Аугментин® (400 мг/57 мг/5 мл, порошок для приготовления суспензии)

МНН: Амоксициллин, Клавулановая кислота
Производитель: Глаксо Веллком Продакшн
Анатомо-терапевтическо-химическая классификация: Амоксициллин в комбинации с ингибиторами бета-лактамаз
Номер регистрации в РК: № РК-ЛС-5№004472
Информация о регистрации в РК: 29.12.2016 - бессрочно
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 1 382.2 KZT

Инструкция

Саудалық атауы

Аугментин®

Халықаралық патенттелмеген атауы

Жоқ

Дәрілік түрі

Ішке қабылдау үшін суспензия дайындауға арналған 400 мг/57 мг/5 мл,

35 мл ұнтақ

Құрамы

5 мл суспензия құрамында

белсенді заттар: 400 мг амоксициллин (амоксициллин тригидраты түрінде);

57 мг клавулан қышқылы (калий клавуланаты түрінде),

қосымша заттар: ксантан шайыры, аспартам, сусыз коллоидты кремнийдің қостотығы, магний стеараты, кросповидон, натрий кроскармеллозасы, натрий бензоаты, құлпынай хош иістендіргіші, сусыз кремнийдің қостотығы.

Сипаттамасы

Ақ түсті немесе сарғыш бөлшектері бар ақ дерлік түсті, өзіне тән иісі бар ұнтақ. Дайындалған суспензия ақ немесе ақ дерлік түсті; тұнып тұрғанда баяу ақ немесе ақ дерлік түсті шөгінді пайда болады.

Фармакотерапиялық тобы

Жүйелі пайдалануға арналған антибактериялық препараттар.

Бета-лактамаза тежегіштерімен біріктірілген пенициллиндер.

Клавулан қышқылы + амоксициллин.

АТХ коды J01CR02

Фармакологиялық қасиеттері

Фармакокинетикасы

Сіңуі

Амоксициллин мен клавуланат рН физиологиялық мәні бар сулы ерітінділерде жақсы ериді, ішу арқылы қабылдағаннан кейін асқазан-ішек жолынан тез әрі толығымен сіңеді. Амоксициллин мен клавулан қышқылының сіңуі препаратты тамақтанудың басында қабылдаған жағдайда ұтымды болмақ. Препаратты ішке қабылдағаннан кейін оның биожетімділігі 70 % құрайды. Препарат қос компонентінің бейіндері ұқсас және плазмада шыңдық концентрациясына (Тmax) шамамен 1 сағаттта жетеді. Амоксициллин мен клавулан қышқылының концентрациясы қан сарысуында амоксициллин мен клавулан қышқылын бірге, сонымен қатар әр компонентті бөлек қолдану жағдайындағы сияқты бірдей.

Таралуы

Амоксициллин мен клавулан қышқылы емдік концентрацияларына әр түрлі ағзалар мен тіндерде, интерстициальді сұйықтықта (өкпеде, іш қуысының мүшелерінде, өт қабында, май, сүйек және бұлшықет тіндерінде, плевралық, синовиальді және перитонеальді сұйықтықтарда, теріде, өтте, іріңді бөліністерде, қақырықта) жетеді. Амоксициллин мен клавулан қышқылы іс жүзінде сұйықтығына енбейді.

Амоксициллин мен клавулан қышқылының плазма ақуыздарымен байланысуы орташа: клавулан қышқылы үшін 25% және амоксициллин үшін 18%. Амоксициллин, көптеген пенициллиндер сияқты емшек сүтімен бөлінеді. Емшек сүтінде, сондай-ақ клавулан қышқылының іздік мөлшерлері анықталған. Сенсибилизация қаупін қоспағанда, емшек еметін сәбилердің денсаулығына жағымсыз ықпал етпейді. Амоксициллин мен клавулан қышқылы плацентарлық бөгет арқылы өтеді.

