Бримо

• русский
• қазақша

• Скачать инструкцию медикамента

Саудалық атауы

Бримо

Халықаралық патенттелмеген атауы

Бримонидин

Дәрілік түрі

Көз тамшы дәрісі, 5 мл

Құрамы

Препараттың бір мл-де

белсенді зат - 2 мг бримонидин тартраты,

қосымша заттар: бензалконий хлориді, натрий цитраты, лимон қышқылының моногидраты, натрий хлориді, поливинил спирті, 1М натрий гидроксиді немесе 1 М хлорлы сутегінің қышқылы, инъекцияға арналған су.

Сипаттамасы

Мөлдір, бөгде бөлшектерден бос сәл сарғыш ерітінді.

Фармакотерапиялық тобы

Глаукоманы емдеуге арналған симпатомиметиктер

SO1EA05

Фармакологиялық қасиеттері

Фармакокинетикасы

Бримонидин тартратын жергілікті қолданған кезде мөлдір қабық арқылы тез енеді. Конъюнктива тамырлары, мұрынның шырышты қабаты және көз жасы жолымен сіңу арқылы жүйелі қан айналымына аз мөлшерде өтеді. Көз тамшы дәрісін 10 күн қолданғаннан кейін қан плазмасындағы бримонидин тартратының концентрациясы 0,06нг/мл-ден аспауына, байланысты препараттың жүйелі әсері өте төмен болып табылады. Препаратты қолданғаннан кейін қан плазмасынан бримонидин тартратының жартылай шығарылу кезеңі шамамен 3 сағатты құрайды.

Фармакодинамикасы

Бримо-бримонидин тартраты препаратының белсенді заты α2-адренорецепторларының бәсекелесі болып табылады, α1-адренорецепторларына қарағанда, α2-адренорецепторларына барынша жоғары іріктеу айқындалады. α2-адренорецепторларына таңдап әсер етуі нәтижесінде препарат адамдардағы көз тор қабығының ксенотрансплантаттармен ассоциацияланған микротамырлардың мидриазын және вазоконстрикциясын туғызбайды.

Бримонидин тартратын жергілікті қолдану жүрек-тамыр және тыныс алу жүйесіне болмашы әсер етуі кезінде адамдарда көзiшiлік қысымның төмендеуiн туғызады.

Бронх демікпесі бар емделушінің препаратты қауіпсіз қолдану мәселесі бойынша клиникалық зерттеулер туралы ақпарат шектелген.

Көзiшiлік қысым препаратты қолданғаннан кейін тез төмендей бастайды, ал оның барынша төмендеуi 2 сағаттан соң байқалады. Бримонидин көзiшiлік сұйықтықтың азаюы және оның увеосклеральды ағып кетуінің болмашы ұлғаюы есебінен көзiшiлік қысымды төмендетеді.

Қолданылуы

Ашық бұрышты глаукомасы бар немесе көзiшiлік гипертензиясы бар емделушiлерде жоғары көзiшiлік қысымын төмендету үшін:

- көз тамшы дәрісі түрінде бета-тежегіштері препараттарын қолдануға болмайтын емделушiлерде монотерапия ретінде;

- өзге глаукомаға қарсы препараттармен монотерапия кезінде көзiшiлік қысымды барабар төмендетуге болмайтын емделушiлерде көмекші терапия ретінде.

Қолдану тәсілі және дозалары

Ересектерге және егде адамдарға: зақымданған көзіне 1 тамшыдан әрбір 12 сағат сайын тәулігіне екі рет тамызады.

Егде адамдарға тағайындау кезінде препараттың дозасын түзету талап етілмейді.

Болуы мүмкін жүйелік сіңуді төмендету үшін тамызғаннан кейін бір минут бойы көздің ішкі бұрышын басып тұруға кеңес беріледі.

Жағымсыз әсерлері

- өте жиі: ауыз құрғақтығы, көзді қан кернеу, транзиторлық болып табылатын күйдіру/шаншу, бас ауруы, ұйқышылдық, көздің шырышты қабығының тітіркенуі (аллергиялық реакцияларды қоса – қан кернеу, күйдіру, шаншу, қышу, бөгде затты сезіну, конъюнктивит), көз алдының бұлыңғырлануы, әлсіздік (шаршағандық сезімі)

- жиі: дәмді сезінудің бұзылуы, бас айналу, жергілікті тітіркену реакциялары (қабақты қан кернеу және оның ісінуі, блефарит, конъюнктиваның ісінуі, көздің ауруы), жарықтан қорқу; мөлдір қабықтың эрозиясы және боялуы, көз құрғақтығы, көрудің бұзылуы, астения

- сирек: пульстің жиі соғуы, аритмия (брадикардия мен тахикардияны қоса), мұрынның шырышты қабығының құрғақтығы, диспноэ, депрессия

- өте сирек: синкопе, ирит (алдыңғы увеит); миоз, гипертензия, гипотензия, инсомния.

