Банеоцин®

Банеоцин®

Жоқ

Сыртқа қолдануға арналған ұнтақ, 250 ХБ + 5000 ХБ/1 г

1 г ұнтақтың құрамында

белсенді заттар: бацитрацин мырышы 0.0041667 г (250 ХБ сәйкес) + 10% 0.0004166 г артық, неомицин сульфаты 0.0074626 г (5000 ХБ сәйкес) + 10% 0.0007462 г артық.

қосымша зат: ұнтақ негізі 0.9872079 г.

Ұсақ дисперсті ақтан сары түске дейінгі ұнтақ.

Тері ауруларын емдеуге арналған бактерияға қарсы препараттар және микробқа қарсы препараттар. Жергілікті қолдануға арналған басқа да бактерияға қарсы препараттар.

АТХ коды D06AX

Фармакокинетикасы

Банеоцин қолданған орнында жергілікті әсер етеді. Егер, дегенмен, сіңірілу болса, неомициннің немесе бацитрациннің сарысудан жартылай шығарылу кезеңі шамамен 2-3 сағатты құрайды.

Банеоцин препаратының жекелеген белсенді заттары үшін келесі жалпы фармакокинетикалық ерекшеліктерді ескеру қажет:

Бацитрацин шырышты қабықпен және зақымдалмаған терімен дерлік сіңірілмейді, алайда, ашық жаралар болса сіңіріледі.

Неомицин зақымдалмаған терімен тек қана шектелген деңгейде сіңіріледі. Неомицин кератиндік қабатты (ойық жаралар, жарақаттар, күю және т.б.) жоғалтқан кезде, сондай-ақ қабынған немесе зақымданған тері жағдайында жылдам сіңіріледі.

Фармакодинамикасы

Банеоцин тек қана жергілікті (сыртқа) қолдануға арналған біріктірілген бактерияға қарсы препарат болып табылады. Банеоцин екі бактерияға қарсы заттар (бактерицидтік әсерге иеленген) – неомицин және бацитрациннен тұрады.

Жергілікті қолданғанда тиімді.

Осы екі бактерияға қарсы заттардың біріктірілімін пайдаланудың арқасында препарат әрекетінің кең ауқымына қол жеткізіледі.

Бацитрацин бірінші кезекте гемолитикалық стрептококктар, стафилококктар, клостридиялар, дифтериялық таяқша және солғын трепонема сияқты грамоң микроорганизмдерге және Нейссерия және гемофильді таяқша сияқты кейбір грамтеріс патогендік микроорганизмдерге қатысты белсенді. Банеоцин сондай-ақ актиномицеттер және фузобактерияларына қатысты белсенді. Бацитрацинге төзімділік өте сирек дамиды.

Неомицин Staphylococcus, Proteus, Enterobacter aerogenes, Klebsiella pneumoniae, Salmonella, shigella, Haemophilus influenzae, Pasteurella, Neisseria meningitidis, Vibrio cholerae, Bordetella pertussis, Bacillus anthracis, Corynebacterium diphtheriae, Streptococcus faecalis, Listeria monocytogenes, Escherichia coli, Mycobacterium tuberculosis сияқты грамоң және грамтеріс патогендік микроорганизмдерге қатысты тиімді.

Сондай-ақ Borrelia, Leptospira interrogans (L. icterohaemorrhagicae) қатысты тиімді.

Көкіріңді таяқша, нокардиялар, зеңдер және вирустар қамтылмаған. Банеоцинді жақсы көтереді. Тіндік көтерушілік жақсы деп бағаланады; сондай-ақ секреция, қан немесе тін элементтерімен белсенділігі жойылмайды.

Тері беткейлерінің тұтастығының кең бұзылуларында Банеоцин препаратының сіңірілу мүмкіндігін және оның мүмкін болатын салдарларын ескеру қажет.

Банеоцин неомицин және/немесе бацитрацинге сезімтал микроорганизмдер тудырған инфекциялар кезінде тиімді:

- таратылуы шектеулі терінің бактериялық инфекциялары, соның ішінде Herpes simplex және Herpes zoster туындаған вирустық инфекциялардың бактериялық асқынулары, желшешек везикулалары, суланатын контагиозды импетиго, аяқтың жұқпа жұққан трофикалық ойық жаралар, жұқпа жұққан варикоздық ойық жаралар, экзема кезіндегі екіншілік инфекциялар, күю кезіндегі инфекцияларда

- хирургиялық (дерматологиялық) емшаралардан кейінгі инфециялардың профилактикасы

- жұқпа жұққан жарақаттарды (мысалы, сыртқы отит, хирургиялық тігістерге қайта жұқпа жұққан кезде) емдеу кезінде қосалқы ем ретінде

Банеоцин операциядан кейінгі кезеңде (тілуден және каутеризациядан кейін, терідегі жарылуларды, суланатын жарақатты және тыртықты емдеу) қосымша ем үшін қолданылады.

Қолдану тәсілі мен дозалары

Банеоцин тек қана жергілікті (сыртқа) қолдануға арналған.

Банеоцинді жұқа етіп зақымданған бөліктерге жағады, таңғышты пайдалануға болады.

Ересектер және 12 жастан асқан балалар: Банеоцинді тәулігіне екіден төрт ретке дейін қолданады.

Тері беткейінің 20% астамын алатын күйіктері бар пациенттерде Банеоцинді тәулігіне бір реттен жиірек қолдану керек, әсіресе бүйрек функциясы төмендеген жағдайда, себебі белсенді заттардың сіңірілуі мүмкін.

Жергілікті қолданған кезде неомициннің дозасы тәулігіне 1 г (препараттың 200 г сәйкес келеді) 7 тәуліктен аспауы тиіс. Қайта емдеу курсы кезінде ең жоғарғы дозасы екі есе азайтылуы тиіс.

Банеоцинді көзге жағуға болмайды.

Ұзақ уақыт қолданған кезде аллергиялық реакциялар, мысалы, қызару, терінің құрғауы мен түлеуі, бөртпе және қышыну пайда болуы мүмкін.

Сау терімен салыстырғанда, сенсибилизацияны, әдетте, неомицинді қоса, созылмалы дерматоздарды (мысалы, тұрып қалған дерматоз немесе созылмалы орташа отит) емдеу үшін пайдаланған кезде түрлі заттармен демеліп тұрады. Жазылу әсерінің болмауы аллергиялық реакциялардың көріністері болуы мүмкін. Аллергиялық реакциялар жанаспалы экзема түрі бойынша өтеді және сирек байқалады. Неомицинге аллергия шамамен 50% жағдайда басқа аминогликозидтік антибиотиктерге айқаспалы аллергиямен байланысты.

Тері беткейлері тұтастығының ауқымды бұзылулары бар пациенттерде Банеоцин препаратының сіңірілуі мүмкін және вестибулярлық және кохлеарлық аппараттардың зақымдалуы, естудің бұзылуы, нефроуытты әсер және нейробұлшықеттік блокада түріндегі жағымсыз әсерлер ретінде байқалады.

- бацитрацинге және/немесе неомицинге немесе басқа аминогликозидтік антибиотиктерге, қосымша заттарға жоғары сезімталдық

- тері бөліктерінің ауқымды зақымдануы (себебі сіңірілуі естімей қалумен қатар жүретін отоуытты әсердің дамуын тудыруы мүмкін)

- пациенттерде жүрек немесе бүйрек жеткіліксіздігі салдарынан шығару функцияларының айқын бұзылулары және егер бацитрациннің және/немесе неомициннің белсенді заттарының сіңірілуі мүмкін болған жағдайларда вестибулярлық және кохлеарлық жүйелердің бар зақымдануы

- дабыл жарғағының тесілуі кезінде сыртқы есту жолына пайдалануға болмайды

Банеоцинді көз ауруларын емдеу үшін қолданбайды.

Жүйелік сіңірілуі кезінде цефалоспориндерді немесе аминогликозидтік қатардың басқа антибиотиктерін бірге тағайындау нефоуытты реакцияның ықтималдығын арттыруы мүмкін.

Этакрин қышқылы немесе фуросемид сияқты диуретиктерді бір уақытта пайдалану сондай-ақ ото- және нефроуытты әсерді тудыруы мүмкін.

Банеоцин препаратының сіңірілуі есірткіні, анестетиктерді және миорелаксанттарды қабылдайтын пациенттерде нейробұлшықеттік блокада құбылыстарын күшейтуі мүмкін.

Банеоцин препаратының ауызға түсуіне, әсіресе балаларда жол беруге болмайды.

Осы дәрілік түрдегі Банеоцин препаратын 12 жасқа дейінгі балаларда қолдану қауіпсіздігі туралы деректер жеткіліксіз, сондықтан осы жас тобында қолдану пайда/қаупін мұқият бағалағаннан кейін дәрігердің тағайындауынан кейін ғана мүмкін.

Ұсынылған дозалардан елеулі асатын дозаларда пайдалану кезінде, Банеоцин препаратының сіңірілуі салдарынан нефро- және/немесе отоуытты реакцияларды білдіретін симптомдарға ерекше назар аударған жөн.

Бауыр және/немесе бүйрек функциялары төмендеген кезде уытты әсердің қаупі артатын болғандықтан, бауыр және/немесе бүйрек жеткіліксіздігі бар пациенттерде Банеоцин препаратымен емдегенге дейін және емдеген кезде аудиометриялық зерттеулермен бірге қан және несеп талдауларын жүргізген жөн.

Банеоцин препараты сіңірілген болса (тері беткейлері тұтастығының ауқымды бұзылулары), әсіресе ацидозы, ауыр миастениясы немесе басқа нейробұлшықеттік аурулар бар пациенттерде нейробұлшықеттік блокада белгілерінің пайда болуын қадағалау қажет. Нейробұлшықеттік блокада дамыған кезде кальций препараттары немесе холинэстераза (неостигмин) тежегіштері көрсетілген.

Ұзақ емдеген кезде төзімді микроорганизмдердің өсу мүмкіндігіне көңіл бөлінуі тиіс. Препаратты ұзақ уақыт қолдану неомицинге резистентті бактериялар мен зеңдер штаммдарының көбеюіне әкелуі мүмкін. Мұндай жағдайларда тиісті емді тағайындаған жөн.

Неомицинге сезімтал емес бактериялар немесе зеңдер тудырған инфекциялардың дамуы жағдайында тиісті бактерияға қарсы немесе зеңге қарсы емді қолданған жөн.

Аллергия немесе суперинфекция дамыған пациенттерге Банеоцин препаратын тоқтату қажет.

Жүктілік және лактация кезеңі

Банеоцин препаратын жүктілік және лактация кезінде қолдану шарана/нәресте үшін әлеуетті қауіптен ана үшін күтілетін пайда артық болған жағдайда тағайындайды.

Аминогликозидтік антибиотиктердің барлығы сияқты, неомицин плацента арқылы өтеді. Аминогликозидтердің жоғары дозаларын жүйелік қолдану кезінде шарананың жатыр ішінде естуінің төмендеуі сипатталған.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Белгісіз

Ұсынылған дозалардан елеулі асатын дозаларда пайдалану кезінде, Препараттың сіңірілу мүмкіндігі салдарынан нефро- және/немесе отоуытты реакцияларды білдіретін симптомдарға ерекше назар аударған жөн.

10 г препараттан 25 мл номиналды көлемі бар полиэтиленнен жасалған контейнерге салады.

1 контейнерден мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Рецептісіз

Фармацойтише Фабрик Монтавит ГмбХ, Австрия

Salzbergstraße 96, 6067 Absam, Austria

Сандоз ГмбХ, Австрия

Biochemiestraße 10, 6250 Kundl, Austria

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

Қазақстан Республикасындағы «Сандоз Фармасьютикалс д.д.» АҚ өкілдігі, Алматы қ-сы, Луганский к-сі 96

Тел: +7 (727) 2581048  Факс: +7 (727) 2581047

e-mail: kzsdz.drugsafety@sandoz.com

8 800 080 0066 – Қазақстан бойынша тегін қоңырау шалу нөмірі