Бромгексин (таблетки 8 мг, Фармацевтическая компания Здоровье ООО)

• русский
• қазақша

• Скачать инструкцию медикамента

Саудалық атауы

Бромгексин

Халықаралық патенттелмеген атауы

Бромгексин

Дәрілік түрі

8 мг таблеткалар

Құрамы

Бір таблетканың құрамында

белсенді зат – 100 % затқа шаққанда 8 мг бромгексин гидрохлориді,

қосымша заттар: лактоза моногидраты, картоп крахмалы немесе жүгері крахмалы (10% ылғалдылықпен крахмалға шаққанда), рафинад қанты, руберозум, кальций стеараты.

Сипаттамасы

Жалпақ цилиндр тәріздес, ойығы бар, қызғылт түсті таблеткалар. Таблетка беткейінің мәрмәрлігіне және қызыл түсті теңбілденуіне жол беріледі.

Фармакотерапиялық тобы

Суық тию мен жөтелдің симптомдарын жоюға арналған препараттар. Муколитиктер.

AТЖ коды R05CB02

Фармакологииялық қасиеттері

Фармакокинетикасы

Асқазан ішек-жолынан жылдам (30 минуттың ішінде) және толық (99%) сіңеді. Биожетімділігі бауырдан бірінші өту әсерінің салдарынан 80% жуықты құрайды. Гематоэнцефалдық және плацентарлық бөгеттер арқылы жұлын сұйықтығына өтеді. Плазма ақуыздарымен байланысуы - 99 %. Бауырда деметилденуге және тотығуға ұшырайды. Түзілетін метаболиттердің бір бөлігі фармакологиялық белсенді. Жартылай шығарылу кезеңі (тіндерден баяу кері диффузиялану салдарынан) 12-15 сағатты құрайды. Негізінен бүйрек арқылы (85 – 90 % метаболиттер түрінде) шығарылады.

Ауыр бүйрек жеткіліксіздігінде бромгексин клиренсі төмендейді, созылмалы бүйрек жеткіліксіздігінде оның метаболиттерінің шығарылуы бұзылады. Көп мәрте қолданған кезде бромгексин жинақталуы мүмкін.

Фармакодинамикасы

Муколитикалық (секретолитикалық) және қақырық түсіргіш дәрі.

Әсер ету механизмі қақырықтың мукопротеиндер мен мукополисахаридтерінің деполимеризациясына байланысты, бұл оның тұтқырлығын төмендетеді. Бронх сөлінісінің сероздық компонентін арттырады, жыпылықтайтын эпителийді белсенділендіреді, қақырықтың көлемін арттырады және оның шығуын жақсартады. Табиғаты липидті-ақуызды-мукополисахаридті беткейлік-белсенді заттың эндогендік сурфактантының түзілуін көтермелейді, ол альвеол жасушаларында синтезделіп, тыныс алу үдерісінде альвеол жасушаларының тұрақтылығын қамтамасыз етеді. Бромгексин жөтелге қарсы әлсіз әсер етеді.

Бромгексиннің әсері әдетте қабылдауды бастағаннан кейін 1-2 тәулік өткенде басталады.

Қолданылуы

Тыныс алу органдарының тұтқыр және бөлінуі қиын сөліністің түзілуі нәтижесінде қақырық түсуі қиындауымен қатар жүретін жедел және созылмалы ауруларында:

• трахеитте

• жедел және бронхоэктаздық асқынумен қоса жүретін шығу тегі әр түрлі созылмалы бронхитте

• бронх демікпесінде

• пенвмонияда

• пневмокониозда

• өкпе туберкулезінде

• операция алдындағы кезеңде бронх тармағын санациялауда (операциядан кейін бронхта қою тұтқыр қақырық жинақталуының алдын алуда)

• бронхографиядан кейін рентгенконтрастты заттың шығарылуын жылдамдатуда

Қолдану тәсілі мен дозалары

Тамақтануға байланыссыз, ішуге тағайындалады.

Ересектер мен 14 жастан асқан балаларға 8 мг -16 мг (1-2 таблеткадан) тәулігіне 3-4 рет тағайындайды. Ең жоғары тәуліктік доза - 64 мг (8 таблетка).

10-нан 14 жасқа дейінгі балаларға 8 мг (1 таблеткадан) тәулігіне 3-4 рет тағайындайды. Ең жоғары тәуліктік доза – 32 мг (4 таблеткадан).