Қолдануға болмайтын жағдайлар

- жаңа туған сәбилерге және 18 жасқа дейінгі балаларға

- бромонидин тартратына және препараттың өзге құрамдас заттарына асқын сезімталдықта

- норадреналинды (үш циклды антидепрессанттарды) босату арқылы әсер ететін моноаминооксидаза тежегіштерімен немесе өзге антидепрессанттармен бір мезгілде қолдану

Дәрілермен өзара әрекеттесуі

Орталық жүйке жүйесін әлсірететін препараттармен және заттармен (алкоголь, барбитураттар, опиаттар, тыныштандыратын препараттар және анестетиктермен) өзара әрекеттесуі мүмкін.

Метаболизмге және аминдердің кері нейрональды қармалуына (хлорпромазин, метилфенидат, резерпиннің) әсер ететін дәрілік препараттарды қабылдайтын емделушілерге сақтықпен тағайындау керек, дегенмен бромонидинмен бірге көз тамшы дәрісін қолданғаннан кейін қан тамырының ағысында катехоламиндердің деңгейі туралы деректер болмай тұр.

Бромонидинмен және антигипертензиялық препараттармен, жүрек гликозидтерімен бірге көз тамшы дәрісін бір мезгілде тағайындаған кезде сақтық сақтау керек.

Бромодипин альфа-адреноблокаторлармен өзара әрекеттесе алады.

Айрықша нұсқаулар

Бримоны депрессиямен, ми немесе тәж қан тамырларындағы қан айналымы бұзылған және ортостатикалық гипотензиясы бар емделушілерде сақтықпен қолдануы керек.

«Көзішілік қысым» диагнозымен емделушілерді Бримо препаратымен емдеу кезінде көзішілік қысымын жүйелі түрде тексеру керек.

Педиатрия

18 жасқа дейінгі балаларда бромодипин тартратымен көз тамшы дәрісінің қауіпсіздігі мен тиімділігін растайтын клиникалық зерттеулер жүргізілмеген.

Жүктілік және лактация кезеңі

Жүктілік кезеңінде препаратты қолдану жүкті әйел және ұрық үшін тек қана пайда/қауіп есебінен абсолюттi көрсетілімде қарастырылады.

Бала емізу кезеңінде препаратты қолдануға болмайды.

Көлікті немесе өзге механизмдерді басқару қабілетіне әсер етуі

Орталық жүйке жүйесi және көздiң жітілігінің бұзылуы тарапынан жағымсыз әсерлердiң даму мүмкiндiгіне байланысты сақтықты сақтау керек.

Артық дозалануы

Препараттың артық дозалануы туралы деректер жоқ.

Ішке кездейсоқ қабылдаған кездегі белгілері: жүйелік жағымсыз әсерлердiң дамуы.

Емі: симптоматикалық терапия.

Шығарылу түрі және қаптамасы

Бірінші рет ашылуын бақылайтын бұралатын қақпақпен пластмасса құтыларда 5 мл-ден құйылған. 1 құтыдан қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде 15 0С-ден 25 0С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Құтыны ашқаннан кейін сақтау мерзімі 28 күн

Қаптамада көрсетілген жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші

«Jamjoom Pharmaceuticals Co. Ltd», Jeddah, Saudi Arabia

Сауд Аравиясы, Жедах қ., Индустриялық алаң, фаза 5,

тел./факс +966 2 6081111 / +966 2 6081222

e-mail: www.jamjoompharma.com, salmanhussain@jamjoompharma.co

Тіркеу куәлігі иесінің атауы және елі

«Jamjoom Pharmaceuticals Co. Ltd», Сауд Аравиясы

Қаптаушы-ұйымның атауы және елі

«Jamjoom Pharmaceuticals Co. Ltd», Сауд Аравиясы

Қазақстан Республикасының аумағында өнімнің (тауардың) сапасы жөнінде тұтынушылардан шағымдар қабылдайтын ұйымның мекенжайы:

Қазақстан Республикасы, Алматы қаласы, Әл-Фараби даңғылы, 15 "Нұрлы Тау" ПФО, 4"В" блогы, №18-кеңсе.

Телефон нөмірі: 251 98 22, 8702 198 65 74

Электрондық поштасы мекенжайы: pharmacovigilance@jamjoompharma.com