Брезтри™ Аэросфера

Брезтритм Аэросфера

Жоқ

Ингаляцияға арналған дозаланған аэрозоль, 160 мкг/7.2 мкг/5 мкг/доза

Тыныс алу жүйесі. Тыныс алу жолдарының обструктивті ауруларын емдеуге арналған дәрілік заттар. Ингаляциялық енгізуге арналған адренергиялық дәрілер. Глюкокортикоидтармен үштік біріктірілімдерді қоса антихолинергиялық дәрілермен біріктірілімде адренергиялық дәрілер. Формотерол, гликопирроний бромиді және будесонид.

АТХ коды R03AL11

Брезтритм Аэросфера препараты ұзақ әсер ететін ингаляциялық кортикостероидтар мен β2-агонистердің біріктірілімімен немесе ұзақ әсер ететін β2-агонистердің және ұзақ әсер ететін мускариндік рецепторлардың антагонистерінің біріктірілімімен емдеу кезінде аурудың тиісті бақылауына қол жеткізбеген ересек пациенттерде орташа және ауыр дәрежедегі өкпенің созылмалы обструктивті ауруының (ӨСОА) демеуші емі ретінде көрсетілген.

Қолдануды бастағанға дейін қажетті мәліметтер тізбесі

- Белсенді затқа (заттарға) немесе қосымша заттардың кез келгеніне жоғары сезімталдық

Қолданған кездегі қажетті сақтандыру шаралары

Брезтритм Аэросфера препараты тек дәрігердің тағайындауы бойынша қолданылады. Препаратпен емдеуге дейін немесе емдеу кезінде өз дәрігеріңізге келесі жағдайлар туралы хабарлаңыз:

- жоғары қан қысымы немесе жүрекке қатысты проблемалар, қант диабетінің болуы, өкпе инфекциясы, қалқанша безінің проблемалары, қандағы калий деңгейінің төмендеуі, қуық асты безінің проблемалары немесе несеп шығаруға қатысты кез келген проблемалар, «жабық бұрышты глаукома» деп аталатын көз ауруы, бүйрек немесе бауыр жеткіліксіздігі сияқты симптомдардың байқалуы

- Брезтритм Аэросфера препараты кейбір дәрілерге әсер ететін болғандықтан, дәрігердің рецептісінсіз босатылатын препараттарды, дәрілік шөптерді қоса алғанда қазіргі уақытта, жақында кез-келген басқа дәрілік препараттарды қабылдау туралы немесе қабылдауды жоспарлау туралы. Бұдан басқа, кейбір дәрілер Брезтритм Аэросфера препаратының жұмысына әсер етуі немесе жағымсыз әсерлердің пайда болу ықтималдығын арттыруы мүмкін:

• гипертония (жоғары қан қысымы) немесе жүрек проблемалары кезінде немесе глаукоманы (тимолол) емдеу үшін қолдануға болатын бета-блокаторлар (атенолол, пропранолол) сияқты дәрілік препараттар;

• кетоконазол немесе итраконазол сияқты зең инфекцияларын емдеу үшін қолданылатын дәрілік препараттар;

• ритонавир немесе кобицистат сияқты АИТВ-инфекциясын емдеу үшін қолданылатын дәрілік препараттар;

• кортикостероидтар (преднизолон), диуретиктер сияқты қандағы калий мөлшерін төмендететін дәрілік препараттар, несеп шығаруды арттыратын препараттар (фуросемид, гидрохлоротиазид), гипертонияны емдеу үшін қолданылатын препараттар; тыныс алу проблемаларын емдеу үшін қолданылатын препараттар (теофиллин);

• Брезтритм Аэросфера (тиотропий, ипратропий, аклидиний, умеклидиний, салметерол, формотерол, вилантерол, олодатерол, индакатерол) сияқты әсер ететін кез келген басқа дәрілік препараттарды қабылдау, егер аталған дәрілік препараттар қолданылып жүрсе, Брезтритм Аэросфера препаратын қолдануға болмайды;

• жүрек ырғағының бұзылуын емдеу үшін қолданылатын дәрілік препараттар (амиодарон);

• жүректің электрлік белсенділігін өзгерте алатын дәрілік препараттар («QT аралығы»): мысалы, антидепрессанттар (моноаминоксидаза тежегіштері, трициклды антидепрессанттар); бактериялық инфекцияны емдеуге арналған препараттар (эритромицин, кларитромицин немесе телитромицин); антигистаминді препаттар (аллергиялық реакцияларды төмендететін).

