Вазофлекс (10 мкг/мл) (Илопрост)

Вазофлекс

Илопрост

Дәрілік түрі, дозасы

Ингаляцияға арналған ерітінді, 10 мкг/мл

Қан және қан түзу ағзалары. Тромбозға қарсы препараттар. Гепаринді қоспағанда, тромбоциттер агрегациясының тежегіштері. Илопрост

АТХ коды В01АС11

Дене жүктемесінің көтерімділігін жақсарту және симптомдарды жеңілдету үшін ересек пациенттерде III функционалдық класты (NYHA жіктеуі) өкпенің бастапқы гипертензиясын емдеу.

Қолданудың басталуына дейінгі қажетті мәліметтер тізбесі

- илопростқа немесе қосымша заттардың кез келгеніне аса жоғары сезімталдық

- Вазофлекс препаратының тромбоциттерге әсері қан кету қаупін арттыруы мүмкін патологиялық жай-күйлер (мысалы, өршу сатысындағы асқазан мен он екі елі ішектің ойық жаралы ауруы, жарақат, бассүйекішілік қан құйылу)

- жүректің ауыр ишемиялық ауруы немесе тұрақсыз стенокардия

- алдыңғы 6 айдағы миокард инфарктісі

- тиісті дәрігерлік бақылау болмағанда декомпенсацияланған жүрек жеткіліксіздігі

- ауыр аритмиялар

- алдыңғы 3 айдағы цереброваскулярлық асқынулар (мысалы, транзиторлық ишемиялық шабуыл, инсульт)

- өкпенің вена-окклюзиялық ауруы салдарынан болатын өкпе гипертензиясы

- миокард функциясының өкпе гипертензиясы себеп болмайтын клиникалық мәнді бұзылуларымен жүрек клапандарының туа біткен немесе жүре пайда болған ақаулары.

Қолдану кезінде қажетті сақтық шаралары

Вазофлекс препаратын оң жақ қарыншаның ауыр жеткіліксіздігімен қатар жүретін өкпенің тұрақсыз гипертензиясы бар пациенттерге қолдану ұсынылмайды. Оң жақ қарынша жеткіліксіздігінің өршуі жағдайында басқа дәрілік заттарға ауысу мүмкіндігін қарастыру мақсатқа сай болады.

Артериялық гипотензия

Препаратты қолдану барысында артериялық қысым көрсеткіштеріне мониторинг өткізу қажет. Гипотензияның өршуін болдырмас үшін, бастапқы жүйелі артериялық қысымы төмен және постуральді гипотензиясы бар немесе гипотензиялық препараттарды қабылдап жүрген пациенттерді мұқият қадағалау керек. Вазофлекс препаратын систолалық артериялық қысымның деңгейі 85 мм сын.бағ. аз пациенттерге тағайындауға болмайды.

Дәрігерлер пациенттерде болатын қатарлас ауруларға немесе гипотензия мен естен тану қаупін күшейтуі мүмкін басқа дәрілік заттардың қолданылуына қатысты сақтық танытуы тиіс.

Естен тану

Ингаляциялық қолдануға арналған илопрост өкпе тамырларына ұзаққа созылмайтын (бір сағаттан екі сағатқа дейінгі) тамыр кеңейту әсерін көрсетеді.

Естен тану өз алдына өкпе гипертензиясының ағымын сипаттайтын симптом болып табылады, сондай-ақ оған емнің әсері себеп бола алады. Өкпе гипертензиясымен байланысты естен танулар байқалатын пациенттер кез келген, мысалы, дене жүктемелерін орындау кезіндегі шамадан тыс ширығудан аулақ болуы тиіс. Дене жүктемесін орындар алдында ингаляция жасау пайдалы болуы мүмкін. Естен тану жағдайларының көбеюі емдеудің дұрыс жүргізілмеуін, жеткіліксіз тиімділігін және/немесе ауру ағымының нашарлауын білдіреді. Бұл жағдайда әркімге жеке тәртіпте дозаны түзету және/немесе таңдалған емді өзгерту қажеттілігін қарастыру керек.

