Бавенсио® (Авелумаб)

Бавенсио®

Авелумаб

Дәрілік түрі, дозасы

Инфузия үшін ерітінді дайындауға арналған концентрат, 20 мг/мл

Антинеопластикалық және иммуномодуляциялайтын препараттар. Антинеопластикалық препараттар. Моноклональді антиденелер және дәрілік заттармен антиденелердің конъюгаттары. PD-1/PDL-1 тежегіштері (ақуыз 1 бағдарламаланатын жасушаның қырылуы 1/өлім лиганды 1). Авелумаб.

ATХ коды L01FF04

• Меркель метастаздық карциномасына (ММК) шалдыққан ересек пациенттердегі монотерапияда

• Платина препараттары негізіндегі химиотерапиядан кейін жергілікті таралған немесе үдеусіз метастаздық уротелиальді карциномаға (УК) шалдыққан ересек пациенттердегі бірінші желідегі демеуші монотерапияда

• Акситинибпен біріктірілімде ересектердегі кең таралған бүйрек- жасуша обыры (БЖО) кезінде бірінші желілік емде.

Қолдануды бастағанға дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

Қолдану кезіндегі қажетті сақтандыру шаралары

Инфузиялық реакциялар

Бавенсио® препаратын қабылдаған пациенттерде инфузиялық реакциялар тіркелді, олардың кейбіреулері ауыр болды. Пациенттерде дене температурасының көтерілуін, қалтырауды, терінің қызаруын, артериялық қысымның төмендеуін, ентігуді, ысқырық демді, арқаның ауыруын, іштің ауыруын және бөртпені қоса алғанда, инфузиялық реакциялардың белгілері мен симптомдардың пайда болуын бақылау керек. 3-ші және 4-ші дәрежелі инфузиялық реакциялар дамыған кезде инфузияны тоқтатып, Бавенсио® препаратын тоқтату керек.

1-ші дәрежелі инфузиялық реакциялар дамыған кезде инфузия жылдамдығын 50%-ға төмендету қажет. 2-ші дәрежелі инфузиялық реакциялар байқалған пациенттерде препараттың инфузиясын реакцияның айқындылығы 1-ші ауырлық дәрежесіне дейін төмендемегенше немесе ол жойылмағанша, уақытша тоқтатқан жөн. Осыдан кейін инфузияны қайта жаңғыртып, бірақ оның жылдамдығын 50% - ға төмендету керек. 1-ші немесе 2-ші дәрежелі инфузиялық реакциялар қайталанған жағдайда, пациент инфузия жылдамдығын түзеткеннен кейін және антигистаминді препараттардың және парацетамолдың көмегімен премедикация жүргізгеннен кейін мұқият бақылауда болып, Бавенсио® препаратын алуды жалғастыра алады.

Иммунитетке байланысты реакциялар

Бавенсио® препаратын қабылдау аясындағы иммунитетке байланысты жағымсыз реакциялардың көбі қайтымды болған және Бавенсио® препаратымен жүргізілген емді, глюкокортикостероидтарды және/немесе демеуші емді қолдануды уақытша немесе тұрақты уақытша тоқтатқаннан кейін басылған. Егер иммунитетке байланысты жағымсыз реакцияларға күдік туындаса, этиологияны растау және басқа себептерді болдырмау үшін толыққанды тексеру жүргізу керек. Жағымсыз реакцияның ауырлығын ескере отырып, Бавенсио® препаратын тоқтатып, кортикостероидтарды тағайындау керек. Егер жағымсыз реакцияны емдеу үшін кортикостероидтар қолданылса, гормондардың дозасын жақсарғаннан кейін кем дегенде 1 ай ішінде төмендету керек. Иммунитетке байланысты реакцияларды кортикостероидтардың көмегімен бақылау мүмкін емес пациенттерде басқа жүйелік иммунодепрессанттарды тағайындауды қарастыру қажет.

