Бринзокс Т

Бринзокс Т

Жоқ

Дәрілік түрі, дозалануы

Көзге тамызатын дәрі, суспензия

Сезім мүшелері. Офтальмологиялық препараттар. Глаукомаға қарсы препараттар мен миотиктер. Бета-блокаторлар. Басқа препараттармен біріктірілген тимолол.

АТХ коды S01ED51

• глаукоманың ашықбұрышты түрі бар пациенттердегі көзішілік қысымның жоғарылауында

• ересек пациенттердегі көзішілік гипертензияда КІҚ төмендетуге арналған препараттармен монотерапияның тиімділігі жеткіліксіз болғанда

Қолданудың басталуына дейінгі қажетті мәліметтер тізбесі

• белсенді немесе қосымша заттарына жоғары сезімталдық

• басқа бета-блокаторларға жоғары сезімталдық

• сульфонамидтерге жоғары сезімталдық

• бронх демікпесін немесе анамнездегі бронх демікпесін қоса, тыныс жолдарының реактивті ауруы, өкпенің созылмалы обструкциялық ауруының ауыр дәрежесі

• синустық брадикардия, синустық түйін әлсіздігі синдромы, синоатриальді блок, жасанды ырғақ жетекшісінің көмегімен бақыланбайтын II және III дәрежедегі атриовентрикулярлық блокада, жүректің айқын жеткіліксіздігі, кардиогендік шок

• аллергиялық риниттің ауыр дәрежесі

• гиперхлоремияық ацидоз

• бүйрек жеткіліксіздігінің ауыр дәрежесі

Басқа дәрілік препараттармен өзара әрекеттесуі

Бринзоламид/тимолол препаратының басқа препараттармен өзара әрекеттесуіне арнайы зерттеулер жүргізілген жоқ.

Бринзоламид/тимолол препаратының құрамында карбоангидраза тежегіші бринзоламид бар, және жергілікті қолданылатындығына қарамастан, жүйелі сіңіріледі. Карбоангидраза тежегіштерін пероральді қолданғанда, қышқыл-сілті теңгерімі бұзылған жағдайлар белгілі болды. Бринзоламид/тимолол препаратын тағайындағанда, өзара әрекеттесуі мүмкіндігін ескеру қажет.

Карбоангидраза тежегішін пероральді және көзге тамызатын дәрі түріндегі бринзоламидті бір мезгілде қабылдап жүрген пациенттерде карбоангидраза тежелуінің белгілі жүйелі әсерлеріне аддитивтік ықпал ету мүмкіндігі бар. Құрамында бринзоламид бар көзге тамызатын дәрілер мен карбоангидразаның пероральді тежегіштерін бір мезгілде қолдану ұсынылмайды.

Бринзоламидтің метаболизміне цитохромының Р450 изоферменттері: CYP3A4 (негізінен), CYP2A6, CYP2B6, CYP2C8 және CYP2C9 жауап береді. Кетоконазол, итраконазол, клотримазол, ритонавир және тролеандомицин сияқты, CYP3A4 изоферментін тежейтін препараттар, бринзоламидтің метаболизмін де тежейді деп шамаланады. CYP3A4 изоферментінің тежегіштерін бірге тағайындағанда сақтық таныту керек. Алайда, бринзоламидтің жинақталу ықтималдығы аз, өйткені ол бүйрек арқылы шығарылады. Бринзоламид Р450 цитохромы изоферменттерінің тежегіші болып табылмайды.

Аддитивтік әсер ету ықтималдығы бар, бұл кальций өзекшелерінің блокаторларын, бета-адреноблокаторларды, аритмияға қарсы дәрілерді (амиодаронды қоса), жүрек гликозидтерін, парасимпатомиметиктерді немесе гуанетидинді ішу арқылы қолданумен бірге бета-блокаторды офтальмологиялық қолданғанда, гипотензияға және/немесе айқын брадикардияға әкеп соқтыруы мүмкін.

Бета-адреноблокаторлар анафилаксиялық реакцияларды басу үшін қолданылатын адреналинге жауапты әлсіретуі мүмкін. Анамнезінде атопиясы немесе анафилаксиялық реакциялары бар пациенттерде айрықша сақтық таныту қажет.