- Брезтритм Аэросфера препараты ӨСОА ұзақ мерзімді демеуші емдеу препараты ретінде қолданылады. Осы препаратты кенеттен болатын ентігу ұстамаларын немесе сырылдарды емдеу үшін қолдануға болмайды.

- егер Брезтритм Аэросфера препаратын қолданғаннан кейін бірден кеуде қуысының қысылуы, жөтел, сырыл немесе ентігу пайда болса, оны қолдануды тоқтатып, бұл туралы дереу дәрігерге хабарлау керек. Егер ентігу, кеуде қуысының қысылуы, сырылдар немесе жөтел Брезтритм Аэросфера препаратын қолданған кезде күшейе түссе, Брезтритм Аэросфера препаратын қолдануды жалғастыру керек, бірақ мүмкіндігінше қосымша ем қажет болуы мүмкін болуына байланысты тезірек дәрігерге жүгіну керек.

- пациентте формотерол фумараты дигидратына, гликопирронийге, будесонидке немесе дәрінің құрамына кіретін қандай да бір басқа ингредиенттерге аллергиялық реакциялар болған жағдайда Брезтритм Аэросфера препаратын қолдану ұсынылмайды.

Басқа дәрілік препараттармен өзара әрекеттесуі

Фармакокинетикалық өзара әрекеттесу

Брезтритм Аэросфера препаратымен дәрілік өзара әрекеттесуді зерттеу жүргізілген жоқ. Формотерол терапиялық маңызды концентрациясында CYP450 ферменттерін тежемейді. Будесонид пен гликопирроний терапиялық маңызды концентрацияда CYP450 ферменттерін тежемейді немесе индукцияламайды.

Будесонидтің метаболизмі ең алдымен CYP3A4 арқылы жүреді. Препаратты күшті CYP3A тежегіштерімен, мысалы, итраконазолмен, кетоконазолмен, АИТВ-протеаза тежегіштерімен және құрамында кобицистаты бар препараттармен бір мезгілде қолдану жүйелік жағымсыз әсерлердің даму қаупін арттырады деп күтіледі, сондықтан пайдасы жүйелік кортикостероидты жағымсыз реакциялардың даму қаупінен асатын жағдайлардан басқа, мұндай біріктірілімді болдырмау керек және мұндай жағдайларда ықтимал жүйелік кортикостероидты жағымсыз реакцияларды анықтау үшін пациенттерді бақылау қажет. Қысқа мерзімді емдеу кезінде (1-2 апта) бұл өзара әрекеттесу клиникалық маңызы шектеуге ие, бірақ күшті CYP3A4 тежегішімен ұзақ мерзімді емдеу жағдайында ескерілуі керек.

Ингаляциялық будесонидтің жоғары дозаларымен осындай өзара әрекеттесу туралы шектеулі деректер итраконазолды тәулігіне бір рет 200 мг дозада 1000 мкг бір реттік дозада ингаляциялық будесонидпен бір мезгілде қолданғанда оның қан плазмасындағы концентрациясы айтарлықтай (орта есеппен, төрт есе) артуы мүмкін екенін көрсетті. Гликопирроний негізінен бүйрек арқылы шығарылатын болғандықтан, бүйрек арқылы шығару механизмдеріне әсер ететін дәрілік препараттармен ықтимал өзара әрекеттесуі мүмкін. ОСТ2 және MATE1 модельдік тежегіші циметидиннің ингаляциялық гликопирронийдің таралуына әсерді бағалау кезінде оларды бірге қолданған кезде жалпы жүйелік әсердің (AUC0-t) 22% - ға шектеулі жоғарылауы және бүйрек клиренсінің 23% - ға шамалы төмендеуі байқалды. Терапиялық маңызды концентрацияда формотерол CYP450 изоферменттерін тежемейді. Терапиялық маңызды концентрацияда будесонид пен гликопирроний CYP450 изоферменттерін тежемейді немесе индукцияламайды.

Фармакодинамикалық өзара әрекеттесу

Басқа антимускариндік препараттар және симпатомиметиктер.

