АЦЦ® юниор (порошок для приготовления орального раствора)

• русский
• қазақша

• Скачать инструкцию медикамента

Саудалық атауы

AЦЦ® юниор

Халықаралық патенттелмеген атауы

Ацетилцистеин

Дәрілік түрі

Ішке қабылдау үшін ерітінді дайындауға арналған ұнтақ, 20 мг/мл

Құрамы

1 мл дайындалған ерітіндінің құрамында

белсенді зат: 20 мг ацетилцистеин

қосымша заттар: метилпарагидроксибензоат, пропилпарагидроксибензоат, сорбитол, натрий цитрат дигидраты, апельсин хош иістендіргіші.

Сипаттамасы

Ақтан сарғыш түске дейінгі майда гомогенді ұнтақ.

Дайындалған ерітінді - түссіз, апельсин иісі бар, сәл бозаңданады.

Фармакотерапиялық тобы

Қақырық түсіретін препараттар. Муколитиктер. Ацетилцистеин

АТХ коды R05 CB01

 

Фармакологиялық қасиеттері

Фармакокинетикасы

Ішке қабылдағаннан кейін ацетилцистеин асқазан-ішек жолынан (АІЖ) жылдам сіңеді және бауырда фармакологиялық белсенді метаболит цистеинге, сондай-ақ диацетилцистеинге, цистинге және түрлі аралас дисульфидтерге метаболизденеді.

Бауырдан “алғашқы өту” әсері жоғары болғандықтан ацетилцистеиннің биожетімділігі өте төмен (шамамен 10%).

Адамда плазмадағы ең жоғары концентрациясына 1-3 сағаттан кейін жетеді. Плазмада цистеин метаболитінің ең жоғары концентрациясы 2 мкмоль/л жуықты құрайды. Ацетилцистеиннің плазма ақуыздарымен байланысуы шамамен 50%.

Ацетилцистеин тек белсенді емес метаболиттер (органикалық емес сульфаттар, диацетилцистеин) түрінде бүйрек арқылы шығарылады.

Плазмадан жартылай шығарылу кезеңі шамамен 1 сағатты құрайды және негізінен бауыр биотрансформациясымен айқындалады. Сондықтан бауыр функциясының бұзылуы плазмадан жартылай шығарылу кезеңінің 8 сағатқа дейін ұзаруына әкеледі.

Фармакодинамикасы

Ацетилцистеин цистеин аминқышқылының туындысы болып табылады. Ацетилцистеин тыныс жолдарында секретолитикалық және секретомоторлық әсерге ие. Ол мукополисахаридтік тізбектер арасындағы дисульфидтік байланысты үзеді және ДНҚ тізбегіне (іріңді қақырықта) деполимеризациялаушы әсер етеді. Осы механизмдердің арқасында қақырықтың тұтқырлығы азаяды.

Ацетилцистеиннің балама механизмі оның реактивті сульфгидрильді тобының химиялық радикалдарды байланыстыру және сонымен оларды залалсыздандыру қабілетіне негізделген.

Ацетилцистеин глутатион синтезінің артуына ықпал етеді, бұл улы заттарды уытсыздандыру үшін маңызды. Парацетамолмен улану жағдайында оның у қайтаратын әсері осымен түсіндіріледі.

Оны алдын алу тұрғысында қолданғанда бактериялық жұқпалардың жиілігі мен ауырлығына қарсы қорғаныстық әсер етеді, бұл созылмалы бронхиті мен муковисцидозы бар науқастарға қолдану арқылы анықталған.

Қолданылуы

Бронхитте немесе басқа да суық тию ауруларында шырышты сұйылту және қақырық түсіруді жеңілдету үшін

 

Қолдану тәсілі және дозалары

AЦЦ® юниор, ішке қабылдау үшін ерітінді дайындауға арналған ұнтақ, 20 мг/ мл, тек дайындалған ерітінді түрінде тамақтан кейін қабылдайды.

Ересектер мен 14 жастағы және одан үлкен жасөспірімдер

2 өлшеуіш қасықтан (10 мл ерітінді) күніне 2-3 рет (тәулігіне 400-600 мг ацетилцистеинге сәйкес келеді).

6 жастан 14 жасқа дейінгі балалар мен жасөспірімдер

1 өлшеуіш қасықтан (5 мл) күніне 3-4 рет (тәулігіне 300-400 мг ацетилцистеинге сәйкес келеді).

2 жастан 5 жасқа дейінгі балалар

1 өлшеуіш қасықтан (5 мл) күніне 2-3 рет (тәулігіне 200-300 мг ацетилцистеинге сәйкес келеді).

1 жастан 2 жасқа дейінгі балалар

½ өлшеуіш қасықтан (2,5 мл) күніне 2-3 рет (тәулігіне 100-150 мг ацетилцистеинге сәйкес келеді).

Емдеу ұзақтығы аурудың түрі мен ауырлығына байланысты және емдеуші дәрігер белгілеуі тиіс.

