Атоксилин (Амоксициллин)

Атоксилин

Амоксициллин

Дәрілік түрі, дозалануы

Таблеткалар 500 мг, 1000 мг

Инфекцияға қарсы жүйелі пайдалануға арналған препараттар. Бактерияға қарсы жүйелі қолданылатын препараттар. Бактерияға қарсы бета-лактамдық препараттар, пенициллиндер. Әсер ету ауқымы кең пенициллиндер. Амоксициллин.

АТХ коды J01CA04

Атоксилин ересектер мен балаларда келесі инфекцияларды емдеу үшін қолданылады:

• жедел бактериялық синуситте

• жедел ортаңғы отитте

• жедел стрептококтық тонзиллит пен фарингитте

• созылмалы бронхиттің өршуінде

• ауруханадан тыс пневмонияда

• жедел циститте

• жүктілік кезіндегі симптомсыз бактериурияда

• жедел пиелонефритте

• іш сүзегі мен паратифте

• таралған целлюлитпен дентальді абсцесте

• протезделген буындардың инфекцияларында

• ойық жара ауруында (он екі елі ішек пен асқазанның)

• Helicobacter Pylori эрадикациясы үшін

• Лайм ауруында

Сонымен қатар, Атоксиллин эндокардиттің профилактикасы үшін де қолданылады.

Бактерияға қарсы дәрілік препараттарды тиісінше қолдану жөніндегі ресми нұсқауларды ескеру керек.

Қолданудың басталуына дейінгі қажетті мәліметтер тізбесі

- амоксициллинге, пенициллин тобы препараттарына немесе қосымша заттарының кез келгеніне аса жоғары сезімталдық

- басқа бета-лактамдық препаратқа (мысалы, цефалоспорин, карбапенем немесе монобактам) анамнездегі дереу типті аса жоғары сезімталдықтың ауыр реакциясы (мысалы, анафилаксия)

- 6 жасқа дейінгі балалар (осы дәрілік түрі үшін)

Қолдану кезіндегі қажетті сақтандыру шаралары

Аса жоғары сезімталдық реакциялары

Амоксициллинмен емдеуді бастар алдында пенициллиндерге, цефалоспориндерге немесе басқа бета-лактамдық дәрілерге осының алдындағы аса жоғары сезімталдық реакцияларына қатысты мұқият анамнез жинақтау қажет.

Пенициллинді қабылдаған пациенттерде анафилактоидтық типті аса жоғары сезімталдықтың елеулі және тіпті өлімге соқтырған реакциялары туралы хабарланған. Ондай реакциялар көбінесе, анамнезінде пенициллинге аса жоғары сезімталдық болған пациенттерде және атопиялық дерматиті бар пациенттерде туындаған. Аллергиялық реакция туындаған жағдайда, амоксициллинмен емдеуді тоқтату және тиісінше баламалы емін тағайындау керек.

Сезімтал емес микроорганизмдер

Қоздырғышы расталған және амоксициллинге сезімталдық танытқан немесе қоздырғышының амоксициллинге сезімтал болу ықтималдылығы жоғары жағдайлардан басқасында, амоксициллин кейбір инфекцияларды емдеуге жарамайды. Әсіресе бұның, несеп шығару жолдарының инфекциялары және құлақтың, тамақ пен мұрынның ауыр инфекциялары бар пациенттерді емдеу туралы шешім қабылдауға қатысы бар.

Құрысулар

Құрысулар бүйрек функциясының бұзылуы бар пациенттерде немесе жоғары дозаларын қабылдап жүрген пациенттерде немесе бейімділік факторлары (анамнездегі құрысулар, эпилепсия немесе менингеальді бұзылыстар) бар пациенттерде туындауы мүмкін.

Бүйрек функциясының бұзылуы

Бүйрек функциясының бұзылуы бар пациенттерде дозасын бұзылулардың айқындық дәрежесіне байланысты түзету қажет.