Тыныс жолдарының аурулары бар пациенттер

Вазофлекс препаратын ингаляциялау кезінде, әсіресе, бронхтардың аса жоғары реакциясы бар пациенттерде бронх түйілуінің даму қаупі артуы мүмкін. Қатар жүретін өкпенің созылмалы обструкциялық ауруы (ӨСОА) және бронх демікпесінің ауыр түрлері бар пациенттерде Вазофлекс препаратының оң әсері анықталмады. Өкпеде жедел инфекциялық үдерістері, өкпенің созылмалы обструкциялық ауруы және ауыр бронх демікпесі бар пациенттер тұрақты мұқият қадағалауда болуы тиіс.

Өкпенің вена-окклюзиялық ауруы

Өкпе тамырларын кеңейтетін препараттар өкпенің вена-окклюзиялық ауруы бар пациенттердің жүрек-қантамыр статусын едәуір нашарлатуы мүмкін. Егер илопростты ингаляциялық енгізу кезінде өкпенің ісіну симптомдары туындаса, астасқан вена-окклюзиялық ауру ықтималдығын қарастыру және емдеуді тоқтату керек.

Емдеуді тоқтату

Вазофлекс препаратымен емдеуді тоқтатқан жағдайда, «ребаунд әсерінің» («тоқтату әсерінің») даму қаупін толық жоққа шығаруға болмайды.

Ингаляциялық қолдануға арналған илопростпен емді тоқтату кезінде пациенттерді мұқият қадағалау және жай-күйі қатер шегіндегі пациенттер үшін баламалы ем жүргізуді қарастыру керек.

Бауыр мен бүйрек функциясының бұзылуы

Илопростты вена ішіне енгізу деректері, бауыр жеткіліксіздігі бар пациенттерде және диализ жасау қажет болатын бүйрек жеткіліксіздігі бар пациенттерде илопрост элиминациясының төмендеуін көрсетеді. Енгізулер арасындағы 3-4 сағаттық аралықпен бастапқы дозаны мұқият титрлеу ұсынылады.

Сарысу глюкозасының деңгейі

Клиникаға дейінгі зерттеулерде ішке қабылданатын илопрост клатратымен ұзаққа созылатын ем аш қарындағы глюкоза деңгейлерінің мардымсыз жоғарылауымен байланысты. Вазофлекспен ұзаққа созылатын ем кезінде адамдардағы осындай әсерін жоққа шығаруға болмайды.

Вазофлекстің қолайсыз әсері

Препараттың кездейсоқ әсерін азайта түсу үшін Вазофлекс препаратын деммен ішке тартумен іске қосылатын небулайзерлер (Breelig немесе I-Neb сияқты) көмегімен енгізу және орынжайды жақсылап желдету ұсынылады.

Жаңа туған нәрестелер, сәбилер мен жүкті әйелдер Вазофлекс ингаляциясы жасалатын бөлмеде болмауы тиіс.

Теріге және көзге тигізіп алу, ішке жұту

Небулайзерге арналған ерітінді түріндегі Вазофлекс препаратын тері жабындарына және көзге тигізіп алмау, сондай-ақ оны ішке жұтпау керек. Небулайзерден ингаляция жасау кезінде бетперде қолданылмайды, әрі тек мүштікті пайдалану керек.

Breelib небулайзеріне ауысу

Breelib небулайзерін қолдану бойынша шектеулі деректер бар. Баламалы құрылғыдан Breelib-ке ауысқан пациенттерде бірінші ингаляциялық доза Breelib көмегімен жылдам ингаляцияның жағымды екеніне көз жеткізу үшін мұқият медициналық бақылаумен 1 мл илапрост 10 мкг/мл небулайзер мүштік арқылы алынған 2,5 мкг илопрост болуы керек. Алғашқы 2,5 мкг дозаны пациенттер баламалы құрылғының көмегімен 5 мкг қолдану арқылы қазірдің өзінде тұрақты күйде болса да қолдану керек.

Қосымша заттар

Натрийдің препараттағы жалпы мөлшері

Вазофлекс препаратының құрамында натрий хлориді бар, ол бір реттік дозаға 1 ммоль натрийден (23 мг) аз, яғни іс жүзінде натрий жоқ. Бұл ақпаратты натрий тұтыну шектелген диетадағы пациенттер ескеруі керек.

Вазофлекс препаратының құрамында этанол бар

Вазофлекс препаратының әрбір мл-де 0,81 мг алкоголь (этанол) бар, ол 0,81% (м/көл) баламалы. 1 мл препаратындағы 0,81 мг алкоголь мөлшері 1 мл-ден аз сыра немесе шарапқа баламалы.

