Блемарен

• русский
• қазақша

• Скачать инструкцию медикамента

Саудалық атауы

Блемарен

Халықаралық патенттелмеген атауы

Жоқ

Дәрілік түрі

Көпіршитін таблеткалар

Құрамы

Көпіршитін бір таблетканың құрамында

белсенді заттар: 1197,0 мг сусыз лимон қышқылы, 835,5 мг сусыз (үш) натрий цитраты, 967,5 мг калий гидрокарбонаты

қосымша заттар: лактоза моногидраты, маннитол, натрий сахарині, адипин қышқылы, макрогол 6000, лимон хош иістендіргіш.

Сипаттамасы

Беті жалпақ цилиндрлі, дөңгелек пішінді ақ немесе ақ дерлік түсті және лимон иісі бар таблеткалар.

Фармакотерапиялық тобы

Урологиялық ауруларды емдеуге арналған препараттар. Нефроуролитиазды емдеуге арналған препараттар.

АТХ коды G04BC

Фармакологиялық қасиеттері

Фармакокинетикасы

Сіңуі: Препараттың биожетімілігі – 100%-ға жуық.

Метаболизмі: қайта сіңірілетін цитрат толық дерлік метаболизденеді.

Шығарылуы: калий мен натрийдің тәуліктік дозасы бүйректер арқылы 24-48 сағат ішінде шығарылады. Ұзақ уақыт емдегенде калий мен натрийдің тәуліктік шығарылуы препараттың тәуліктік дозасындағы олардың мөлшеріне сәйкес келеді.

Фармакокинетикалық зерттеулер тас түзуге бейім дені сау адамдарға 22 ммоль және 44 ммоль негіздегі бір реттік дозамен жүргізілді. Қан плазмасындағы цитраттың мөлшері 45 минут ішінде елеулі жоғарылады (тиісінше, 32%-ға және 65%-ға).

Бүйрек қызметі қалыпты болған кезде калий мен натрий жасуша ішінде және жасуша сыртында жиналмайды.

Фармакодинамикасы

Несепті рН 6,6-6,8 мәніне дейін сілтілендіру арқылы, несеп қышқыл тастарын ерітеді және түзілуіне жол бермейді (несеп рН 6,6-6,8 шамасында несеп қышқылының тұздарының еруі едәуір жоғарылайды және кальцийдің шығарылуы артады). Бұдан басқа, Блемарен кальцийдің шығарылуын төмендетеді, несепте кальций оксалатының ерігіштігін жақсартады, кристалдардың түзілуін тежейді және, демек, кальций-оксалатты тастардың түзілуіне кедергі жасайды.

Қолданылуы

• кальций тастары қатарласатын немесе онсыз несеп қышқыл тастары бар емделушілерде несепті сілтілендіру үшін

• кальций тастарының метафилактикасында (қайталануының алдын алуға және/немесе қалдық фрагменттердің өсуінің алдын алуға).

Қолдану тәсілі және дозалары

Несеп қышқылы тастарынан зардап шегіп жүрген емделушілерде несепті сілтілендіру үшін

Дозаны әр адамға жекелей белгілейді. Демеуші ем үшін несеп рН 6.2-6.8 шегі шамасында болуы тиіс.

Орташа тәуліктік доза жекелей ерекшеліктеріне байланысты өзгеріп отырады және көпіршитін 3 таблетканы құрауы мүмкін. Тәуліктік дозаны күні бойы 3 қабылдауға тең етіп (мысалы, 8, 14 және 20 сағат) бөледі және тамақтан кейін қабылдайды. Егер несептің pH шамасы 6,2-ден төмен болса, препараттың дозасын арттырады. Бұл кешкі дозамен (2 таблетка), төтенше жағдайларда 3 таблеткамен түзетілуі тиіс. Егер несептің рН шамасы 6.8-ден жоғары болса, онда препарат дозасын азайтады.

Уратты тастардың хемолитолизі үшін несептің рН-ы 7.0-7.2 құрауы тиіс.

