Ацетилсалициловая кислота

Ацетилсалицил қышқылы

Ацетилсалицил қышқылы

Дәрілік түрі, дозасы

Таблеткалар, 500 мг

Жүйке жүйесі. Анальгетиктер. Басқа анальгетиктер және антипиретиктер. Салицил қышқылы және оның туындылары. Ацетилсалицил қышқылы.

АТХ коды N02BА01

- ауырсыну синдромында (невралгия, бас ауыру, бас сақинасы, миалгия, тамақтың ауыруы, бұлшықет және буын ауыруы, арқаның ауыруы, тіс ауыруы, етеккір кезіндегі ауырсыну кезінде);

- суық тию және инфекциялық-қабыну аурулары кезінде жоғары температурада.

Қолданудың басталуына дейінгі қажетті мәліметтер тізбесі

- ацетилсалицил қышқылына басқа салицилаттарға немесе қосымша заттардың кез келгеніне аса жоғары сезімталдық;

- асқазан-ішек жолының ойық жаралы ауруының жедел кезеңі;

- геморрагиялық диатез, гемофилия, қан ұюдың бұзылуы;

- бауырдың және бүйректің ауыр жеткіліксіздігі;

- жүректің ауыр жеткіліксіздігі;

- анамнездегі салицилаттарды немесе әсері соған ұқсас заттарды қабылдаудан, әсіресе қабынуға қарсы стероидты емес препараттардан индукцияланған бронх демікпесі

- аптасына 15 мг немесе одан көп дозада метотрексатпен біріктірілімде;

- жүктіліктің соңғы триместрінде;

- 16 жасқа дейінгі жасөспірімдер мен балаларда дене қызуы көтерілгенде және вирустық инфекция кезінде қолдануға болмайды.

Басқа дәрілік препараттармен өзара әрекеттесуі

• метотрексат: аптасына 15 мг немесе одан көп дозада метотрексатпен біріктірілімде ацетилсалицил қышқылын қолданғанда метотрексаттың гемотологиялық уыттылығы жоғарылайды (қабынуға қарсы препараттар метотрексаттың бүйрек клиренсін төмендетеді, ал салицилаттар плазма ақуыздарымен байланысу арқылы метотрексаттың орнын басады).

• антикоагулянттар / тромболитиктер: препаратты тікелей емес антикоагулянттармен, тромбоциттер агрегациясының тежегіштерімен, тромболитикалық дәрілермен бірге қолдану қан кетудің даму қаупін арттырады.

• серотонинді кері қармаудың іріктелген тежегіштері: әсер етуінің синергизмі салдарынан асқазан-ішектен қан кету қаупі жоғарылайды.

• дигоксин: қан плазмасындағы дигоксин деңгейінің жоғарылауы бүйрекпен сыртқа шығарылуы төмендеумен байланысты.

• инсулин сияқты диабетке қарсы дәрілер және сульфонилмочевина препараттары жоғары дозададағы ацетилсалицил қышқылымен бріріктірілімде: қандағы глюкоза деңгейі төмендеуі мүмкін.

• антитромбоцитарлық препараттар: тиклопидин, клопидогрель: қан кету уақытының ұзаруы мүмкін.

• жүйелі глюкокортикостероидтар, Аддисон ауруының орын басу еміне арналған гидрокортизонды қоспағанда: глюкокортикостероидтармен бір мезгілде қолданғанда асқазан-ішектен қан кету қаупі артады.

• алкоголь: асқазан-ішектен қан кету қаупі жоғарылайды.

• антацидтер: құрамында магний және/немесе алюминий бар антацидтер ацетилсалицил қышқылының сіңуін баяулатады және нашарлатады.

• литий: литий тұздарымен бір мезгілде қолданған кезде плазмадағы литий иондарының концентрациясын арттырады.