Осы препараттағы алкогольдің аз мөлшері қандай да бір елеулі әсер етпейді.

Басқа дәрілік препараттармен өзара әрекеттесуі

Илопрост вазодилататорлар мен гипертензияға қарсы басқа препараттардың гипертензияға қарсы әсерін күшейтуі мүмкін, бұл гипертензияның даму қаупіне ықпал етеді. Вазофлексті басқа тамыр кеңейтетін және гипертензияға қарсы препараттармен бір мезгілде қолданғанда сақтық шарасын қадағалау қажет, өйткені олардың дозасын түзету қажет болуы мүмкін.

Илопрост тромбоциттер функциясын бәсеңдететіндіктен, оны келесі препараттармен қолдану илопрост индукциялаған тромбоциттер тежелуін күшейтуі мүмкін, демек, қан кету қаупін арттыруы мүмкін:

• антикоагулянттар, мыналар сияқты:

- гепарин

- ішке қабылдауға арналған антикоагулянттар (кумарин туындылары тобына жататын немесе тікелей)

• немесе тромбоциттер агрегациясының басқа тежегіштері, мыналар сияқты:

- ацетилсалицил қышқылы

- қабынуға қарсы стероидты емес препараттар

- фосфодиэстеразаның селективті емес тежегіштері, пентоксифиллин сияқты

- фосфодиэстераза-3 селективті тежегіштері, цилостазол және анагрелид сияқты

- тиклопидин

- клопидогрел

- гликопротеин IIb/IIIa антагонистері, абциксимаб, эптифибатид және тирофибан сияқты

- дефибротид

Жалпы қабылданған медициналық практикаға сәйкес антикоагулянттық емді немесе тромбоциттер агрегациясының басқа да тежегіштерін қабылдап жүрген пациенттер коагуляция параметрлерінің тұрақты бақылауында болуы тиіс.

Илопрост венаішілік инфузиясының ішке тағайындалатын көп реттік дозалардағы дигоксин фармакокинетикасына әсер етпейтіні көрсетілді және илопрост бір мезгілде тағайындалған тіндік плазминоген белсендіргішінің (t-PA) фармакокинетикасына әсер етпейді.

Илопросттың P450 цитохромы изоферменттерінің белсенділігіне болуы мүмкін тежеу әсерін бағалау дәрілік препараттардың осы изоферменттер арқылы жүретін метаболизмінің оларға илопросттың әсер етуінен елеулі бәсеңдеу ықтималдығының аз екенін көрсетті.

Арнайы ескертулер

Вазофлекс препаратын оң жақ қарыншаның ауыр жеткіліксіздігімен қатар жүретін өкпенің тұрақсыз гипертензиясы бар пациенттерге қолдану ұсынылмайды. Оң жақ қарынша жеткіліксіздігінің өршуі жағдайында басқа дәрілік заттарға ауысу мүмкіндігін қарастыру мақсатқа сай болады.

Артериялық гипотензия

Препаратты қолдану барысында артериялық қысым көрсеткіштеріне мониторинг өткізу қажет. Гипотензияның өршуін болдырмас үшін, бастапқы жүйелі артериялық қысымы төмен және постуральді гипотензиясы бар немесе гипотензиялық препараттарды қабылдап жүрген пациенттерді мұқият қадағалау керек. Вазофлекс препаратын систолалық артериялық қысымның деңгейі 85 мм сын.бағ. аз пациенттерге тағайындауға болмайды.

Дәрігерлер пациенттерде болатын қатарлас ауруларға немесе гипотензия мен естен тану қаупін күшейтуі мүмкін басқа дәрілік заттардың қолданылуына қатысты сақтық танытуы тиіс.

Естен тану

Ингаляциялық қолдануға арналған илопрост өкпе тамырларына ұзаққа созылмайтын (бір сағаттан екі сағатқа дейінгі) тамыр кеңейту әсерін көрсетеді.

Естен тану өз алдына өкпе гипертензиясының ағымын сипаттайтын симптом болып табылады, сондай-ақ оған емнің әсері себеп бола алады. Өкпе гипертензиясымен байланысты естен танулар байқалатын пациенттер кез келген, мысалы, дене жүктемелерін орындау кезіндегі шамадан тыс ширығудан аулақ болуы тиіс. Дене жүктемесін орындар алдында ингаляция жасау пайдалы болуы мүмкін. Естен тану жағдайларының көбеюі емдеудің дұрыс жүргізілмеуін, жеткіліксіз тиімділігін және/немесе ауру ағымының нашарлауын білдіреді. Бұл жағдайда әркімге жеке тәртіпте дозаны түзету және/немесе таңдалған емді өзгерту қажеттілігін қарастыру керек.

