Бромгексин (сироп 0,08 %)

• русский
• қазақша

• Скачать инструкцию медикамента

Саудалық атауы

Бромгексин

Халықаралық патенттелмеген атауы

Бромгексин

Дәрілік түрі

Шәрбат 0,08%, 120 г

Құрамы

100 мл шәрбаттың құрамында

белсенді зат - 0,080 г бромгексин гидрохлориді,

қосымша заттар: ментол, бұрыш жалбызы майы, мускатты шалфей майы, қант, метилпарабензоксибензоат, этил спирті 95%, тазартылған су.

Сипаттамасы

Түссіз немесе әлсіз боялған сұйықтық, өзіне тән дәмі және иісі бар.

Фармакотерапиялық тобы

Суық тию мен жөтелдің симптомдарын жоюға арналған препараттар. Муколитиктер.

AТЖ коды R05CB02

Фармакологиялық қасиеттері

Фармакокинетикасы

Ішкеннен кейін бромгексин іс-жүзінде толығымен (99%) асқазан-ішек жолында (АІЖ) 30 минут ішінде сіңеді, алайда бауыр арқылы "алғашқы өтуі" кезінде қарқынды метаболизмге ұшырайды. Сондықтан оның биожетімділігі төмен, орташа алғанда 20 %. Плазмадағы ең жоғары концентрациясы 1 сағаттан соң анықталады. Плазма ақуыздарымен байланысуы жоғары және 80-90 % құрайды. Бромгексин гематоэнцефалдық және плацентарлық кедергі арқылы өтеді. Бауырда деметилдену және тотығу жолымен метаболизмге ұшырайды. Амброксол препараттың негізгі белсенді препараты болып табылады. Жартылай шығарылу кезеңі – 15 сағат. Бүйректер арқылы шығарылады. Жинақталуы мүмкін.

Бромгексин, негізінен, метаболиттер түрінде несеппен шығады. Несеппен өзгермеген түрінде препараттың аздаған мөлшері ғана бөлінеді.

Фармакодинамикасы

Бромгексин – муколитикалық (секретолитикалық) дәрі, қақырық түсіретін және жөтелге қарсы әлсіз әсер етеді. Қақырықты сұйылтады (мукопротеиндер және мукополисахаридті талшықтарды деполяризациялайды, бронх сөлінің серозды компонентін ұлғайтады), жыпылықтайтын эпителийді белсенді етіп, қақырықтың көлемін ұлғайтады және оның түсуін жақсартады. Тыныс алу барысында альвеолярлы жасушалардың тұрақтылығын қамтамасыз ететін эндогенді сурфактанттың өніп шығуын көтермелейді. Емдеу басталғаннан 2-5 күннен соң әсері байқалады.

Қолданылуы

Тұтқырлығы жоғары қақырықтың түзілуімен қатар жүретін жедел және созылмалы өкпе ауруларында

• трахеобронхитте

• шығу тегі әр түрлі бронхиттер (оның ішінде бронхоэктаздармен

асқынғанда)

• бронх демікпесінде

• муковисцидозда

• пневмонияда

• өкпе туберкулезінде

• операцияның алдында (операциядан кейін бронхтарда тұтқыр қақырық жиналуының алдын алу үшін)

Қолдану тәсiлдері және дозасы

Ішке, тамақтан кейін сұйықтықтың жеткілікті мөлшерімен қабылданады.

Емдеу үдерісінде сұйықтықты жеткілікті мөлшерде қабылдау ұсынылады, бұл бромгексиннің секретолитикалық әсерін демейді. Ересектерге тәулігіне 3 рет (8-16 мг) 2-4 шай қасықтан тағайындайды.

5 мл препараттың (1 шай қасық) құрамында 4 мг бромгексин гидрохлориді бар.

Қажет болған кезде ересектерге тәулігіне 4 рет 16 мг дейін дозаны көтеруге болады, яғни бір реттік ең жоғары доза 16 мг құрайды; тәуліктік ең жоғары доза ─ 64 мг.