Шығарылуы

Амоксициллин негізінен бүйрекпен, ал клавулан қышқылы – бүйректік және бүйректен тыс механизмдер арқылы шығарылады. Ішке 250 мг/125 мг немесе 500 мг/125 мг бір таблетканы бір рет қабылдағаннан кейін шамамен 60-70% амоксициллин және 40-65% клавулан қышқылы алғашқы 6 сағат ішінде өзгермеген түрде несеппен шығарылады.

Метаболизмі

Амоксициллин қабылданған дозасының 10-25%-ына баламалы белсенді емес пенициллин қышқылы түрінде ішінара несеппен шығарылады. Клавулан қышқылы ағзада қарқынды 2,5-дигидро-4-(2-гидроксиэтил)-5-оксо-1Н-пиррол-3-карбон қышқылы және 1-амино-4-гидрокси-бутан-2-ге дейін метаболизмге ұшырайды да, несеппен және нәжіспен, сондай-ақ деммен шығарылған ауа арқылы көмірқышқыл газы түрінде шығарылады.

Фармакодинамикасы

Аугментин® – бұл құрамында амоксициллин мен клавулан қышқылы бар, кең ауқымды бактерицидті әсер ететін, бета-лактамазаға төзімді біріктірілген антибиотик.

Амоксициллин – бұл кең ауқымды әсері бар жартылай синтетикалық антибиотик, көптеген грамоң және грамтеріс микроорганизмдерге қатысты белсенді. Амоксициллин бета-лактамазалардың әсерінен ыдырайды және бұл ферментті өндіретін микроорганизмдерге әсер етпейді. Амоксициллиннің әсер ету механизмі бактериялардың жасуша жақтаулары пептидогликандарының биосинтезін тежеуіне негізделген, бұл әдетте жасушалар лизисіне және өлуіне әкеледі.

Клавулан қышқылы– бұл бета-лактамат, химиялық құрылымы бойынша пенициллиндерге жақын, пенициллиндер мен цефалоспориндерге төзімділік танытатын микроорганизмдердің бета-лактамазалар энзимдерінің белсенділігін жоятын қабілеті бар, сол арқылы амоксициллин белсенділігінің жойылуын болдырмайды. Бета-лактамазаларды көптеген грамоң және грамтеріс бактериялар өндіреді. Бета-лактамазалардың әсері патогендерге әсері басталғанға дейін-ақ кейбір бактерияға қарсы препараттардың ыдырауына алып келуі мүмкін. Клавулан қышқылы бактериялардың амоксициллинге сезімталдығын қалпына келтіре отырып, ферменттердің әсерін бөгейді. Дәрілік резистенттілігі жиі байланысты болып келетін плазмалық бета-лактамазаларға қатысты ішінара жоғары белсенділікке ие, бірақ 1 типті хромосомалық бета-лактамазаларға қатысты тиімділігі төмендеу.

Аугментиннің® құрамында клавулан қышқылының болуы амоксициллинді бета-лактамазалардың ыдырататын әсерінен қорғайды және оған микроорганизмдерді, әдетте басқа пенициллиндер мен цефалоспориндерге резистентті микроорганизмдерді қоса отырып, оның бактерияға қарсы ауқымын кеңейтеді. Клавулан қышқылы монопрепарат түрінде бактерияға қарсы клиникалық маңызды әсер етпейді.

Төзімділіктің даму механизмі

Аугментинге® төзімділік дамуының 2 механизмі бар

- B, C, D кластарын қоса, клавулан қышқылының әсер етуіне сезімталдығы жоқ бактериялық бета-лактамазалармен белсенділікті жою

- антибиотиктің микроорганизмге қатысты аффинділігін азайтуға әкелетін пенициллин-байланыстырушы ақуыздар деформациясы

Бактериялық қабырғаның өткізбеушілігі, сондай-ақ помпа механизмдері, әсіресе грамтеріс микроорганизмдердің төзімділігі дамуын туындатады немесе ықпалын тигізеді.