Тері реакциялары

Емдеудің басында пустулалық бөртпелермен және қызбамен жайылған эритеманың пайда болуы жедел жайылған экзантемалық пустулез (AEGP) дамуының симптомы болуы мүмкін. Бұл жағдайда амоксициллинді қабылдауды тоқтату қажет, ары қарай қолдануға болмайды.

Инфекциялық мононуклеозға күдіктенген жағдайда, амоксициллинді қолданбаған дұрыс, өйткені қызылша тәрізді бөртпе (амоксициллинге) пайда болуы мүмкін.

Яриш-Герксгеймер реакциясы

Лайм ауруын емдеу кезінде амоксициллинмен Яриш-Герксгеймер реакциясы дамуы мүмкін. Бұл амоксициллиннің Лайм ауруын тудыратын бактерияларға, Borrelia burgdorferi спирохеталарына бактерицидтік әсерімен тікелей байланысты. Пациентті, бұл Лайм ауруын антибиотиктермен емдеу кезінде жиі кездесетін салдары екенін және әдетте, оның өздігінен басылатынын айтып тыныштандыру қажет.

Сезімтал емес микроорганизмдердің көбеюінің күшеюі

Амоксициллинді ұзақ уақыт қолдану кейде сезімтал емес микроорганизмдердің көбеюінің күшеюіне алып келуі мүмкін.

Антибиотикпен астасқан колиттің дамуы, амоксициллинді қоса,бактерияға қарсы кез келген препаратқа тән, және айқындық дәрежесі жағынан орташадан өмірге қауіп төндіретінге дейін ауытқып отыруы мүмкін. Антибиотиктерді қолдану кезінде немесе қолданғаннан кейін диарея туындаған жағдайда, пациенттерде осы диагноздың ескерілуі маңызды. Антибиотикпен астасқан колит туындаған жағдайда, Атоксиллин препаратын қолдануды дереу тоқтату керек. Дәрігердің кеңесінен кейін сәйкесінше ем тағайындалуы тиіс. Бұл жағдайда перистальтиканы төмендететін препараттарды қолдануға болмайды.

Ұзақ емдеу

Ұзақ емдеу кезінде бүйрек, бауыр және қан түзу функциясын қоса, ағзалар жүйелерінің функциясын жүйелі түрде бақылап отыру ұсынылады. Бауыр ферменттері деңгейінің жоғарылағаны және қан көрсеткіштерінің өзгерістері туралы хабарламалар бар.

Антикоагулянттар

Сирек жағдайларда, амоксициллинді қабылдап жүрген пациенттерде протромбиндік уақыттың ұзарғаны туралы хабарланған. Антикоагулянттарды бір мезгілде тағайындағанда тиісінше қадағалау жүргізу керек. Антикоагуляцияның қалаған деңгейін ұстап тұру үшін, пероральді антикоагулянттардың дозасын түзету қажет болуы мүмкін.

Кристаллурия

Диурезі төмен пациенттерде кристаллурия өте сирек байқалған, көбінесе ол парентеральді еммен байланысты.

Амоксициллиннің жоғары дозаларын қолданғанда, амоксициллиндік кристаллурия мүмкіндігі азайту үшін, сұйықтықтың қабылдануы мен диурезді талапқа сай ұстап тұру ұсынылады. Қуық катетері бар пациенттерде катетердің өткізгіштігін жүйелі түрде тексеріп отыру қажет.

Диагностикалық тестілерге ықпалы

Қан сарысуы мен несептегі амоксициллин деңгейінің жоғарылығы кейбір зертханалық тестілердің нәтижелеріне әсер етуі мүмкін. Амоксициллиннің жоғары концентрацияларына байланысты, химиялық әдістер көбіне жалған оң нәтижелер береді.

Амоксициллинді қолданып емдеу кезінде несепте глюкоза бар-жоқтығын анықтау үшін талдау жүргізгенде глюкозооксидазаның ферменттік әдістерін пайдалану керек.