Иммунитетке байланысты пневмонит

Бавенсио® препаратымен ем алған пациенттерде иммунитетке байланысты пневмонит жағдайлары байқалды, соның ішінде біреуі өліммен аяқталған жағдай болған. Пациенттерде пневмонит белгілері мен симптомдарының пайда болуын бақылау және пневмониттен басқа себептерді жоққа шығару қажет. Егер пневмонитке күдік туындағанда, диагнозды рентгенография арқылы растау керек. ≥ 2 дәрежелі пневмонит дамыған жағдайда кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). Симптомдар жойылғанға дейін 2-ші дәрежелі пневмонит дамыған кезде Бавенсио® препаратын қолдануды уақытша тоқтату керек. 3-ші және 4-ші ауырлық дәрежедегі пневмонит дамығанда немесе 2-ші ауырлық дәрежедегі пневмонит қайталанғанда толықтай тоқтату керек.

Иммунитетке байланысты гепатит

Бавенсио® препаратымен ем алған пациенттерде иммунитетке байланысты гепатит жағдайлары байқалды, соның ішінде екеуі өліммен аяқталған жағдай болған. Пациенттерде бауыр функциясының өзгеру белгілері мен симптомдарының пайда болуын, иммунитетке байланысты гепатит симптомдарының пайда болуын бақылау және гепатиттен өзге, басқа себептерді жоққа шығару қажет. ≥ 2 дәрежелі гепатит дамыған жағдайда кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). Бавенсио® препаратын қолдануды 2-ші дәрежелі гепатит дамыған кезде ол жойылғанға дейін уақытша тоқтату керек және 3-ші және 4-ші дәрежелі гепатит дамығанда толығымен тоқтату керек.

Иммунитетке байланысты колит

Бавенсио® препаратымен ем алған пациенттерде иммунитетке байланысты колит жағдайлары байқалды. Пациенттерде иммунитетке байланысты колит белгілері мен симптомдарының пайда болуын бақылау және колиттен басқа себептерді жоққа шығару қажет. ≥ 2 дәрежелі колит дамыған жағдайда кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). Бавенсио® препаратын қолдануды жай-күй жойылғанға дейін 2-ші немесе 3-ші дәрежелі иммунитетке байланысты колит дамығанда уақытша тоқтату керек және 4-ші дәрежелі колит дамыған кезде немесе 3-ші дәрежелі колит қайталанғанда толықтай тоқтату керек.

Иммунитетке байланысты панкреатит

Бавенсио® препаратымен емделген пациенттерде иммунитетке байланысты панкреатит жағдайлары байқалған, оның ішінде акситиниб препаратымен біріктірілімде Бавенсио® препаратын қолданған кезде екі өліммен аяқталған жағдай орын алған. Пациенттерде иммунитетке байланысты панкреатиттің белгілері мен симптомдарының пайда болуын бақылау қажет. Симптомдар пайда болған кезде емдеуді ерте сатысында бастау үшін гастроэнтерологтан кеңес алу және зертханалық зерттеулер (визуалды зерттеулерді қоса) жүргізу қажет. Иммунитетке байланысты панкреатит дамыған жағдайда кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). Бавенсио® препаратын қолдануды иммунитетке байланысты панкреатит дамыған кезде уақытша тоқтату керек және диагноз расталған кезде препаратты толықтай тоқтату керек.

Иммунитетке байланысты миокардит

Бавенсио® препаратымен емделген пациенттерде иммунитетке байланысты миокардит жағдайлары байқалған, оның ішінде акситиниб препаратымен біріктірілімде Бавенсио® препаратын қолданған кезде екі өліммен аяқталған жағдай орын алған. Пациенттерде иммунитетке байланысты миокардиттің белгілері мен симптомдарының пайда болуын бақылау қажет. Симптомдар пайда болған кезде ерте сатыда емдеуді бастау үшін кардиологтан кеңес алу және зертханалық зерттеулер жүргізу қажет. Иммунитетке байланысты миокардит дамыған жағдайда кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). 24 сағат ішінде ауру динамикасының жақсаруы болмаған жағдайда емдеуді мысалы, микофенолатпен, инфликсимабпен, антитимоцитарлы иммуноглобулинмен толықтыру қажет. Бавенсио® препаратын қолдануды иммунитетке байланысты миокардит дамыған кезде уақытша тоқтату керек және диагноз расталған кезде препаратты толықтай тоқтату керек.