Тыныс жолдарының аурулары бар пациенттер

Вазофлекс препаратын ингаляциялау кезінде, әсіресе, бронхтардың аса жоғары реакциясы бар пациенттерде бронх түйілуінің даму қаупі артуы мүмкін. Қатар жүретін өкпенің созылмалы обструкциялық ауруы (ӨСОА) және бронх демікпесінің ауыр түрлері бар пациенттерде Вазофлекс препаратының оң әсері анықталмады. Өкпеде жедел инфекциялық үдерістері, өкпенің созылмалы обструкциялық ауруы және ауыр бронх демікпесі бар пациенттер тұрақты мұқият қадағалауда болуы тиіс.

Өкпенің вена-окклюзиялық ауруы

Өкпе тамырларын кеңейтетін препараттар өкпенің вена-окклюзиялық ауруы бар пациенттердің жүрек-қантамыр статусын едәуір нашарлатуы мүмкін. Егер илопростты ингаляциялық енгізу кезінде өкпенің ісіну симптомдары туындаса, астасқан вена-окклюзиялық ауру ықтималдығын қарастыру және емдеуді тоқтату керек.

Емдеуді тоқтату

Вазофлекс препаратымен емдеуді тоқтатқан жағдайда, «ребаунд әсерінің» («тоқтату әсерінің») даму қаупін толық жоққа шығаруға болмайды.

Ингаляциялық қолдануға арналған илопростпен емді тоқтату кезінде пациенттерді мұқият қадағалау және жай-күйі қатер шегіндегі пациенттер үшін баламалы ем жүргізуді қарастыру керек.

Бауыр мен бүйрек функциясының бұзылуы

Илопростты вена ішіне енгізу деректері, бауыр жеткіліксіздігі бар пациенттерде және диализ жасау қажет болатын бүйрек жеткіліксіздігі бар пациенттерде илопрост элиминациясының төмендеуін көрсетеді. Енгізулер арасындағы 3-4 сағаттық аралықпен бастапқы дозаны мұқият титрлеу ұсынылады.

Вазофлекстің қолайсыз әсері

Препараттың кездейсоқ әсерін азайта түсу үшін Вазофлекс препаратын ішке тартумен іске қосылатын небулайзерлер (Breelig немесе I-Neb сияқты) көмегімен енгізу және орынжайды жақсылап желдету ұсынылады.

Жаңа туған нәрестелер, сәбилер мен жүкті әйелдер Вазофлекс ингаляциясы жасалатын бөлмеде болмауы тиіс.

Теріге және көзге тигізіп алу, ішке жұту

Ингаляцияға арналған ерітінді түріндегі Вазофлекс препаратын тері жабындарына және көзге тигізіп алмау, сондай-ақ оны ішке жұтпау керек. Небулайзерден ингаляция жасау кезінде бетперде қолданылмайды, әрі тек мүштікті пайдалану керек.

Вазофлекс препаратының құрамында этанол бар

Вазофлекс препаратының әрбір мл-де 0,81 мг алкоголь (этанол) бар, ол 0,81% (м/көл) баламалы. 1 мл препаратындағы 0,81 мг алкоголь мөлшері 1 мл-ден аз сыра немесе шарапқа баламалы.

Осы препараттағы алкогольдің аз мөлшері қандай да бір елеулі әсер етпейді.

Breelib небулайзеріне ауысу

Breelib небулайзерін қолдану бойынша шектеулі деректер бар. Баламалы құрылғыдан Breelib-ке ауысқан пациенттерде бірінші ингаляциялық доза Breelib көмегімен жылдам ингаляцияның жағымды екеніне көз жеткізу үшін мұқият медициналық бақылаумен 1 мл илапрост 10 мкг/мл небулайзер мүштік арқылы алынған 2,5 мкг илопрост болуы керек. Алғашқы 2,5 мкг дозаны пациенттер баламалы құрылғының көмегімен 5 мкг қолдану арқылы қазірдің өзінде тұрақты күйде болса да қолдану керек.