Брезтритм Аэросфера препаратын ұзақ әсер ететін антихолинергиялық және/немесе β2-адренергиялық агонистері бар басқа дәрілермен бірге қолдану зерттелмеген және олардың біріктірілімі ингаляциялық мускариндік антагонистерге немесе β2-адренергиялық агонистерге белгілі жағымсыз реакцияларды күшейтуі мүмкін болғандықтан, ұсынылмайды.

Брезтритм Аэросфера препаратын басқа β-адренергиялық препараттармен бір мезгілде қолдану аддитивті әсер етуі мүмкін; сондықтан формотеролмен басқа β-адренергиялық дәрілерді бір мезгілде тағайындағанда сақ болу керек.

Дәрілік препараттармен туындаған гипокалиемия

Ксантин туындыларын, стероидтарды және калийжинақтаушыға жатпайтын диуретиктерді қоса алғанда, қатар жүретін ем ықтимал бастапқы гипокалиемияны күшейтуі мүмкін. Гипокалиемия жүрек гликозидтерін қабылдайтын пациенттерде аритмияның дамуына бейімділікті арттыруы мүмкін.

β-адреноблокаторлар

β-адреноблокаторлар (көзге тамызатын дәріні қоса) формотеролдың әсерін әлсіретуі немесе тежеуі мүмкін. Күтілетін пайда ықтимал қауіптен асатын жағдайлардан басқа, β-адреноблокаторларды біріктіре қолдануды болдырмау керек. β-адреноблокаторлармен емдеу қажет болған жағдайда кардиоселективті β-адреноблокаторларына артықшылық беру керек

Басқа фармакодинамикалық өзара әрекеттесулер

Хинидин, дизопирамид, новокаинамид, антигистаминді препаттар, моноаминоксидаза тежегіштері, трициклды антидепрессанттар және фенотиазинді қатар қолдану QT аралығын ұзартып, қарыншалық аритмияның даму қаупін арттыруы мүмкін. Бұдан басқа, L-допа (леводопа), L-тироксин, окситоцин және алкоголь жүрек бұлшықетінің β2-симпатомиметиктерге төзімділігін төмендетуі мүмкін.

Фуразолидон және прокарбазин сияқты ұқсас қасиеттері бар дәрілерді қоса алғанда, моноаминоксидаза тежегіштерімен қатар емдеу гипертензиялық реакцияларды тудыруы мүмкін.

Галогенделген көмірсутек препараттарымен бір мезгілде анестезия қабылдайтын пациенттерде аритмияның даму қаупі жоғары.

Арнайы сақтандырулар

Препарат жедел жағдайларды емдеуге арналмаған

Брезтритм Аэросфера препараты бронх түйілуінің жедел эпизодтарын немесе ӨСОА өршуін емдеу үшін жедел терапия ретінде көрсетілмеген.

Парадоксалды бронх түйілуі

Басқа ингаляциялық емдеу кезіндегі сияқты, формотерол/ гликопирроний/будесонидті енгізу қабылдағаннан кейін бірден сырылдың және ентігудің пайда болуымен және өмірге қауіп төндіруі мүмкін парадоксалды бронхтың түйілуін тудыруы мүмкін. Парадоксалды бронх түйілуі дамыған жағдайда БрезтритмАэросфера препаратымен емдеуді тоқтату керек. Тексеруден өту керек және қажет болған жағдайда балама емдеу тағайындалады.

Аурудың өршуі

БрезтритмАэросфера препаратымен емдеуді күрт тоқтату ұсынылмайды. Егер пациент препараттың ең жоғары ұсынылған дозасын қолданғанына қарамастан емдеуді тиімсіз деп санаса, емді жалғастыру керек, бірақ медициналық көмекке жүгіну керек. Бронхолитикалық препараттарды қолдану жиілігінің артуы жалпы жағдайдың нашарлауын көрсетеді және жүргізілетін емдеуді қайта бағалауды талап етеді. ӨСОА симптомдарын бақылаудың кенеттен және үдемелі нашарлауы өмірге қауіп төндіруі мүмкін және пациент шұғыл медициналық тексеруден өтуі керек.