• вальпрой қышқылы: салицилаттардың плазма ақуыздарымен байланысудан ығыстыруы

• құрамында салицилаттар бар қабынуға қарсы стероидты емес препараттар және ревматизмге қарсы дәрілер: асқазан-ішек жолының ойық жаралы зақымдануының немесе асқазан-ішектен қан кетудің қаупі жоғарылайды

• препарат келесі заттардың әсерін әлсіретеді:

• альдостерон антагонистері (спиронолактон және канреноат).

• ілмектік диуретиктер (фуросемид).

• метамизол: ацетилсалицил қышқылы мен құрамында метамизол бар дәрілік заттарды бір мезгілде қолдану тромбоциттер агрегациясының клиникалық маңызды деңгейін төмендетуі мүмкін. Демек, бұл біріктірілім кардиопротекция үшін аспириннің аз дозасын қабылдайтын пациенттерде сақтықпен қолданылуы тиіс.

• ҚҚСП: ибупрофен немесе напроксен сияқты кейбір ҚҚСП бір мезгілде (бір күннің ішінде) қабылдау ацетилсалицил қышқылының қайтымсыз антитромбоцитарлық әсерін әлсіретуі мүмкін. Бұл өзара әрекеттесудің клиникалық маңызы белгісіз. Кардиоваскулярлық қаупі жоғары пациенттерді ибупрофен немесе напроксен сияқты кейбір ҚҚСП емдеу ацетилсалицил қышқылының кардиопротективтік әсерін төмендетуі мүмкін.

• урикозуриялық препараттар (мысалы, пробенецид, бензбромарон).

• гипертензияға қарсы препараттар (әсіресе ангиотензин-өзгертуші ферменттің (АӨФ) тежегіштері).

Арнайы сақтандырулар

Келесі жағдайларда ацетилсалицил қышқылын қолданғанда айрықша сақтық шаралары қажет:

• анальгетиктерге, қабынуға қарсы, ревматизмге қарсы препараттарға немесе басқа аллергенді заттарға аса жоғары сезімталдықта.

• анамнезде созылмалы немесе қайталанатын асқазан-ішек жолының ойық жаралы зақымдануы немесе асқазан-ішектен қан кетулер болғанда

• антикоагулянттармен бірге емдегенде.

• бүйрек функциясының немесе қан айналымының бұзылуында (мысалы, бүйрек тамырларының зақымдануында, іркілген жүрек жеткіліксіздігінде, айналымдағы қан көлемі азайғанда, ауқымды хирургиялық араласуларда, сепсисте немесе ауқымды қан кетулерде), себебі ацетилсалицил қышқылы бүйрек дисфункциясының немесе жедел бүйрек жеткіліксіздігінің даму қаупін қосымша жоғарылатуы мүмкін.

• бауыр функциясының бұзылуында.

• басқа аллергиялық жай-күйлерде: тері реакциялары, қышыну, есекжем, бронх демікпесі, шырышты қабықтың ісінуі (мұрын полиптері), пішен қызбасы, тыныс жолдарының созылмалы аурулары.

- хирургиялық араласулар (соның ішінде шағын хирургиялық араласулар,

мысалы, тіс экстракциясы): қан кету ықтималдығы артуы мүмкін.

• төмен дозаларда ацетилсалицил қышқылы организмнен несеп қышқылының шығарылуын азайтады, бұл бейім пациенттерде подаграның жедел ұстамасын туындатуы мүмкін.

• глюкоза-6-фосфат дегидрогеназа жеткіліксіздігінің ауыр түрінде; ацетилсалицил қышқылы гемолизді немесе гемолиздік анемияны индукциялауы мүмкін. Гемолиз қаупін арттыруы мүмкін факторларға, мысалы, препараттың жоғары дозалары, қызба немесе жедел инфекциялар жатады.

• ацетилсалицил қышқылының антитромбоцитарлық әсерін әлсіретуі мүмкін ибупрофен немесе напроксен сияқты кейбір қабынуға қарсы стероидты емес препараттармен (ҚҚСП) бір мезгілде қабылдауда. Егер пациенттер ацетилсалицил қышқылын қабылдап жүрсе немесе кез келген ҚҚСП қабылдауды бастауға дайындалса, емдеуші дәрігеріне хабарласуды ұсыну керек.

Балаларда және жасөспірімдерде қолдану

Таблеткаларды емдеудің басқа әдістері тиімсіз болған немесе дәрігер табанды түрде ұсынған жағдайларды қоспағанда, қызбасы бар балалар мен 16 жасқа дейінгі жасөспірімдерге қолдануға арналмаған. Ацетилсалицил қышқылын вирустық инфекциямен немесе ЖРА-мен бірге байқалатын гипертермияға (қызбаға) қолданғанда Рейе синдромының даму қаупі жоғары (ми мен бауырдың зақымдануы).

Құрамында ацетилсалицил қышқылы бар препараттарды дәрігердің кеңесінсіз ұзақ уақыт бойы немесе жоғары дозаларда қабылдамау керек.

Жүктілік

Простагландиндер синтезінің тежелуі жүктіліктің ағымына және/немесе эмбрионның немесе шарананың дамуына теріс әсерін тигізуі мүмкін. Эпидемиологиялық зерттеулердің деректері жүктіліктің ерте кезеңдерінде простагландиндер синтезінің тежегіштерін қолдану кезінде дамудағы ақаулар мен түсік тастаудың жоғары даму қаупін айғақтайды. Дозаны арттырғанда және емдеу ұзаққа созылғанда қауіп жоғарылайды деп саналады.

Қолжетімді деректер ацетилсалицил қышқылын қолдану мен жүктілікті мерзімінен бұрын үзу қаупінің жоғарылауы арасындағы байланысты растамайды. Ақаулардың пайда болуына қатысты қолжетімді эпидемиологиялық мәліметтер қарама-қайшы, алайда ақаулардың туындау қаупінің жоғарылауын – ішперденің алдыңғы қабырғасының бітпеуін жоққа шығаруға болмайды. Жүктіліктің ерте кезеңінде (1-4 ай) 14800 әйел/балада ацетилсалицил қышқылын проспективті қолдану даму ақаулары жиілігінің жоғарылағанын анықтаған жоқ.

Жүктіліктің бірінші және екінші триместрінде өте қажеттілік болмаған жағдайда ацетилсалицил қышқылы бар препараттарды қолдануға болмайды. Егер бала көтергісі келетін әйел немесе жүктіліктің бірінші және екінші триместрінде құрамында ацетилсалицил қышқылы бар препараттарды қолданса, дозасы мен емдеу уақыты мүмкіндігінше аз болуы қажет.

Препаратты жүктіліктің үшінші триместрінде қолданғанда простагландиндер синтезінің барлық тежегіштері ұрықта келесі жағдайды туындатуы мүмкін:

- жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен байқалатын).

- жүктілік соңында анада және ұрықта су аздық болған кезде бүйрек функциясының жеткіліксіздігіне дейін үдеуі мүмкін бүйрек функциясының бұзылуы.

Препаратты жүктіліктің үшінші триместрінде қолданғанда простагландиндер синтезінің тежегіштері анаға да ұрықта да келесі жағдайды туындатуы мүмкін:

- қан кету уақытының артуы, тіпті аз дозаларда да туындайтын антиагреганттық әсер.

- жатырдың жиырылу белсенділігін бәсеңдетуі, бұл асқынуды немесе ұзақ босануды туындатуы мүмкін.

Лактация

Ацетилсалицил қышқылының және оның метаболиттерінің аздаған мөлшері емшек сүтіне өтеді. Қазіргі сәтте балаға зиянды әсерлері туралы хабарланған жоқ, сондықтан аз дозада препаратты қолданғанда, емшек емізуді тоқтату талап етілмейді. Препаратты үнемі жоғары дозаларын қабылдаған кезде емшек емізуді тоқтату керек.