Аугментин® мынадай микроорганизмдерге бактерицидті әсер етеді:

Грамоң аэробтар: Enterococcus faecalis, Gardnerella vaginalis, Staphylococcus aureus (метициллинге сезімтал), коагулаза-жағымсыз стафилококктар (метициллинге сезімтал), Streptococcus agalactiae, Streptococcus pneumoniae1, Streptococcus pyogenes және басқа да бета-гемолитикалық стрептококктар, Streptococcus viridans, Bacillius anthracis, Listeria monocytogenes, Nocardia asteroides тобы

Грамтеріс аэробтар: Actinobacillus actinomycetemcomitans, Capnocytophaga spp., Eikenella corrodens, Haemophilus influenzae, Moraxella catarrhalis, Neisseria gonorrhoeae, Pasteurella multocida

анаэробты микроорганизмдер: Bacteroides fragilis, Fusobacterium nucleatum, Prevotella spp.

Жүре біткен төзімділігі болуы мүмкін микроорганизмдер

Грамоң аэробтар: Enterococcus faecium*

Грамтеріс аэробтар: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris

Табиғи төзімділігі бар микроорганизмдер:

грамтеріс аэробтар: Acinetobacter species, Citrobacter freundii, Enterobacter species, Legionella pneumophila, Morganella morganii, Providencia species, Pseudomonas species, Serratia species, Stenotrophomonas maltophilia;

басқалар: Chlamydia trachomatis, Chlamydophila pneumoniae, Chlamydophila psittaci, Coxiella burnetti, Mycoplasma pneumoniae.

Жүре біткен төзімділік болмағандағы табиғи сезімталдық

1 Пенициллиндерге төзімді Streptococcus pneumoniae штаммдарын қоспағанда

Қолданылуы

- жедел бактериялық синуситте

- тонзиллитте

- жедел ортаңғы отитте

- төменгі тыныс алу жолдары жұқпаларында (созылмалы бронхиттің өршуі, бөліктік пневмония, бронхопневмония, ауруханадан тыс пневмония)

- циститте, уретритте

- пиелонефритте

- гинекологиялық жұқпаларда, созда

- тері мен жұмсақ тіндердің жұқпаларында (соның ішінде, целлюлитте, жәндіктер шаққанда, жедел абсцесстер мен жақсүйек-бет маңының флегмоналарында)

- сүйектер мен буындар жұқпаларында (соның ішінде, остеомиелитте)

Қолдану тәсілі және дозалары

Ішке қабылдауға арналған суспензия педиатрияда қолдануға арналған.

Аугментинге® сезімталдық географиялық орналасуы мен уақытына байланысты түрленуі мүмкін. Препаратты тағайындар алдында мүмкіндігінше штаммдар сезімталдығын жергілікті деректерге сәйкес бағалау және әсіресе ауыр жұқпалар жағдайында, нақты емделушілерден үлгілерді жинау және тексеру жолымен сезімталдығын анықтау қажет.

Дозалау режимі жас шамасына, дене салмағына, бүйрек қызметіне, жұқпалық агентіне, сондай-ақ жұқпаның ауырлық дәрежесіне байланысты жекелей анықталады.

Аугментинді® тамақтанудың басында қабылдау ұсынылады. Жүргізілетін емнің уақыты жүргізген емге емделушінің жауабына байланысты болады.

Кейбір патологиялар (оның ішінде, остеомиелит) анағаұрлым ұзақ курсты қажет етуі мүмкін. Емдеуді науқастың жай-күйін қайтадан бағаламай, 14 күннен ұзақ жалғастыруға болмайды. Қажет болса сатылы емдеу жүргізілуі мүмкін (препаратты бастапқыда көктамыр ішіне енгізіп, артынан ішу арқылы қабылдауға көшу).