Терапиялық әсері емдеудің 4-6 күні байқалуы мүмкін.

Емдеу курсының ұзақтығын емдеуші дәрігер белгілейді.

Бромгексинмен 6 күн емделгеннен кейін жағдайы жақсармаса, емделушінің дәрігерге жүгінгені абзал.

Жағымсыз әсерлері

• жүрек айну, құсу

• диспепсиялық құбылыстар

• ойық жара ауруының өршуі

• бас ауыруы, бас айналуы

• аллергиялық реакциялар (тері бөртпесі, беттің ісінуі, ринит және т.б.)

• жөтел, бронхтүйілуі

• тер бөлінуінің жоғарлауы

• қан сарысуындағы бауыр трансаминазалары белсенділігінің артуы

Қолдануға болмайтын жағдайлар

• препарат компоненттеріне, оның ішінде сорбитке жоғары сезімталдық

• асқазанның ойық жара ауруы

• бауыр аурулары

• маскүнемдік

• эпилепсия

• балалар және 18 жасқа дейінгі жасөспірімдер

• жүктілік, лактация кезеңі

Дәрілермен өзара әрекеттесулері

Бромгексинді бронхөкпе ауруларын емдегенде қолданылатын басқа да препараттармен бір мезгілде тағайындауға болады.

Бромгексинді жөтелге қарсы басқа, оның ішінде құрамында кодеин бар препараттармен бір мезгілде тағайындамайды, өйткені жөтелу рефлексін басу қақырықтың түсуін қиындатады.

Бромгексин антибиотиктердің (эритромицин, цефалексин, окситетрациклин) өкпе тініне енуіне ықпал етеді.

Басқа дәрілік заттардың әсер етуін шәрбаттың құрамына кіретін спирт өзгертуі мүмкін. Бромгексинді кейбір қабынуға қарсы стероидты емес дәрілермен бірге қолдану (мысалы, салицилаттармен, фенилбутазонмен және бутадионмен) асқазан шырышты қабығының тітіркенуін туындатуы мүмкін. Бромгексин сілтілік ерітінділермен үйлеспейді.

Айрықша нұсқаулар

Бронх демікпесімен зардап шегетін науқастарға, бүйрек пен бауыр жеткіліксіздігінде, сондай-ақ асқазан жолдарынан қан кетуі көрсетілгенде сақтықпен қолдану қажет.

Бромгексинді әлсіреген науқастарға, сондай-ақ бронхтардың механикалық тарылуы бар (бронх сөлін қақырықпен түсірудің қиындауы) емделушілерге қолданғанда сақ болған жөн.

Емделу барысында сұйықтықты жеткілікті мөлшерде қабылдау керек, бұл бромгексиннің қақырық түсіретін әсерін жоғарылатады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында этил спирті барын ескеру қажет. Көлік құралын немесе қауіптілігі зор механизмдерді басқару кезінде сақтық танытқан жөн.

Артық дозалануы

Симптомдары: жағымсыз әсерлері симптомдарының күшеюі (эпигастральді аймақтың ауыруы, жүрек айнуы, құсу).

Емі: қолдап құстыру, асқазанды шаю (қабылдағаннан кейінгі алғашқы 1-2 сағатта).

Шығарылу түрі және қаптамасы

Бақылау сақинасы бар бұрандалы металл қалпақшамен тығындалып жабылған шыны массадан жасалған құтыға 120 г құйылған.

Әрбір құты медицинада қолданылуы жөніндегі мемлекеттік және орыс тілдеріндегі бекітілген нұсқаулықпен және дозалау қасығымен бірге

картон пәшкеге салынған.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

«ХИМФАРМ» АҚ, ҚАЗАҚСТАН

Шымкент қ., Рашидов к-сі, н/ж, т/ф: 560882

Тіркеу куәлігінің иесі

«Химфарм»» АҚ, ҚАЗАҚСТАН

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz