Ациклостад® (крем 5%)

• русский
• қазақша

• Скачать инструкцию медикамента

Саудалық атауы

Ациклостад

Халықаралық патенттелмеген атауы

Ацикловир

Дәрілік түрі

5 2 г, 5 г крем

Құрамы

100 г кремнің құрамында

белсенді зат – 5.0 г ацикловир,

қосымша заттар: стеарилді макроглицеридтер, цетил спирті, диметикон, сұйық парафин, ақ жұмсақ парафин, пропиленгликоль, тазартылған су.

Сипаттамасы

Ақ немесе ақ дерлік гомогенді крем

Фармакотерапиялық тобы

Микробтарға қарсы жергілікті қолдануға арналған препараттар. Вирусқа қарсы препараттар.

АТЖ коды D06ВВ03

Фармакологиялық қасиеттері

Фармакокинетикасы

Ацикловирдің жергілікті қолданғаннан кейінгі жүйелік сіңуі өте төмен. Препараттың қандағы деңгейі оны анықтау шегінен төмен, сондықтан оның кинетикасын немесе биожетімділігін сипаттау мүмкін емес. Препарат жүйелі қан ағысына жетпейді.

Фармакодинамикасы

Ацикловир фармакологиялықтұрғыдан белсенді емес зат болып табылады, ол қарапайым ұшықвирусын HSV немесе varіcella-zoster VZV вирусын жұқтырған жасушаға енгеннен кейін ғана вирусқа қарсы дәріге айналады. Жүйелік қолданғаннан кейін ацикловирдің осы белсенділігі HSV немесе VZV вирустарының тимидинкиназасы, осы вирустардың репликациясы үшін қажетті фермент тарапынан катализдік әсерге ұшырайды. Былайша айтқанда, вирус өзінің вирусқа қарсы затын синтездейді деуге болады. Мұндайда бұл үрдіс келесі сатылардан өтеді:

1. жергілікті қолданған кезде ацикловир ұшық жұқтырған тері және шырышты қабаттың жасушаларына қарқынды енеді;

2. осы жасушаларда болатын вирустық тимидинкиназа ацикловирді ацикловир монофосфатына дейін фосфорлайды;

3. жасушалық ферменттер ацикловир монофосфатты өзінің вирусқа қарсы заты - ацикловир трифосфатына айналдырады;

4. ацикловир трифосфатының жасушаның ДНҚ полимеразасына қарағанда вирус ДНҚ полимеразасымен 10-30 есе көбірек туыстығы бар және осыған орай вирустық ДНҚ синтезін іріктеп бөгейді;

5. вирустық ДНҚ полимераза ацикловирді вирустық ДНҚ-ға енгізеді, осының нәтижесінде ДНҚ синтезі кезінде тізбек үзіледі.

Жалпы алғанда, жоғарыда көрсетілген жекелеген сатылардың вирус өнімдерін төмендетудегі тиімділігі жоғары.

Әсер ету өрісі

Сезімталдығы жоғары вирустар: І және ІІ типті қарапайым ұшық вирусы, varіcella-zoster вирусы.

Сезімтал вирустар: Эпштейн-Барр вирусы.

Төзімдіге дейінгі сезімталдығы аз: цитомегалия вирусы.

Төзімді вирустар: РНҚ-вирустар, аденовирустар, поксвирустар.

Қолданылуы

- тері мен шырышты қабықтардың қарапайым ұшық вирустарынан туындаған жұқпаларында.

Қолдану тәсілі және дозалары

Кремді тәулігіне 4 сағаттық аралықпен 5 рет терінің жұқпаланған жеріне жұқалап жағады.

Ациклостад кремін мақта таяқшаның көмегімен зақымданған бөлікті және оның маңайындағы аймақты жабатындай етіп, кремнің жеткілікті мөлшерінде жағады. Препаратты жаққан кезде кремнің тек ұшықтың көрініп тұрған белгілеріне күлдіреуік, ісіну, қызарған жағылуын ғана емес, емдеу үдерісінде іргелес аймақтарының да қамтылғанын бақылап отырған жөн. Егер препарат қолмен жағылса, онда терінің зақымданған аймағының қосымша жұқпалануын мысалы, бактериялармен және вирустардың тері мен шырышты қабықтардың жұқпаланбаған бөліктеріне тасымалдануын болдырмау үшін қолды осы емшараға дейін де және емшарадан кейін де мұқият жуу керек.

Емдеу ұзақтығы - 5-тен 10 күнге дейін.

Жағымсыз әсерлері

Жиі емес (≥ 1/1000 - < 1/100)

• терінің өңделген бөліктеріндегі өткінші ашыту сезімі немесе шаншып ауруы

• крем жағылған жердің құрғауы, қабыршақтануы, қышуы.

Сирек (≥ 1/10000 < 1/1000)

• эритема, жанаспалы дерматит.

Көптеген жағдайларда ацикловирдің әсер етуші заты емес, крем негізінің қосымша заттары тері реакциясының себептері болған. Жанаспалы дерматиттің бар екендігін жоғарыда айтылған жағымсыз әсерлер қатты білінгенде және препаратпен өңделген тері аймақтары бөліктерінің шегінен тыс тарағанда айтуға болады.

Өте сирек (<1/10000)

• ангионевротикалық ісінуді қоса алғанда, асқын сезімталдық реакциялары.

Қолдануға болмайтын жағдайлар

• ацикловирге немесе препараттың кез келген басқа компонентіне асқын сезімталдық

• ауыздың, көздің, қынаптың шырышты қабатына жағу үшін пайдалануға болмайды.

Дәрілермен өзара әрекеттесуі

Осы уақытқа дейін жергілікті қолданған кезде басқа дәрілік заттармен өзара әрекеттесуі туралы хабарламалар болмаған.

Айрықша нұсқаулар

Иммунитеті айқын бұзылған емделушілердің ацикловирді ішке қабылдауы пайдалы болатын-болмайтынын қарастыру қажет.

Гениталийдің ауыр герпес жұқпаларын ацикловирді ішке қабылдау арқылы емдеген дұрыс.

Емдеудің мүмкін болатын ең жоғары нәтижесіне қол жеткізу үшін кремді ұшық ауруының алғашқы белгілерінен-ақ шаншуды сезіну, тартылу, ашыту, қышу, қызару қолданған жөн. Егер тері бөртпелері қабыршақтану сатыларына жетсе, онда вирусқа қарсы Ациклостад кремімен ем жүргізудің пайдасы жоқ.

Ациклостад кремімен емдеу нәтижелі болуы үшін оның көрсетілген қолдану мерзімін міндетті түрде сақтау қажет.

Гениталий герпесі бар емделушілер жұптасына жұқтыруды болдырмас үшін көрінетін күлдіреуіктер кеткенше жыныстық қатынастан бас тарта тұруы тиіс.

Ациклостад кремі құрамында парафин мен вазелин болуына байланысты гениталий мен анус аймағына қолданғанда латекстен жасалған мүшеқаптың мықтылығы кемуі мүмкін, осыған байланысты оларды қолданудың қауіпсіздігін төмендетеді.

Цетил спирті мен пропиленгликоль терінің жергілікті тітіркенуін (мысалы, жанаспалы дерматит) туғызуы мүмкін.

Жүктілік және лактация

Ацикловирді жүктілік кезінде ішке қабылдау жөніндегі шектеулі мәліметтер ацикловирдың жүктілік барысына немесе ұрық/ жаңа туған нәресте денсаулығына жағымсыз әсерін растамайды. Қолжетімді эпидемиологиялық деректер жоқ. Ациклостад жүктілік кезінде пайда-қатерінің арақатынасы мұқият бағаланғаннан кейін ғана қолданылуы тиіс. Ацикловир жүйелі қолданудан кейін емшек сүтіне өтеді. Сау теріге жергілікті қолданудан кейін жүйелік қолжетімділігі байқалмайды. Анасы Ациклостадты қабылдағаннан кейінгі баланың емшек емізу кезінде алатын дозасы өте аз. Емшек емізу кезінде Ациклостадты қолданғанда сәбидің зақымданған аймаққа жанасып кетуін болдырмау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ

Артық дозаланғанда

Жергілікті қолданған кезде препараттың артық дозаланғаны туралы мәліметтер жоқ.

Шығарылу түрі және қаптамасы

2 г немесе 5 г бұралатын пластмасса қақпағы бар алюминий сықпаға салынған.

Әр сықпа қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Сықпа ашылғаннан кейінгі сақтау мерзімі – 12 ай.

Қаптамасында және сықпасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

ШТАДА Арцнаймиттель АГ

Штадаштрассе 2 – 18

D-61118 Бад Вилбель, Германия

телефон: + 49-6101-603-0

телефакс: + 49-6101-603-259

веб сайт: http://www.stada.de

Тіркеу куәлігі иесінің атауы мен елі

ШТАДА Арцнаймиттель АГ, Германия

ҚР аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нижфарм» ААҚ Өкілдігі

050043, Қазақстан Республикасы,

Алматы қ., Хан тәңірі ы/а, 55б

тел.: (727) 271-99-68

факс: (727) 255-33-78

e–mail: almaty@stada.kz