2 айдан бастап 12 жасқа дейінгі дене салмағы 40 кг төмен балалар

Дозаны жасына және салмағына байланысты, тәулігіне дене салмағының мг/кг қарай, немесе дайын суспензия миллилитрімен көрсетеді. Ұсынылатын дозалау режимі:

- 25 мг/3,6 мг/кг/тәуліктен 45 мг/6,4 мг/кг/тәулікке дейін, 2 қабылдауға бөлінген, жеңіл және орташа жұқпалар кезінде (қайталанатын тонзиллит, тері және жұмсақ тіндер жұқпалары)

- 45 мг/6,4 мг/кг/ тәуліктен 70 мг/10 мг/кг/ тәулікке дейін, 2 қабылдауға бөлінген, анағұрлым күрделі жұқпаларды емдеу (ортаңғы отит және синусит, төменгі тыныс алу жолдарының жұқпалары).

Дене салмағына қарай Аугментин® препаратының бір реттік дозасын таңдау кестесі

Дене салмағы (кг)

25 мг/3,6 мг/кг/тәулік

45 мг/ 6,4 кг/ тәулік

70 мг/10 мг/кг/ тәулік

5

0,8 мл тәулігіне 2 рет

1,4 мл тәулігіне 2 рет

-

6

0,9 мл тәулігіне 2 рет

1,7 мл тәулігіне 2 рет

-

7

1,1 мл тәулігіне 2 рет

2,0 мл тәулігіне 2 рет

-

8

1,3 мл тәулігіне 2 рет

2,3 мл тәулігіне 2 рет

-

9

1,4 мл тәулігіне 2 рет

2,5 мл тәулігіне 2 рет

-

10

1,6 мл тәулігіне 2 рет

2,8 мл тәулігіне 2 рет

-

11

1,7 мл тәулігіне 2 рет

3,1 мл тәулігіне 2 рет

-

12

1,9 мл тәулігіне 2 рет

3,4 мл тәулігіне 2 рет

-

13

2,0 мл тәулігіне 2 рет

3,7 мл тәулігіне 2 рет

5,7 мл тәулігіне 2 рет

14

2,2 мл тәулігіне 2 рет

3,9 мл тәулігіне 2 рет

6,0 мл тәулігіне 2 рет

15

2,3 мл тәулігіне 2 рет

4,2 мл тәулігіне 2 рет

6,5 мл тәулігіне 2 рет

20

3,1 мл тәулігіне 2 рет

5,6 мл тәулігіне 2 рет

8,8 мл тәулігіне 2 рет

25

4,0 мл тәулігіне 2 рет

7,0 мл тәулігіне 2 рет

11 мл тәулігіне 2 рет

30

4,7 мл тәулігіне 2 рет

8,5 мл тәулігіне 2 рет

13 мл тәулігіне 2 рет

35

5,5 мл тәулігіне 2 рет

9,8 мл тәулігіне 2 рет

15,3мл тәулігіне 2 рет

40

6,3 мл тәулігіне 2 рет

11,3мл тәулігіне 2 рет

17,5 мл тәулігіне 2 рет

2 жастан кіші балаларда Аугментиннің® тәулігіне 45 мг/6,4 мг/кг жоғары дозасын қолданудың клиникалық деректері жоқ.

400 мг/57 мг/5 мл Аугментинді® 2 айдан кіші балаларда қолданудың клиникалық деректері жоқ, осыған байланысты емделушілердің бұл шоғырына дозалау ұсынымдары жоқ.

Дене салмағы 40 кг төмен балалар үшін ең жоғары тәуліктік доза 2400 мг амоксициллин/600 мг клавулан қышқылын құрайды. Амоксициллиннің® бұдан жоғарырақ тәуліктік дозасын тағайындау қажет болғанда клавулан қышқылының қажеті жоқ жоғары дозасын қабылдамау үшін Аугментиннің® басқа дозасын тағайындау керек.