Иммунитетке байланысты эндокринопатиялар

Бавенсио® препаратымен ем алған пациенттерде қалқанша безі функциясының иммунитетке байланысты бұзылулар, бүйрекүсті безінің жеткіліксіздігі және 1 типті қант диабеті жағдайлары байқалды. Пациенттерде иммунитетке байланысты эндокринопатиялардың белгілері мен симптомдарының пайда болуын бақылау қажет. Бавенсио® препаратын симптомдар жойылғанға дейін 3-ші және 4-ші дәрежелі эндокринопатиялар дамыған кезде уақытша тоқтату керек.

Қалқанша безі функциясының бұзылулары (гипотиреоз, гипертиреоз)

Қалқанша безі функциясының бұзылулары емдеу барысында кез келген уақытта пайда болуы мүмкін. Ем басталғанға дейін және ем барысында мезгіл-мезгіл (клиникалық тексеру деректерінің негізінде) қалқанша безі функциясының өзгерістерін бақылау, сондай-ақ аурулардың симптомдары мен белгілерін анықтау талап етіледі. Гипотиреоз кезінде орын басу емі қолданылады, гипертиреоз кезінде - қажет болған жағдайда антитиреоидты препараттар қолданылады. 3-ші немесе 4-ші ауырлық дәрежедегі қалқанша безі функциясының бұзылуы дамыған кезде Бавенсио® препаратын қолдануды уақытша тоқтату керек.

Бүйрекүсті безінің жеткіліксіздігі

Пациенттерде ем процесінде және ол аяқталғаннан кейін бүйрекүсті безі жеткіліксіздігінің белгілері мен симптомдарының пайда болуын бақылау қажет. ≥3 ауырлық дәрежесінде бүйрекүсті безінің жеткіліксіздігі дамыған кезде кортикостероидтарды (тәулігіне 1-2 мг/кг преднизонды вена ішіне немесе баламалы препаратты ішке) тағайындау керек, содан кейін тәулігіне 10 мг немесе одан аз дозаға жеткенге дейін біртіндеп төмендету керек. 3-ші немесе 4-ші дәрежелі бүйрекүсті безінің жеткіліксіздігі дамыған кезде Бавенсио® препаратын уақытша тоқтату керек.

1 типті қант диабеті

Бавенсио® препараты диабеттік кетоацидозды қоса алғанда, 1 типті қант диабетінің дамуына әкелуі мүмкін. Пациенттерде гипергликемияның немесе қант диабетінің басқа симптомдарының пайда болуын бақылау керек. 1 типті қант диабеті дамыған кезде инсулинді тағайындау керек. ≥ 3 дәрежелі гипергликемияға шалдыққан пациенттерде Бавенсио® препаратымен жүргізілетін емді уақытша тоқтатып, гипогликемиялық препараттарды тағайындау керек. Инсулинмен орын басу емін қолдану аясында гликемияны бақылауға қол жеткізгеннен кейін Бавенсио® препаратымен емдеуді қайта бастау керек.

Иммунитетке байланысты нефрит және бүйрек функциясының бұзылуы

Бавенсио® препараты иммунитетке байланысты нефриттің дамуына әкелуі мүмкін. Пациенттерде ем басталғанға дейін және емдеу кезінде мезгіл-мезгіл қан сарысуындағы креатинин концентрациясының жоғарылауын бақылау керек. ≥ 2 дәрежелі нефрит дамыған кезде кортикостероидтарды тағайындау керек (преднизонның немесе басқа баламалы препараттың бастапқы дозасы тәулігіне 1-2 мг/кг, содан кейін дозаны біртіндеп төмендету керек). 2-ші немесе 3-ші дәрежелі нефрит дамыған кезде Бавенсио® препаратымен жүргізілетін емді нефрит ≤ 1-ші дәрежеге дейін басылғанша уақытша тоқтату керек, ал 4-ші ауырлық дәрежедегі нефрит дамыған кезде Бавенсио® препаратын тоқтату керек.

Иммунитетке байланысты басқа жағымсыз реакциялар

Пациенттердің 1% - дан азында басқа клиникалық маңызды иммунитетке байланысты жағымсыз реакциялар тіркелді: миозит, гипофиз функциясының жеткіліксіздігі, увеит, миастения гравис, миастениялық синдром және Гийен-Барре синдромы. Иммунитетке байланысты басқа жағымсыз реакцияларға күдік туындаған кезде, этиологияны растау және басқа себептерді жоққа шығару үшін толық тексеру жүргізу керек. Жағымсыз реакциялардың ауырлығын ескере отырып, Бавенсио® препаратын тоқтатып, кортикостероидтарды тағайындау керек. Жағымсыз реакциялардың ауырлығы 1-ші ауырлық дәрежесіне дейін немесе одан аз төмендеген кезде кортикостероидтар дозасын төмендеткеннен кейін Бавенсио® препаратымен емдеуді қайта бастау керек. Кез келген 3-ші дәрежелі иммунитетке байланысты жағымсыз реакциялар қайталанғанда немесе 4-ші дәрежелі реакциялардың дамыған кезінде Бавенсио® препаратын толығымен тоқтату керек.

Гепатоуыттылық (Бавенсио® препараты акситинибпен біріктірілімде)

Бавенсио® препаратын акситинибпен біріктірілімде қабылдаған пациенттерде тек Бавенсио® препаратымен емделген пациенттерге қарағанда 3 және 4 ауырлық дәрежедегі АЛТ және AСT деңгейлерінің жоғарылауымен гепатоуыттылық күтілгеннен жиі байқалды. Пациенттер Бавенсио® препаратын акситинибпен біріктірілімде қолданған кезде бауыр функциясы өзгерістерінің және симптомдардың бар болу тұрғысынан жиі тексерілуі керек. Бавенсио® препаратын қолдануды 2-ші дәрежелі гепатоуыттылықта уақытша тоқтату керек және 3-ші немесе 4-ші дәрежелі гепатоуыттылықта толығымен тоқтату керек. ≥2 гепатоуыттылық дәрежесінде кортикостироидтарды тағайындауды қарастыру керек.

Натрий мөлшері

Дәрілік препараттың құрамында бір дозаға 1 ммольден аз натрий (23 мг) бар, яғни іс жүзінде «натрийсіз».

Басқа дәрілік препараттармен өзара әрекеттесуі

Авелумабтың басқа дәрілік заттармен өзара әрекеттесуіне жекелеген зерттеулер жүргізілген жоқ. Авелумаб катаболизм арқылы шығарылатындықтан, басқа дәрілік препараттармен фармакокинетикалық өзара әрекеттесуі күтілмейді.

Арнайы сақтандырулар

Педиатрияда қолдану

Балалар мен < 18 жастағы жасөспірімдерде Бавенсио® препаратын қолдану тиімділігі мен қауіпсіздігі зерттелмеген.

Жүктілік немесе лактация кезінде

Бала туу жасындағы әйелдерге авелумаб қабылдаған кезде жүкті болудан аулақ болу және авелумабпен емдеу кезінде және авелумабтың соңғы дозасын қабылдағаннан кейін кемінде 1 ай бойы тиімді контрацепцияны пайдалану ұсынылады.

Жүктілік

Жүкті әйелдерде Бавенсио® препаратын қолдануға қатысты деректер шектеулі немесе жоқ. Авелумабтың жануарлардың репродуктивті функциясына әсеріне қатысты зерттеулер жүргізілген жоқ. Дегенмен, буаз тышқан модельдерінде PD-L1/PD-1 жолының тежелуі аналық организмінің ұрық тіндеріне төзімділігінің төмендеуіне әкелетіні анықталды, бұл түсік тастау жиілігінің жоғарылауымен қатар болған. Бұл нәтижелер жүктілік кезінде авелумабты қолдану түсік түсу мен өлі туылған балалар жиілігінің жоғарылауын қоса алғанда, шаранаға жағымсыз әсер ету мүмкін екендігінің қаупін көрсетеді. Адамның IgG1 иммуноглобулиндері плацентарлы бөгет арқылы өтетіні белгілі. Осыған байланысты, авелумабтың ананың организмінен дамып келе жатқан шаранаға ену ықтималдылығы бар. Әйелдің клиникалық жағдайы авелумабты тағайындауды талап ететін жағдайларды қоспағанда, оны жүктілік кезінде қолдануға болмайды.

