстап тұру, жүрек-қантамыр және тыныс алу жүйелерінің жағдайын бақылау. Өте ауыр жағдайларда, қажет болса, экстраренальді диализ жүргізуге болады.

Әдетте бұндай улану жағдайларында болжам жағымды. Осыған қарамастан, өліммен аяқталудың бірнеше жағдайлары тіркелген.

Артық дозалану жағдайында құрамында вальпроат бар дәрілік заттардағы натрий мөлшері гипернатриемияға әкелуі мүмкін.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар

Препаратты қолдану туралы сұрақтар туындаған жағдайда емдеуші дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 10%); жиі (≥ 1% – < 10%); жиі емес (≥0,1% - дан < 1% - ға дейін); сирек (≥0,01% - дан < 0,1% - ға дейін); белгісіз (қолда бар деректер негізінде бағалау мүмкін емес).

Өте жиі

- тремор

- жүрек айнуы

Жиі

- анемия, тромбоцитопения, дозаға байланысты тромбоцитопения, әдетте жүйелі білінеді және қандай да бір клиникалық салдарсыз; симптомсыз тромбоцитопенияда, мүмкіндігінше тромбоциттер деңгейін және ауруды бақылауды ескере отырып, препараттың дозасын жай ғана төмендету әдетте тромбоцитопенияны реттеуге әкеледі

- гипонатриемия, салмақтың жоғарылауы. Салмақтың жоғарылауы анабез поликистозы синдромы дамуының қауіп факторы болып табылады және мұқият бақылауды қажет етеді

- сананың шатасуы, елестеулер, озбырлану, қозу, зейін қою бұзылыстары (негізінен балаларда)

- экстрапирамидалы бұзылулар (нейровизуализация нәтижелері бойынша мидың атрофиясын анықтаумен байланысты болуы мүмкін), мелшию және летаргия, кейде емді тоқтатқанда немесе дозаны төмендеткенде (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларының кенеттен көтерілуінен кейін) регрессиямен өтпелі комаға (энцефалопатияға) әкелетін құрысу ұстамалары, седация, есте сақтау қабілетінің бұзылуы, бас ауыруы, нистагм, жүрек айну немесе бас айналу

- естімей қалу

- қан құйылу

- құсу, қызыл иек аурулары (әсіресе қызыл иек гиперплазиясы), стоматит, эпигастрий аймағындағы ауырсыну, кейбір пациенттерде емнің басында пайда болуы мүмкін, бірақ әдетте үзіліссіз емдеуде бірнеше күн ішінде жойылатын диарея

- бауыр ауыруы

- өтпелі және/немесе дозаға тәуелді алопеция, тырнақтардың бұзылуы

- несепті ұстай алмау

- жүйесіз етеккір

Жиі емес

• лейкопения, панцитопения

• АДГ (антидиурездік гормон) қалыптан тыс секреция синдромы (SIADH, АГАЕСС), гиперандрогения (гирсутизм, вирилизм, акне, еркек алопециясы және/немесе андрогендік гормондар деңгейінің жоғарылауы)

• кома, энцефалопатия, летаргия (кейде өтпелі комаға (энцефалопатияға) әкелетін) емді тоқтатқанда немесе дозаны төмендеткенде регрессиямен (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларының кенеттен көтерілуінен кейін), қайтымды Паркинсон синдромы (нейровизуализация нәтижелері бойынша мидың атрофиясын анықтаумен байланысты болуы мүмкін), атаксия, парестезия

• васкулит

• экссудативті плеврит

• емдеуді ерте тоқтатуды талап ететін өліммен аяқталуы мүмкін панкреатит

• ангионевроздық ісіну, бөртпе, шаш жабынының бұзылуы (мысалы, шаш құрылымының ауытқуы, шаш түсінің/шаштың өзгеруі, шаштың қалыптан тыс өсуі)

• сүйектің минералдық тығыздығының төмендеуі, остеопения, остеопороз және сынулар. Вальпроаттың сүйек метаболизміне әсер ету механизмі белгісіз

