Бензилпенициллина натриевая соль
Инструкция
-
русский
-
қазақша
Саудалық атауы
Бензилпенициллин натрий тұзы
Халықаралық патенттелмеген атауы
Бензилпенициллин
Дәрілік түрі
Бұлшықет ішіне енгізу үшін ерітінді дайындауға арналған 1000000 ӘБ ұнтақ
Құрамы
Бір құтының ішінде
белсенді зат - бензилпенициллин натрий тұзы - 1000000 ӘБ
Сипаттамасы
Ақ ұнтақ
Фармакотерапиялық тобы
Жүйелік пайдалануға арналған бактерияға қарсы препараттар. Сезімтал пенициллиназа пенициллиндері. Бензилпенициллин
АТХ коды J01CE01
Фармакологиялық қасиеттері
Фармакокинетикасы
Бұлшықет ішіне енгізген кезде қан плазмасындағы ең жоғарғы концентрациясына 20-30 минуттан кейін жетеді. Препараттың жартылай шығарылу кезеңі 30-60 минутты құрайды, бүйрек жеткіліксіздігінде 4-10 сағат және одан көп. Плазма ақуыздарымен байланысуы – 60 %. Ликвор, көз тіндері және простатадан басқа ағзаларға, тіндерге және биологиялық сұйықтықтарға өтеді. Менингеальді қабықтардың қабынуы кезінде гематоэнцефалдық бөгет арқылы өтеді. Плацента арқылы өтеді және емшек сүтіне енеді. Бүйрекпен өзгермеген күйде шығарылады.
Фармакодинамикасы
Биосинтетикалық («табиғи») пенициллиндер тобындағы бактерицидті антибиотик. Микроорганизмдердің жасушалық қабрғасының синтезін тежейді. Грамоң қоздырғыштар: стафилококктар (пенициллиназаны түземейтін), стрептококктар, пневмококктар, дифтерияның коринебактерияларына, анаэробты спора түзеуші таяқшалар, сібір ойық жарасының таяқшаларына, Actinomyces spp. қатысты; грамтеріс микроорганизмдер: кокктар (Neisseria gonorrhoeae, Neisseria meningitidis), сондай-ақ спирохеталарға қатысты белсенді.
Көптеген грамтеріс бактерияларға (соның ішінде Pseudomonas aeruginosa), Rickettsia spp., қарапайымдыларға қатысты белсенді емес. Препараттың әсеріне пенициллиназаны өндіретін Staphylococcus spp. төзімді.
Қолданылуы
- крупозды және ошақтық пневмония, плевра эмпиемасы, бронхит
- сепсис, сепсистік эндокардит (жедел және жедел алды)
- перитонит
- менингит
- остеомиелит
- пиелонефрит, пиелит, цистит, уретрит, соз, бленнорея, мерез, цервицит
- холангит, холецистит
- жарақаттық инфекция
- тілме, импетиго, салдарлы жұқпа жұқтырған дерматоздар
- дифтерия
- жәншау
- сібір ойық жарасы
- актиномикоз
- гайморит, отит
- іріңді конъюнктивит
Қолдану тәсілі және дозалары
Бензилпенициллин натрий тұзын тек қана бұлшықет ішіне енгізеді.
Аурудың орташа ауыр ағымында бұлшықет ішіне енгізген кезде бірреттік дозалар (жоғары және төмен тыныс жолдарының, несеп және өт шығаратын жолдың инфекциялары, жұмсақ тіндер инфекциясы және т.б.) тәулігіне 4-6 реттен 250000-500000 ӘБ құрайды. Инфекцияның ауыр ағымында (сепсис, сепсистік эндокардит, менингит және т.б.) тәулігіне 10-20 млн. ӘБ; газды гангренада – 40-60 млн. дейін ӘБ.
2 жасқа дейінгі балаларда препаратты сақтықпен қолданған жөн. 1 жасқа дейінгі балалар үшін тәуліктік доза – 50000-100000 ӘБ/кг, 1 жастан асқан балаларға – 50000 ӘБ/кг; қажет болған жағдайда – 200000-300000 ӘБ/кг, өмірлік көрсеткіштер бойынша – 500000 ӘБ/кг дейін арттырылады. Енгізу жиілігі – тәулігіне 4-6 рет.
Менингит кезінде нейроуыттылықтың дамуына жол бермеу үшін тәуліктік доза ересектер үшін 20000000-30000000 ӘБ және балалар үшін 12000000 ӘБ аспауы тиіс.
Емдеу басталғаннан кейін 3 күн ішінде әсер болмаған жағдайда, емдеуді қайта қарастыру қажет.