Кальций тастарымен қатар, несеп қышқылының тастарынан зардап шегіп жүрген емделушілерде кальций тұздарының метафилактикасы және несепті сілтілендіруде несеп pH 6,8-7,4 шегінде болуы тиіс.

Дозаны осы рН диапазонына жету үшін әр адамға жекелей белгілейді: бұл, әдетте көпіршитін 3 таблетка. Егер қажет болса, доза арттырылуы мүмкін, бірақ көп жағдайда, жоғарыда аталған рН диапазоны шегіндегі нәтижеге қол жеткізу үшін 5 таблетка жеткілікті.

Тәуліктік доза 3 таблетка бір рет кешке қабылдануы немесе күні бойы бірдей 3 дозаға бөлінуі мүмкін. Препарат дозасын арттырған кезде таңертең бір таблетка, біреуін түсте, 2-3 таблетканы кешке қабылдау керек.

Блемарен таблеткасының дозасы, несептің рН тиімді диапазон шегінде болуы үшін, әр адамға жекелей белгіленуі тиіс.

Емдеу ұзақтығы 4 аптадан 6 айға дейін өзгеріп отырады. Препаратты қолдану тиімділігін бақылауды, әрбір бір реттік дозаны қабылдар алдында несептің рН-ын индикатор қағаздың жәрдемімен анықтау арқылы күніне 3 рет жүргізеді. Қағазда алынған түсті 2 минут ішінде шкаламен салыстырады және алынған шаманы бақылау күнтізбесіне енгізеді.

12 жастан асқан балаларға препаратты ересектерге арналған дозада тағайындайды.

Препаратты дайындау және енгізу тәртібі

Көпіршитін таблеткаларды 200 мл суда еріткеннен кейін ішке бірден қабылдаған жөн. Ұзақ араластырмаған жөн, сұйықтық аздап лайланып, бетінде ерімеген бөлшектер болуы мүмкін.

Жағымсыз әсерлері

Сирек

• жүректің айнуы

• құсу

• аллергиялық реакциялар

• ісінулер (натрийдің іркілуі)

• метаболизмдік алкалоз

• метеоризм

• іштің ауыруы

• диарея

• диспепсия

Өте сирек

• кекіру

• қыжыл

Қолдануға болмайтын жағдайлар

• препарат компоненттеріне асқын сезімталдық

• бүйрек қызметінің жедел немесе созылмалы жеткіліксіздігі

• қышқыл-сілтілік тепе-теңдіктің бұзылуы (метаболизмдік алкалоз)

• несеп шығару жолдарының мочевинаны ыдырататын микроорганизмдерден болған жұқпалы аурулары

• несеп рН 7,0-ден жоғары

• тұзсыз диетаны қатаң сақтау (мысалы, артериялық гипертензияның ауыр түрлерінде)

• тұқым қуалайтын эпизодтық адинамия

• қан айналымының жеткіліксіздігі

• 12 жасқа дейінгі балалар

Дәрілермен өзара әрекеттесуі

Блемаренді және құрамында цитраттар және алюминий бар препараттарды бір мезгілде қолданғанда алюминийдің сіңуі артуы мүмкін, сондықтан мұндай препараттарды Блемаренді қабылдағанға дейін және қабылдағаннан кейін кем дегенде 2 сағат аралықпен қабылдаған жөн.

Жасушадан тыс калий концентрациясын кез келген шамада арттыру жүрек гликозидтерінің әсерін бәсеңдетуі, сол кезде кез келген шамада төмендету - жүрек гикозидтерінің аритмогендік әсерін күшейтуі мүмкін.

Гипертензияға қарсы кейбір дәрілік заттар (мысалы, альдостерон антагонистері, калий жинақтаушы диуретиктер, ангиотензин өзгертуші фермент (АӨФ) тежегіштері), сартандар, қабынуға қарсы стероидты емес дәрілер және анальгетиктер-антипиретиктер калийдің организмнен шығарылуын төмендетуі мүмкін.

Айрықша нұсқаулар

Қолданар алдында қан плазмасындағы электролиттер деңгейін анықтау және бүйрек қызметін тексеру қажет.

