Вазосерк® (24 мг)

• русский
• қазақша

• Скачать инструкцию медикамента

Саудалық атауы

Вазосерк®

Халықаралық патенттелмеген атауы

Бетагистин

Дәрілік түрі

8 мг, 16 мг, 24 мг таблеткалар

Құрамы

Бір таблетканың құрамында

белсенді зат - 8 мг, 16 мг, немесе 24 мг бетагистин дигидрохлориді,

қосымша заттар: маннитол, микрокристалды целлюлоза (РН 101), полипласдон XL, лимон қышқылы моногидраты, коллоидты кремнийдің қостотығы, тальк, стеарин қышқылы

Сипаттамасы

8 мг таблеткалар – дөңгелек пішінді, ақ немесе ақ дерлік түсті, бір жағында «VASOSERC» деп таңбаланған және басқа жағында - «Aі» логотипі бар.

16 мг және 24 мг таблеткалар – дөңгелек пішінді, дөңес беткейлі, ақ немесе ақ дерлік түсті, бір жағында сызығы бар.

Фармакотерапиялық тобы

Жүйке жүйесі ауруларын емдеуге арналған басқа да препараттар. Бас айналуын басуға арналған дәрілер. Бетагистин

АТХ коды N07CА01

Фармакологиялық қасиеттері

Фармакокинетикасы

Бетагистин таблеткаланған түрінде жылдам және толық сіңеді, гематоэнцефалдық бөгет (ГЭБ) арқылы өтіп, белсенділігі жоқ метаболиттерді түзе отырып, бауырда метаболизденеді. Қан плазмасындағы жартылай ыдырау кезеңі 3-5 сағат құрайды, 24 сағат ішінде несеппен толық дерлік шығарылады.

Фармакодинамикасы

Гистаминнің синтетикалық аналогы. Гистамин сияқты гистаминдік Н1 және Н3 рецепторларына әсер етеді. Алдыңғы қылтамырлардың кеңеюін туындатады, ішкі құлақ тамырларындағы микроайналымды жақсартады. Әр түрлі вестибулярлық аурулардағы клиникалық белгілердің жақсаруына жетелей отырып, ішкі құлақ құрылымындағы (лабиринттегі және иірім түтіктегі) эндолимфаның қысымын реттейді. Ми қан ағымын ұлғайтады және вестибулярлық нейрондарға әсерін тигізеді. Препарат вестибулярлық бұзылуларды да, кохлеарлық бұзылыстарды да қалыпқа түсіреді, құлақтағы шу мен шыңылды басады, саңыраулықтың дамуына кедергі болады.

Қолданылуы

- симптомдар триадасы: бас айналумен (жүрек айну және құсумен қатар жүретін), құлақтың шуылдауымен, естудің үдемелі төмендеуімен (құлақ мүкістігі) сипатталатын Меньер синдромдарында

- вестибулярлық бас айналуын симптоматикалық емдеуде

Қолдану тәсілі және дозалары

Ішке қабылдауға арналған таблеткалар, дұрысы тамақ ішкен кезде немесе тамақ ішкеннен кейін бірден қабылдаған жөн.

2 немесе 3 қабылдауға бөлінген тәуліктік доза 8-24 мг.

Жүргізілген емге емделушінің клиникалық жауабына байланысты доза түзетілуі мүмкін.

Емдеу ұзақ уақыт жүргізіледі. Емнің ең жоғары нәтижесіне препаратты бірнеше ай қолданғаннан кейін жетеді. Емдеудің ертерек басталуы аурудың кешеуілдеген сатысында болатын аурудың дамуын және/немесе естудің жоғалуын болдырмайды.

Препаратқа дағдылану және төзімділік болмайды.

18 жасқа толмаған адамдарға тағайындау ұсынылмайды.

Жағымсыз әсерлері

Жиі (клиникалық зерттеу деректері бойынша)

– жүрек айнуы, диспепсия

– бас ауыруы (жиілігін плацебо қабылдаған топпен салыстыруға болады)

Жиілігі белгісіз (постмаркетинг деректері бойынша қолдану)

– аса жоғары сезімталдық реакциялары (анафилактикалық реакциялар), оның ішінде тері жабындары тарапынан (Квинке ісінуі, бөртпе, қышыма, есекжем)

• құсу, іштің ауыруы, метеоризм (препаратты тамақ ішкенде қабылдаса,

немесе дозасы азайтылса, көрсетілген симптомдар айқындығы аздау білінеді)

Қолдануға болмайтын жағдайлар

- препараттың қосымша компоненттерінің қайсы біріне жоғары сезімталдық

- феохромоцитома

- асқазан мен он екі елі ішектің асқыну фазасындағы ойық жаралы ауруы

- бронх демікпесі

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

Өзара әрекеттесулеріне арнайы зерттеулер жүргізілген жоқ. in vitro деректерін негізге ала отырып, in vivo Р450 цитохромы энзималарымен өзара әрекеттесулер күтілмейді.

in vitro зерттеулерінің нәтижелері бетагистин метаболизмін В қосалқы тобын қоса (мысалы, селегинин), моноаминооксидазаны (МАО тежегіштері) бәсеңдететін препараттарымен басуға болатынын көрсеткен. Сондықтан Вазосерк® және МАО тежегіштерін, селективті МАО-В қоса, бір мезгілде тағайындағанда сақ болу ұсынылады.

Бетагистин гистаминнің аналогы болып табылуына байланысты Вазосеркті® антигистаминдік препараттармен бірге тағайындаған кезде препараттардың біреуінің тиімділігі төмендеуі мүмкін.

Айрықша нұсқаулар

Вестибулярлық бас айналу және Меньер синдромының жедел ұстамаларында клиникалық әсері жылдам басталады (бірнеше сағаттан бастап бір тәулікке дейін).

Қажетті клиникалық әсеріне 4 аптадан бастап және одан ұзақ уақыт қабылдаған кезінде жетеді. Диспепсиялық құбылыстарда препаратты тамақ ішкенде немесе тамақтан кейін қолдану ұсынылады. Препараттың тыныштандырушы әсері жоқ.

Сыртартқыда бронх демікпесі және/немесе асқазанның ойық жарасы ауры бар емделушілер Вазосеркпен® емдеу кезінде мұқият бақылауды қажет етеді.

Жүктілік және лактация кезеңі

Вазосеркті® жүкті әйелдерге қолданудың қауіпсіздігі жөніндегі деректер жеткіліксіз. Адам ұрығы мен жаңа туған нәрестелерге ықтимал қаупі белгісіз. Егер анасы үшін күтілетін пайдасы ұрыққа/балаға төнетін ықтимал қауіптен асатын болғанда ғана болмаса, Вазосеркті® жүктілік кезінде тағайындамаған жөн. Бетагистиннің емшек сүтіне өтетін-өтпейтіндігі белгісіз. Вазосеркті® бала емізетін әйелге тағайындау қажет болғанда, емшекпен қоректендіруді тоқтату керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Вазосерктің® тыныштандыратын әсері жоқ, және де автомобильді басқару немесе станоктар мен механизмдерде жұмыс істеу қабілетіне әсер етпейді.

Артық дозалануы

Симптомдары: жүрек айнуы, ұйқышылдық, 640 мг дейінгі дозада орташа айқындылықта іштің ауыруы. Анағұрлым күрделі асқынулар (құрысулар, өкпе және жүрек тарапынан симптомдар) әдейі жасалған, әсіресе басқа препараттармен біріктірілімде артық дозалау жағдайларында байқалған. Емі: симптоматикалық және демеуші ем.

Шығарылу түрі және қаптамасы

8 мг таблеткалар: 10 таблеткадан ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамада. 3 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

16 мг таблеткалар: 15 таблеткадан ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

24 мг таблеткалар: 15 таблеткадан ПВХ/ПЭ/ПВДХ үлбірден және алюминий фольгадан жасалған пішінді ұяшықты қаптамада. 2 немесе 6 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ABDI IBRAHIM

Хадымкой-Стамбул, Түркия

Тіркеу куәлігінің иесі

"ABDI IBRAHIM", Түркия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

"Абди Ибрахим Глобал Фарм" ЖШС

Қазақстан Республикасы,

Алматы қ.,

Жандосов к-сі, 184 Г,

тел: +7 (727) 309 74 07,

факс: +7 (727) 309 74 14,

e-mail: globalzavod@mail.ru

5