Бүйрек қызметі бұзылған емделушілер

Дозаларын түзету амоксициллиннің ұсынылатын ең жоғарғы дозасы мен креатинин клиренсі мәніне негізделген.

Балалар

Креатинин клиренсі

Аугментинді® дозалау режимі

>30 мл/мин

Дозаны түзету талап етілмейді

<30 мл/мин

Берілген дозалау ұсынылмайды

Бауыр қызметі бұзылған емделушілер

Емдеуді сақтықпен жүргізеді; бауыр қызметіне ұдайы мониторинг жүргізіледі.

Суспензияны қолдану тәсілі

Суспензия тікелей алғаш қолданар алдында сұйылтылады.

Пайдаланар алдында қақпақтың түтіндігін тексеріңіз. Ұнтағы бар құтыны сілкіңіз.

Ұнтақты бөлме температурасына дейін салқындатылған 32 мл қайнатылған суда біртіндеп сілкіп және құтыдағы белгіге дейін су қоса отырып, еріту керек. Суспензияның дайын көлемі 35 мл. Құтыны төңкеріп, толық ерігенше мұқият сілку керек. Дайындалған суспензия – ақ немесе ақ дерлік түсті; тұнып тұрғанда баяу ақ немесе ақ дерлік түсті шөгінді түзіледі.

Құтыны әр пайдаланудың алдында шайқау керек. Препаратты дозалау үшін өлшеуіш қалпақша-қақпақты пайдаланған жөн, оны әр қолданғаннан соң сумен жақсылап шаю керек. Суспензияның аз мөлшерін, әсіресе 3 айдан кіші балаларға барынша дәл дозалау үшін медициналық стандартты бір реттік еккішті пайдалану қажет.

2 жасқа дейінгі балаларды емдеу кезінде Аугментиннің® дайын суспензиясын сумен жартылай сұйылтуға болады.

Жағымсыз әсерлері

Өте жиі 10-нан ≥ 1, жиі 100-ден ≥ 1  және 10-нан < 1, кейде 1000-нан ≥ 1 және 100-ден < 1, сирек 10000-нан ≥ 1 және 1,000-ден < 1, өте сирек 10000-нан < 1

Жиі

- тері және шырышты жабындар кандидозы

- жүрек айну, құсу, диарея

Жүрек айнуы көбіне препараттың жоғары дозаларын қолданғанда кездеседі. Көрініс беру дәрежесін төмендету үшін суспензияны тамақтанудың басында қабылдау ұсынылады.

Жиі емес

- бас айналуы, бас ауыруы

- диспепсия

- АЛТ/АСТ бауыр ферменттері деңгейінің орташа жоғарылауы

- тері бөртпесі, қышыну, есекжем

Cирек

- қайтымды лейкопения (нейтропенияны қоса), тромбоцитопения

- мультиформалы эритема

Белгісіз

- қайтымды агранулоцитоз бен гемолитикалық анемия, қан кету уақытының және протромбиндік уақыт индексінің ұлғаюы

- ангионевротикалық ісіну, анафилаксия; сарысу құю ауруына ұқсас синдром, аллергиялық васкулит

- қайтымды жоғары белсенділік және құрысулар

- антибиотикпен-астасқан колит (жалғанжарғақшалы және геморрагиялықты қоса)

- тілдің қарайып түктенуі (жіпше тәріздес тіл бүрлерінің созылмалы гиперплазиясы)

- тіс эмалінің беткі қабаты түсінің өзгеруі

- гепатит, холестатикалық сарғаю

- Стивенс-Джонсон синдромы, уытты эпидермальді некролиз, буллёздік эксфолиативтік дерматит, жайылған жедел экзантематоздық пустулёз

Мұндай симптомдар дамыған кезде препарат тоқтатылуы тиіс.