Клонидинді күрт тоқтатқаннан кейін гипертензияның дамуы бета-адреноблокаторларды бір мезгілде қабылдағанда күшейе түсуі мүмкін. Аталған препаратты клонидинмен бір мезгілде қолданғанда сақтық таныту ұсынылады.

CYP2D6 тежегіштері (хинидин, флуоксетин, пароксетин) мен тимололды бір мезгілде қолданғанда, бета-адреноблокаторлардың жүйелі әсері күшейген жағдайлар (жүректің жиырылу жиілігінің төмендеуі, депрессия) туралы хабарланған. Препаратты сақтықпен тағайындау ұсынылады.

Бета-адреноблокаторлар диабетке қарсы дәрілердің гипогликемиялық әсерін күшейтуі мүмкін. Бета-адреноблокаторлар гипогликемия симптомдарын бүркемелеуі мүмкін.

Офтальмологиялық бета-адреноблокаторларды адреналинмен (эпинефринмен) бір мезгілде қолданғанда, кейде мидриаз жағдайлары байқалған.

Жүйелі бета-блокаторларды бұған дейін де қабылдап жүрген пациенттер бринзоламид/тимолол препаратын қолданғанда, көзішілік қысымға әсері немесе жүйелі бета-блокатордың белгілі салдарлары күшеюі мүмкін. Мұндай пациенттердің реакцияларын мұқият қадағалау ұсынылады. Жергілікті екі бета-блокаторды немесе карбоангидразаның екі жергілікті тежегішін пайдалану ұсынылмайды.

Арнайы сақтандырулар

Жүйелі әсерлері

Бринзоламид пен тимолол жүйелі сіңірілуге ұшырайды. Құрамында бета-блокатор болып табылатын тимолол болғандықтан, тыныс алу және жүрек-қантамыр жүйесі тарапынан жүйелі бета-блокаторларға тән жағымсыз реакциялардың туындауы ықтимал. Жергілікті офтальмологиялық қолданудан кейінгі жүйелі жағымсыз құбылыстарының даму жиілігі жүйелі енгізгендегіге қарағанда төменірек. Жүйелі әсерін азайту үшін, «Қолдану тәсілі және дозалары» бөлімін қараңыз.

Сульфонамидтер туындыларының барлығына ортақ аса жоғары сезімталдық реакциялары бринзоламид/тимолол препаратын қабылдап жүрген пациенттерде де туындауы мүмкін, өйткені препарат жүйелі сіңіріледі. Күрделі реакциялар белгілері немесе аса жоғары сезімталдық пайда болған жағдайда, препаратты қолдануды тоқтату қажет.

Жүрек аурулары

Жүрек-қантамыр ауруларынан (жүректің коронарлық ауруы, Принцметал стенокардиясы және жүрек жеткіліксіздігі) және гипотензиядан зардап шегіп жүрген пациенттерде, бета-блокаторлармен емдеуді сақтықпен қолдану керек. Басқа әсер етуші заттардың негізіндегі емді пайдалану туралы мәселені қарастырған дұрыс. Жүрек-қантамыр аурулары бар пациенттерде жағдайының нашарлауы белгілерін және жағымсыз реакциялардың дамуын қадағалап отыру қажет. Қозудың өту уақытына теріс әсер ететіндігіне байланысты, жүректің бірінші дәрежедегі блокадасы бар пациенттерде бета-блокаторларды пайдалану сақтықты талап етеді.

Қантамыр аурулары

Шеткері қанайналымның ауыр бұзылулары/аурулары (яғни, Рейно ауруының ауыр түрлері немесе Рейно синдромы) бар пациенттерге препаратты сақтықпен тағайындайды.

Гипертиреоз

Бета-блокаторлар гипертиреоз белгілерін бүркемелеуі мүмкін.

Бұлшықет әлсіздігі

Бета-адренергиялық бөгегіш дәрілік препараттар миастения симптомдарына ұқсас (мысалы, диплопия, птоз және жалпы әлсіздік) бұлшықет әлсіздігінің белгілерін күшейтеді.

Тыныс мүшелерінің аурулары

Бронх түйілуінен болатын өлімді қоса, респираторлық реакциялар анамнезінде демікпесі бар пациенттерде кейбір офтальмологиялық бета-блокаторларды қолданғаннан кейін анықталған. Бринзоламид/тимолол препаратын өкпенің әлсіз /орташа созылмалы обструкциялық ауруы (ӨСОА) бар пациенттерге сақтықпен және егер тек, ықтимал пайдасы болуы мүмкін қаупінен асып түсетін болса ғана қолдану керек.

Гипогликемия/қант диабеті

Бета-адреноблокаторларды кенеттен гипогликемияның дамуына бейім пациенттерде немесе тұрақсыз диабеті бар пациенттерде сақ болып қолдану керек, өйткені бета-адреноблокаторлар жедел гипогликемияның белгілері мен симптомдарын бүркемелеуі мүмкін.

Қышқыл-сілті теңгерімінің бұзылулары

Бринзоламид/тимолол препаратының құрамында сульфонамид болып табылатын бринзоламид бар. Сульфонамидтерге тән жағымсыз әсерлердің ұқсас типтері офтальмологиялық мақсатта жергілікті қолданғанда туындауы мүмкін. Карбоангидраза тежегіштерін ішу арқылы қолданғанда қышқыл-сілті теңгерімі бұзылған жағдайлар белгілі. Метаболизмдік ацидоздың дамуы қаупінің мүмкіндігіне байланысты, препаратты бүйрек жеткіліксіздігінің қаупі бар пациенттерге тағайындағанда сақтық таныту керек. Күрделі реакциялардың немесе жоғары сезімталдықтың белгілері пайда болған жағдайда, препаратты тоқтату керек.

Зейін қою

Карбоангидразалар тежегіштерін ішу арқылы қабылдау зейін қоюды және/немесе қимыл-қозғалыс үйлесімін қажет ететін жұмыстарды атқару қабілетіне теріс әсер етуі мүмкін. Бринзоламид/тимолол препараты жүйелі сіңіріледі, және сәйкесінше, офтальмологиялық мақсатта жергілікті қолданғанда туындауы мүмкін.

Анафилаксиялық реакциялар

Бета-адреноблокаторларды анамнезінде атопиясы және түрлі аллергендерге ауыр анафилаксиялық реакциясы бар пациенттерде қолданғанда, ондай аллергендердің қайталану жағдайларына анағұрлым сезімталдырақ болуы және анафилаксиялық реакцияны емдеуге арналған адреналиннің әдеттегі дозаларына төзімділік байқалуы мүмкін.

Хориоидальді ажырау

Сүзу операциясынан кейін сулы ылғалдың түзілуін тежейтін (мысалы, тимолол, ацетазоламид сияқты препараттармен) емді қолданғанда хориоидальді ажырау жағдайлары анықталды.

Хирургиялық анестезия

Бета-адреноблокаторлардың офтальмологиялық түрлері жүйелі бета-агонистердің, мысалы, адреналиннің әсерін бөгеуі мүмкін. Операциялық араласымды жүргізер алдында анестезиологқа пациенттің тимололды қолданып жүргендігін ескерту керек.

Қатарлас ем

Тимололды бұған дейін де бета-адреноблокаторларды қабылдап жүрген пациенттерге тағайындағанда, бета-адреноблокаторлардың көзішілік қысымға әсері немесе белгілі жүйелі әсерлері күшеюі мүмкін. Ондай пациенттердің реакцияларын мұқият бақылау қажет. Екі бета-адреноблокаторды немесе жергілікті қолдануға арналған карбоангидразаның екі тежегішін бір мезгілде қолдану ұсынылмайды.

Карбоангидраза тежегішін пероральді және бринзоламид/тимолол препаратын бір мезгілде қабылдап жүрген пациенттерде карбоангидразаны тежеуінің белгілі жүйелі әсерлеріне аддитивтік ықпалы болуы мүмкін.

Бринзоламид/тимолол препараты мен карбоангидраза тежегішін бірге пероральді тағайындау зерттелмеген және ұсынылмайды.

Офтальмологиялық әсері

Бринзоламид/тимолол препаратының жалғанэксфолиативті глаукомасы немесе пигменттік глаукомасы бар пациенттерде қолданылуы туралы мәліметтер шектеулі. Ондай пациенттерді емдеуде сақтық таныту керек және көзішілік қысымға мұқият мониторинг жүргізу ұсынылады. Бұл дәрілік препаратты жабықбұрышты глаукомасы бар пациенттерде қолдану зерттелмеген және ұсынылмайды. Офтальмологиялық бета-адреноблокаторлар көздің құрғауын туғызуы мүмкін. Мөлдір қабық ауруы бар пациенттерге сақтықпен тағайындау қажет.

Мөлдір қабықтың ақауы бар пациенттерде (әсіресе, эндотелий жасушаларының саны аз пациенттерде) бринзоламидтің мөлдір қабық эндотелийі функциясындағы ықтимал рөлі зерттелмеген. Атап айтқанда, жанаспалы линзаларды тағатын пациенттер зерттелмеген, соның салдарынан ондай пациенттерге бринзоламидті қолданғанда мұқият мониторинг жүргізу ұсынылады, өйткені карбоангидразалар тежегіштері мөлдір қабық гидратациясына әсер етуі мүмкін.

Бұл мөлдір қабықтың декомпенсациясына және ісінуге алып келуі мүмкін, және жанаспалы линзаларды тағу мөлдір қабық үшін қауіпті арттыруы мүмкін. Қант диабеті немесе мөлдір қабық дистрофиясы бар пациенттер сияқты мөлдір қабықтарының ақауы бар пациенттерге мұқият мониторинг жүргізу ұсынылады.

Жұмсақ жанаспалы линзаларды таққан кезде бринзоламид/тимолол препаратын мұқият мониторинг жүргізуімен пайдалануға болады.

Бензалконий хлориді

Бринзоламид/тимолол препаратының құрамында бензалконий хлориді бар, ол көздің тітіркенуін туғызуы мүмкін, және белгілі болғанындай, жұмсақ жанаспалы линзаларды түссіздендіреді. Жұмсақ жанаспалы линзаларды еш жерге тигізбеу керек. Пациенттер препаратты қолданар алдында жанаспалы линзаларын алып тастауы және тамызғаннан кейін оларды қайта тақпас бұрын 15 минут күте тұруы керек.

Бензалконий хлоридінің нүктелік кератопатияны және/немесе уытты ойық жаралы кератопатия туғызуы мүмкін екендігі анықталды, жиі немесе ұзақ уақыт қолданғанда мұқият мониторинг жүргізу қажет.

Бауыр жеткіліксіздігі

Бүйректің ауыр жеткіліксіздігі бар пациенттерде бринзоламид/тимолол препаратын сақтықпен пайдалану керек.

Педиатрияда қолдану

Бринзоламид/тимолол препаратының 18 жасқа толмаған пациенттерде қолданылғандағы қауіпсіздігі мен тиімділігі анықталмаған, соның салдарынан препаратты 18 жасқа толғанға дейін пайдалану ұсынылмайды.

Жүктілік немесе лактация кезінде

Офтальмологиялық бринзоламид пен тимололдың жүкті әйелдерде пайдаланылуы туралы талапқа сай мәліметтер жоқ. Егер аса қажет болмаса, бринзоламид/тимолол препаратын жүктілік кезінде пайдалануға болмайды. Жүйелі әсер етуін азайту үшін, «Қолдану жөніндегі нұсқаулар» бөлімін қараңыз.

Офтальмологиялық бринзоламидтің емшек сүтіне бөлінетін-бөлінбейтіні белгісіз. Клиникаға дейінгі жүргізілген зерттеулер бринзоламидті пероральді қолданғаннан кейін сүтпен шығарылатынын көрсеткен.

Бета-блокаторлар сүтпен шығарылады. Алайда, тимололды емдік дозаларда көзге тамызатын дәрі түрінде қолданғанда, емшек сүтінде нәрестеде бета-блокада клиникалық симптомдарын туғызатындай препараттың жеткілікті мөлшерінің болу ықтималдығы аз.