Бүйрек өзекшелерінің ацидозына күдіктенген жағдайда қышқыл-негізді жағдайды (ҚНЖ) тексерген жөн.

Несеп қышқылы тастарын еріткенде емдік дозаны арттырмаған жөн, өйткені несептің сілтілік реакциясында (pH 7,0-ден жоғары) несеп қышқыл тастарындағы фосфатты тұздар шөгеді, бұл олардың әрі қарай еруіне кедергі жасайды.

Жүрек қызметінің жеткіліксіздігі бар науқастарға тағайындаған кезде Блемареннің бір таблеткасында 9,7 ммоль-ге жуық (380 мг) калий бар екендігін ескеру қажет. Блемаренді ас тұзы шектелген диетадағы емделушілерге, мысалы, артериялық гипертензияда, жүрек пен бүйрек ауруларында препараттың бір таблеткасында 9,7 ммольге жуық (220 мг) натрий бар екендігін ескеру қажет.

Блемаренді бауыр қызметінің ауыр бұзылулары бар науқастарға қолданғанда сақ болу қажет.

Организмде калийдің іркілуімен қатарласа жүрмейтін, бүйрек қызметінің компенсацияланған түрдегі жеткіліксіздігі бар науқастарда дозалау режимін түзетудің қажеті жоқ.

Блемареннің құрамында көмірсулардың жоқ болуына байланысты, оны қант диабеті бар науқастарға тағайындауға болады (көпіршитін 1 таблеткада 0,02 НБ бар).

Блемаренмен емдеу кезінде құрамы ақуыздарға және пуринді негіздерге бай өнімдерді шектеген жөн, сондай-ақ пайдаланылатын сұйықтықтың мол мөлшерін (жүрек пен бүйрек қызметінің жағдайын ескере отырып, кем дегенде 2-3 л) қамтамасыз ету керек.

Препараттың құрамына лактоза моногидраты кіреді. Осыған байланысты тұқым қуалайтын галактоза жақпаушылығы, Лапп лактаза тапшылығы, глюкоза/галактоза мальабсорбциясы бар науқастарға тағайындауға болмайды.

Жүктілік және лактация кезеңі

Жүктілік және лактация кезеңінде Блемаренді қолданудың қауіпсіздігі жөнінде деректер жоқ, осыған байланысты препаратты осы кезеңде қолдануға болмайды.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Ықпалын тигізбейді.

Артық дозалануы

Симптомдары: бүйрек қызметі қалыпты болғанда метаболизмдік параметрлерге жағымсыз әсері ұсынылған дозадан тіпті көп артық дозаларда қабылдағаннан кейін де болмайды (негіздердің бүйректер арқылы шығарылуы салдарынан организмде ҚНЖ демеуші табиғи реттеуші механизм іске қосылады).

Несептегі рН-тың ұсынылған диапазоннан астамға жоғарылауы бірнеше күннен аспауы тиіс, өйткені рН жоғары деңгейде болғанда фосфаттардың кристалдану қаупі жоарылайды және метаболизмдік алкалоз жағдайы пайда болуы мүмкін, ол кез келген жағдайда жағымды емес.

Емдеу: артық дозалануды дозаны төмендету арқылы басады; қажет болғанда метаболизмдік алкалозды түзетеді.

Шығарылу түрі және қаптамасы

Полипропилен түбекте 20 таблеткадан. Жиынтығында бақылайтын күнтізбесі, индикатор қағазы бар 4 түбек медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Дәріханадан босатылу шарттары

Рецептісіз

Өндіруші

Альфамед Фарбиль Арцнаймиттель ГмбХ, Германия

Тіркеу куәлігінің иесі

Эспарма ГмбХ, Зеепарк 7, 39116 Магдебург, Германия

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

Фарма Гарант ГмбХ компаниясының өкілдігі, Алматы қ-сы, Жібек Жолы к-сі, 64, 305 кеңсе, тел/факс: (727) 273-62-78,

email: pharmagarant.kaz@mail.ru