Педиатрияда қолдану

Препаратты балалар мен 18 жасқа толмаған жасөспірімдерде қолдану қауіпсіздігі мен тиімділігі анықталмады. Бақыланатын клиникалық зерттеулердің қолжетімді деректері жоқ.

Бала туу жасындағы әйелдер

Бала туу жасындағы әйелдер Вазофлекс препаратымен емделу кезінде контрацепцияның тиімді әдістерін пайдалануы тиіс.

Жүктілік

Өкпе гипертензиясы (ӨГ) бар әйелдерге жүкті болып қалудан сақтану керек, өйткені бұл өмірге қауіпті аурудың өршуіне әкелуі мүмкін.

Жүкті әйелдерде Вазофлекс препаратын қолдану туралы мәліметтер жеткіліксіз.

Жүкті болып қалған жағдайда, анасы үшін ықтимал пайдасын ескере отырып, Вазофлексті жүктілік кезеңінде тағайындауды, тек өкпе гипертензиясының жүктілік ағымына әсерінің белгілі қауіптеріне қарамастан, жүктілікті сақтауды шешкен әйелдерде қауіп пен пайданы мұқият бағалаудан кейін ғана қарастыруға болады.

Лактация

Илопрост пен оның метаболиттерінің емшек сүтіне бөлінетін-бөліну-бөлінбеуі анықталмады. Сәби үшін ықтимал қаупін жоққа шығаруға болмайтындықтан, Вазофлекс препаратымен емделу кезінде бала емізуден бас тартқан дұрыс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Вазофлекс препараты бас айналуы сияқты гипотензиямен байланысты симптомдарды сезінген пациенттерде көлік құралдарын және басқа механизмдерді басқару қабілетіне елеулі ықпалын көрсетеді.

Ем басталған уақытта, препаратқа жеке реакция ерекшеліктерін анықтап алмай, көлік құралдары мен механизмдерді басқару кезінде сақтық шарасын қадағалау керек.

Қолдану жөніндегі нұсқаулар

Вазофлекс препаратымен емдеу өкпе гипертензиясын емдеуде тәжірибесі бар дәрігердің бақылауымен тағайындалуы және жүргізілуі керек.

Дозалау режимі

Бір ингаляцияға доза

Вазофлекс препаратымен емдеудің басында илопросттың бірінші ингаляциялық дозасы 2.5 мкг (ингалятордың мүштік арқылы жеткізіледі) болуы тиіс. Егер пациентке емдеудің жағымдылығы жақсы болса, илопрост дозасын 5 мкг-ға дейін арттыру және кейінгі ингаляция кезінде бұл дозаны сақтау керек. 5 мкг дозаның жағымдылығы нашар болған жағдайда 2,5 мкг дозасына оралу керек.

Пациенттердің ерекше санаттары

Бауыр функциясы бұзылған пациенттер

Илопрост элиминациясы бауыр функциясы бұзылған пациенттерде азаяды.

Препарат күні бойы қолайсыз жиналып қалмас үшін препараттың бастапқы дозасын таңдау кезінде арнайы сақтандыру шараларын қолдану қажет.

Қолдану арасындағы 3-4 сағат аралықпен Вазофлекс 10 мкг/мл пайдалана отырып, бастапқы доза 2.5 мкг құрауы тиіс (бұл күніне ең көбі 6 рет тағайындалуына сәйкес келеді). Кейіннен препараттың жеке жағымдылығын ескере отырып, қабылдаулар арасындағы аралықтарды абайлап азайтуға болады. Егер одан әрі дозасын 5 мкг дейін арттыру көрсетілсе, бастапқы сатыда қабылдаулар арасындағы аралықтар 3-4 сағат құрауы тиіс; артынан оларды жеке жағымдылығын ескере отырып, азайтуға болады. Бірнеше күн емдеуден кейін, тағайындалуындағы түнгі үзіліске орай, препараттың әрі қарай жинақталу ықтималдығы аз.

Бүйрек функциясы бұзылған пациенттер

Креатинин клиренсі >30 мл/мин пациенттерде препарат дозасын түзету қажет емес. Креатинин клиренсі ≤30 мл/мин пациенттерде илапростты қолдану зерттелмеген. Илопрост вена ішіне қолданылатын деректер илопрост элиминациясының диализ жасау қажет болатын бүйрек жеткіліксіздігі бар пациенттерде төмендейтінін көрсетеді. Демек, бауыр функциясы бұзылған пациенттердегі сияқты нұсқауларды ұстану керек.

Енгізу әдісі және жолы

Вазофлекс небулайзер көмегімен ингаляциялар жасауға арналған.

Препараттың кездейсоқ әсерін барынша азайту үшін орынжайды жақсылап желдету ұсынылады.

Қолдануға дайын ерітінді, бұл төменде және 6.6 бөлімінде сипатталғандай, ингаляцияға арналған тиісті аспап (небулайзер) арқылы тағайындалады.

Небулайзердің бір типінде тұрақты жағдайға жеткен пациенттер емдеуші дәрігермен кеңеспей, басқа типіне ауыспауы тиіс, өйткені небулайзердің түрлі типтерінде және ерітіндінің шапшаңдау болуы мүмкін жеткізілуі тұсында физикалық сипаттамаларындағы елеусіз өзгешеліктермен аэрозоль түзілуі байқалады (5.2 бөл. қараңыз).

• Breelib небулайзері

Breelib - батареядан қорек алатын, вибрациялық меш-жүйесі бар деммен іске қосылатын портативті небулайзер.

1 мл ингаляцияға арналған ерітінді 10 мкг/мл Вазофлекс Breelib небулайзерінің мүштік арқылы 2,5 мкг жеткізеді. Вазофлекс препаратымен емдеудің басында немесе егер пациент небулайзердің басқа түрінен ауысса, бірінші ингаляция үшін 1 мл 10 мкг/мл Вазофлексті қолдану керек (4.4 бөл. қараңыз). Егер ингаляция жағымды болса, дозаны 20 мкг/мл илопрост қолдану арқылы арттырады. Бұл доза демеуші болып қалады. Егер 20 мкг/мл илопросттың нашар жағымдылығы байқалса, доза 1 мл Вазофлексті 10 мкг/мл қолдану арқылы азаяды (4.4 бөл. қараңыз).

Breelib небулайзерімен ингаляция ұзақтығы шамамен 3 минут, бұл басқа небулайзерлермен салыстырғанда Breelib жеткізілімінің жоғары деңгейін көрсетеді. Вазофлекспен емдеуді бастаған немесе альтернативті небулайзерлерден Breelib-ке ауысатын пациенттер дозасы мен ингаляция жылдамдығының жағымды екеніне көз жеткізу үшін емдеуші дәрігердің мұқият бақылауында болуы керек. Breelib небулайзерін пайдаланған кезде құрылғымен бірге берілген пайдалану жөніндегі нұсқауларды орындаңыз. Камераны Вазофлекс ерітіндісімен толтыру тура қолданар алдында керек.

• I-Neb AAD небулайзері

I-Neb AAD жүйесі вибрациялық меш-жүйесі бар қолмен басқаратын портативті небулайзер түрінде болады. Бұл жүйе ерітінді тор арқылы өткізілгенде шығатын ультрадыбыс көмегімен аэрозольді генерациялайды. I-Neb AAD небулайзерінің илопростты 10 мкг/мл (1 мл ампула) қолдануға сай болатыны көрсетілді.

I-Neb жүйесімен жеткізілетін доза бақылау дискісімен біріктірілімде дәріге арналған камерамен бақыланады. Әр камера мен бақылау дискісінің тиісті түсті таңбалануы болады.

Вазофлекс 10 мкг/мл ингаляцияға арналған ерітінді (1 мл ампула)

I-Neb жүйесімен бірге Вазофлекспен емдеудің басында алғашқы ингаляциялық дозасы 1 мл ампула пайдаланылатын небулайзер мүштігі арқылы алынған 2,5 мкг илопрост болуы тиіс. Егер осы дозаның жағымдылығы жақсы болса, дозаны Вазофлекс 10 мкг/мл 1 мл ампуласын пайдаланумен 5 мкг илопростқа дейін арттыруға және осы дозасын сақтауға болады. 5 мкг доза жағымдылығы нашар болған жағдайда, дозасын 2,5 мкг илопростқа дейін азайтуға болады.

Бұл небулайзер илопросттың алдын ала белгіленген 2,5 немесе 5 мкг дозасын жеткізуге қажетті аэрозоль импульсінің уақытын анықтау үшін тыныс алу ырғағын бақылауда ұстайды.

Вазофлекс 10 мкг/мл препаратының 2,5 мкг дозасы үшін қызыл бақылау дискісімен бірге қызыл түсті камера пайдаланылады. Вазофлекс 10 мкг/мл 5 мкг дозасы үшін күлгін түсті бақылау дискісімен бірге пайдаланып, күлгін түсті камера толтырылады.

