Бронхорус®
Инструкция
-
русский
-
қазақша
Саудалық атауы
Бронхорус®
Халықаралық патенттелмеген атауы
Амброксол
Дәрілік түрі
30 мг таблеткалар
Құрамы
Бір таблетканың құрамында
белсенді зат – 30 мг амброксол гидрохлориді,
қосымша заттар: жүгері крахмалы, магний стеараты, тальк, лактоза
Сипаттамасы
Ойығы бар жалпақ цилиндр пішінді ақ түсті дөңгелек таблеткалар.
Фармакотерапиялық тобы
Қақырықты түсіретін муколитикалық дәрі
АТЖ коды R05CB06
Фармакологиялық қасиеттері
Фармакокинетикасы
Сіңірілуі – жоғары (шығарудың кез келген жолында), ең жоғарғы концентрациясының жету уақыты – 2 сағат, плазма ақуыздарымен байланысуы – 80%. Гематоэнцефалдық кедергі, плацентарлық кедергі арқылы өтеді, емшек сүтімен бөлінеді.
Метаболизмі – бауырда, дибромантранил қышқылын және глюкуронды конъюгаттарды түзеді. Жартылай шығарылу кезеңі – 7-12 сағат. Бүйрек арқылы шығарылады: 90% суда ерігіш метаболиттері түрінде, өзгермеген түрде – 5 %.
Жартылай шығарылу кезеңі созылмалы бүйрек жеткіліксіздігінің ауыр түрінде ұзарады, бауыр қызметінің бұзылуында өзгермейді.
Фармакодинамикасы
Муколитикалық және қақырықты түсіретін дәрі.
Амброксол секретомоторлық, секретолитикалық және қақырық түсіргіш әсерге ие.
Амброксол бронхтар шырышты қабатының жыпылықтағыш эпителий кірпікшелерінің қимыл белсенділігін (мукокинетикалық немесе секретомоторлық әсерін) ынталандырады.
Бронхтар эпителий кірпікшелері (цилиарлы) жасушаларының спираль бойымен перистальтикалық жиырылуы бронх тармағынан шырышты бөліп шығарады (мукоцилиарлық тасымалдану немесе мукоцилиарлы клиренс). Амброксол мукоцилиарлық тасымалдануды айтарлықтай жақсартады. Амброксол бронхтар шырышты қабығы безінің серозды жасушаларын көтермелейді, қақырық шырышты компонентінің құрамын арттырады және қақырықтың серозды және шырышты компоненттерінің өзара бұзылысын қалпына келтіреді. Гидролиздеуші ферменттерді белсенділендіре және Клар жасушасынан лизосоманың босап шығуын күшейте отырып, қақырық тұтқырлығы мен оның адгезивтік қасиеттерін (муколитикалық немесе секретоликалық әсерін) төмендетеді.
Амброксол альвеолдардағы және бронхтардағы синтезді және беткейлік-белсенді заттың сөлінісін (сурфактантты) жоғарылатады.
Осы механизмдердің нәтижесінде қақырықтың тұтқырлығы елеулі азаяды және қақырықтың түсуі жақсарады.
Ішке қабылдағанда әсер етуі 30 минуттан соң басталады және 6-12 сағат бойы жалғасады.
Қолданылуы
- жедел және созылмалы бронхитте
- пневмонияда
- өкпенің созылмалы обструктивті ауруында
- қақырық түсудің қиындауы бар бронх демікпесінде
- бронхоэктатикалық ауруда
Қолдану тәсілі және дозалары
Ішке, тамақтанудан кейін көп мөлшерлі сұйықтықпен ішеді.
Ересектер мен 12 жастан асқан балаларға – 1 таблеткадан (30 мг) тәулігіне 3 рет.
Қажет болған кезде емдік әсерін күшейту үшін 2 таблеткадан (60 мг) тәулігіне 2 рет тағайындауға болады.
Аурудың ауыр жағдайларында емдеу курсы бойы дозаны азайтпайды.
Жасы 12-ден кіші балаларға Бронхорусты шәрбат түрінде тағайындайды.
Препаратты дәрігердің кеңесінсіз 5 күннен артық қабылдауға болмайды.
Жағымсыз әсерлері
Сирек
- жалпы әлсіздік
- бас ауыруы
- диарея
- дизурия
- экзантемалар
- ринорея
- іш қатуы
Ұзақ уақыт жоғары дозада қолданғанда – гастралгия, жүрек айнуы, құсу.
Аллергиялық реакциялар: кейде – тері бөртпесі, есекжем, ангионевротикалық ісіну, сирек - аллергиялық жанаспалы дерматит, анафилактикалық шок
Қолдануға болмайтын жағдайлар
- препаратқа асқын сезімталдықта
- асқазан мен он екі елі ішек ойықжаралы ауруында
- эпилепсиялық синдромда
- жүктілікте (I триместрде), лактация кезеңінде
- 12 жасқа дейінгі балаларға (Бронхорусты 12 жастан кіші балаларға шәрбат түрінде тағайындайды)
Лактозаны көтере алмаушылық жағдайында (глюкоза/галактоза сіңуінің бұзылуы синдромында немесе сахароза/изомальтозаның жеткіліксіздігінде) препараттың құрамына лактоза кіретінін ескерген жөн.
Дәрілермен өзара әрекеттесуі
Жөтелге қарсы дәрілік заттармен біріктіріп қолдану жөтелдің азаюы аясында қақырық кетуінің қиындауына әкеледі.
Амоксициллин, цефуроксим, эритромицин және доксициклиннің бронх сөлінісіне өтуін арттырады.
Айрықша нұсқаулар
Қақырықтың шығуын қиындататын жөтелге қарсы дәрілік заттармен біріктіруге болмайды.
Бүйрек қызметі бұзылуында және ауыр бауыр ауруларында дәрігердің мұқият бақылауымен абайлап қолдану керек.
Жүктілік
Жүктіліктің ІІ-ІІІ триместрінде, егер анасы үшін болжамды пайдасы ұрыққа төнетін ықтимал қатерден артық болатын жағдайда ғана қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Анықталмаған
Артық дозаланғанда
Симптомдары:диспепсия, жүрек айнуы, құсу, диарея.
Емдеу: жасанды құстыру, препаратты қабылдағаннан кейін алғашқы 1-2 сағаттан соң асқазанды шаю; құрамында май бар тағамдарды қабылдау керек.
Шығарылу түрі және қаптамасы
30 мг таблеткалар.
10 таблеткадан пішінді ұяшықты қаптамаға салынған.
2 пішінді ұяшықты қаптама медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
“Синтез» ААҚ, Ресей
640008, Қорған қ., Конституция даңғылы, 7.
тел./факс (3522) 48-16-89
E-mail: reg@kurgansintez.ru
Тіркеу куәлігі иесінің атауы мен елі
"Синтез" ААҚ, Ресей
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ., Уральская к-сі, 14
тел. 714 228 01 79
E-mail: reg@kurgansintez.ru