Созылмалы бронхит пен муковисцидоз жағдайында жұқпаның алдын алу мақсатында ұзақ мерзімдік ем жүргізілуі керек.

Ерітіндіні дайындау:

Құтыны қақпағын бір мезгілде басып, сағат тіліне қарсы бұрай отырып, ашады.

Құтыға салқындатылған қайнаған суды белгісіне (шыныдағы ойыққа) дейін құю керек. Құтыны жабыңыз. Жақсылап сілку керек. Белгісіне дейін тағы да су құйып, сілку керек. Нәтижесінде ерітіндінің көлемі белгіге дейін жеткізілуі тиіс.

Жағымсыз әсерлері

Жиі емес

- аллергиялық реакциялар (қышу, есекжем, экзантема, тері бөртпесі, бронх түйілуі, ангионевротикалық ісіну, тахикардия және артериялық гипотензия)

- бас ауыру

- қызбалы жай-күй

- стоматит

- іштің ауыруы, жүрек айнуы, құсу, диарея

- құлақтың шуылдауы

Сирек

• диспноэ

• бронх түйілуі - көбіне бронх демікпесімен байланысты бронх жүйесінің жоғары реактивтілігі бар науқастарда

Өте сирек

• анафилактикалық шок дамуына әкелетін анафилактикалық реакциялар

Бірен-саран жағдайлар

• ацетилцистеин қабылдаумен астасқан қан құйылу

• қанда тромбоциттер агрегациясының төмендеуі

Қолдануға болмайтын жағдайлар

- ацетилцистеинге немесе препарат компонентіне аса жоғары сезімталдық

- тұқым қуалайтын фруктозаны көтере алмаушылық

- бүйрек жеткіліксіздігі

- бауыр жеткіліксіздігі

- 1 жасқа дейінгі балалар

Дәрілермен өзара әрекеттесуі

Ацетилцистеин мен жөтелге қарсы дәрілерді бір мезгілде қолдану жөтел рефлексінің азаюы салдарынан қауіпті секреторлық іркіліс туғызуы мүмкін. Осы себепке байланысты біріктірілген емнің осы нұсқасы дәл диагнозға негізделуі тиіс.

Тетрациклин хлориді жеке және кемінде екі сағаттық уақыт аралығымен енгізілуі тиіс.

Ацетилцистеинді немесе басқа муколитикалық препараттарды бір мезгілде қолдану нәтижесінде антибиотиктердің (жартылай синтетикалық пенициллиндер, тетрациклиндер, цефалоспориндер мен аминогликозидтердің) белсенділігі жойылуына қатысты хабарлар тек мәнді заттар тікелей араластырылатын зертханалық тәжірибелерге негізделген. Осыған қарамастан қауіпсіздік мақсатында ішу арқылы қабылданатын антибиотиктер екі сағаттық уақыт аралығымен жеке енгізіледі.

Нитроглицеринді (глицерин тринитратын) ацетилцистеинмен бір мезгілде енгізген жағдайда оның тамыр кеңейткіш әсері мен тромбоциттер агрегациясын тежейтін әсері байқалған. Бұл деректердің клиникалық мәні әлі анықталмаған

Айрықша нұсқаулар

АЦЦ® юниор секретолитикалық әсері сұйықтықты жеткілікті қабылдаумен демелуі керек.

10 мл (2 өлшеуіш қасық) AЦЦ® юниор дайын ерітіндісінің құрамында 3,7 г сорбит (0,93 г фруктоза көзі) бар, бұл 0,31 көмірсу бірлігіне сәйкес.

Сыртартқысында бронх демікпесі немесе ойық жара ауруы бар емделушілерге AЦЦ® юниор тағайындаған кезде сақтық танытқан жөн.

Жүктілік пен лактация

Жүктілік пен лактация кезінде қолданудың тәжірибесі болмағандықтан AЦЦ® юниор тағайындау ұсынылмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Анықталмаған

Шығарылу түрі және қаптамасы

30 немесе 60 г препараттан алғашқы ашылуы бақыланатын бұрандалы қақпақпен тығындалған, сыйымдылығы 75 мл немесе 150 мл күңгірт шыны құтыға салынады.

1 құтыдан полипропиленнен жасалған өлшеуіш қасық және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Дайындалған ерітіндіні тоңазытқышта 2°С-ден 8°С-ге дейінгі температурада сақтау керек.

Сақтау мерзімі

3 жыл

Дайындалған ерітінді тоңазытқышта сақтаған жағдайда 12 күн пайдалануға болады. Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші/Қаптаушы

Альфамед Фарбил Арцнеймиттель ГмбХ, Германия

Hildebrandstr. 10 – 12 , 37081 Göttingen, Germany

Тіркеу куәлігінің иесі

Сандоз ГмбХ, Австрия

 

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Сандоз Фармасьютикалс д.д.» АҚ Қазақстан Республикасындағы өкілдігі, Алматы қ., Луганский к-сі 96

Тел +7 (727) 2581048  Fax: +7 (727) 2581047

e-mail: kzsdz.drugsafety@sandoz.com