Фертильділік

Шектеулі жарияланған деректерге сәйкес, адамдарға жүргізілген зерттеулер ацетилсалицил қышқылының фертильділікке тұрақты әсерін көрсеткен жоқ.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Ықтимал жағымсыз әсерлерді ескере отырып, автомобильді немесе аса қауіпті механизмдерді басқару кезінде абай болу керек.

Қолдану жөніндегі нұсқаулар

Дозалау режимі

Ересектерге қажет болған жағдайда әрбір 4-6 сағат сайын 500-1000 мг-ден (1-2 таблетка) тағайындайды. Ең жоғары бір реттік доза – 2 таблетка, ең жоғары тәуліктік доза – 3000 мг (6 таблетка).

16 жастан асқан балаларға бір реттік дозада 250 мг (1/2 таблетка) тәулігіне 2 рет, ең жоғары тәуліктік доза 750 мг.

Дене температурасы 38,5°С жоғары болған кезде (анамнезінде фебрильді құрысулары бар пациенттерде – 37,5°С жоғары температурада) 500-1000 мг дозада қызуды түсіретін дәрі ретінде тағайындайды.

Егде жастағы адамдар үшін: ең жоғары тәуліктік доза – 1000 мг.

Енгізу әдісі мен жолы

Препарат тамақтанғаннан кейін көп мөлшердегі сумен бірге, ішке қабылдауға (пероральді) арналған.

Артық дозалану жағдайында қабылдау қажет болатын шаралар

Симптомдары: құлақтың шыңылдауы, бас айналу, көру және есту қабілетінің бұзылуы, бас ауыру, жүрек айну, құсу, тыныс алудың жоғарылауы. Кейінірек комаға дейін сананың тежелуі, тыныстық және тамырлық жеткіліксіздік, қышқыл-негіз тепе-теңдігінің бұзылуы (респираторлық алкалоз, содан кейін метаболизмдік ацидоз), бүйрек функциясының жедел жеткіліксіздігі (БФЖЖ), шок туындайды. 200-ден 500 мг/кг-ға дейінгі дозаны қабылдау кезінде өлімге әкелетін уыттану болуы мүмкін.

Емі: құстыру немесе асқазанды шаю, белсендірілген көмір, іш жүргізетін дәрілерді тағайындау. Әрі қарай емдеу мамандандырылған бөлімшеде жүргізілуі керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болған жағдайда, кеңес алу үшін медицина қызметкеріне жүгінуді ұсынамыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар 

Ас қорыту жүйесінің тарапынан бұзылуы:

Жиі: жүрек айну, құсу, іштің ауыруы, диарея, қыжыл.

Сирек: асқазан-ішек жолының қабынуы, асқазан-ішек жолының ойық жаралары.

Өте сирек: асқазан-ішек жолынан қан кету, асқазан-ішек жолының ойық жарасының тесілуі.

Белгісіз: егер ішектің шырышты қабығында бұрыннан бар зақым болса, ішек өзегінде көптеген жарғақшалар түзілуі мүмкін, кейіннен стенозға әкелуі ықтимал.

Қан және лимфа жүйесі тарапынан бұзылулар:

Сирек: тромбоцитопения, анемия, лейкопения.

Сирек және өте сирек: церебральді қан кету сияқты ауыр қан кетулердің сирек және өте сирек жағдайлары, әсіресе бақыланбайтын гипертензиясы бар пациенттерде және/немесе антикоагулянттық препараттармен қатар ем жүргізген кезде, жекелеген жағдайларда өмірге әлеуетті қауіп төндіретін жағдайлар байқалған.

Белгісіз: глюкоза-6-фосфатдегидрогеназа (Г6ФД) жеткіліксіздігінің ауыр түрлері бар пациенттердегі гемолиз және гемолиздік анемия жағдайлары байқалды.

Қан кетулер, мысалы, мұрыннан, қызыл иектен, теріден немесе несеп-жыныс жолынан, қан кету уақытының ұзару мүмкіндігімен. Бұл әсер препаратты тоқтатқаннан кейін 4-8 күн бойы жалғасуы мүмкін.

