БАКТОПИК® (Мазь назальная, 2%)

БАКТОПИК®

Мупироцин

Дәрілік түрі, дозалануы

Мұрынға арналған 2% жақпамай

Респираторлық жүйе. Мұрынға арналған препараттар. Деконгестанттар және мұрынға жергілікті қолдануға арналған басқа да препараттар. Мұрынға арналған басқа да препараттар. Мупироцин.

АТХ коды R01AX06

- Staphylococcus aureus тасымалдауын қоса, мұрын қуысына стафилококк инфекциясын (соның ішінде метициллин-резистентті шатаммдарды) тасымалдағыштықта;

Қолдануды бастағанға дейінгі қажетті мәліметтер тізімі

- әсер етуші затқа немесе қосымша заттардың кез келгеніне аса жоғары сезімталдық

Қолдану кезіндегі қажетті сақтық шаралары

Препарат офтальмологиялық тәжірибеде қолдануға арналмаған.

Жақпамайдың көзге тиіп кетуіне жол бермеу керек. Көзге тигізіп алған жағдайда жақпамай қалдығы толық жойылғанға дейін судың мол мөлшерімен шаю керек.

Басқа дәрілік заттармен өзара әрекеттесулері

Басқа дәрілік препараттармен өзара әрекеттесуі байқалған жоқ.

Арнайы ескертулер

Сирек жағдайларда препаратты қолданған кезде жоғары сезімталдық және ауыр жергілікті тітіркену реакциялары туындауы мүмкін. Мұндай жағдайда емдеуді тоқтату, мүмкіндігінше, шырышты қабаттағы препаратты жою және инфекцияға баламалы ем тағайындау керек.

Бактерияларға қарсы басқа препараттардағы сияқты, мупироцинді ұзақ қолданғанда сезімтал емес микроорганизмдердің шамадан тыс өсу қаупі болады.

Антибиотиктерді қолданған кезде ауырлық дәрежесі жеңілден өмірге қауіп төндіруге дейін құбылуы мүмкін жалған жарғақшалы колиттің даму жағдайлары сипатталды. Сондықтан антибиотиктерді қолдану аясында және қолданудан кейін диарея дамыған жағдайда мұндай диагноздың болуы мүмкін екендігін қарау маңызды. Мупироцинді жергілікті қолданған кезде осы құбылыстың даму ықтималдылығының аздығына қарамастан, ұзаққа созылатын немесе айқын диарея және іште түйілулер дамыған жағдайда емдеуді дереу тоқтату және пациентке қосымша тексеру жүргізу керек.

Жүктілік немесе лактация кезінде

Жүктілік және емшек емізу кезеңінде препаратты қолдану туралы деректер жоқ.

Жануарларға жүргізілген зерттеулерде репродукциялық уыттылық белгілері анықталған жоқ.

Алайда, басқа дәрілік препараттарды қолдану кезіндегідей, жүктілік және емшек емізу кезеңінде БАКТОПИК® препаратын тек ана үшін болжамды пайдасы шарана және нәресте үшін ықтимал қаупінен басым болған жағдайда ғана қолданады.

Көлік құралын және қауіптілігі зор механизмдерді басқару қабілетіне дәрілік заттың ықпал ету ерекшеліктері

Препарат көлік құралдарын немесе механизмдерді басқару қабілетіне жағымсыз ықпалын тигізбейді.

Қолдану жөніндегі нұсқаулар

Дозалау режимі

Ересектер және 12 жастан үлкен балалар

Жақпамайды аппликатор ретінде жағу үшін мақта таяқшасын пайдалану керек.

Мұрынның шырышты қабығы үшін көлемі шамамен сіріңке көлеміндей жақпамайдың аздаған мөлшерін тәулігіне 2-3 рет мұрын жолының әрқайсысына жағу керек.

Жақпамайды жаққаннан кейін мұрынның желбезегін бірнеше рет нықтап қысу керек, бұл жақпамайдың шырышты қабыққа біркелкі таралуын қамтамасыз етеді.

Препаратты жақпас бұрын және жаққаннан кейін қолды жуу керек.

Әдетте мұрынға жұғуы емдеуді бастағаннан кейін 5-7 күннен кейін жоғалады.

Енгізу әдісі және жолы

Мұрын ішіне қолдануға арналған.

Артық дозаланған жағдайда қабылдау қажет шаралар

Симптомдары: қазіргі таңда мупироциннің артық дозалануы туралы шектеулі ғана деректер бар.

Емі: мупироциннің артық дозалануының арнайы емі жоқ. Артық дозаланған жағдайда демеуші ем және қажет болғанда пациенттің жағдайын тиісінше бақылау көрсетілген.

Дәрілік препаратты қолдану тәсілін түсіну үшін медицина қызметкерінен кеңес алуға бару жөніндегі нұсқаулар

Дәрілік препаратты қабылдамас бұрын кеңес алу үшін дәрігерге барыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте сирек

- жоғары сезімталдықтың жергілікті реакциялары, жүйелі аллергиялық реакциялар (соның ішінде анафилаксия, жайылған бөртпе, есекжем және ангионевроздық ісіну)

Жиі емес

- мұрынның шырышты қабығы тарапынан реакциялар (қышыну, қызару, ашып ауыру, шаншу).

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г жақпамайдың құрамында

белсенді зат – 21,50 мг кальций мупироцині (20 мг мупироцинге баламалы),

қосымша заттар: жұмсақ ақ парафин, софтисан 649.

Сыртқы түрінің, иісінің, дәмінің сипаттамасы

Ақтан ақ дерлік түске дейінгі біртекті жақпамай.

Шығарылу түрі және қаптамасы

Бұрап жабылатын қақпағы бар алюминий сықпаға 3 г препараттан салынған.

1 сықпа медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

2 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25ºС-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Кусум Хелткер Пвт. Лтд., СП 289 (А), РИИКО Индл. Ареа Чопанки, Бхивади (Радж.), Үндістан

Тел: +91-1493-516561

факс: +91-1493-516562

Электронды пошта: info@kusum.com

Тіркеу куәлігінің ұстаушысы

Кусум Хелткер Пвт. Лтд., СП 289 (А), РИИКО Индл. Ареа Чопанки, Бхивади (Радж.), Үндістан

Тел: +91-1493-516561

факс: +91-1493-516562

Электронды пошта: info@kusum.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС, Алматы қ., Қажымұқан көшесі, 22/5, «Хан Тәңірі» БО.

Тел/факс: 8(727) 295-26-50 

Электронды пошта: phv@kusum.kz