АЦ Тева (таблетки шипучие, 600 мг)

• русский
• қазақша

• Скачать инструкцию медикамента

Саудалық атауы

АЦ Тева

Халықаралық патенттелмеген атауы

Ацетилцистеин

Дәрілік түрі

Көпіршитін таблеткалар, 600 мг

Құрамы

Бір таблетканың құрамында

белсенді зат: 600 мг ацетилцистеин,

қосымша заттар: лимон қышқылы, натрий гидрокарбонаты, лимон хош иістендіргіші, еритін повидон, адипин қышқылы, микронизделген адипин қышқылы, аспартам.

Сипаттамасы

Ақ немесе аздап сарғыш, дөңгелек, лимонның иісі бар, бір жағында бөлу сызығы бар, диаметрі 20.0±0.2 мм және биіктігі 4.5±0.3 мм көпіршитін таблеткалар.

Фармакотерапиялық тобы

Тұмау және жөтел симптомдарын жоюға арналған препараттар. Қақырық түсіретін препараттар. Муколитиктер. Ацетилцистеин.

ATХ коды R05CB 01

Фармакологиялық қасиеттері

Фармакокинетикасы

Ішке қабылдаған кезде ацетилцистеин асқазан-ішек жолында жақсы сіңіріледі. Цистеин, диацетилцистеин, цистин және түрлі ди­сульфидтердің пайда болуымен метаболиздене отырып, айтарлықтай деңгейде бауыр арқылы «алғашқы өту» әсеріне ұшырайды, бұл биожетімділікті 10% дейін төмендетеді. Цистеин метаболиті плазмадағы ең жоғарғы концентрациясына 1-3 сағаттан кейін, ал бауыр функциясы бұзылған науқастарда – 8 сағаттан кейін жетеді, шамамен 2 мкмоль/л құрайды. Ацетилцистеиннің плазма ақуыздарымен байланысуы шамамен 50 % құрайды.

Ацетилцистеиннің бөлінуі белсенді емес метаболиттер (органикалық емес сульфаттар, диацетилцистин) түрінде тек қана бүйрек арқылы жүзеге асады. Ацетилцистеиннің қан плазмасындағы жартылай шығарылу кезеңі шамамен 1 сағатқа теңеледі, және негізінен жылдам бауырлық биотрансформациямен анықталады.

Фармакодинамикасы

АЦ Тева - ацетилцистеин, цистеин амин қышқылының туындысы. Ацетилцситеин бронх жолдарының аумағында секретолитикалық және секретомоторлық әсерді көрсетеді. Қақырықты сұйылтады, оның көлемін арттырады, оның шығарылуын жеңілдетеді. Ацетилцистеин өзінің белсенділігін іріңді қақырық болса да сақтайды. Ацетилцистеиннің әсер ету механизмі оның сульфгидрильді топтарының қақырықтың қышқыл мукополисахаридтердің дисульфидті байланысын айыру қабілетіне негізделген, бұл мукопротеиндердің деполяризациясына және шырыштың тұтқырлығын азайтуға әкеледі. Бұдан басқа, ацетилцистеин жасушаішілік қорғаныстың маңызды антиоксиданттық факторы болып табылатын глутатион синтезін арттыруға көмектеседі және жасушаның функциялық белсенділігін демеуді және морфологиялық тұтастығын қамтамасыз етеді, бұл сонымен қатар парацетамолмен улану кезінде у қайтарғы ретінде тиімділігін түсіндіреді.

Профилактикалық қолдану кезінде ацетилцистеин бактериялық инфекциялардың асқыну жиілігі мен ауырлығына қатысты қорғаныс әсерін көрсетеді. бұл созылмалы бронхит және муковисцидозы бар пациенттерде анықталған.

Қолданылуы

- қақырықтың пайда болуының және шығарылуының бұзылысымен өтетін жедел және созылмалы бронхөкпе аурулары кезінде муколитикалық ем

Қолдану тәсілі және дозалары

Көпіршитін таблеткаларды бір стақан суда ерітіп және тамақтан кейін қабылдануы керек.

Ересектер және 14 жастан асқан жасөспірімдер: ½ көпіршитін таблеткадан күніне 2 рет немесе 1 көпіршитін таблеткадан күніне 1 рет.

Қысқа мерзімді тұмау аурулары кезінде курстың ұзақтығы 4-5 күнді құрайды.

Қабылдау ұзақтығы ауру және оның ауырлығына тәуелді және емдеуші дәрігермен анықталады.

Жағымсыз әсерлері

Жиі емес (≥1/1000, <1/100)

- аллергиялық реакциялар (қышыну, есекжем, тері бөртпесі, бронх түйілуі, Квинке ісінуі)

- тахикардия, АҚ төмендеуі

- артериялық гипотензия

- бас ауыруы

- құлақтың шуылдауы

- стоматит, іштің ауыруы, қыжыл, жүрек айну, құсу, диарея

- қызба

Сирек (≥1/10000, <1/1000)

- ентігу, бронх демікпесіне байланысты негізінен бронх жүйесінің реактив- тілігі жоғары пациенттердегі бронх түйілуі

Өте сирек (< 1/10 000)

- жоғары сезімталдық реакцияларымен ішінара байланысты қан кетулер және қан құйылу

- анафилаксиялық шокқа дейінгі анафилаксиялық реакциялар

- Стивенс-Джонсон синдромы, Лайелл синдромы

Жиілігі белгісіз

- беттің ісінуі

Қолдануға болмайтын жағдайлар

- ацетилцистеинге немесе препарат қандай да бір компонентіне аса жоғары сезімталдық

- асқыну сатысындағы асқазанның және он екі елі ішектің ойық жаралы ауруы

- фенилкетонурия

- қан түкіру, өкпеден қан кету

- асқыну сатысындағы бронх демікпесі

- бауыр және бүйрек жеткіліксіздігі

- жүктілік және лактация кезеңі

- балалар және 14 жасқа дейінгі жасөспірімдер

- фруктозаны көтере алмаушылық, глюкоза-галактоза немесе сахароза-изомальтоза мальабсорбциясы синдромы

Дәрілермен өзара әрекеттесуі

Бір уақытта АЦ Теваны және:

- жөтелге қарсы дәрілерді қолданған кезде жөтел рефлексінің азаюына байланысты секреттің іркілуі мүмкін, сондықтан осы біріктірілген емді тағайындауға негіздеме болуы керек

- жартылай синтетикалық пенициллин, тетрациклин, цефалоспорин, сондай-ақ аминогликозидтермен қолданған кезде 2 сағаттан кем емес аралықты сақтау қажет. Бұл цефиксим және лоракарбефке қатысты емес.

- амоксициллин, доксициклин, эритромицин немесе тиамфеникол, сондай-ақ цефуроксим сияқты антибиотиктермен қолданған кезде сәйкессіздігі туралы есептер жоқ

- нитроглицерин тамырлардың кеңею әсері күшеюі және тромбоциттер агрегациясын басуы мүмкін. Бұл деректердің клиникалық маңызы анықталмаған.

Ацетилцистеин парацетамолдың уытты әсерін жояды.

Белсендендірілген көмірді жоғары дозада қолдану ацетилцистеиннің әсерін төмендетуі мүмкін.

Айрықша нұсқаулар

1 көпіршитін таблетканың құрамында 20 мг аспартам (11,2 мг фенилаланинге баламалы) және 6,5 ммоль (150,2 мг) натрий бар екендігін ескерген жөн, тұзды қолдану шектеулі диетадағы адамдарға ескеру қажет.

Бронх демікпесі және обструкциялық бронхиті бар пациенттерге АЦ Тева бронх түйілуінің даму қаупіне байланысты сақтықпен тағайындаған жөн. Аллергиялық реакциялар немесе бронх түйілуі дамыған жағдайда препаратты қабылдауды дереу тоқтатады немесе тиісті емдік шаралар қолданылуы тиіс.

АЦ Теваны қолдану қақырықтың сұйылуына және оның көлемінің артуына әкелуі мүмкін. Жеткіліксіз жөтел рефлексінде дәрігер тиісті шаралар қабылдау тиіс (постуралды дренаж немесе аспирация).

Соған бейім пациенттерде аллергиялық тері реакциялары пайда болуы мүмкін. Сирек жағдайларда Стивенс-Джонсон синдромы немесе Лайелл синдромы сияқты күрделі тері реакциялары дамуы мүмкін. Тері және шырышты қабық тарапынан өзгерістер пайда болған жағдайда пациентке ацетилцистеинді қабылдауды дереу тоқтатып және дәрігерге қаралғаны жөн.

Асқазан-ішек жолынан қан кетулердің даму қаупі бар пациенттерде (мысалы, белсенді емес түрдегі пептикалық ойық жара немесе өңеш көктамырларының варикозы) сақ болған жөн, өйткені ацетилцистеинді ішке қабылдаған кезде құсуы мүмкін.

Препаратты қабылдаған кезде гистаминді көтере алмайтын пациенттерге ерекше мән берген жөн. Мұндай пациенттерге ұзақ емдеуден аулақ болған жөн, себебі препарат гистаминнің метаболизміне әсер етеді және препаратты көтере алмаушылық белгілерінің, мысалы бас ауыруы, ринорея және ашушаңдық пайда болуы мүмкін.

Ацетилцистеинді қабылдаған кезде тромбоциттер агрегациясының төмендеуі түрлі зерттеулермен расталған, алайда бұл қорытындының клиникалық мәні анықталмаған.

Пациенттің тынысы уақытша белсенді затқа тән жағымсыз күкіртті иіске ие болуы мүмкін.

Ацетилцистеин талдаудың колориметриялық әдісімен салицилаттарды анықтауға кедергі келтіруі мүмкін.

Ацетилцистеин несептегі кетондарды анықтау нәтижелеріне әсер етуі мүмкін.

Дәрілік заттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жүрек айну, құсу және диарея.

Емі: симптоматикалық.

Шығарылу түрі және қаптамасы

20 таблеткадан полиэтиленнен жасалған тубаға салынған. 1 тубадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Меркле ГмбХ», Германия

Қаптаушы

«Меркле ГмбХ», Германия

Тіркеу куәлігінің иесі

«ратиофарм ГмбХ», Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ратиофарм Казахстан» ЖШС, 050040, Алматы қ-сы, Әл-Фараби д-лы 19,

Нұрлы-Тау БО, 1Б, 603 кеңсе. Телефон: (727)3110915, Факс: (727)3110734,

e-mail: Safety.Kazakhstan@tevapharm.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ратиофарм Казахстан» ЖШС, 050040, Алматы қ-сы, Әл-Фараби д-лы 19,

Нұрлы-Тау БО, 1Б, 603 кеңсе. Телефон: (727)3110708, Факс: (727)3110734

е-mail: Dina.Baimakova@tevapharm.com