- интерстициальді нефрит, кристаллурия

Қолдануға болмайтын жағдайлар

- пенициллиндер немесе препараттың кез келген компонентіне аса жоғары сезімталдық

- басқа да бета-лактамды антибиотиктерге (цефалоспориндерге, карбапенемдерге, монобактамдарға) белгілі аса жоғары сезімталдық

- амоксициллин/клавулан қышқылы біріктірілімін қабылдау аясында дамыған сарғаю немесе бауыр қызметінің бұзылуы

- фенилкетонурия (препарат құрамында аспартамның болуына байланысты)

- глюкоза-галактоза мальабсорбциясы (препарат құрамында мальтодекстриннің (глюкоза) болуына байланысты)

Дәрілермен өзара әрекеттесуі

Аугментинді® пробеницидпен бір мезгілде қолдану ұсынылмайды. Пробеницид амоксициллиннің өзекшелік сөлінісін төмендетеді, сондықтан Аугментин® мен пробеницидті бір мезгілде қолдану қандағы амоксициллин деңгейінің жоғарылауына алып келуі мүмкін.

Аллопуринол мен Аугментинді® бір мезгілде қолдану аллергиялық реакциялардың туындау қаупін арттыруы мүмкін. Қазіргі уақытта аллопуринол мен амоксициллиннің бір мезгілде қолданылғаны жөніндегі мәліметтер жоқ.

Аугментин® ішек флорасына әсер етеді және кері сіңудің азаюына, біріктірілген оральді контрацептивтердің тиімділігінің төмендеуіне алып келеді.

Аугментин® мен антикоагулянттарды бір мезгілде қолданғанда қажет болған кезде протромбин уақытының (аценокумарол және варфарин) ұзару жағдайлары айқындалған, Аугментин® дозасын түзете отырып, тиісінше мониторинг жүргізу керек.

Пенициллиндер метотрексаттың шығарылуын төмендетуі мүмкін, бұл оның уыттылығын арттыратын ықтимал қауіп болып табылады.

Микофенолат мофетилді қабылдайтын емделушілерде, Аугментинмен® біріктіріп қолданғанда кезде микофенол қышқылы белсенді метаболитінің концентрациясы бастапқы дозаны тағайындаған кезде шамамен 50%-ға төмендейді. Бастапқы доза концентрациясы деңгейінің өзгеруі микофенол қышқылы жинақтық экспозициясы концентрациясының өзгерістеріне сәйкес келмеуі мүмкін.

Айрықша нұсқаулар

Ересектер және 12 жастан асқан немесе дене салмағы 40 кг астам балаларға Аугментиннің® таблеткасын қолдану ұсынылады.

Аугментинмен® емдеуді бастар алдында пенициллиндерге, цефалоспориндерге немесе басқа да бета-лактамды антибиотиктерге бұрын болған асқын сезімталдық реакцияларына қатысты жан-жақты сыртартқы жинақтау қажет.

Күрделі, ал кейде өлімге әкелетін пенициллиндерге жоғары сезімталдық реакциялары (анафилактикалық шок) сипатталған, олар көбіне пенициллинге алдында жоғары сезімталдығы болған емделушілерде айқындалған. Аллергиялық реакция туындаған жағдайда Аугментинмен® емдеуді тоқтату және баламалы емді бастау қажет. Күрделі асқын сезімталдық реакциялар дамыған жағдайда емделушіге дереу адреналин енгізу керек. Оксигенотерапия, стероидтарды көктамыр ішіне енгізу және интубацияны қоса, тыныс алу жолдарының өткізгіштігін қамтамасыз ету қажет болуы мүмкін.

Амоксициллин-сезімтал штаммдар туындатқан аурулар расталған жағдайда амоксициллин/клавулан қышқылы біріктірілімінен бас тартып, амоксициллинді бөлек тағайындаған жөн.

Препараттың бета-лактамды компонентіне ықтимал төзімділігінің жоғары қаупі кезінде Аугментинді® қолдану ұсынылмайды. Пенициллиндерге төзімділікке ие Streptococcus pneumoniae туындатқан патологияларды емдеу үшін Аугментин® қолданылмауы тиіс.