Бала емізу кезінде балаға төнетін қаупін жоққа шығаруға болмайды. Емшекпен қоректендірудің балаға пайдасы мен ана үшін емнің пайдасын ескере отырып, бала емізуді тоқтату немесе бринзоламид/тимолол препаратымен емдеуді тоқтату/тоқтата тұру туралы шешім қабылдау қажет.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тамызғаннан кейін уақытша анық көрмей қалу немесе басқа визуалды бұзылыстар болуы мүмкін, бұл автомобиль немесе қауіптілігі зор басқа механизмдерді басқару қабілетіне теріс ықпалын тигізуі мүмкін. Бұл жағдайда пациент автомобиль басқарудан немесе механизмдерді пайдаланудан бұрын, көру анықтығы қалпына келгенше күте тұруы тиіс.

Қолдану жөніндегі нұсқаулар

Дозалау режимі

Егде жастағы пациенттерді қоса, ересектерде қолдану

Глаукоманы емдеуге арналған басқа препаратты көзге тамызатын бринзоламид/тимолол дәрісімен алмастырғанда, алмастырылатын препаратты қолдануды тоқтату және келесі күні бринзоламид/тимолол препаратын қолдануды бастап кету қажет.

Пайдаланар алдында құтыны сілкілеу керек!

Егер қалпақшасын ашқанннан кейін алғаш ашылуын бақылауға арналған бекемдегіш сақинасы босап кетсе, препаратты пайдаланар алдында оны алып тастау қажет.

Құты ішіндегісінің ластануын болдырмас үшін, пипетканың ұшын көзге немесе кез келген басқа беткейге тигізбеу керек. Қолданғаннан кейін құтыны тығыз жауып ұстаңыз.

Жергілікті қолданылатын бірнеше офтальмологиялық препаратты пайдаланғанда, тамызулар арасында кемінде 5 минут аралықты сақтау қажет.

Енгізу әдісі мен жолы

Офтальмологияда қолдануға арналған.

Бринзоламид/тимолол препаратын зақымданған көзге (көздерге), күнде бір уақытта, күніне 2 рет 1 тамшыдан коньюктива қалтасына тамызады.

Тамызғаннан кейін мұрын көз жасы өзегін қысып тұру немесе қабақты 2 минутқа жұму ұсынылады. Бұл дәрілік препараттың жүйелі сіңірілуін төмендетеді және жағымсыз жүйелі реакциялар дамуында профилактикалық қызмет атқарады.

Қабылдау уақыты көрсетілетін қолдану жиілігі

Қолданылмайды

Емдеу ұзақтығы

Емдеу ұзақтығын емдеуші дәрігер белгілейді.

Артық дозалану жағдайында қабылдау қажет болатын шаралар

Аталған препараттың артық дозаланған жағдайлары белгісіз. Көз(дер)ге препараттың артық мөлшері енгізілген жағдайда, көз(дер)ді мол мөлшердегі жылы сумен жуып тастау керек. Бринзоламид/тимолол препаратымен артық дозаланған жағдайда, емі симптоматикалық болуы тиіс.

Артық дозаланған жағдайда, электролиттік теңгерімнің бұзылуы туындауы, ацидоз жағдайы, сондай-ақ, жүйке жүйесі тарапынан бұзылулар дамуы мүмкін.

Байқаусызда ішке қабылданған жағдайда, бета-блокатормен артық дозалану симптомдарына брадикардия, гипотония, жүрек жеткіліксіздігі және бронх түйілуі кіруі мүмкін.

Емі: Сарысу электролиттерінің (әсіресе, калийдің) деңгейін қадағалау, сондай-ақ, қандағы рН мәнін бақылап отыру қажет. Тимолол диализденбейді.

Дәрілік препараттың бір немесе бірнеше дозасын өткізіп алған жағдайда қолданылуы қажет шаралар

Егер дозаны өткізіп алса, онда емдеу кесте бойынша келесі дозасымен жалғастырылуы тиіс. Дозасы зақымданған көзге (көздерге) күніне 2 тамшыдан аспауы тиіс.

