Бронхотон

• русский
• қазақша

• Скачать инструкцию медикамента

Саудалық атауы

Бронхотон

Халықаралық патенттелмеген атауы

Жоқ

Дәрілік түрі

Шәрбат

Құрамы

125 г шәрбаттың құрамында

белсенді заттар: глауцин гидробромиді - 0,125 г

эфедрин гидрохлориді - 0,100 г

кәдімгі райхангүл майы - 0,125 г,

қосымша заттар: лимон қышқылы, сахароза, метил парагидроксибензоат, пропил парагидроксибензоат, твин 80, этанол 96 %, су.

Сипаттамасы

Сарғыш-қоңырлау түсті, өзіне тән исі бар шәрбат тәрізді сұйықтық.

Фармакотерапиялық тобы

Жөтелге қарсы басқа да препараттар.

АТЖ коды R05DB20

Фармакологиялық қасиеттері

Фармакокинетикасы

Глауцин мен эфедрин қан плазмасында қажетті емдік деңгейлерді түзе және ұстай отырып, ас қорыту жолында жақсы сіңеді. Негізінен несеппен бөлініп шығады.

Фармакодинамикасы

БРОНХОТОН шәрбаты жөтелге қарсы және бронх кеңейткіш әсері бар біріктірілген препарат болып табылады.

Глауцин гидробромиді тыныс алуға ықпал етпестен жөтел орталығына бәсеңсіткіш әсер етеді. Бронхтық түйілуге қарсы және сөліністік әлсіз әсері де бар.

Эфедрин – симпатомиметикалық дәрі, тыныс алуды қоздырады, бронхтарды кеңейтеді және олардың шырышты қабықтарының ісінуін азайтады.

Райхангүл майы қабынуға қарсы және әлсіз антисептикалық әсер етеді.

Қолданылуы

• жоғарғы тыныс жолдарының жедел респираторлық жұқпаларында жөтелді симптоматикалық емдегенде

• жедел және созылмалы бронхитте

• бронхтық демікпеде

• көкжөтелде

Қолдану тәсілі мен дозалары

Ішуге.

Ересектерге – күніне 3-4 реттен 1 ас қасықтан.

БРОНХОТОН құрамында 1,7 көлемдік % этанол бар. Ересектерге арналған әр дозаның (15 мл) құрамында 0,207 г дейін алкоголь бар, тәуліктік доза 0,60 г дейін.

Жағымсыз әсерлері

- тахикардия, экстрасистолия, артериялық қысымның жоғарылауы

- діріл, қозу, ұйқысыздық, бас айналуы

- жүрек айнуы, құсу, анорексия мен іш қату

- либидоның жоғарылауы, дисменорея

- несеп шығарудың қиындауы, қуық асты безінің гиперплазиясы бар емделушілердегі несептің іркілуі

- бөртпе, қатты терлеу

- көрудің бұзылуы, тахифилаксия

Қолдануға болмайтын жағдайлар

- препараттың компоненттеріне жоғары сезімталдықта

- жүректің ишемиялық ауруында

- артериялық гипертензияда

- жүрек жеткіліксіздігінде

- аритмияларда

- тәжтамырлық атеросклерозда

- феохромоцитомада

- тиреотоксикозда

- жабық бұрышты глаукомада

- қант диабетінде

- гипертиреозда

- қуық түбі безінің гипертрофиясында

- ұйқысыздықта

- бауыр ауруларында

- алкоголизмде

- эпилепсияда

- мидың жарақаттануларында немесе ауруларында

- жүктілік пен лактация кезеңінде

- балалар мен 18 жасқа дейінгі жасөспірімдік кезеңде

Сақтықпен

- дәрілік тәуелділіктің дамуына бейім науқастарға

Дәрілермен өзара әрекеттестігі

БРОНХОТОНДЫ антибиотиктермен, ыстықты түсіретін дәрілермен және витаминдермен бір мезгілде қолдануға болады. Препараттың құрамында эфедриннің болуына байланысты оның мынадай дәрілік өзара әрекеттестігін: есірткілік және ұйқтатын дәрілердің тиімділігін әлсірететінін ескеру қажет. Жүрек гликозидтерімен, хинидинмен, үш циклды антидепрессанттармен бір мезгілде қолданғанда аритмияның даму қаупі артады. Резерпинмен және моноаминоксидаза тежегіштерімен бір мезгілде қолданғанда артериялық қысымның шұғыл жоғарылауы, селективті емес бета-адренбөгегіштермен - бронхолитикалық әсерінің азаюы ықтимал.

Глауциннің басқа дәрілік заттармен жағымсыз өзара әрекеттестігі туралы деректер жоқ.

Айрықша нұсқаулар

Дәрілік заттың көлік құралдарын немесе қауіпті деп саналатын механизмдерді басқару қабілетіне әсер ету ерекшеліктері.

Назар аудару жоғарылығы мен психомоторлық реакция жылдамдығын қажет ететін қызмет түрлерін атқарғанда препаратты қолдану ұсынылмайды.

Артық дозаланғанда

Симптомдары – жүрек айнуы, құсу, тәбеттің болмауы, қозу, қан айналымының бұзылуы, аяқ қолдың дірілі, бас айналуы, тершеңдік, несеп шығарудың қиындауы.

Емдеу –асқазанды шаю және симптомтикалық дәрілерді қолдану .

Шығарылу түрі мен қаптамасы

Полиэтилентерефталаттан жасалған плстмасса құтыларға 125 г препараттан салынған.

Құтыға өздігінен желімделетін заттаңба жапсырылған.

Картон пәшкеге мемлекеттік және орыс тілдеріндегі медицинада қолдану жөніндегі нұсқаулықпен бірге 1 құтыдан салады.

Сақтау шарттары

Жарықтан қорғалған жерде, 150C-ден 250C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

ВетПром АД, Болгария

2400 Радомир қ., Отец Паисий, 26

Тіркеу куәлігінің иесі

ВетПром АД, Болгария

Қазақстан Республикасының аумағында тұтынушылардан өнімнің (тауардың) сапасы жөніндегі шағымдарды қабылдайтын ұймның мекенжайы

Ұйымның атауы: „MFSCompany” ЖШС

Мекенжайы: Қазақстан Республикасы, Алматы қ., Емцов көш., 26

„ШИПА” әкімшілік ғимараты, 2 қаб., 6 кеңсе

Телефоны: +7 727 317 20 30

Факс: +7 727 317 20 30