Жүрек-тамыр жүйесіне әсері

Жүрек аритмиясы, жүрекшелер фибрилляциясы және тахикардия секілді жүрек- тамырлар әсерлері, гликопирроний мен формотеролды қоса, мускариндік рецепторлардың антагонистері мен симпатомиметиктерді қолданғаннан кейін байқалуы мүмкін. Брезтритм Аэросфера препаратын жүректің тұрақсыз ишемиялық ауруы, жедел миокард инфарктісі, кардиомиопатия, жүрек аритмиясы және жүректің ауыр жеткіліксіздігі сияқты клиникалық маңызды бақыланбайтын және ауыр жүрек-қан тамырлары аурулары бар пациенттерде сақтықпен қолдану керек. Туа біткен және дәрілік препараттармен туындаған QTc аралығы белгіленген немесе күдікті ұзартылған (QTc > ерлер үшін 450 мсек немесе әйелдер үшін > 470 мсек) пациенттерді емдеу кезінде сақ болу керек.

Жүйелік әсерлер

Жүйелік әсерлер кез келген ингаляциялық кортикостероидты қолданғанда, әсіресе ұзақ уақыт бойы жоғары дозаларды тағайындағанда пайда болуы мүмкін. Бұл әсерлердің ықтималдығы ингаляциялық емдеуде пероральді кортикостероидтарды қолданған кездегіге қарағанда әлдеқайда аз. Ықтимал жүйелік әсерлерге Кушинг синдромы, кушингоидты көріністер, бүйрек үсті безінің функциясын тежеу, сүйек тіні минералды тығыздығының төмендеуі, катаракта және глаукома жатады. Сүйек тінінің минералды тығыздығына ықтимал әсерді, әсіресе ұзақ уақыт бойы препараттың жоғары дозаларын қабылдайтын және остеопороз қаупінің қатар жүретін факторлары бар пациенттерде ескеру қажет.

Көру қабілетінің бұзылуы

Көру қабілетінің бұзылуы жүйелік және жергілікті кортикостероидтарды қолданғанда байқалуы мүмкін. Егер пациентте анық көрмеу немесе басқа көру бұзылыстары сияқты симптомдар байқалатын болса, оны жүйелі және жергілікті кортикостероидтарды қолдану кезінде хабарланған катаракта, глаукома немесе орталық серозды хориоретинопатия (ОСХР) сияқты сирек кездесетін ауруларды қамтуы мүмкін себептерді бағалау үшін офтальмологқа жіберу керек.

Пероральді емдеуден ауыстыру

Пероральді стероидтардан ингаляциялық формаларға ауысуды қажет болатын пациенттерге аса сақ болу қажет, себебі, оларда бүйрек үсті безі функциясының бұзылу қаупі ұзақ уақытқа бойы сақталуы мүмкін. Кортикостероидтардың жоғары дозасымен емдеуді немесе ингаляциялық кортикостероидтардың ең жоғары ұсынылған дозасымен ұзақ мерзімді емдеуді қажет ететін пациенттерге де қауіп төнуі мүмкін. Бұл пациенттерде күшті стресс болған кезде кезде бүйрек үсті безі жеткіліксіздігінің белгілері мен симптомдары пайда болуы мүмкін. Стресс немесе жоспарлы хирургиялық араласу кезеңінде жүйелік кортикостероидтарды қосымша қолдануды қарастырған жөн.

ӨСОА бар пациенттердегі пневмония

Ингаляциялық кортикостероидтарды қабылдайтын ӨСОА бар пациенттерде пневмонияның, соның ішінде ауруханаға жатқызуды қажет ететін пневмонияның даму жиілігінің жоғарылауы байқалды. Стероидты доза жоғарылаған кезде пневмонияның даму қаупінің артуы туралы кейбір деректер бар, бірақ бұл барлық зерттеулерде сенімді түрде көрсетілмеген.

Әртүрлі ингаляциялық кортикостероидтар арасындағы пневмония қаупі шамасында топішілік айырмашылықтардың нақты клиникалық дәлелдері жоқ.

Дәрігерлерге мұндай инфекциялардың клиникалық ерекшеліктері ӨСОА өршу симптомдарымен сәйкес келетін болғандықтан, ӨСОА бар пациенттерде пневмонияның ықтимал дамуына қатысты қырағылық танытуы керек.