Иммундық жүйе тарапынан бұзылулар:

Сирек: анафилаксиялық шок немесе ангионевроздық ісіну.

Белгісіз: тері, тыныс жолдары және жүрек-қантамыр жүйесі тарапынан аса жоғары сезімталдық реакциялары, әдетте бронх демікпесі бар пациенттерде. Симптомдар мыналарды қамтуы мүмкін: артериялық гипотензия, демігу ұстамалары, ринит, мұрынның бітелуі.

Бауыр және өт жолдарының тарапынан бұзылулар:

Өте сирек: бауыр функциясы көрсеткіштері деңгейінің жоғарылауы, бауырдың майлы инфильтрациясы.

Бүйрек және несеп жолдарының тарапынан бұзылулар:

Белгісіз: бүйрек функциясының бұзылуы және бүйректің жедел жеткіліксіздігі, гипераммониемия.

Жүйке жүйесінің тарапынан бұзылуы:

Сирек: бас айналу, бас ауыру, көрудің қайтымды бұзылуы, құлақтың шуылдауы, есту жітілігінің төмендеуі және сананың шатасуы препараттың артық дозалану белгілері болуы мүмкін.

Тері және тері жабыны тарапынан бұзылулар:

Жиі емес: тері реакциялары түріндегі аллергиялық реакциялар (тері бөртпесі, есекжем, қышу).

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық  бақылау   комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

немесе

«Эйкос-Фарм» ЖШС, Қазақстан Республикасы, Алматы қ., Нүсіпбеков к-сі, 32

Тел: + 7 (727) 397 64 29, + 7 (727) 329 66 07, +7 (727) 397 64 14

факс: + 7 (727) 250 71 78

Электронды пошта мекенжайы: pharm@eikos.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – ацетилсалицил қышқылы 500 мг,

қосымша заттар: картоп крахмалы, повидон, карбоксиметилцеллюлозаның натрий тұзы, кальций стеараты, лимон қышқылы моногидраты, тальк.

Сыртқы түрінің, иісінің, дәмінің сипаттамасы

Дөңгелек жалпақ, ақ түсті (мәрмәрлікке жол беріледі), иіссіз немесе өзіне тән иісі бар, ойығы және сызығы бар таблеткалар.

Шығарылу түрі және қаптамасы

10 таблеткадан полиэтилен үлбірі бар алюминий фольгадан жасалған пішінді ұяшықсыз қаптамада. Полиэтилен үлбірі бар алюминий фольгадан жасалған 200 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықтармен бірге картон қорапқа (топтық қаптама) салынады.

10 таблеткадан полиэтилен үлбірі бар алюминий фольгадан жасалған пішінді ұяшықсыз қаптамада. 10 пішінді ұяшықсыз қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. 24 картон қорапшадан картон қорапқа (топтық қаптама) салынады.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25˚С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Эйкос-Фарм» ЖШС, Қазақстан Республикасы, Алматы облысы, Қарасай ауданы, Елтай ауылдық округі, 71 разъезд станциясы, М.Кенжин көшесі, 4/1 телім

Тіркеу куәлігінің ұстаушысы

«Эйкос-Фарм» ЖШС, Қазақстан Республикасы, Алматы облысы, Іле ауданы, Энергетический а.о., Өтеген батыр ауылы, Титов көшесі, №8 үй., 2

Тел: + 7 (727) 397 64 29, + 7 (727) 329 66 07, +7 (727) 397 64 14

факс: + 7 (727) 250 71 78

Электронды пошта мекенжайы: pharm@eikos.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Эйкос-Фарм» ЖШС

Кеңсенің мекенжайы: Қазақстан Республикасы, Алматы қ., Нүсіпбеков к-сі 32

тел: + 7 (727) 397 64 29, + 7 (727) 329 66 07, +7 (727) 397 64 14

факс: + 7 (727) 250 71 78

e-mail: pharm@eikos.kz