Бетоптик* С

• русский
• қазақша

• Скачать инструкцию медикамента

Саудалық атауы

Бетоптик* С

Халықаралық патенттелмеген атауы

Бетаксолол

Дәрілік түрі

Көз тамшы дәрісі, суспензия, 5 мл

Құрамы

1 мл препараттың құрамында

белсенді зат – 2,8 мг бетаксолол гидрохлориді (2,5 мг бетаксололға баламалы),

қосымша заттар: полистирендивинилбензенсульфон қышқылы (Амберлит IRP-69), карбомер 974Р, бор қышқылы, маннитол, динатрий эдетаты, бензалконий хлориді, N-лауроилсаркозин, рН түзету үшін хлорсутек қышқылы және/немесе натрий гидроксиді, тазартылған су.

Сипаттамасы

Ақ немесе ақ дерлік түсті суспензия

Фармакотерапиялық тобы

Глаукомаға қарсы препараттар және миотиктер. Бета-адреноблокаторлар.

Бетаксолол

АТХ коды S01ED02

Фармакологиялық қасиеттері

Фармакокинетикасы

Препарат жергiлiктi қолдануға арналғандығына және iс жүзiнде сіңірілмейтіндігіне қарамастан, жүйелiк қан ағымына оның түсу мүмкiндiгін және жүйелiк әсерінің ықтималдығын шектеуге болмайды.

Бетаксололдың жартылай шығарылу кезеңі 16-22 сағатты құрайды. Бетаксолол түгелдей дерлiк белсендi емес субстанцияларға дейiн метаболизденеді және несеппен шығарылады.

Фармакодинамикасы

Кардиоселективті (β1) – адреноблокатор, әлсiз жарғақша тұрақтандырғыш (жергiлiктi жансыздандырғыш) белсендiлiгіне ие.

Бетоптик* С жергiлiктi қолдану кезінде көзiшiлік сұйықтық өнiмінiң азаюы есебiнен жоғары және қалыпты көзiшiлік қысымды (КІҚ) төмендетеді. Әдетте тамызғаннан кейiн 30 минуттан кейін әсері басталады, ал ең жоғары төмендеуіне шамамен 2 сағаттан соң жетедi. Бiр реттік тамызу 12 сағат бойы КІҚ-ның төмендеуiн қамтамасыз етедi. Бетоптик* С көру жүйкесінде қан ағымының нашарлауын тудырмайды, ал керiсiнше сақтайды немесе тiптi оны жақсартады, соның салдарынан ол көру аумағын сақтау қабiлеттiлiгiне ие болады, сондай-ақ көздiң қанмен жабдықталуын жақсартып, демейді.

Препараттың бiраз мөлшерін көзге(дерге) тамызу бәрібір жүйелiк қан ағымына түскеніне қарамастан, офтальмологиялық дозалармен тіндерде препараттың фармакологиялық белсендi деңгейi түзілмейді және жүректiң β-1 рецепторларына қатысты оның селективтігі арқасында тыныс алу және жүрек-қантамыр жүйесі қызметіне (жүрек ырғағына, қан қысымына) әсер етпейдi. Бiрақ жүйелiк қолдану кезінде β–адреноблокаторлар сау адамдарда және жүрек-қантамыр жүйесі патологиясы бар науқастарда жүрек лықсытуын төмендетедi.

Қолданылуы

Бетоптик* С монотерапияда да, басқа препараттармен біріктіріп те мынадай кезде қолдануға болады:

- жоғары көзiшiлік қысымда

- созылмалы ашық бұрышты глаукомада

Қолдану тәсілі және дозалары

Қолданар алдында құтыны сілку керек!

Бетоптик* С препаратын зақымданған көзге(дерге) күніне 2 рет 1-2 тамшыдан. Кейбір емделушілерде көзiшiлік қысымды тұрақтандыру бірнеше апта ішінде өтеді. Мұндай жағдайда емделушіні мұқият бақылау ұсынылады.

Егер берілген дозалау режимі емделушінің көзiшiлік қысымын барабар бақылауға әкелмесе, басқа глаукомаға қарсы дәрілермен бірлескен емін қолдануға болады.

Құтының ішіндегісін ластап алудан аулақ болу үшін көзге немесе басқа беткейге тамшуырдың ұшын тигізуге болмайды.

Пайдаланғаннан кейін құтыны тығыз жабу керек.

Бірден астам жергілікті офтальмологиялық дәріні қолданған кезде препараттарды кемінде 5 минут аралықпен қолдану ұсынылады.

Көз жақпамайы соңғы кезекте қолданылады.

Жағымсыз әсерлері

Жергілікті

Өте жиі

• көздегі жайсыздық

Жиі

• анық көрмеу

• жас ағуының артуы

• көзде бөгде денені сезіну

Жиі емес

• нүктелі кератит, кератит

• конъюнктивит, конъюнктива тарапынан бұзылулар, конъюнктива ісінуі

• блефарит, блефароспазм

• көру жітілігінің төмендеуі, көрудің бұзылуы

• жарықтан қорқу

• көздің ауыруы, көздің құрғауы, көздің қышынуы

• астенопия

• қабақ айналасының қабыршақтануы

• көздің қабынуы, көздің тітіркенуі, көз гиперемиясы

Сирек

• катаракта

• көз нашарлауы

Жүйелі

Жиі

• бас ауыруы

Жиі емес

• брадикардия, тахикардия

• демікпе, диспное, тыныс алудың бұзылуы

• жүрек айнуы

• ринит

• дерматит, бөртпе, есекжем, уытты эпидермальді некролиз

• жоғары сезімталдық

Сирек

• атриовентрикулярлы блокада, жүрек өткізгіштігінің бұзылуы

• естен тану, бас айналуы, енжарлық, миастения гравис, иіс сезудің бұзылуы

• дәмнің бұрмалануы, глоссит (тілдің қабынуы)

• жөтел, ринорея, бронх түйілуі, бронх бөліністерінің тұтқырлығының артуы

• гипотензия, үрей, либидоның төмендеуі, депрессия

Келесі жағымсыз реакциялардың пайда болуы жиілігін қолда бар деректердің жеткіліксіздігіне байланысты бағалау мүмкін емес:

Жергілікті: қабақ эритемасы

Жүйелі: аритмия, бас аналуы, астения, ұйқысыздық

Қолдануға болмайтын жағдайлар

• препараттың кез келген компонентіне жоғары сезімталдық

• синусты брадикардия

• ІІ және ІІІ дәрежелі атриовентрикулярлы блокада

• кардиогенді шок

• жүрек қызметінің айқын жеткіліксіздігі

• мөлдір қабық дистрофиясы

• құрғақ кератиттер

Дәрілермен өзара әрекеттесуі

Жергілікті бета-адреноблокаторлармен бірге катехоламин-азайтқыш препараттарын (мысалы, резерпинді), антиаритмиялық (амиодаронды қоса), дигиталис гликозидтерін немесе адренергиялық психотроптық дәрілерді қабылдайтын емделушіде гипотензияға және/немесе айқын брадикардияға әкелетін аддитивті әсері білінуі мүмкін.

Сондай-ақ Бетоптик* С ішке қабылданатын бета-адреноблокаторлармен бірлесе қолданған жағдайда көзiшiлік қысымның қосымша төмендеуі мүмкін.

Бета-адреноблокаторлар анафилактикалық реакцияларды емдеу үшін қолданылатын адреналинге реакцияны төмендетуі мүмкін. Сыртартқысында атопия немесе анафилаксиясы бар емделушіні емдеу кезінде айрықша сақ болу керек.

Айрықша нұсқаулар

Анафилактикалық реакциялар

Сыртартқысында атопия немесе айқын анафилактикалық реакциясы бар емделушілерге бета-блокаторларды қолдану кезінде аллергендердің қайталанған әсерлері кезінде жоғары сезімталдық реакциясы одан да айқын сипатқа ие болуы мүмкін, сонымен бірге анафилактикалық реакцияларды емдеу үшін пайдаланылатын адреналиннің кәдімгі дозалары жеткіліксіз болуы мүмкін.

Жүрек-қантамыр аурулары

Басқа жергілікті қолданылатын офтальмологиялық дәрілер секілді, бетаксолол жүйелі сіңіріледі. Бетаксололдың бета-адренергиялық компонентінің болуы салдарынан жүйелі бета-адреноблокаторларды пайдаланған кезде байқалатын жүрек-қантамыр, өкпе және басқа жағымсыз реакциялар білінуі мүмкін.

Бетоптик* С жүрек ырғағының жиілігіне және қан қысымына болмашы әсері бар екендігіне қарамастан, жүрек-қантамыр аурулары бар (мысалы, ишемиялық аурумен, Принцметал стенокардиясымен және жүрек жеткіліксіздігімен), гипотензиясы бар емделушілерді бета-адреноблокаторлармен емдеуді мұқият бақылау және басқа дәрілермен емдеу мүмкіндігін қарастыру керек. Ауру жағдайының нашарлау немесе жағымсыз реакциялардың біліну мәніне жүрек-қантамыр ауруларымен емделушілерді мұқият бақылау қажет. Жүрек жеткіліксіздігінің бірінші белгілері бар болған кезде Бетоптик* С препаратымен емдеуді тоқтату керек.

Шеткергі айналымның айқын бұзылыстары бар (мысалы, Рейно ауруының айқын формаларымен немесе Рейно синдромымен) емделушілерді емдеуді сақтықпен жүргізу қажет.