Бұлшықет ішіне енгізуге арналған препарат ерітіндісін енгізер алдында құтының ішіндегісіне 1-3 мл инъекцияға арналған суды, натрий хлоридінің 0,9 % ерітіндісін немесе прокаинның (новокаинның) 0,5 % ерітіндісін қоса отырып дайындайды. Прокаин ерітіндісінде бензилпенициллинді еріткен кезде бензилпенициллин прокаин кристаллдарының пайда болуы салдарынан ерітіндінің күңгірттенуі байқалуы мүмкін, бұл препаратты бұлшықет ішіне енгізу үшін кедергі болып табылмайды. Алынған ерітіндіні бұлшықетке терең енгізеді. Емдеу ұзақтығы аурудың ауырлығына байланысты – 7-ден 10 күнге дейін.
Бүйрек жеткіліксіздігі бар пациенттерде қолданылуы
Ауырлығы орташа инфекцияларды емдеу кезінде қолданылатын дозалар үшін енгізулер арасындағы аралық 8-10 сағатқа дейін ұзартылуы тиіс.
Егде жастағы пациенттер
Егде жастағы пациенттерде препараттың шығарылуы баяулауы мүмкін, нәтижесінде, дозаны төмендету қажет болуы мүмкін.
Жағымсыз әсерлері
- миокардтың сорғылық функциясының бұзылуы, аритмия, жүректің тоқтауы, созылмалы жүрек жеткіліксіздігі (себебі жоғары дозаларды енгізген кезде гипернатриемия пайда болуы мүмкін)
- жүрек айну, құсу, стоматит, глоссит, бауыр функциясының бұзылуы
- бүйрек функциясының бұзылуы, альбуминурия, гематурия, олигурияның дамуы мүмкін
- Яриша-Герксхаймер реакциясы
- анемия, лейкопения, тромбоцитопения, эозинофилия
- рефлекторлық қозудың артуы, менингеальді симптомдар, құрысулар, кома
- аллергиялық реакциялар: гипертермия, есекжем, тері бөртпесі, қызба, қалтырау, қатты терлеу, шырышты қабықтардағы бөртпе, артралгия, эозинофилия, ангионевроздық ісіну, мультиформалы эритема және эксфолиативті дерматит, интерстициальді нефрит, бронх түйілуі, анафилаксиялық шок
- жергілікті реакциялар: бұлшықет ішіне енгізу орнындағы ауыру және тығыздалуы
- дисбактериоз, асқын инфекцияның дамуы (ұзақ қолданғанда)
Қолдануға болмайтын жағдайлар
- пенициллинге және басқа ß-лактамдық антибиотиктерге, новокаинге (прокаинге) жоғары сезімталдық
- эпилепсия кезінде эндолюмбалды енгізу
Сақтықпен
- жүктілік, аллергиялық аурулар (бронх демікпесі, поллиноз)
- бүйрек жеткіліксіздігі, 2 жасқа дейінгі балалар.
Дәрілермен өзара әрекеттесуі
Антацидтер, глюкозамин, іш жүргізетін дәрілер, аминогикозидтер бензилпенициллин натрий тұзының сіңірілуін баяулатады және төмендетеді. Аскорбин қышқылымен бірге қолданған кезде Бензилпенициллин натрий тұзының сіңірілуін арттырады.
Бактерицидті антибиотиктер (соның ішінде цефалоспориндер, ванкомицин, рифампицин, аминогликозидтер) синергиялық әсер; бактериостатикалық (соның ішінде макролидтер, хлорамфеникол, линкозамидтер, тетрациклиндер) – антагонистік әсер етеді. Бензилпенициллин натрий тұзы тікелей емес антикоагулянттардың тиімділігін арттырады (ішек микрофлорасын баса отырып, протромбиндік индексті төмендетеді); пероральді контрацевтивтердің, дәрілік заттардың тиімділігін төмендетеді, олардың метаболизмі үдерісінде парааминобейзой қышқылы, этинилэстрадиол – «лақылдап» қан кетудің даму қаупі пайда болады. Бензилпенициллин натрийді бір уақытта енгізген кезде оральді контрацептивтердің тиімділігі төмендеуі мүмкін, бұл қалаусыз жүктілікке әкелуі мүмкін. Оральді контрацептивтерді қабылдайтын әйелдер бұл туралы хабардар болуы тиіс.
Диуретиктер, аллопуринол, өзекшелік секреция блокаторлары, фенилбутазон, қабынуға қарсы стероидты емес препараттар өзекшелік секрецияны төмендете отырып, бензилпенициллин натрий тұзының концентрациясын арттырады.
Аллопуринол аллергиялық реакциялардың даму қаупін арттырады (тері бөртпесі).