Тоқтату симптомдары қаупінің болуына нұсқау

Қатысы жоқ

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Егер сізде осы препаратты қолдану туралы қосымша сұрақтар туындаса, дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Келесі жағымсыз реакцияларды келесі белгілерге сәйкес жіктеуге болады: өте жиі (≥ 1/10), жиі (≥ 1/100 <1/10 дейін), жиі емес (≥1/1,000 - <1/100 дейін), сирек (≥1/10,000 - <1/1,000 дейін), өте сирек (<1/10,000), немесе белгісіз (қолда бар мәліметтер бойынша бағалау мүмкін емес). Әр жиілік тобы шегіндегі жағымсыз әсерлер ауырлығының азаю тәртібімен берілген.

Жергілікті

Жиі

• нүктелік кератит1, бұлыңғыр көру1, көздің ауыруы1, көздің тітіркенуі1

Жиі емес

• кератит 1,2,3, көздің құрғауы1, мөлдір қабықтың витальді бояғыштармен боялуы1, көзден шығатын бөліністер1, көздің қышуы1, көзде бөгде денені сезіну1, көз гиперемиясы1, конъюнктива гиперемиясы1

Сирек

• мөлдір қабық эрозиясы1

• алдыңғы камера ылғалының бозаңдануы 1

• фотофобия1

• көзден жас парлау1

• аққабық гиперемиясы1

• қабақ эритемасы1

• қабақ шетінде қабыршықтардың түзілуі1

Белгісіз

• экскавация диаметрінің көру жүйкесінің дискісіне арақатынасының жоғарылауы3, сүзу операциясынан кейін көздің тамырлы қабығының ажырауы2

• кератопатия3, мөлдір қабық эпителийінің ақауы3, көздің мөлдір қабығы эпителийінің зақымдануы3, көзішілік қысымның жоғарылауы3, көздегі шөгінділер3, мөлдір қабықтағы дақтар3, мөлдір қабықтың ісінуі3, мөлдір қабық сезімталдығының төмендеуі2, конъюнктивит3, мейбоми бездерінің қабынуы3, диплопия2,3, жарқырау3, фотопсия3, көру өткірлігінің төмендеуі3, көрудің бұзылуы1, птеригиум3, көздегі жайсыздық3, құрғақ кератоконъюнктивит3

• көз гипестезиясы3, аққабық пигментациясы3, субконъюнктивалық киста3, көрудің бұзылуы3, көздің ісінуі3, аллергиялық реакция3, мадароз3, қабақтың зақымдануы3, қабақтың ісінуі1, птоз2