I-Neb AAD жүйесімен әр ингаляция кезінде боялған нүктесі бар (сары) Вазофлекс 10 мкг/мл бір 1 мл ампуласының ішіндегісі тура ингаляция алдында препаратқа арналған камераға қосылады.

• Venta-Neb небулайзері

Батареядан қуат алатын Venta-Neb портативті ультрадыбыстық небулайзерін Вазофлекс 10 мкг/мл (ампулада 2 мл) енгізу үшін пайдалануға болады. Ауқымды медианалық аэродинамикалық диаметр (АМАД) 2,6 мкм құрайды.

Venta-Neb қолдана отырып, Вазофлекспен емдеудің басында алғашқы ингаляциялық доза 10 мкг/мл Вазофлекстің 2 мл ампуласын қолданып, небулайзердің мүштігі арқылы 2,5 мкг илопрост болуы тиіс. Егер осы доза жағымды болса, дозаны 10 мкг/мл Вазофлекстің 1 мл ампуласын пайдаланумен 5 мкг илопростқа дейін арттыруға және осы дозаны сақтайды. 5 мкг доза жағымдылығы нашар болған жағдайда, дозасын 2,5 мкг илопростқа дейін азайтуға болады.

Venta-Neb арқылы жұту кезінде әр ингаляциясы үшін боялған нүктесі бар 10 мкг/мл (көк) бір 2 мл ампуланың ішіндегісі тура қолданар алдында камераға жеткізіледі.

Екі бағдарламаны пайдалануға болады:

Мүштік арқылы 25 ингаляция циклы ішінде Р1 1:5 мкг белсенді зат бағдарламасы.

Мүштік арқылы 10 ингаляция циклы ішінде P2 2:2,5 мкг белсенді зат бағдарламасы.

Алдын ала берілген бағдарламаны таңдауды дәрігер жасайды.

Venta-Neb оптикалық және акустикалық сигнал көмегімен қашан ішке тарту қажет екенін көрсетеді. Ол алдын ала белгіленген дозасын енгізу аяқталған соң тоқтайды.

Вазофлекс 10 мкг/мл енгізу үшін тамшылардың оңтайлы өлшемін алуға жасыл түсті көрсеткіш пластина қолданылуы тиіс. Қосымша ақпарат алу үшін Venta-Neb небулайзерін пайдалану жөніндегі нұсқаулықты қараңыз.

Басқа небулайзерлер

Илопрост ерітіндісін небулизациялау параметрлерімен ерекшеленетін небулайзерлердің басқа жүйелерімен енгізу кезінде ингаляцияланатын илопрост тиімділігі мен жағымдылығы анықталмады.

Қабылдау уақыты көрсетілген қолдану жиілігі

Илопрост ингаляцияларын пациенттің жеке қажеттілігіне және препараттың жағымдылығына қарай күніне 6-дан 9 ретке дейін жасаған жөн.

Емдеу ұзақтығы

Емдеу ұзақтығы клиникалық жай-күйге және дәрігердің шешіміне байланысты. Осы емдеуде пациенттің хал-ахуалы нашарлағанда простациклинді вена ішіне енгізу қажеттілігін қарастыру керек.

Артық дозалану жағдайында қабылдануы қажет шаралар

Симптомдары

Артық дозалану жағдайлары туралы хабарланды. Артық дозалану симптомдары негізінен илопросттың тамыр кеңейтетін әсерімен байланысты. Артық дозаланғанда ең көп жиі байқалатын симптомдарына бас айналуы, бас ауыруы, қызару, жүрек айнуы, жақсүйектің ауыруы немесе арқаның ауыруы жатады. Сондай-ақ гипотония, артериялық қысымның көтерілуі, брадикардия немесе тахикардия, құсу, диарея және аяқ-қолдың ауыруы білінуі мүмкін.

Емі

Спецификалық антидоты белгісіз.

Илопростты қолдану кезінде үзіліс жасау, пациенттің жай-күйін мониторингтеу және симптоматикалық ем жүргізу ұсынылады.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Осы дәріні қолдану туралы қандай да бір қосымша сұрақтар туындаса, дәрігерге, провизорға немесе медбикеге қаралу қажет.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қауіпсіздік бейінінің резюмесі

Илопросттың ингаляциялық енгізу жолының нәтижесі болып табылатын жөтел сияқты жергілікті жағымсыз реакциялардан тыс, препараттың жағымсыз реакцияларына простациклиндердің фармакологиялық ерекшеліктері себеп болады.