Қандағы амоксициллин мөлшері жүкті әйелдердегі эстрадиол талдауы нәтижелерінің бұрмалануына алып келуі мүмкін.

Басқа дәрілік препараттармен өзара әрекеттесуі

Пробенецид

Пробенецид амоксициллиннің өзекшелік секрециясын төмендетеді, ол амоксициллиннің Т1/2 мен қандағы концентрациясының артуына алып келеді.

Пробенецидті бір мезгілде қолдану ұсынылмайды. Пробенецид амоксициллиннің бүйректік өзекшелік секрециясын азайтады. Пробенецидті бірге қолдану амоксициллин деңгейінің жоғарылауына алып келуі мүмкін.

Аллопуринол

Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының ықтималдылығын арттыруы мүмкін.

Тетрациклиндер

Тетрациклиндер мен басқа бактериостатикалық антибиотиктер амоксициллиннің бактерицидтік әсеріне ықпал етуі мүмкін.

Метотрексат

Пенициллиндер метотрексаттың шығарылуын азайтуы мүмкін, ол уыттылығының артуы ықтималдылығын тудыруы мүмкін.

Пероральді антикоагулянттар

Пероральді антикоагулянттар мен пенициллиндер тобының антибиотиктері тәжірибеде өзара әрекеттесуі туралы хабарларсыз кеңінен пайдаланылып келеді. Алайда, әдеби дереккөздерде аценокумаролды немесе варфаринді амоксициллинмен бір мезгілде қабылдаған пациенттерде халықаралық қалыптастырылған қатынастың артқаны көрсетілген. Егер препараттарды бір мезгілде қолдану қажет болса, онда амоксициллинді тағайындаған және тоқтатқан кезде протромбиндік уақытты немесе халықаралық қалыптастырылған қатынасты мұқият бақылау керек. Бұдан өзге пероральді антикоагулянттардың, дозасын өзгерту қажет болуы мүмкін.

Арнайы сақтандырулар

Педиатрияда қолданылуы

Төмендегі кестеде келтірілген, балалар үшін ұсынылатын дозасы дене салмағы 40 кг аз балалар үшін қолданылады.

Дене салмағы 40 кг және одан үлкен балаларда ересектерге арналған дозаларын қолдану керек.

Жүктілік немесе лактация кезінде

Жүктілік

Жануарларға жүргізілген зерттеулер репродуктивтік уыттылығына қатысты тікелей немесе жанама зиянды әсерін көрсетпеді. Амоксициллинді адамда жүктілік кезінде қолдану жөніндегі шектеулі деректер туа біткен даму ақаулары қаупінің жоғарылығын көрсетпеді. Амоксициллинді жүктілік кезінде, ықтимал пайдасы еммен байланысты ықтимал қаупінен асып түсетін жағдайда қолдануға болады.

Бала емізу

Амоксициллин емшек сүтіне аздаған мөлшерлерде, сенсибилизация қаупінің мүмкіндігімен бөлініп шығады. Соның салдары ретінде, емшектегі балада диарея, шырышты қабықтардың зеңдік инфекциясы, бөртпелер пайда болуы мүмкін. сондықтан, бала емізетін әйелдерге амоксициллин тек, дәрігер пайдасы/қаупінің арақатынасын бағалағаннан кейін ғана қолданылады.

Фертильділік

Жануарларға жүргізілген зерттеулерде фертильділікке жағымсыз әсері анықталмады. Клиникалық зерттеулердің деректері жеткіліксіз.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Автомобиль басқару және механизмдермен жұмыс істеу қабілетіне әсерін зерттеулер жүргізілмеген. Алайда, аталған қызмет түрлеріне ықпал етуі мүмкін жағымсыз әсерлер (мысалы, аллергиялық реакциялар, бас айналуы, құрысулар) болуы мүмкін.