6-дан 10 жасқа дейінгі балаларға 8 мг (1 таблеткадан) тәулігіне 3 рет тағайындайды. Ең жоғары тәуліктік доза – 24 мг (3 таблеткадан).

Бүйрек жеткіліксіздігі бар науқастарға тәуліктік дозаны азайтады.

Емдеу курсы аурудың көрсетілімдері мен динамикасына байланысты жекелей анықталады; 4 күннен бастап 4 аптаға дейін болуы мүмкін.

Жағымсыз әсерлері

• бас айналуы

• бас ауыруы

• диспепсия, жүрек айнуы, құсу

• аллергиялық реакциялар (тері бөртпесі, ринит)

• тершеңдік

Сирек

• жөтел

• бронх түйілуі

• асқазан мен он екі елі ішектің ойық жара ауруының өршуі

Өте сирек

• бауыр трансаминазаларының транзиторлық жоғарылауы

• беттің ангионевротикалық ісінуі

• анафилактикалық шок.

Қолдануға болмайтын жағдайлар

• бромгексинге немесе препараттың басқа компоненттеріне жекелей жоғары сезімталдық

• асқазанның пептикалық ойық жарасы

• жүктілік кезеңі (әсіресе І триместрі)

• лактация кезеңі

• 6 жасқа дейінгі балалар

Дәрілермен өзара әрекеттесуі

Бромгексинді антибиотиктермен (амоксициллинмен, эритромицинмен, цефалексинмен, окситетрациклинмен) және сульфаниламидтік препараттармен бір мезгілде қабылдау микробқа қарсы емнің алғашқы 4-5 күнінде олардың бронхтық сөлініске өтуіне ықпал етеді. Жөтел орталығын басатын дәрілік заттармен (оның ішінде кодеинмен) бір мезгілде қабылдаған кезде сұйылған қақырықтың (тыныс жолдарында жинақталған бронх сөлінісінің) шығуы қиындауы мүмкін. Сілтілік ерітінділермен үйлесімсіз. Бронходилататорлармен бір мезілде қабылдауға болады.

Айрықша нұсқаулар

Бромгексинді бүйрек және/немесе бауыр жеткіліксіздігінде, сөліністің шамадан тыс жинақталуы қатар жүретін бронх аурулары кезінде, сыртартқысында асқазаннан қан кету болғанда абайлап тағайындайды. Препараттың муколитикалық әсерін күшейту үшін емдеу кезінде сұйықтықты (шырын, шай, су) көп ішу қажет.

Педиатрияда қолданылуы

6 жастан кіші балаларға бромгексин препаратының шәрбат түріндегі дәрілік түрі тағайындалады.

Жүктілік және лактация кезеңінде қолданылуы

Препаратты жүктілік кезінде (әсіресе І триместрде) қолдануға болмайды. Лактация кезеңінде қолдану қажет болғанда емшек емізуді тоқтатқан жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделушілерге, әсіресе емдеудің басында, бас айналуы дамуы мүмкін екендігі жайында ескертілуі тиіс.

Артық дозалануы

Симптомдары – құсу, сананың бұзылуы, атаксия, диплопия, тахипноэ, метаболикалық жеңіл дәрежелі ацидоз.

Емі: препаратты қабылдауды тоқтату, қолдап құстыру, асқазанды шаю (қабылдағаннан кейінгі алғашқы 1-2 сағатта), симптоматикалық ем.

Шығарылу түрі мен қаптамасы

Қаптамаға арналған поливинилхлоридті үлбірден және алюминий фольгадан жасалған пішінді ұяшықты қаптамада 20 таблеткадан. 20 таблетка бар 1 пішінді қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 8°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды

Дәріханалардан босатылу шарттары

Рецептісіз

Өндіруші

“Здоровье” фармацевтикалық компаниясы” ААҚ.

Украина, 61013, Харьков қ., Шевченко к-сі, 22.

тел. (057) 757-0-777, факс (057) 714-96-20

Тіркеу куәлігінің иесі

“Здоровье” фармацевтикалық компаниясы” ААҚ.

Украина, 61013, Харьков қ., Шевченко к-сі, 22.

тел. (057) 757-0-777

факс (057) 714-96-20

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Мекенжайы: “Здоровье” фармацевтикалық компаниясы” ААҚ.

Украина, 61013, Харьков қ., Шевченко к-сі, 22.

Телефон: (057) 714-96-22

Факс: (057) 714-96-22

Электронды поштасы: Bronina@zt.kharkov.ua