• бүйрек жеткіліксіздігі

• аменорея

• гипотермия, шеткері ісінудің ауыр емес түрі

Сирек

• миелодисплазиялық синдром

• сүйек кемігінің аплазиясы немесе шынайы эритроцитарлық аплазия, агранулоцитоз, макроцитарлық анемия, макроцитоз, кем дегенде бір коагуляция факторының төмендеуі, коагуляция тестілерінің қалыптан тыс нәтижелері (мысалы, протромбин уақытының ұлғаюы, ішінара белсендірілген тромбопластин уақытының ұлғаюы, тромбин уақытының ұлғаюы, ХҚҚ жоғарылауы), В8 дәрумені тапшылығы (биотин)/биотинидаза тапшылығы

• гипотиреоз

• гипераммониемия (бауыр функционалдық сынамалары көрсеткіштерінің өзгерістері болмаған кезде оқшауланған және орташа, әсіресе политерапия кезінде, әрі препаратты тоқтатуды талап етпейді. Комаға өтуі мүмкін және қосымша талдаулар жүргізуді талап ететін неврологиялық симптомдары бар гипераммониемия жағдайлары туралы хабарланды), семіздік

• мінез-құлық бұзылуы, психомоторлы аса жоғары белсенділік, оқып-үйренуге қабілетсіздік (негізінен балаларда)

• симптомдарсыз және үдемелі басталатын когнитивті бұзылулар (толық деменцияға дейін дамуы мүмкін), бұл емдеуді тоқтатқаннан кейін бірнеше аптадан бірнеше айға дейін қалпына келуі мүмкін (нейровизуализация нәтижелері бойынша мидың атрофиясын анықтаумен байланысты болуы мүмкін), диплопия

• уытты эпидермальді некролиз, Стивенс-Джонсон синдромы, полиморфты эритема, DRESS-синдромы (эозинофилиямен және жүйелі көріністермен қатар жүретін дәрілік тері реакциясы) немесе дәрі жағымсыздығы синдромы

• жүйелі қызыл жегі, рабдомиолиз

• Фанкони қайтымды синдромы (бұл әсердің механизмі әзірге белгісіз), энурез, тубулоинтерстициальді нефрит

• сперматогенезге әсері (атап айтқанда, сперматозоидтардың қозғалғыштығын шектеу), аналық бездер поликистозы

Белгісіз

- туа біткен мальформация және неврологиялық дамудың бұзылуы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бiр таблетканың құрамында:

белсенді зат - 333.0 мг натрий вальпроаты және 145 мг вальпрой қышқылы 500.00 мг натрий вальпроатына баламалы;

қосымша заттар: сулы коллоидты кремний, гипромеллоза 2208 типі (15000 cps босап шығуының бақыланатын тазалығы), гипромеллоза 2910 типі (4000 cps), калий ацесульфамы;

үлбірлі қабығы: натрий лаурилсульфаты, дибутилсебакат, негізгі бутилденген метакрилат сополимері, магний стеараты, титанның қостотығы (Е 171).

Сыртқы түрінің, иісінің, дәмінің сипаттамасы

Ұзынша пішінді, екі жағы дөңес, ақ немесе ақ дерлік түсті үлбірлі қабықпен қапталған екі бетінде сызығы бар таблеткалар.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 6 таблеткадан.

5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Aurobindo Pharma Limited,

Unit-XV, Plot No. 17 A, E. Bonangi Village/Е. Бонанжи Виллидж,

Jawaharlal Nehru Pharma City, Parawada Mandal, Visakhapatnam District,

Andhra Pradesh, Үндістан.

тел. +914066725000/1200, +914023736370,

факс +914067074059, +914023747340,

электронды пошта: info@aurobindo.com

Тіркеу куәлігінің ұстаушысы

Aurobindo Pharma Limited,

Unit-XV, Plot No. 17 A, E. Bonangi Village/Е. Бонанжи Виллидж,

Jawaharlal Nehru Pharma City, Parawada Mandal, Visakhapatnam District,

Andhra Pradesh, Үндістан.

тел. +914066725000/1200, +914023736370,

факс +914067074059, +914023747340,

электронды пошта: info@aurobindo.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан Республикасы, 050043,

Алматы қ. Мирас ықшам ауд., 157, 2 блок, т.е. 819,

Тел.: (727) 311-81-96/97,

электронды пошта: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Канумуру И.Г., Қазақстан Республикасы, 050043,

Алматы қ., Мирас ықшам ауд, 157, 2 блок, т.е. 819.

Тел. (727) 311-81-96/97, +77479911904,

электронды пошта: irina.volovnikova@gmail.com