Жұқпалы мононуклеозға күдіктенгенде Аугментинді® тағайындамаған жөн, өйткені бұл аурумен емделушілерде амоксициллин тері бөртпесін тудыруы мүмкін, бұл ауруды диагностикалауды қиындатады.

Препаратты бүйрек қызметі төмендеген емделушілерге тағайындаған кезде немесе жоғары дозаларды пайдаланған кезде құрысудың дамуы мүмкін.

Аллопуринол мен амоксициллинді бірге қолдану терінің аллергиялық реакцияларының даму ықтималдығын арттырады.

Аугментинмен® ұзақ емдеу оған сезімтал емес микроорганизмдердің шамадан тыс өсуімен қатар жүруі мүмкін.

Тіс эмалі түсінің өзгеруінің алдын алу үшін суспензияны әрбір қабылдаған сайын тісті тазалаған жөн.

Антибиотиктер қолдану аясында ауырлығы жеңілден бастап ауыр дәрежеге дейін түрленген жалған жарғақшалы колиттің даму жағдайлары анықталған. Сондықтан, бұл патологияның антибиотиктер қабылдағанда немесе емдеу курсы аяқталғаннан кейін диареясы болған емделушілерде туындауы мүмкін екендігін ескеру қажет. Ұзақ немесе едәуір диареяның дамуы жағдайында, іш аумағында түйілулер болғанда Аугментинмен® емдеу тоқтатылып, емделушілер әрі қарай тексерілуге жіберілулері тиіс.

Жалпы алғанда, Аугментинді® көтере алушылық жақсы және барлық пенициллиндерге тән төменгі уыттылыққа ие. Аугментинмен® ұзақ емдеген кезде мезгіл-мезгіл бүйректің, бауырдың, қан түзу ағзаларының қызметін бағалап отыру ұсынылады.

Аугментин® қабылдайтын емделушілерде анда-санда протромбиндік уақыттың ұзаруы байқалады, сондықтан Аугментин® мен антикоагулянттарды бір мезгілде қабылдағанда сәйкесінше мониторинг жүргізу қажет.

Аугментинді® бауыр қызметінің бұзылуы бар емделушілерге сақтықпен қолданған жөн. Бауырдың зақымдану белгілері мен симптомдары әдетте емдеу кезінде немесе бастағаннан кейін бірден туындайды, бірақ кейбір жағдайларда емдеуді тоқтатқаннан кейін бірнеше апта бойы байқалмауы мүмкін. Әдетте, олар қайтымды. Бауырдың бұзылулары өте күрделі болады, әрі өте сирек жағдайларда өліммен аяқталғаны жайлы хабарланған. Олар әрқашан негізгі күрделі ауруы бар емделушілерде немесе бауырға әсер ету мүмкіндігі зор белгілі препараттарды бір мезгілде қабылдағандарда тіркелген.

Аугментин® қабылдау аясында антибиотикпен-астасқан колиттің даму жағдайлары хабарланған, ол елеусізден бастан өмірге қауіп төндіретін дәрежеге дейін болған. Осыған байланысты антибиотиктерді қабылдау кезінде немесе қабылдағаннан кейін дамыған диареясы бар емделушілерде колиттің даму мүмкіндігін қарастыру қажет. Колит диагнозы расталған кезде, Аугментин® дереу тоқтатылуы қажет; емделуші қажетті емдеу жүргізу үшін дәрігермен кеңесуі тиіс.

Бүйрек жеткіліксіздігі бар емделушілерде препараттың дозасы аурудың ауырлығына сәйкес түзетілуі тиіс.