Қант диабеті

β–адреноблокаторлар жедел гипогликемия симптомдарын бүркемелеуі мүмкін болғандықтан, өздігінен гипогликемияға бейім емделушілерге немесе лабильді диабетпен емделушілерге Бетоптик* С сақтықпен тағайындау керек.

Гипертиреоз

β–адреноблокаторлар гипертиреоидизмнің кейбір симптомдарын (мысалы, тахикардияны) бүркемелеуі мүмкін. Дамитын тиреотоксикозға күдіктенген емделушілер айрықша назарды талап етеді, β–адреноблокаторларды күрт тоқтатуға болмайды, себебі бұл тиреоуытты кризді туындатуы мүмкін.

Хирургия

Жалпы анестезияның алдында β–адреноблокаторларды бірізді тоқтату бойынша шараларды қолдану керек, себебі β–адреноблокаторлар β–адреноблокаторлармен индукцияланған әсерге жауап беретін жүрек қабілетін төмендетеді.

Тыныс алу жүйесі

Демікпе симптомдарымен немесе бронх түйілуінің даму қаупі себебі бойынша өкпенің абструкциялық ауруы бар емделушілерді емдеу кезінде сақ болу қажет. Сыртқы тыныс алу жүйесіне бетаксололдың әсерінің болмауына қарамастан, препаратқа жоғары сезімталдық мүмкіндігін шектеуге болмайды, соның салдарынан тыныс алу жүйесі функциясы төмен науқастарға бета-блокаторларды тағайындау кезінде сақ болу керек.

Жергілікті

Жабық бұрышты глаукомасы бар емделушілерді Бетоптик* С препаратымен емдеу кезінде ем монотерапия ретінде емес, миотиктермен біріктіріліп жүргізілуі керек. Жабық бұрышты глаукомасы бар емделушілерде шұғыл емдеу мақсатында миотикпен қарашықты қысу жолымен бұрышты ашу болып табылады. Бетоптик* С көз қарашығына әсер етпейді немесе болмашы әсер етеді.

Жүктілік және лактация кезеңі

Бетоптик* С жүкті әйелдерге, егер оны қолданудан күтiлетін пайда ұрық үшiн әлеуетті қауіптен едәуiр асатын болса, тағайындау керек.

Бетоптик* С емшек емізу уақытында қолдануға болады.

Жанаспалы линзалар

Бетоптик* С құрамында бензалконий хлориді бар, ол көздің тітіркенуін туғызуы және жұмсақ жанаспалы линзалардың түссізденуінің себебі болуы мүмкін. Жұмсақ жанаспалы линзалармен жанасуды болдырмау керек. Бетоптик* С препаратын қолданар алдында жанаспалы линзаларды алып тастап, линзаларды тағар алдында 15 минут күту ұсынылады.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Тамызғаннан кейін көрудiң уақытша анық еместігi немесе көзбен шолудың басқа да мазасыздықтары болуы мүмкiн, бұл автомобильді немесе басқа әлеуетті қауіпті механизмдерді басқару қабілетіне кері әсер етуі мүмкін. Мұндай жағдайда көру қалпына келгенге дейін аздап күте тұру қажет.

Артық дозалануы

Көзге жергілікті қолданған кезде артық дозалану ықтималдығы аз.

Емі: препаратты жергілікті қолданған кезде артық дозалану жағдайында жылы судың көп мөлшерімен көздерді жуу керек.

Препаратты кездейсоқ ішке қабылдаған кезде бета-блокаторлармен артық дозалану симптомдары келесілерді қамтиды: гипотензия, брадикардия, жедел жүрек жеткіліксіздігі және бронх түйілуі.

Емі: препаратты кездейсоқ ішке қабылдаған кезде ем симптоматикалық және демейтін болуы керек.

Шығарылу түрі және қаптамасы

5 мл препараттан бұралып жабылатын полипропиленнен жасалған ақ қалпақшасы және Droptainer™ тамшылатқыш-дозаторы бар тығыздығы төмен жартылай мөлдір полиэтиленнен жасалған құтыда.

Әрбір құты медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құтыны картон қаптамада сақтау керек.

8оС-ден 30оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Құтыны ашқаннан кейінгі қолданылу кезеңі – 4 апта.

Дәріханалардан босатылу шарттары

Рецепт арқылы

 

Өндіруші

с. а. Алкон-Куврер н.в., B-2870 Пуурс, Бельгия

Тіркеу куәлігінің иесі

с. а. Алкон-Куврер н.в., Бельгия

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

«Алкон Фармасьютикалc, Лтд.» өкілдігі

Тел.: +7 727 374 35 79 / +7 727 374 35 86; Факс: +7 727 374 35 81

Электронды поштасы: phv.hotline@alcon.com