Ең жиі жағымсыз реакциялар (≥20%) вазодилатация (гипотензияны қоса), бас ауыруы және жөтел болды. Ең көп күрделі жағымсыз әсерлері гипотензия, қан кету және бронх түйілуі болды.

Өте жиі (≥1/10)

- қан кету *§

- бас ауыруы

- вазодилатация, беттің қызаруы

- төс артындағы жайсыздық/төс артындағы ауырулар, жөтел

- жүрек айнуы

- жақсүйектің ауыруы/тризм

- шеткері ісіну§

Жиі (≥1/100, <1/10):

- бас айналуы

- тахикардия, жүрек қағуы, гипотензия*, естен тану§

- ентігу, фаринго-ларингеальді ауырсыну, тамақтың тітіркенуі

- диарея, құсу, ауыздың және тілдің шырышты қабығының тітіркенуі, ауыруын қоса

- бөртпе

Белгісіз жиілікпен

- тромбоцитопения

- аса жоғары сезімталдық реакциялары

- бронх түйілуі* /ысқырып тыныс алу

- дәм сезудің бұрмалануы

* Аталған жағымсыз реакциялар өмірге қатер төндіретін және/немесе өлімге ұшырататын жағдайлар түрінде болады.

§ См. «Жағымсыз реакциялардың сипаттамасы»

Жекелеген жағымсыз реакциялар сипаттамасы

Қан кету (ең алдымен, мұрыннан қан кетулер және қан түкіру түрінде) жағдайлары өте жиі кездесті, бұл қатарлас антикоагулянттық ем қабылдаған пациенттердің үлесі жоғары қауым үшін күтілетін сипатта болады. Қан кетудің даму қаупі антикоагулянттық емді немесе тромбоциттер агрегациясының тежегіштерін алатын пациенттерде жоғары болуы мүмкін. Церебральді және интракраниальді қан кетулердің өлімге соқтырған жағдайлары болды.

Естен тану көбінесе аурудың өз симптомы болып табылады, бірақ емнің әсер ету себебінен де болуы мүмкін. Естен танудың пайда болу жиілігінің артуына ауру ағымының нашарлауы немесе препарат әсерінің жеткіліксіздігі себеп болуы мүмкін.

Шеткері ісінулер өте жиі аурудың өзінің симптомы болып табылады, бірақ оған аурудың әсері де себеп болуы мүмкін. Шеткері ісінулердің пайда болуына ауру ағымының нашарлауы немесе препарат әсерінің жеткіліксіздігі себеп болуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл ерітіндінің құрамында

белсенді зат – илопрост 0,010 мг

қосымша заттар: трометамол, этанол 96 %, натрий хлориді, 1 М хлорсутек қышқылы, инъекцияға арналған су.

Әрбір мл ерітіндіде 0,81 мг этанол 96% бар

Сыртқы түрінің, иісінің, дәмінің сипаттамасы

Көрінетін бөлшектерсіз, мөлдір ерітінді

2 мл препараттан I типті мөлдір шыныдан жасалған ампулада.

10 ампуладан пластик тұғырға қапталады.

3 пластик тұғырдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

5 жыл

Жарамдылық мерзімі өткеннен кейін қолдануға болмайды!

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Rafarm S.A.

Thesi Pousi Xatzi Agiou Louka, Пеания, 190 02, Греция

тел: +30 211 176 1000

Эл. пошта: info@rafarm.gr

Тіркеу куәлігінің ұстаушысы

VEGAPHARM LLP

Unit 18, 53 Norman Road, Greenwich Centre Business Park, Лондон, SE10 9QF, Ұлыбритания

Тел.: +44-203-598-2050

Эл. пошта: info@vegapharm.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):

«CEPHEUS Medical» («ЦЕФЕЙ Медикал») ЖШС: 050045, Қазақстан Республикасы, Алматы қ., Әл-Фараби даңғылы, 7 үй, «Нұрлы Тау» ТК, 5А блок, 247 кеңсе, телефон: +7 (727) 300 69 71, +7 777 175 00 99 (тәулік бойы), электрондық пошта: drugsafety@evolet.co.uk