Гипокалиемия

Β2-агонисттермен емдеу ықтимал ауыр гипокалиемияға әкелуі мүмкін. Бұл жүрек-қан тамырларының жағымсыз салдарына әкелуі мүмкін. Ерекше қырағылықты осы әсер гипоксиямен күшеюі мүмкін болуына байланысты ауыр ӨСОА кезінде сақтау керек. Гипокалиемия гипокалиемияны тудыруы мүмкін басқа дәрілермен, мысалы, ксантин туындыларымен, стероидтар және диуретиктермен бір мезгілде қолданғанда да күшеюі мүмкін.

Гипергликемия

β2-адреномиметиктердің жоғары дозаларын ингаляциялау қан плазмасындағы глюкоза деңгейінің жоғарылауына әкелуі мүмкін.

Сондықтан қант диабеті бар пациенттерді емдеу кезінде қандағы глюкоза деңгейін белгіленген ұсынымдарға сәйкес бақылау керек.

Қатар жүретін жағдайлар

Брезтритм Аэросфера препаратын тиреотоксикозы бар пациенттерде сақтықпен қолдану керек.

Антихолинергиялық белсенділік

Антихолинергиялық белсенділікке байланысты БрезтритмАэросфера препаратын қуық асты безінің симптоматикалық гиперплазиясы, несеп іркілуі немесе жабық бұрышты глаукомасы бар пациенттерде сақтықпен қолдану керек. Пациенттерге жедел жабық бұрышты глаукоманың белгілері мен симптомдары туралы, сондай-ақ препаратты қолдануды тоқтату және осы белгілердің немесе симптомдардың кез келгені дамыған жағдайда дереу дәрігерге жүгіну қажеттігі туралы хабарлау қажет.

БрезтритмАэросфера препаратын құрамында антихолинергиялық дәрілер бар басқа дәрілік препараттармен бір мезгілде қолдану ұсынылмайды.

Бүйрек жеткіліксіздігі

Гликопирроний негізінен бүйрек арқылы шығарылатын болғандықтан, диализ жүргізуді қажет ететін бүйрек жеткіліксіздігінің терминалды сатысындағы пациенттерді қоса, бүйрек функциясы ауыр дәрежеде бұзылған пациенттерде (креатинин клиренсі < 30 мл/мин) БрезтритмАэросфера препаратын күтілетін пайда ықтимал қауіптен асқан жағдайда ғана қолдану керек.

Бауыр жеткіліксіздігі

Бауырдың ауыр жеткіліксіздігі бар пациенттерде БрезтритмАэросфера препаратын күтілетін пайда ықтимал қауіптен асқан жағдайда ғана қолдану керек. Бұл пациенттерде ықтимал жағымсыз реакциялардың болып-болмайтынын бақылау керек.

Балалар мен жасөспірімдерде қолдану

БрезтритмАэросфера препаратының тиімділігі мен қауіпсіздігі 18 жасқа дейінгі педиатриялық популяцияда зерттелген жоқ.

Жүктілік және лактация кезеңінде қолдану

Жүктілік

Жүкті әйелдерде БрезтритмАэросфера препаратын қолдану туралы деректер жоқ немесе шектеулі.

Осы дәрілік препаратты жүкті әйелдерге тағайындау ана үшін күтілетін пайда шарана үшін ықтимал қауіптен асқан жағдайда ғана қарастырылуы керек.

Бала емізу

Ингаляциялық будесонидтің емшек сүтімен бөлінетіні айқындалған. Алайда, будесонид нәрестелердің қан үлгілерінен анықталған жоқ. Демек, аналары БрезтритмАэросфера препаратының емдік дозаларын қабылдайтын емізудегі балаларда будесонидтің әсерінен ешқандай әсер күтілмейді.

Гликопирроний немесе формотеролдің емшек сүтімен бөлініп-бөлінбейтіні белгісіз. Дегенмен, емізетін әйелдерге бұл дәрілік препаратты тағайындау ана үшін күтілетін пайда нәресте үшін кез келген ықтимал қауіптен асқан жағдайда ғана қарастырылуы керек.