Бензилпенициллин метотрексаттың клиренсін төмендетеді және уыттылығын арттырады.
Айрықша нұсқаулар
Аллергиялық реакциялар дамыған жағдайда бензилпенициллинмен емдеуді дереу тоқтату қажет.
Кардиопатия, гиповолемия (айналыстағы қан көлемінің азаюы), эпилепсия, нефропатия және бауыр патологиясы бар науқастарды емдеу кезінде сақ болу қажет. Симптомдары бар пациенттерде жалғанжарғақшалы колиттің дамуы мүмкін, бензилпенициллинді қабылдау кезінде немесе одан кейін ауыр және тұрақты іш өтуін дамытады. Бес күннен аса мерзімге жоғары дозада тағайындаған кезде электролиттік теңгерімді, бүйрек, бауыр функциясын зерттеу және гематологиялық талдаулар жасау ұсынылған.
Препарат ерітіндісін тура енгізер алдында дайындайды. Егер препаратты қабылдауды бастағаннан кейін 2-3 күннен кейін (ең көбі 5 күн) әсері байқалмаса, басқа антибиотиктерді немесе біріктірілген емді қолдануға ауысқан жөн. Зеңді зақымданулардың даму мүмкіндігіне байланысты бензилпенициллинмен ұзақ емдеу кезінде В тобының витаминдерін, ал қажет болған жағдайда – зеңге қарсы препараттарды тағайындау мақсатқа сай. Препараттың жеткіліксіз дозасын қолдану немесе емдеуді өте ерте тоқтату қоздырушылардың резистентті штаммдарының пайда болуына әкелуі мүмкін екендігін ескерген жөн. Бұлшықет ішіндегі қордан баяу сіңірілуі қант диабетімен ауыратын науқастарда пайда болуы мүмкін.
Бензилпенициллинді қабылдау кезінде немесе одан кейін ауыр және тұрақты іш өту симптомдары бар пациенттерде жалғанжарғақшалы колит болуын тексеру қажет.
Жүктілік және лактация
Препарат жүктілік кезінде ана үшін күтілетін пайда шарана үшін төнетін қауіптен жоғары болса ғана қолданылуы мүмкін. Препаратты лактация кезеңінде тағайындау қажеттілігі болса, онда емшек емізуді тоқтату қажет.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты енгізу кезінде зейін қоюды және психомоторлық реакциялар жылдамдығын қажет ететін көлік құралдарын, механизмдерді және басқа қауіптілігі зор қызмет түрлерін орындау кезінде сақ болған жөн.
Артық дозалануы
Симптомдары: жағымсыз әсерлердің және орталық жүйке жүйесіне уытты әсер белгілерінің күшеюі мүмкін (құрысулар, бас ауруы, миалгия, артралгия).
Емі: симптоматикалық.
Шығарылу түрі және қаптамасы
Бұлшықет ішіне енгізуге арналған ерітіндіні дайындауға арналған ұнтақ 1000000 ӘБ.
1000000 ӘБ белсенді заттан сыйымдылығы 10 мл, алюминий қақпақшалармен немесе пластмасса қақпағы бар біріктірілген алюминий қалпақшалармен қаусырылған резеңке тығындармен герметикалық тығындалған құтыларда. Пластмасса қақпаққа қысыммен құю әдісімен орындалған кәсіпорынның тауарлық белгісі жазылған.
Әр құтыға өздігінен жабысатын заттаңбаны немесе мөлдір полимерлі үлбірден жасалған заттаңбаны жабыстырады.
50 құты 5 медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа (стационарлар үшін) салынады.
Сақтау шарттары
Құрғақ жерде, 15 °C-ден 25 °C-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды!
Дәріханалардан босатылу шарттары
Рецепт арқылы
Өндіруші/Қаптаушы
«Синтез» ААҚ
640008, Ресей Федерациясы, Қорған қ-сы, Конституция д-лы, 7
Тел./факс (3522) 48-16-89
E-mail: real@kurgansintez.ru
Интернет-сайт: www.kurgansintez.ru
Тіркеу куәлігін ұстаушы
«Синтез» ААҚ, Ресей Федерациясы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Deсalog» ЖШС, 050050, Қазақстан Республикасы,
Алматы қ-сы, Глазунов к-сі, 41 А-1
тел. 2944221, тел. 8 7017315218
E-mail: deсalog@nur.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Deсalog» ЖШС, 050050, Қазақстан Республикасы,
Алматы қ-сы, Глазунов к-сі, 41 А-1
тел. 2944221, тел. 8 7017315218
E-mail: deсalog@nur.kz