Бала емізу

Бавенсио® препаратының емшек сүтіне бөлінуіне қатысты деректер жоқ. Антиденелер емшек сүтіне секрециялануы мүмкін екені белгілі болғандықтан, жаңа туған нәрестелер мен емшектегі балалар үшін қауіпті жоққа шығаруға болмайды. Емізетін әйелдерге авелумабпен емдеу кезінде және емшек еметін балаларда ауыр жағымсыз реакциялардың даму мүмкіндігіне байланысты соңғы дозаны енгізгеннен кейін кем дегенде 1 айға бала емізуді тоқтату ұсынылады.

Фертильділігі

Авелумабтың әйелдер мен ерлердің фертильділігіне әсері белгісіз.

Егде жастағы пациенттер

Егде ≥ 65 жастағы пациенттерде Бавенсио® препаратының дозасын түзету талап етілмейді.

Бүйрек функциясының бұзылуы

Бүйрек функциясы жеңіл және орташа дәрежеде бұзылған пациенттерде дозаны түзету талап етілмейді. Бауыр функциясының ауыр дәрежелі бұзылуына шалдыққан пациенттерде Бавенсио® препаратын қолдану туралы деректер қолдану жөніндегі ұсыным үшін жеткіліксіз.

Бауыр функциясының бұзылуы

Бауыр функциясы жеңіл дәрежеде бұзылған пациенттерде дозаны түзету талап етілмейді. Орташа және ауыр дәрежеде бауыр функциясы бұзылған пациенттерде Бавенсио® препаратын қолдану туралы деректер қолдану жөніндегі ұсыным үшін жеткіліксіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бавенсио® препараты көлік құралдарын басқару және механизмдермен жұмыс істеу қабілетіне шамалы әсер етеді. Шаршау препараттың ықтимал жағымсыз әсерлерінің бірі болып табылады. Пациенттерге препараттың жақсы жағымдылығына көз жеткізбегенше, автомобильді басқару және механизмдермен жұмыс істеу кезінде сақтық таныту ұсынылады.

Қолдану жөніндегі ұсынымдар

Дозалау режимі

Емді онкологиялық ауруларды емдеуде тәжірибесі бар дәрігер тағайындауы және бақылауы керек.

Монотерапия кезінде Бавенсио® препаратының ұсынылатын дозасы әрбір 2 апта сайын 60 минут бойы вена ішіне 800 мг құрайды.

Бавенсио® препаратын қолдануды ауру үдегенге дейін немесе жағымсыз уытты әсерлер туындағанға дейін ұсынылатын сызбаға сәйкес жалғастыру керек.

Акситиниб препаратымен біріктірілімде ұсынылатын доза – 800 мг Бавенсио® препаратын вена ішіне 60 минут бойы 2 апта сайын және 5 мг акситиниб препаратын тәулігіне 2 рет ішке (қабылдау аралығы 12 сағат) ауру үдегенге дейін немесе жағымсыз уытты әсерлердің туындағанша, тамақ ішуге қарамастан. Акситинибті қолдану тәсілі мен дозасы туралы ақпаратты алу үшін - акситиниб препаратын қолдану жөніндегі нұсқаулықты қараңыз.

Премедикация

Бавенсио® препаратының алғашқы 4 инфузиясының алдында пациент антигистаминді дәрілермен және парацетамолмен премедикация жасауы керек.

Егер төртінші инфузия инфузиялық реакциялардың дамуынсыз аяқталса, кейінгі дозаларды енгізер алдында премедикация дәрігердің қалауы бойынша тағайындалады.

Дозаны түзету

Дозаны арттыру немесе азайту ұсынылмайды. Жеке қауіпсіздік бейініне және жағымдылыққа байланысты препаратты қабылдауды уақытша тоқтату немесе тоқтату қажет болуы мүмкін (1-кестені қараңыз).

1-кесте. Емді уақытша тоқтату немесе Бавенсио® препаратын толығымен тоқтату жөніндегі нұсқаулық

* Уыттылық АҚШ Ұлттық онкология институтының ред. 4.0 (NCI-CTCAE v4.03) жағымсыз құбылыстардың стандартты терминологиялық критерийлеріне сәйкес бағаланды

Бавенсио® препаратының акситинибпен біріктірілімінде емдеу модификациясы

Егер АЛТ немесе АСТ деңгейі ≥3 есе болса, бірақ ҚЖШ-дан < 5 есе асса немесе жалпы билирубин деңгейі ≥1,5 есе, бірақ ҚЖШ-дан <3 есе асса, онда көрсетілген жағымсыз реакциялар 0-1 дәрежесіне дейін төмендемегенше, Бавенсио®, сондай-ақ акситиниб қолданылуын уақытша тоқтату керек. Егер жағымсыз реакциялар 5 күннен артық сақталса, кейіннен дозаны төмендету арқылы преднизонмен кортикостероидты емді немесе соған ұқсас препаратпен қарастырған жөн. Бавенсио® препаратын немесе акситинибті қайта тағайындау немесе Бавенсио® мен акситиниб препараттарының біріктірілімін бірізді қайта тағайындау мүмкіндігі қалпына келтірілгеннен кейін қарастырылуы керек. Қолдану жөніндегі нұсқаулыққа сәйкес акситинибтің дозасын төмендетуді акситинибпен біріктірілімде емді қайта тағайындау кезінде ескеру керек.

Егер АЛТ немесе АСТ ҚЖШ-дан ≥ 5 есе асса немесе ҚЖШ-дан ≥2 есе асатын бірмезгілде жалпы билирубинмен ҚЖШ >3 есе асса немесе жалпы билирубин ҚЖШ-дан ≥3 есе асса, онда Бавенсио® препараты, сондай-ақ акситинибпен жүргізілетін емді түпкілікті тоқтату керек және кортикостероидтармен жүргізілетін емді қарастырған жөн.

Бавенсио® препаратымен біріктірілімдегі акситинибтің дозасын өзгерту жөніндегі ұсынымдар

Бавенсио® препараты акситинибпен біріктірілімде қолданылған жағдайда, акситиниб дозасының ұсынылған өзгерістері туралы ақпаратты – оны қолдану жөніндегі нұсқаулықтан қараңыз.

Енгізу әдісі мен жолы

Бавенсио® препараты тек вена ішіне жасалатын инфузия үшін қолданылады.

Препаратты сорғалатып немесе болюсті түрде енгізуге болмайды! Дәрілік препаратты бөлімде көрсетілгеннен басқа дәрілік заттармен бірге қолдануға болмайды.

Бавенсио® препараты полиэтиленнен, полипропиленнен және этиленвинилацетаттан жасалған инфузиялық пакеттермен, шыны құтылармен, поливинилхлоридтен жасалған инфузиялық жүйелермен және кеуек мөлшері 0,2 мкм болатын полиэфирсульфонды жарғақшалары бар венаішілік катетерлермен үйлесімді.

Инфузияға арналған ерітіндіні дайындау жөніндегі нұсқаулық

Препаратты енгізуге дайындауды асептикалық жағдайларда медицина қызметкері жүргізуі тиіс.

Ішінде препараты бар құтыны пайдаланар алдында бөлшектердің бар-жоғын және түсінің өзгеруін көзбен тексеру керек. Егер ерітінді бұлыңғыр болса немесе бөлшектер анықталса немесе түсі өзгерсе, ерітіндіні қолдануға болмайды.

Құтыдан Бавенсио® препаратының қажетті көлемін сорып алып, көлемі 250 мл болатын инфузиялық пакетте инъекцияға арналған 0,9% немесе 0,45% натрий хлориді ерітіндісінде сұйылту керек.

Көбіктің түзілуіне немесе ерітіндінің артық фрагментациялануына жол бермеу үшін пакетті абайлап төңкере отырып, сұйылтылған ерітіндіні араластыру қажет. Ерітіндінің мөлдір, түссіз және көрінетін бөлшектері жоқ екеніне көз жеткізу үшін оны қарап шығу керек. Сұйылтылған ерітіндіні дайындалғаннан кейін бірден қолдану керек. Сол венаішілік катетер арқылы басқа препараттарды енгізбеңіз. Бавенсио® препараты 0,9% немесе 0,45% натрий хлориді ерітіндісінің көмегімен сұйылтылады. Препарат стерильді пирогенді емес кіріктірілген немесе кеуек мөлшері 0,2 мкм болатын ақуызды төмен байланыстыратын қосымша сүзгіні қолдана отырып, венаішілік инфузия түрінде енгізіледі. Бавенсио® препаратын енгізгеннен кейін катетерді инъекцияға арналған 0,9% немесе 0,45% натрий хлориді ерітіндісінің көмегімен жуу керек. Дайындалған ерітіндіні мұздатып қатыруға немесе сілкуге болмайды. Препаратты енгізер алдында оны бөлме температурасына дейін жеткізу керек

Утилизациялау

Дәрілік препараттың пайдаланылмаған кез келген мөлшерін және қалдықтарды белгіленген тәртіппен жою керек.

Емдеу ұзақтығы

Пациенттер клиникалық әсер жоғалған мезетке дейін немесе жағымсыз уыттылық белгілері дамығанға дейін Бавенсио® препаратымен ем қабылдауы тиіс.

Артық дозалану жағдайында қабылдау қажет болатын шаралар

Артық дозаланған жағдайда тиісті симптоматикалық ем тағайындай отырып, жағымсыз реакциялар белгілерінің немесе симптомдарының туындау мәніне пациенттер жай-күйінің мұқият мониторингін қамтамасыз ету қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Препаратты қолдану туралы сұрақтар туындаған жағдайда емдеуші дәрігерге жүгініңіз.

Дәрілік препаратты стандартты қолдану кезінде көрінетін жағымсыз реакциялардың сипаттамасы және бұл жағдайда қабылдау керек шаралар

Бавенсио® препаратын қолдану көбінесе иммунитетке байланысты жағымсыз реакциялардың дамуымен қатар жүреді. Олардың көпшілігі, оның ішінде ауырлық дәрежесі айқын, тиісті дәрі-дәрмектік емді тағайындағаннан немесе Бавенсио® препаратын тоқтатқаннан кейін басылды.

Бавенсио® препаратының қауіпсіздігі тығыз ісіктері бар, оның ішінде ММК бар пациенттерде клиникалық зерттеулерде бағаланды, олар препаратты 2 апта сайын 10 мг/кг дозада қабылдаған. Пациенттердің бұл популяциясында Бавенсио® препаратын қолдану аясындағы анағұрлым жиі жағымсыз реакциялар қажу (30,0%), жүрек айнуы (23,6%), диарея (18,5%), іш қату (18,1%), тәбеттің төмендеуі (17,6%), инфузиялық реакциялар (15,9%), құсу (15,6%) және дене салмағының төмендеуі (14,5%) болды. ≥3 ауырлық дәрежедегі анағұрлым көп таралған жағымсыз реакциялар анемия, гипертония, гипонатриемия, ентігу және іштің ауыруы болды. Иммунитетке байланысты жағымсыз реакциялар мен инфузиялық реакциялар күрделі жағымсыз реакциялар болды.

2-кестеде авелумабты монотерапия ретінде қолданған кездегі жағымсыз реакциялар туралы мәліметтер келтірілген.

Жағымсыз реакциялардың жиілігін сипаттау үшін келесі жіктеу пайдаланылады: өте жиі (≥ 1/10); жиі (≥ 1/100 < 1/10); жиі емес (≥ 1/1000 < 1/100); сирек (≥ 1/10000 < 1/1000); өте сирек (< 1/10000).