Фертильділік

БрезтритмАэросфера препаратын ұсынылған дозада қолдану адамның фертильділігіне әсер етуі екіталай.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

БрезтритмАэросфера препараты көлікті басқару және механизмдермен жұмыс істеу қабілетіне әсер етпейді немесе болмашы әсер етеді. Алайда, бас айналу- көлік жүргізу немесе механизмдермен жұмыс істеу кезінде ескеру қажет болатын сирек кездесетін жағымсыз әсер болып табылады.

Қолдану жөніндегі нұсқаулар

Дозалау режимі

Ұсынылатын және ең жоғары доза-күніне екі рет екі ингаляция (таңертең екі ингаляция және кешке екі ингаляция).

Қолдану тәсілі

Ингаляциялық қолдануға арналған.

Қолдану жөніндегі нұсқаулық

Дәрілердің дұрыс енгізілуін қамтамасыз ету үшін дәрігер немесе басқа медицина қызметкері пациентке ингаляторды қалай дұрыс қолдану керектігін үйретуі, сонымен қатар пациенттің ингаляция техникасының сәйкестігін үнемі тексеріп отыруы керек. Пациентке ингаляторды пайдалану бойынша нұсқаулығы бар медициналық қолдану жөніндегі нұсқаулықпен (қосымша парақ) мұқият танысуды кеңес ету керек.

Ескертпе. Пациенттерге келесілер туралы нұсқау беру маңызды:

- Егер фольгадан жасалған пакет ішіндегі құрғатқыш (десикант) ағып кеткен/ шашылып қалған жағдайда ингаляторды қолданбау қажет. Жақсы нәтижеге қол жеткізу үшін ингалятор қолданар алдында бөлме температурасында болуға тиіс.

- Ингаляторды бірінші рет қолданар алдында сілкіп, төрт рет ауаны шығару немесе егер ингалятор жеті күннен артық қолданылмаса, апта сайын жуғаннан кейін немесе құлаған жағдайда екі рет ауаны шығару арқылы іске қосу керек.

- Ауыз-жұтқыншақ кандидозының даму қаупін азайту үшін препарат дозасымен ингаляциялағаннан кейін ауызды сумен шаю керек. Жұтуға болмайды.

Брезтритм Аэросфера препараты бар ингалятор іске қосылған кезде препараттың бір бөлігі қысыммен тұрған камерадан контейнерге шығарылады. Пациент ингаляторды қосумен бір мезгілде препаратты мүштік арқылы жұтқанда зат ішке тартылған ауамен тыныс алу жолдарына енеді.

Препараттың дұрыс қолданылуын қамтамасыз ету үшін бүркуді ингаляциямен синхрондауға қиналатын пациенттар спейсері бар Брезтритм Аэросфера препаратын қолдана алады. Брезтритм Аэросфера препаратын Аэрочамбер Плюс Флоу-Ву (Aerochamber Plus Flow-Vu) спейсерін қоса алғанда, спейсерлермен қолдануға болады.

Пациенттердің ерекше топтарында қолдану

Егде жастағы пациенттар

Егде жастағы пациенттерде дозаны түзету қажет емес.

Бүйрек жеткіліксіздігі

Брезтритм Аэросфера препаратын жеңіл және орташа бүйрек жеткіліксіздігі бар пациенттерде ұсынылған дозада қолдануға болады. Препаратты бүйректің ауыр жеткіліксіздігі бар немесе диализді қажет ететін бүйрек жеткіліксіздігінің терминалды сатысы бар пациенттерде ұсынылған дозада, күтілетін пайда ықтимал қауіптен асқан жағдайда ғана қолдануға болады.

Бауыр жеткіліксіздігі

Брезтритм Аэросфера препаратын бауырдың жеңіл және орташа жеткіліксіздігі бар пациенттерде ұсынылған дозада қолдануға болады. Препаратты бауырдың ауыр жеткіліксіздігі бар пациенттерде ұсынылған дозада, күтілетін пайда ықтимал қауіптен асқан жағдайда ғана қолдануға болады.

Балалар

ӨСОА көрсеткіші бойынша балалар мен жасөспірімдерде (18 жасқа дейін) Брезтритм Аэросфера препаратын қолдану тәжірибесі жоқ.

Артық дозаланған жағдайда қабылдануы тиіс шаралар

Артық дозалану антихолинергиялық және/немесе β2-адренергиялық белгілер мен симптомдардың жоғарылауына әкелуі мүмкін; ең жиі кездесетіндерге анық көрмеу, ауыздың құрғауы, жүрек айнуы, бұлшықеттің түйілуі, тремор, бас ауыруы, жүрек соғуы және систолалық гипертензия жатады. Шамадан тыс дозада созылмалы қолданғанда кортикостероидтардың жүйелік әсерлері пайда болуы мүмкін.

Емдеу: Брезтритм Аэросфера препаратымен артық дозаланудың нақты емі жоқ. Артық дозаланған жағдайда пациентке қажет болған жағдайда тиісті мониторингпен демеуші емді жүргізу керек.

Дәрілік препараттың бір немесе бірнеше дозасын өткізіп алған жағдайда қажетті шаралар

Дозаны өткізіп алған жағдайда оны мүмкіндігінше тезірек қабылдау керек, ал келесі дозаны қалыпты уақытта қабылдау керек. Өткізіп алған дозаны өтеу үшін қос дозаны қабылдауға болмайды.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Брезтритм Аэросфера препаратын қолдану тәсіліне қатысты қандай да бір сұрақтар туындаған жағдайда пациентке осы препаратты қолдану тәсілі туралы сұрау үшін медицина қызметкеріне жүгіну ұсынылады.

Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі:

- ауыз қуысының кандидозы (микоз), пневмония

- гипергликемия

- үрей, ұйқысыздық

- бас ауыруы

- жүрек соғуы

- дисфония, жөтел

- жүрек айнуы

- бұлшықеттің түйілуі

- несеп шығару жолдарының инфекциясы

Жиі емес:

- аса жоғары сезімталдық

- депрессия, қозу, мазасыздық, күйгелектік

- бас айналу, тремор

- стенокардия, тахикардия, жүрек ырғағының бұзылуы (жыпылықтаушы аритмия, қарыншаүстілік тахикардия және экстрасистолия)

- тамақтың тітіркенуі, бронх түйілуі

- ауыздың құрғауы

- қанталау (көгерулер)

- несептің іркілуі

- кеудедегі ауырсыну

Өте сирек:

- бүйрек үсті безінің гипофункциясы сияқты глюкокортикостероидтардың жүйелік әсерінің белгілері немесе симптомдары

- мінез-құлықтың бұзылуы

Жиілігі белгісіз

- ангионевроздық ісіну

- анық көрмеу, катаракта, глаукома

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Жеткізілетін әрбір дозаның (дәрілік препараттың 1 босап шығарылуына /ингаляциясына сәйкес) құрамында

белсенді заттар: 5 мкг микрондалған формотерол фумараты дигидраты (4.8 мкг сусыз формотерол фумаратына баламалы), 9 мкг микрондалған гликопирроний бромиді (7.2 мкг гликопирронийге баламалы), 160 мкг микрондалған будесонид.

қосымша заттар: HFA-134а, 1,2-дистеароил-sn-глицеро-3-фосфохолин, кальций хлориді дигидраты.

Сыртқы түрінің иісінің, дәмінің сипаттамасы

Ингаляцияға арналған дозаланған аэрозоль.

Ақ ұнтақ.

Шығарылу түрі және қаптамасы

120 дозадан сары пластик жетекпен және сұр пластик шаңнан қорғайтын қалпақшамен және доза индикаторы бекітілген ақ мүштікпен жабдықталған ішкі жабыны бар алюминий баллон түріндегі ингаляторда.

1 ингалятордан ламинатталған алюминий фольгадан жасалған құрамында десикант бар пакетке салынады. Бір пакеттен медициналық қолдану жөніндегі қазақ және орыс тілдеріндегі нұсқаулықпен бірге алғашқы ашылуы бақыланатын немесе онсыз картон қорапшаға салынады.

3 жыл

Ламинатталған фольгадан жасалған пакетті бірінші ашқаннан кейін 3 ай.

Жарамдылық мерзімі өткеннен кейін қолдануға болмайды.

30 °C-ден аспайтын температурада сақтау керек.

Баллонды, тіпті егер ол бос болып көрінсе де, сындыруға, тесуге немесе өртеуге болмайды. Жылу көздеріне немесе ашық отқа жақын жерде қолданбау немесе сақтамау керек.

50 ºС-ден жоғары қыздыруға болмайды.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

AstraZeneca Dunkerque Production, Дюнкерк, Франция

Тел.: +33 032 868 4800

Факс: +33 032 868 4800

e-mail: ProductQuality.kz@astrazeneca.com

Тіркеу куәлігінің ұстаушысы

AstraZeneca AB, SE-151 85, Сёдерталье, Швеция

Тел.: +46 8 553 260 00

Факс: +46 8 553 290 00

e-mail: adverse.events.kz@astrazeneca.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«АстраЗенека Ю-Кей Лимитед» ЖАҚ өкілдігі,

Қазақстан Республикасы, Алматы қ., 050000

Қонаев көш, 77 үй, 101 кеңсе

Тел.: +7 727 232 14 15; +7 701 0326745

e-mail: adverse.events.kz@astrazeneca.com

немесе https://contactazmedical.astrazeneca.com сілтемесі бойынша

Ингаляторды пайдалану жөніндегі нұсқаулықпен мұқият танысып шығыңыз.

Ингаляторды пайдалану жөніндегі нұсқаулық.

Брезтритм Аэросфера

(формотерол фумараты дигидраты, гликопирроний және будесонид)

Ингаляцияға арналған дозаланған аэрозоль

Ингаляциялық қолдануға арналған.

Пероральді ингаляция үшін.

Осы нұсқаулықпен мұқият танысу керек.

Брезтритм Аэросфера препаратының ингаляторы (осы нұсқаулықта «ингалятор» деп аталатын) бұрын қолданылған ингаляторлардан айрықшалануы мүмкін.

Маңызды ақпарат

• Тек пероральді ингаляция үшін.

• Ингаляторды бірінші рет қолданар алдында белсендіру керек.

• Бүріккіш құрылғыны апта сайын жуу керек.

• Препараттың 2 дозасын таңертең және 2 дозасын кешке қабылдау керек.

Ингаляторды сақтау

• 30°C-ден аспайтын температурада сақтауға болмайды.

• Ингаляторды ванна бөлмесі сияқты ылғалды бөлмеде сақтауға болмайды.

• Ингаляторды және барлық дәрілік препараттарды балалардың қолы жетпейтін жерде сақтау керек.

Ингалятордың жиынтықталымы

Доза индикаторының көрсеткіштерін оқу

Жаңа ингаляторға қажеттілік

• Доза индикаторындағы көрсеткіш сары аймақта болған кезде жаңа ингаляторға тапсырыс беру керек.

Ингаляторды утилизациялау

Ингаляторды жергілікті ережелерге сәйкес тастау ұсынылады:

• Доза индикаторы 0 көрсетеді

немесе

• Ламинатталған фольгадан жасалған пакеттен ингаляторды алып тастағаннан кейін 3 айдан соң.

Ингаляторды қайта қолдануға болмайды, сонымен қатар басқа ингаляторларға арналған дәрілік баллондары бар бүріккіш құрылғыны қолдануға болмайды.

Баллонды тесіп, отқа немесе қоқыс өртейтін пешке тастауға болмайды.

БІРІНШІ ҚОЛДАНАР АЛДЫНДА - бірінші қолданар алдында препараттың 4 рет босатып шығарып, ингаляторды белсендіру керек.

• Ингаляторды бірінші рет қолданар алдында оны қолданған кезде қажетті мөлшерде дәрілік препаратты алу үшін іске қосу керек.

елікт

КҮНДЕЛІКТІ ҚОЛДАНУ - препарат ингаляциясын таңертең және кешке жүргізу қажет

• Тәуліктік доза: таңертең 2 ингаляция және кешке 2 ингаляция.

• Зең инфекциясының дамуын болдырмау үшін екі ингаляциядан кейін аузыңызды сумен шаю ұсынылады.

ҚҰРЫЛҒЫНЫ АПТА САЙЫН ЖУУ -бүріккіш құрылғыны аптасына кемінде 1 рет жуу керек

• Дәрілік препарат жиналып қалмас үшін және мүштік арқылы бүркуді бөгемес үшін бүріккіш құрылғыны апта сайын жуу керек.

• Баллонның сулануына жол беруге болмайды.

• Жуғаннан кейін ингаляторды қайта реттеу керек