Жүйелік

Жиі

• дисгевзия1

• жүректің жиырылу жиілігінің төмендеуі1

Жиі емес

• қандағы лейкоциттер санының төмендеуі1

• артериялық қысымның төмендеуі1

• жөтел1

• гематурия1

• жалпы дімкәстану сезімі1,3

• қандағы калий деңгейінің жоғарылауы1

• қандағы лактатдегидрогеназа мөлшерінің жоғарылауы1

Сирек

• ұйқысыздық1

• ауызжұтқыншақтың ауыруы1

• ринорея1

Белгісіз

• назофарингит3, фарингит3, синусит3, ринит3

• қандағы эритроциттер мөлшерінің төмендеуі3

• қандағы хлоридтер деңгейінің жоғарылауы3

• анафилаксия2, анафилаксиялық шок1, ангионевроздық ісінуді қоса

жүйелі аллергиялық реакциялар2, шектелген немесе жайылған

бөртпе2, аса жоғары сезімталдық1, есекжем2, қышыну2

• гипогликемия2

• депрессия1, естен тану2, апатия3, жабырқаулы жағдай3, жыныстық

құштарлықтың кемуі3, түнгі қорқыныштар2,3, күйгелектік3

• церебральді ишемия2, ми қанайналымының жедел бұзылуы2, естен

тану2, миастения гравис белгілері мен  симптомдарының күшеюі2,

ұйқышылдық3, қимыл-қозғалыс үйлесімінің бұзылуы3, амнезия3,

жадының нашарлауы, параэстезия3, тремор3, гипоэстезия3, агевзия3,

бас айналуы1, бас ауыруы1

• вертиго3, құлақтағы шыңыл3

• жүрек қызметінің тоқтап қалуы2, жүрек жеткіліксіздігі2, жүректің

іркілісті жеткіліксіздігі2, атриовентрикулярлық блокада2,

кардиореспираторлық дистресс3, стенокардия3, брадикардия2,3, ЖЖЖ

бұзылуы3, аритмия2,3, жүрек қағуының жиілеуін сезіну2,3,

тахикардия3, кеуденің ауыруы2, ісіну2

• гипотония2, гипертония3, артериялық қысымның жоғарылауы1, Рейно

феномені 2, қол-аяқтың мұздауы2

• бронх түйілуі2 (көбінесе, осының алдында бронхтүйілуі синдромы

болған пациенттерде), ентігу1, демікпе3, мұрыннан қан

кету1, бронхтардың гиперреактивтілігі3, тамақтың тітіркенуі3,

мұрынның бітелуі3, жоғарғы тыныс жолдарының бітелуі3,

постназальді синдром3, түшкіру3, мұрынның құрғауы3

• құсу2,3, іштің жоғарғы бөлігінің ауыруы1, іш тұсының ауыруы2,

диарея1, ауыздың құрғауы1, жүрек айнуы1, эзофагит3, диспепсия2,3,

іштегі жайсыздық3, ішек перистальтикасының артуы3, асқазан-ішек

жолы тарапынан бұзылулар3, оральді гипестезия3, оральді

парестезия3, метеоризм3

• бауыр функциясы көрсеткіштерінің ауытқулары3

• есекжем3, макуло-папулалық бөртпе3, жайылған қышыну3, терінің

тығыздануы3, дерматит3, алопеция1, псориаз тәрізді бөртпе немесе

псориаздың өршуі2, бөртпе1, эритема1

• бүйрек тұсының ауыруы3, поллакиурия3

• эректильді дисфункция3, жыныстық дисфункция2, либидо төмендеуі2

• кеудедегі жайсыздық1, ауыру3, шаршау1, астения2,3, кеуде қуысы

аумағындағы жайсыздық3, үрейлену сезімі3, ашушаңдық3, шеткері

ісіну3, дәрілік заттың қалдығы3

1 – Бринзоламид/тимолол препаратын қолдану аясында байқалатын жағымсыз реакциялар

2 – тимололмен монотерапия аясында байқалған жағымсыз реакциялар

3 – бринзоламидпен монотерапия аясында байқалған жағымсыз реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл суспензия құрамында

белсенді заттар: 10.500 мг бринзоламид, 6.834 мг тимолол малеаты (5.0 мг тимололға баламалы)

қосымша заттар: бензалконий хлориді, тилоксапол, карбомер гомополимер В-типі (Карбомер 974 Р), маннитол, динатрий эдетаты, натрий хлориді, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Ақ немесе ақ дерлік түсті сулы суспензия.

Шығарылу түрі және қаптамасы

5 мл препараттан мөлдір шүмегімен (мөлшерлейтін тығыны) тығыздығы жоғары полиэтиленнен жасалған қақпағы бар, тығыздығы төмен полиэтиленнен жасалған, сыйымдылығы 5 мл мөлдір емес құтыға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Құты ашылғаннан кейін, қолдану мерзімі 4 аптадан аспауы керек.

Жарамдылық мерзімі өткеннен кейін қолдануға болмайды.

30 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Аджанта Фарма Лимитед

Аджанта Хаус, Чаркоп,

Кандивли (3)

Мумбай 400067, Үндістан

Тел.: 91-22-66061000,

e-mail: info@ajantapharma.com

Тіркеу куәлігінің ұстаушысы

Аджанта Фарма Лимитед

Аджанта Хаус, Чаркоп,

Кандивли (3)

Мумбай 400067, Үндістан

Тел.: 91-22-66061000,

e-mail: info@ajantapharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы Аджанта Фарма Лимитед филиалы

050036, Алматы қ., Әуезов ауданы

Мамыр-4 ықшам ауданы, 102В үй, 2 қабат

е-mail: ajantakzbranch@gmail.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

Алматы қ., Шевченко к-сі, 165 Б, 204-206 кеңсе

тел.: +77051708825/+77051708876 (24 сағаттық қолжетімділік)

факс: +727-379-42-58

e-mail: pv@consultingasia.kz

info@consultingasia.kz