2-кесте. Авелумабты монотерапия ретінде қабылдаған пациенттердегі жағымсыз реакциялар

* - Медициналық талдау негізіндегі иммунитетке байланысты жағымсыз реакциялар

†Жағымсыз реакциялар біріктірілген талдаулардан басқа, авелумабпен монотерапия алған шамамен 4000 пациентте байқалды.

§ Біріктірілген талдау үшін деректерді жинау аяқталғаннан кейін EMR 100070-003 (B бөлігі) зерттеуінде ғана байқалатын реакция

Бүйрек-жасуша обыры

Қауіпсіздік бейініне қысқаша шолу.

Акситинибпен біріктірілімдегі авелумабтың қауіпсіздігі екі клиникалық зерттеуде авелумабты әр 2 апта сайын 10 мг/кг және акситинибті 5 мг тәулігіне екі рет пероральді қабылдайтын 489 үдемелі БЖО бар пациенттер үшін бағаланды.

Пациенттердің бұл іріктемесінде диарея (62,8%), гипертония (49,3%), шаршау (42,9%), жүрек айнуы (33,5%), дисфония (32,7%), тәбеттің төмендеуі (26,0%), гипотиреоз (25,2%), жөтел (23,7%), бас ауыруы (21,3%), ентігу (20,9%) және артралгия (20,9%) анағұрлым көп таралған жағымсыз реакциялар болды.

Жағымсыз реакциялардың кестелік тізімі

Акситинибпен біріктірілімде авелумаб пайдаланылған екі клиникалық зерттеуде ем алған, үдемелі БЖО шалдыққан 489 пациент үшін байқалған жағымсыз реакциялар 3-кестеде ұсынылған.

Бұл реакциялар ағзалар жүйесінің кластары мен пайда болу жиілігі бойынша ұсынылған. Өте жиі (≥1/10); жиі (≥ 1/100 <1/10 дейін); жиі емес (1/1000 <1/100 дейін); сирек (1/10000 <1/1000 дейін); өте сирек (<1/10000). Әр топта жиіліктер, жағымсыз реакциялар ауырлықтың кему ретімен ұсынылған.

3-кесте. Авелумабты акситинибпен біріктірілімде қабылдаған пациенттердегі жағымсыз реакциялар

Жағымсыз дәрілік реакциялар туындаған кезде медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - авелумаб, 200.0 мг,

қосымша заттар: D-маннитол, мұзды сірке қышқылы, полисорбат 20, натрий гидроксиді, инъекцияға арналған су.

Сыртқы түрінің, иісінің, дәмінің сипаттамасы

Түссізден сарғыштау түске дейінгі мөлдір сұйықтық.

Шығарылу түрі және қаптамасы

10 мл препараттан flip-off типті пластик қақпақшасы бар алюминий қапсырмамен қаусырылған, резеңке тығынмен тығындалған түссіз шыны құтыға (І класс) салынады.

1 құтыдан қазақ және орыс тілдеріндегі медициналық қолдану жөніндегі нұсқаулықпен бірге алғашқы ашылуы бақыланатын картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, жарықтан қорғалған жерде, 2 °С-ден 8 °С-ге дейінгі температурада сақтау керек.

Мұздатып қатыруға болмайды.

Сұйылтылған инфузиялық ерітіндіні дереу пайдалану қажет.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Мерк Сероно С.А.

Урьеттаз индустриалдық аймағы, 1170 Обонн, Швейцария

Телефон: +41 584 323 000

Эл.пошта: www.merckgroup.com

Тіркеу куәлігінің ұстаушысы

«Мерк» ЖШҚ,

Валовая көшесі, 35 үй, Мәскеу қ., 115054, Ресей

Телефон: +7-495-937-33-04

Факс: +7-495-937-33-05

Эл.пошта: alina.kononova@merckgroup.com

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Ацино Каз» ЖШС

Қазақстан, Алматы қаласы, Бостандық ауданы, Нұрсұлтан Назарбаев даңғылы, 223 үй, 243 т.е., пошта индексі 050047

Телефон нөмірі: +7 727 364 56 61

Электронды пошта: PV-kaz@acino.swiss