Қолдану жөніндегі нұсқаулар

Дозалану режимі

Инфекцияны емдеу үшін амоксициллиннің дозасын таңдағанда келесілерді ескеру керек:

• болжамды қоздырғыштары және бактерияға қарсы препараттарға сезімталдықтың болуы мүмкіндігі

• инфекцияның ауырлық дәрежесі мен орналасуы

• пациенттің жас шамасы, дене салмағы және бүйрек функциясыны жай-күйі (төменнен қараңыз)

Емдеу ұзақтығы инфекцияның типіне және пациенттің реакциясына сәйкес белгіленеді, және әдетте, барынша қысқа болуы тиіс, бірақ кейбір инфекциялар ұзағырақ емдеу кезеңін қажет етеді.

Ересектер және балалар (дене салмағы >40 кг)

Пациенттердің ерекше топтары

Балалар

Дене салмағы 40 кг және одан үлкен балалар үшін ересектерге аналған дозасын қолдану керек.

Балалар (дене салмағы < 40 кг)

Балалар Атоксиллинді таблеткалар немесе суспензия түрінде қабылдауына болады.

Алты айға дейінгі балаларға суспензия түріндегі Атоксиллинді қолдану ұсынылады.

Дене салмағы 40 кг және одан үлкен балалар үшін ересектерге аналған дозасын қолдану керек.

Ұсынылатын дозалары кестеде берілген

Егде жастағы пациенттер

Дозасын түзету қажет емес.

Бүйрек жеткіліксіздігі бар пациенттер

Гемодиализ қабылдап жүрген пациенттер

Амоксициллинді организмнен гемодиализдің көмегімен шығаруға болады.

Перитонеальді диализ қабылдап жүрген пациенттер

Перитонеальді диализ алып жүрген пациенттер үшін амоксициллиннің ең жоғары дозасы тәулігіне 500 мг құрайды.

Бауыр жеткіліксіздігі бар пациенттер

Атоксиллин препаратын сақтықпен қолдану керек. Бауыр функциясын жүйелі уақыт аралықтары сайын бақылап отыру қажет.

Енгізу әдісі және жолы

Ішке қабылдауға арналған.

Ас ішу препараттың сіңуіне әсер етпейді.

Таблетканы бір стақан сумен ішіп жұту керек.

Артық дозалану жағдайында қабылдау қажет болатын шаралар

Симптомдары: артық дозалануы асқазан-ішек жолы тарапынан жүрек айнуы, құсу және диарея симптомдарымен, сондай-ақ, су-электролит теңгерімінің бұзылуымен көрініс беруі мүмкін. Кей жағдайларда бүйрек жеткіліксіздігіне алып келетін амоксициллиндік кристаллурия байқалған. Бүйрек функциясының бұзылулары бар пациенттерде, артық дозалануы немесе жоғары дозалары құрысуларды тудыруы мүмкін.

Емі: амоксициллинмен артық дозаланған жағдайда арнайы антидоты жоқ. Су-электролит теңгерімін демеп отыру керек. Гемодиализді қолдануға болады.

Дәрілік препараттың бір немесе бірнеше дозасын өткізіп алған жағдайда қажет болатын шаралар

Препаратты қабылдауды өткізіп алғанда орнын толтыру үшін екі есе дозасын қабылдамау керек.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Осы дәрілік препаратты қолдану жөнінде қосымша сұрақтар туындаған жағдайда, дәрігердің немесе фармацевттің кеңесіне жүгіну керек.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар

Препаратты қолданғанда анағұрлым жиі хабарланған жағымсыз реакциялар диарея, жүрек айнуы және тері бөртпесі болып табылады.

Клиникалық зерттеулердің және маркетингтен кейінгі қадағалаудың барысында амоксициллинді қолданғанда байқалған жағымсыз реакциялар төменде келтірілген

Жиі

- жүрек айнуы, диарея*

- тері бөртпесі

Жиі емес

- құсу*

- есекжем, қышыну*

Өте сирек

- тері мен шырышты қабықтардың кандидозы

- қайтымды лейкопения (соның ішінде, ауыр нейтропения немесе агранулоцитоз), қайтымды тромбоцитопения, гемолиздік анемия, қан кету уақыты мен протромбиндік уақыттың ұзаруы

- ангионевроздық ісінуді, анафилаксияны, сарысу құю ауруын және аса сезімтал васкулитті қоса, ауыр аллергиялық реакциялар

- гиперкинезия, бас айналуы, құрысулар.

- антибиотикпен астасқан колит (жалғанжарғақшалы колит пен геморрагиялық колитті қоса), қара «түкті» тіл, тістер түсінің беткейлік өзгеруі #

- гепатит және холестаздық сарғаю, АСТ және/немесе АЛТ орташа жоғарылауы

- мультиформалы эритема, Стивенс-Джонсон синдромы, уытты эпидермалық некролиз, буллездік және эксфолиативтік дерматит, жедел жайылған экзантемалық пустулез (AGEP) сияқты тері реакциялары және эозинофилиямен және жүйелі симптомдармен жүретін дәрілік реакция (DRESS)

- интерстициальді нефрит, кристаллурия

Белгісіз (қолда бар деректердің негізінде бағалау мүмкін емес)

- Яриш-Герксгеймер реакциясы

* Аталған жағымсыз құбылыстардың жиілігі жөніндегі деректер амоксициллинді қабылдаған 6000-ға жуық ересек адам мен бала қатысқан клиникалық зерттеулер барысында алынған.

# балаларда тістер түсінің беткейлік өзгеруі туралы хабарланды. Ауыз қуысының тиісінше гигиенасы тістер түсінің өзгеруінің алдын алуға көмектесуі мүмкін, оны әдетте тіс тазалау кезінде кетіруге болады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – амоксициллин тригидраты 603,0 мг (500,0 мг амоксициллинге баламалы) немесе 1206,0 мг (1000,0 мг амоксициллинге баламалы)

қосымша заттар: микрокристалды целлюлоза РН 102, магний стеараты, жүгері крахмалы (амидон).

Сыртқы түрінің, иісінің дәмінің сипаттамасы

Ұзынша пішінді, екі жағында да сындыру сызықтары бар, ашық - крем түсті таблеткалар (500 мг доза үшін).

Ұзынша пішінді, бір жағында сындыру сызықтары бар, ашық - крем түсті таблеткалар (1000 мг доза үшін).

Шығарылу түрі және қаптамасы

ПВХ үлбір мен алюминий фольгадан жасалған пішінді ұяшықты қаптамаға 8 таблеткадан салынады.

Пішінді ұяшықты 2 қаптама медициналық қолдану жөніндегі қазақ және орыс тілдеріндегі нұсқаулықпен бірге УК - лакталған картоннан жасалған қорапшаға салынған (500 мг және 1000 мг дозалар үшін).

4 жыл

Жарамдылық мерзімі өткеннен кейін қолдануға болмайды!

Құрғақ жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

АТАБАЙ КИМЬЯ САН. ВЕ ТИДЖ. А.СDilovası Organize Sanayi Bölgesi 4.Kısım Sakarya Caddesi No:28Гебзе, Коджаэли, Tүркиятел: + 90 262 724 85 41факс: + 90 262 724 85 43info@atabay.com

Тіркеу куәлігінің ұстаушысы

АТАБАЙ КИМЬЯ САН. ВЕ ТИДЖ. А.С

Acibadem, Koftuncu sok. No:1

34718 Kadıkoy, Стамбул, Түркия

тел: +90 (216) 326 69 65

факс: +90 (216) 340 13 77

info@atabay.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«WHITE SAIL басқарушы компаниясы» ЖШС

Қазақстан Республикасы, Алматы қ., 1 ш. а., 61/1 үй

тел: +7 777 727 27 07

Электронды пошта: whitesail20@mail.ru