Боботик (ПОЛЬФАРМА) (Симетикон)

Боботик®

Симетикон

Дәрілік түрі, дозасы

Ішуге арналған тамшылар, 66.66 мг/мл

Ас қорыту жолы және зат алмасу. Асқазан-ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Асқазан-ішек функционалдық бұзылыстарын емдеуге арналған басқа препараттар. Силикондар.

АТX коды A03AX13

Боботик препараты ересектер мен 28 күннен бастап балаларда қолдануға арналған:

• газ түзілуі жоғарылаудан туындаған асқазан-ішек жолы тарапынан бұзылуларды симптоматикалық емдеу үшін, мысалы, метеоризмде, нәрестелердегі шаншуларда (үш айлық шаншулар)

• іш қуысы ағзаларын диагностикалық зерттеулерде қосымша зат ретінде, мысалы, рентгенологиялық зерттеулерде, іш қуысы ағзаларының УДЗ және гастроскопияда

• беткейлік-белсенді заттармен уланған кезде көбік жойғыш ретінде.

Қолдануды бастағанға дейін қажетті мәліметтер тізбесі

- симетиконға немесе қосымша заттардың кез келгеніне жоғары сезімталдық.

Боботик препаратын жаңа туған нәрестелерге (жасы 28 күнге дейінгі балалар) қолданбаған жөн.

Іш қуысы ағзалары тарапынан симптомдар қайта пайда болған кезде және/немесе олар сақталған жағдайда клиникалық тексеру қажет.

Басқа дәрілік препараттармен өзара әрекеттесуі

Осы уақытқа дейін белгісіз.

Арнайы ескертулер

Қосымша заттарға қатысты айрықша нұсқаулар

Препарат құрамында аллергиялық реакциялар туындатуы мүмкін (баяулаған типті реакциялар болуы мүмкін) метилпарагидроксибензоат және пропилпарагидроксибензоат бар.

Препарат құрамында бір миллилитр эмульсияда 1 ммольден аз натрий (23 мг) бар, сондықтан оны іс жүзінде натрийден бос деп санауға болады.

Жүктілік немесе лактация кезінде

Жүктілік және бала емізу кезеңінде қолдану салдары күтілмейді, өйткені симетиконның жүйелік әсері шамалы болып табылады. Препарат жүктілік кезінде, дәрігердің пікірі бойынша анасы үшін пайдасы шаранаға төнетін ықтимал қауіптен асып түскен жағдайда ғана, қолданылуы мүмкін.

Фертильділік

Клиникаға дейінгі деректер адам үшін фертильділікке қатысты қауіптің жоқтығын көрсетеді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Боботик препараты көлік құралдарын басқару және механизмдерге қызмет көрсету қабілетіне әсер етпейді немесе аздап әсер етеді.

Қолдану жөніндегі нұсқаулар

Дозалау режимі

1 мл препаратта шамамен 27 тамшы бар.

Газ түзілуінің жоғарылауынан туындаған асқазан-ішек бұзылуларында нәрестелердегі ішек шаншулар симптомдары

28 күннен бастап 3 жасқа дейінгі балалар: 8 тамшыдан (20 мг симетикон) тәулігіне 4 рет.

3-тен 6 жасқа дейінгі балалар: 14 тамшыдан (35 мг симетикон) тәулігіне 4 рет.

6 жастан бастап балалар және ересектер: 16 тамшыдан (40 мг симетикон) тәулігіне 4 рет.

Препаратты әдетте ас ішкеннен кейін тәулігіне 3 рет және тікелей ұйықтар алдында қолданады.

Диагностикалық зерттеулерге дайындық

Асқазан-ішек жолының радиологиялық және ультрадыбыстық зерттеуі

Зерттеуден бір күн бұрын:

28 күннен бастап 3 жасқа дейінгі балалар: 10 тамшыдан (25 мг симетикон) тәулігіне 2 рет.

3-тен 6 жасқа дейінгі балалар: 16 тамшыдан (40 мг симетикон) тәулігіне 2 рет.

6 жастан бастап балалар және ересектер: 20 тамшыдан (50 мг симетикон) тәулігіне 2 рет.

Зерттеу жүргізілетін күні таңертең, ашқарынға бір реттік дозаны қайталау керек.

Жуғыш заттармен қатты уланған кезде

Доза уыттанудың ауырлығына байланысты.

28 күннен бастап балалар: 1,5-тен 6 мл-ге дейін препарат (40-160 тамшы немесе құтының ішіндегісі 1/5-ке дейін).

Ересектер: 6-дан 12 мл-ге дейін препарат (құтының ішіндегісі 1/5-тен 2/5-ке дейін).

Енгізу әдісі мен жолы

Ішке қабылданады.

Препаратты қабылдар алдында құтының ішіндегісін бірнеше рет мұқият шайқау керек.

Боботик препаратын қайнатылып, салқындатылған судың аздаған мөлшерімен, балалар тағамымен немесе басқа да газдалмаған сұйықтықпен алдын ала араластырып алуға болады.

Дәрілік препарат құрамында қант жоқ және диабеті бар адамдарға қолдануға болады.

Емдеуді симптомдар жойылғанға дейін жалғастыру керек.

Қажет болса Боботик препаратын анағұрлым ұзақ уақыт қолдануға болады.

Басталған қаптаманы 2 ай ішінде пайдалану керек.

Артық дозаланған жағдайда қабылдануы тиіс шаралар

Қазіргі уақытта артық дозалану жағдайлары туралы хабарланған жоқ.

Химиялық және физиологиялық тұрғыдан  симетикон толық инертті болып табылатындықтан, улану іс жүзінде мүмкін емес. Боботик препараты тіпті көп мөлшерде симптомдарсыз төзімді.

Дәрілік препаратты қолдану тәсілін түсіндіру үшін денсаулық сақтау жүйесі маманынан консультация алу ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Белгісіз (қолда бар деректер негізінде бағалау мүмкін емес)

Есекжем, бөртпе, эритема, қышыну, аллергиялық дерматит және құрамында симетикон бар дәрілік заттарға басқа тері реакцияларды қоса аса жоғары сезімталдық реакциялары туралы хабарланды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Бір мл тамшылардың құрамында

белсенді зат – симетикон, 66.66 мг (30% эмульсия түрінде – 222.20 мг);

Қосымша заттар – натрий сахаринаты, метилпарагидроксибензоат, пропилпарагидроксибензоат, натрий кармеллозасы, лимон қышқылы, таңқурай хош иістендіргіші, тазартылған су.

Сыртқы түрінің, иісінің, дәмінің сипаттамасы

Ақшыл немесе ақшыл-крем түстес, қышқыл-тәтті дәмімен, жеміс иісі бар, қою, мөлдір емес сұйықтық.

Шығарылу түрі және қаптамасы

30 мл препарат «Oster» типті күңгірт шыны құтыларға құйылады. Құтылар тығыздайтын сақинасы мен тік тамшылатқышы бар бұрандалы полиэтилен қақпақпен тығындалады.

Жапсырылған заттаңбасы бар әрбір құты медициналық қолдану жөніндегі қазақ және орыс тіліндегі бекітілген нұсқаулықпен бірге картоннан жасалған қорапшаға салынады.

3 жыл.

Ашылған құтыны 2 ай ішінде пайдалану керек.

Қаптамада көрсетілген жарамдылық мерзімі өткеннен кейін қолдануға болмайды.

Түпнұсқалық қаптамасында 25C-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«ПОЛЬФАРМА» АҚ Фармацевтикалық зауыты

Серадздегі Медана бөлімі

Владислав Локетка көш. 10, 98-200 Серадз, Польша

Телефон нөмірі: +48 58 5631600

Факс нөмірі: +48 58 5622353

Электрондық пошта: phv@polpharma.com

Тіркеу куәлігінің ұстаушысы

«Химфарм» АҚ

Рашидов көш. 81, 160019 Шымкент, Қазақстан Республикасы

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электрондық пошта: infomed@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Химфарм» АҚ

Рашидов көш. 81, 160019 Шымкент, Қазақстан Республикасы

Телефон нөмірі: +7 7252 (610150)

Автожауапбергіш нөмірі: +7 7252 (561342)

Электрондық пошта: complaints@santo.kz; phv@santo.kz