Диурезі төмен емделушілерде сирек жағдайда кристаллурия туындауы мүмкін. Амоксициллиннің жоғары дозаларын енгізу кезінде жеткілікті мөлшерде сұйықтық қабылдау және амоксициллин кристалдарының түзілу ықтималдығын азайту үшін талапқа сай диурезді ұстап тұру ұсынылады. Катетер қойылған емделушілердің жағдайын үнемі бағалап отыру қажет.

Амоксициллинмен емдеу кезінде несепте глюкоза құрамын анықтау үшін глюкозаны ферменттік тотықтыру әдістерін пайдалану қажет, әйтпесе ферментті емес әдістер жалған-оң нәтижелер алынуына әкелуі мүмкін.

Аугментинде® клавулан қышқылының болуы IgG мен альбуминдердің эритроцит жарғақшасымен спецификалық емес байланысуына себеп болуы мүмкін, бұл жалған-оң Кумбс реакциясына алып келеді.

Аугментин®, ішке қабылдау үшін суспензия дайындауға арналған 400 мг/57 мг/5 мл ұнтақ, құрамында фенилаланин көзі 3.32 мг/мл аспартам бар. Фенилкетонуриясы бар емделушілерге препарат қолданылмайды.

Препарат құрамында мальтодекстин (глюкоза) бар. Препарат глюкоза-галактоза мальабсорбциясы бар емделушілерге қолданылмайды.

Жүктілік және лактация кезеңі

Ішке қабылдауға арналған суспензия педиатрияда қолдануға арналған.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ; алайда, жағымсыз реакциялардың (аллергия, бас айналу, құрысулар) дамуы мүмкіндігіне байланысты сақ болу қажет.

Артық дозалануы

Симптомдары: асқазан-ішек бұзылыстары және су-электролиттік теңгерімнің бұзылуы мүмкін. Амоксициллинді кристаллурия сипатталған, ол кейбір жағдайларда бүйрек жеткіліксіздігінің дамуына алып келеді.

Препаратты бүйрек қызметі төмендеген емделушілерге тағайындаған кезде немесе жоғары дозада пайдаланғанда құрысудың дамуы мүмкін.

Қуық катетерлерінде амоксициллиннің шөгуі мүмкін, әсіресе көктамыр ішіне енгізу жолымен жоғары дозаларды тағайындаудан соң.

Емі: симптоматикалық ем жүргізу, су-электролиттік теңгерімді түзету. Аугментин® қаннан гемодиализдің көмегімен шығарылады.

Шығарылу түрі және қаптамасы

Ішке қабылдау үшін суспензия дайындауға арналған 400 мг/57 мг/5 мл, 35 мл ұнтақ.

Суспензия дайындауға арналған ұнтақ алғашқы ашылуының қорғанышымен ішкі жабыны лакталған бұрандалы алюминий қақпағы және ПВХ немесе полиолефиннен жасалған полимер төсемі бар, дозалағыш-қалпақшамен жабдықталған III типті мөлдір шыныдан жасалған құтыда.

1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25 °С-ден аспайтын температурада, құрғақ жерде сақтау керек. Дайындалған суспензияны тоңазытқышта 2 °С-ден 8 °С-ге дейінгі температурада сақтап, 7 күн ішінде пайдалану керек. Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

СмитКляйн Бичем Лимитед, Ұлыбритания

(Clarendon Road, Worthing, West Sussex, BN 14 8QH, United Kingdom).

Тіркеу куәлігінің иесі

СмитКляйн Бичем Лимитед, Ұлыбритания

(980 Great West Road, Brentford, Middlesex, TW89GS, United Kingdom).

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы Қазақстандағы ГлаксоСмит Кляйн Экспорт Лтд өкілдігі

050059, Алматы қ., Фурманов к-сі, 273

Телефон нөмірі: +7 727 258 28 92, +7 727 259 09 96

Факс нөмірі: +7 727 258 28 90

Электронды поштасы: kaz.med@gsk.com

 

 

Прикрепленные файлы

744495081477977141_ru.doc 116 кб
189143081477978308_kz.doc 147.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники