Ацесоль (раствор для инфузий; 200 мл, 400 мл; Фармацевтическая компания Ромат)

• русский
• қазақша

• Скачать инструкцию медикамента

Саудалық атауы

Ацесоль

Халықаралық патенттелмеген атауы

Жоқ

Дәрілік түрі

Инфузияға арналған 200 мл және 400 мл ерітінді

Құрамы

1 литр ерітіндінің құрамында

белсенді заттар: 5.0 г натрий хлориді, 2.0 г натрий ацетаты, 1.0 г калий хлориді

қосымша зат – 1 л-ге дейін инъекцияға арналған су,

иондық құрамы: Na+ – 110 ммоль/л, К+ – 13 ммоль/л, Cl¯ – 99 ммоль/л, ацетат – 24 ммоль/л.

Ерітінді осмолялдігі - 246 мосмоль/кг су.

Сипаттамасы

Түссіз мөлдір сұйықтық

Фармакотерапиялық тобы

Плазма алмастырғыш және перфузиялық ерітінділер. Көктамыр ішіне енгізуге арналған ерітінділер. Су-электролитті теңгерімге әсер ететін ерітінділер. Электролиттер.

АТХ коды В05ВВ01

Фармакологиялық қасиеттері

Фармакокинетикасы. Препарат қантамыр арнасында ұзақ болмайды, интерстициалды кеңістікке жылдам өтеді. Диурезді күшейте отырып, бүйрек арқылы шығарылады.

Фармакодинамикасы. «Ацесоль» ерітіндісі осмостық тұрғыдан теңестірілген біріктірілген препарат болып табылады. Ерітінді уытсыздандырғыш, плазма алмастырғыш, регидратациялаушы, шокқа қарсы және гемодинамикалық әсер етеді: гиповолемияны азайтады, қанның реологиялық қасиеттерін жақсартады, қанның қоюлануына және метаболизмдік ацидоздың дамуына кедергі жасайды, диурезді күшейтеді, микроайналымды жақсартады.

Қолданылуы

- дегидратацияда

- метаболикалық ацидозда қарқынды ем-шаралары кешенінде

- жұқпалы-уытты шок

Қолдану тәсілі және дозалары

Ересектерге және барлық жастағы балаларға

Зертханалық көрсеткіштерді бақылаумен көктамыр ішіне (сорғалатып және тамшылатып). 1 сағат бойына науқастың 7-10 % дене салмағына сәйкес мөлшердегі ерітіндіні енгізеді, одан кейін сорғалатып енгізуді минутына 40-120 тамшы жылдамдықпен 24-48 сағат бойына тамшылатып енгізумен алмастырады. Ерітіндіні енгізер алдында 36°С – 37°С-ге дейін жылытады. Енгізілетін ерітіндінің жалпы көлемі жоғалтқан сұйықтық көлеміне сай болуы тиіс. Енгізілген және жоғалған сұйықтық теңгерімін әрбір 6 сағат сайын анықтайды.

Айқын дегидратация мен ауыр дәрежелі жұқпалы-уытты шокта, декомпенсацияланған метаболикалық ацидозда кейіннен тамшылатып енгізуге ауыстыра отырып, препаратты сорғалатып енгізуден бастайды. Анағұрлым жеңіл дәрежелі уыттану мен организмнің сусыздануы кезінде препаратты тамшылатып енгізумен шектелуге болады.

Жағымсыз әсерлері

Өте сирек

- гиперкалиемия

- аллергиялық реакциялар (қышыну)

- ісінулер

- тахикардия

Кейбір жағдайларда қалтыраудың туындауы мүмкін.

Қолдануға болмайтын жағдайлар

• препараттың кез келген компонентіне аса жоғары сезімталдық

• гиперкалиемия

• гипернатриемия

• метаболикалық алкалоз

• созылмалы бүйрек жеткіліксіздігі (анурия, олигоурия)

• организмге көп мөлшерде сұйықтық енгізуге қарсы көрсетілімдердің болуы (мидың, өкпенің ісінуі, гипергидратация және т.б.)

Дәрілермен өзара әрекеттесуі

Препаратты басқа дәрілік заттармен араластырғанда үйлесімділігін көзбен шолып бақылау қажет.

Айрықша нұсқаулар

Жүктілік және лактация

Препаратты жүктілік және бала емізу кезеңінде қолдану тәжірибесі жоқ. Дәрілік заттың көлік құралдары немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Гиперкалиемия симптомдары: іш аймағының ауыруы, жүрек айну, құсу, тыныс алудың жиілеуі, профузды тер, гипотермия.

Емі: артериялық қысымды, тамыр соғуы және ЭКГ бақылай отырып, 10 % кальций хлоридін, сода ерітінділерін көктамыр ішіне енгізу.

Шығарылу түрі мен қаптамасы

200 мл және 400 мл препараттан резеңке тығындармен тығындалған және алюминий қалпақшалармен қаусырылған, қанға, трансфузиялық және инфузиялық препараттарға арналған сыйымдылығы 250 мл және 450 мл (сәйкесінше) шыны бөтелкелерге құйылады. Бөтелкелерге заттаңбалық немесе жазу қағазынан жасалған заттаңбалар жапсырылады. Бөтелкелерді гофрланған картоннан жасалған аралықтармен жеке қорапшасыз гофрланған картоннан жасалған қорапқа қаптайды. Қорапқа бөтелке санына сәйкес медицинада қолданылуы жөніндегі мемлекеттік және орыс тілдерінде нұсқаулықтар салынған.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Бөтелке бүтіндігі сақталған кезде ерітіндіні мұздатып қатыру, препаратты қолдануға қарсы көрсетілім болып табылмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz

Тіркеу куәлігінің иесі

«Ромат» Фармацевтикалық компаниясы ЖШС, Медициналық препараттар зауыты, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz