Атенолол-ратиофарм 25 мг
Инструкция
-
русский
-
қазақша
Саудалық атауы
Атенолол-ратиофарм 25 мг
Атенолол-ратиофарм 50 мг
Халықаралық патенттелмеген атауы
Атенолол
Дәрілік түрі
Қабықпен қапталған 25 мг, 50 мг таблеткалар
Құрамы
Бір таблетканың құрамындабелсенді зат – 25 мг немесе 50 мг атенолол,қосымша заттар - микрокристалды целлюлоза, жүгері крахмалы, магний карбонаты, натрий лаурилсульфаты, магний стеараты, желатин,
қабықтың құрамы: гидроксипропилметилцеллюлоза, титанның қостотығы (Е 171), глицерин.
Сипаттамасы
Дөңгелек пішінді, екі беті дөңес, бір жағында сызығы бар, ақ түсті үлбірлі қабықпен қапталған таблеткалар (25 мг доза үшін).
Дөңгелек пішінді, екі беті дөңес, бір жағында сызығы және ойып түсірілген «М 006» деген жазуы бар, ақ түсті үлбірлі қабықпен қапталған таблеткалар (50 мг доза үшін).
Фармакотерапиялық тобы
Іріктелген бета-адренобөгегіштер
АТЖ коды C 07AВ 03
Фармакологиялық қасиеттері
Фармакокинетикасы
Ішіп қолданғаннан кейін атенолол асқазан-ішек жолынан шамамен 50% сіңеді. Жүйелі жетімділігі 50%-ға жуық құрайды. Плазмадағы ең жоғары деңгейіне 2-4 сағаттан соң жетеді. Атенололдың 90%-ға жуығы 48 сағат ішінде өзгермеген күйде бүйрекпен шығады. Атенололдың жартылай шығарылу уақыты бүйрек қызметі қалыпты болғанда 6-10 сағат құрайды. Терминалдық бүйрек жеткіліксіздігі кезіндегі жартылай шығарылу уақыты 140 сағатқа дейін ұзаруы мүмкін.
Фармакодинамикасы
Атенолол-ратиофарм 25 мг, 50 мг іріктелген бета1-адренобөгегіш болып табылады, ішкі симпатомиметикалық белсенділіксіз және жарғақшаны тұрақтандыру әсерінсіз тікелей жүректің бета1-адренорецепторларына («кардиоселективті бета-бөгегіш») ықпал етеді. Атенолол-ратиофарм антиангиналық, гипотензиялық және аритмияға қарсы әсер иеленген. Атенолол синустық түйін автоматизмін азайтады, жүректің жиырылу жиілігін сиретеді, атриовентрикулярлық өткізгіштікті баяулатады, миокардтың жиырылуы мен қозуын, жүрек лықсуын азайтады, миокардтың оттегі қажетсінуін төмендетеді.
Қолданылуы
Атенолол-ратиофарм 25 мг:
- функционалдық кардиоваскулярлық бұзылуларда (гиперкинетикалық кардиальді синдром, артериялық қысым реттелуінің функционалдық бұзылулары)
Атенолол-ратиофарм 50 мг:
- созылмалы тұрақты және тұрақсыз стенокардияда (тахикардиямен және артериялық гипертензиямен қосылған)
- суправентрикулярлық (қарыншаүстілік) аритмияларда:
- тиреотоксикоз туғызған синустық тахикардия кезіндегі қосымша ем
- пароксизмалық суправентрикулярлық тахикардия
- жүрекшелердің жыпылықтауы мен дірілдеуі (жүрек гликозидтерінің жоғары дозаларымен емдеу тиімсіз болған жағдайларда)
- мынадай қарынша аритмиялары:
- жоғары симпатикалық белсенділік (дене жүктемесі, жансыздандырудың кіріспе фазасы, галотандық жансыздандыру, симпатомиметиктер қабылдау) туғызған қарыншалық экстрасистолдар
- қарынша тахикардиясы және қарыншалардың жыпылықтауы (алдын алу мақсатында, әсіресе, егер қарынша аритмиясын жоғары симпатикалық белсенділік туғызса)
- артериялық гипертензия
Қолдану тәсілі және дозалануы
Атенолол-ратиофарм 25 мг препаратының дозасын және емдеу ұзақтығын, емдік нәтижеге жетуге қарай, емдеуші дәрігер әркімге жеке белгілейді.
Функционалдық кардиоваскулярлық бұзылулар (гиперкинетикалық кардиальді синдром, артериялық қысым реттелуінің функционалдық бұзылулары)
Атенолол-ратиофарм 25 мг 1 таблеткадан немесе Атенолол-ратиофарм 50 мг ½ таблеткасы
Созылмалы тұрақты және тұрақсыз стенокардия
Тәулігіне 50-100 мг атенолол (Атенолол-ратиофарм 50 мг 1-2 таблеткасы).
Артериялық гипертензия
Емдеуді, әдетте, 50 мг атенололды бір дүркін қолданудан бастайды (Атенолол-ратиофарм 50 мг 1 таблеткасы). Қажет болса, күндізгі дозаны бір аптадан соң 100 мг-ге дейін көбейтеді (Атенолол-ратиофарм 50 мг 2 таблеткасы).
Суправентрикулярлық (қарыншаүстілік) және вентрикулярлық {қарыншалық) аритмиялар
Атенолол 50 мг-ден тәулігіне 1-2 рет тағайындалады (Атенолол-ратиофарм 50 мг 1-2 таблеткадан).
Атенолол-ратиофарм 50 мг қабылдау жүректің жиырылу саны төмендеген және/немесе артериялық қысым немесе басқа асқынулар пайда болған жағдайда дереу тоқтатылуға тиіс.
Бүйрек қызметінің бұзылулары
Креатинин клиренсі (КК) минутына10-30 мл құрайды, атенолол дозасын ұсынылуынан екі есе азайтуға болады. Егер КК минутына 10 мл-ден аз құраса, атенолол дозасын ұсынылуының ¼ бөлігіне дейін азайтуға болады.
Егде жастағы емделушілер
Дозаны азайту бүйрек қызметінің жеткіліксіздігімен байланысты.
Балалар
Осы препаратты балаларда қолдану тәжірибесі жоқ.
Атенолол-ратиофарм 25 мг, 50 мг тамақтану алдында жеткілікті сұйықтық мөлшерімен (мысалы, сумен) іше отырып, шайнамастан, ішке қабылданады.
Препаратты күтпеген жерден тоқтату немесе емдеудегі үзілістер стенокардия мен артериялық гипертензияның өршуімен жүрек ишемиясын туғызуы немесе тіпті миокард инфарктісіне түрткі болуы мүмкін. Сондықтан препаратты тоқтату және дозаны төмендету сатылы түрде баяу жүзеге асуы тиіс.
Жағымсыз әсерлері
Емдеудің басында немесе үлкен дозалауда:
- бас айналу, шаршау сезімі, бас ауырулары, көрудің нашарлауы, тершеңдік, ұйқының бұзылуы, қорқынышты түстер көру, көңіл-күйдің депрессиялық бұзылыстары, елестеулер
- іштің ауыруы, жүрек айну, құсудың шақырулары, іш кебу, іш қату, іш өту. Дозалау төмендегенде және дозаны әріқарай аса сақтықпен арттырғанда бұл құбылыстар көбіне өздігінен өтеді.
Кейде
- диспноэ немесе апноэ, бейімділігі бар науқастарда бронх обструкциясының синдромы пайда болуы мүмкін.
- брадикардия, гипотония (ортостатикалық гипотония), атриовентрикулярлық өткізгіштіктің бұзылуы, жүрек жеткіліксіздігі белгілерінің білінуі
- ауыздың кеберсуі, конъюнктивит немесе көз жасы безі сөлінісінің азаюы, бұл әсіресе жанаспалы линзалар пайдаланатын науқастарда анықталады
- липидтік алмасудың бұзылуы: жалпы холестерин қалып шегінде болатын кезде тығыздығы жоғары липопротеидтер деңгейі азаяды және плазмадағы триглицеридтер деңгейі жоғарылайды
Сирек
- тромбоцитопениялық пурпура, апластикалық анемия, тромбоздар
- аллергиялық реакциялар (қышыну, терінің қызаруы, экзантема), шаштың түсуі, фотосенсибилизация, аяқтардағы салқынды немесе қышуды сезіну
- бауыр трансаминазаларының жоғарылауы, бауырішілік холестаз, гепатит
- шеткергі қан айналымының бұзылулары бар науқастардағы (Рейно синдромымен науқастарды қоса) бұлшықет әлсіздігі немесе бұлшықеттік құрысулар немесе шағымдардың күшеюі
Өте сирек
- жүректің ишемиялық ауруы ұстамаларының күшеюі
- латентті қант диабетінің манифестациясы немесе ағымдағы қант диабеті бар науқастар ахуалдарының ауырлауы
- псориаз, псориатикалық экзантема
- либидо мен потенцияның бұзылуы, гинекомастия.
Қолдануға болмайтын жағдайлар
- атенололға, басқа бета-адренобөгегіштерге немесе басқа қосымша заттарға жоғары сезімталдық
- жедел жүрек жеткіліксіздігі
- кардиогенді шок
- II және III дәрежелі атриовентрикулярлық бөгеліс
- синустық түйіннің әлсіздік синдромы
- синоатриялық бөгеліс
- синустық брадикардия (емдеуді бастар алдындағы тамырдың минутына 50-ден аз соғуы)
- артериялық гипотония (систола қысымы сын. бағ. 90 мм аз)
- метаболикалық ацидоз
- бронх демікпесі
- шеткергі қан айналымы бұзылуының кешеуілдеген сатылары
- моноаминоксидаза (МАО) тежегіштерін бір мезгілде қабылдау (МАО-В тежегіштері бұған қосылмайды)
- верапамил және дилтиазем, немесе басқа антиаритмиктер сияқты, кальций өзектерінің бөгегіштерін (мысалы, дизопирамид) бір мезгілде көктамыр ішіне енгізу. Қарқынды емдеу бөлімдеріндегі науқастар бұған қосылмайды.
Дәрілермен өзара әрекеттесуі
Атенолол-ратиофарм 25 мг, 50 мг мыналармен бір мезгілде қолданылғанда:
- гипертензияға қарсы дәрілер, диуретиктер, вазодилататорлар, барбитураттар, фенотиазиндермен атенололдың гипотензиялық әсерін күшейте алады;
- аритмияға қарсы дәрілермен – атенололдың гипотензиялық әсері жоғарылайды;
- кальций өзектерінің бөгегіштері (верапамил және дилтиазем түрі) немесе басқа антиаритмиктермен (мысалы, дизопирамид) артериялық гипотензия, брадикардия және жүрек ырғағының басқа бұзылулары, жүрек жеткіліксіздігінің дамуы ықтимал (емделушілер мониторингтеуден өтуге тиіс). Кальций антагонистері атенолол қабылдауды тоқтатқаннан кейін 48 сағаттан соң тағайындалуға тиіс;
- кальций өзегінің бөгегіштерімен (нифедипин түрі) гипотензиялық әсердің күшеюінен басқа, жүрек жеткіліксіздігінің дамуы ықтимал;
- жүрек гликозидтері, резерпин, альфа-метилдоп, гуанфацин және клонидинмен жүрек өткізгіштігінің кейінге шегерілуі нәтижесінде айқын брадикардия пайда болуы мүмкін;
- 1 класты аритмияға қарсы дәрілер (дизопирамид) және амиодаронмен - антриовентрикулярлық өткізгіштік уақытының ұзаруы және теріс инотропты әсердің дамуы ықтимал;
- клонидинмен – клонидинді атенололмен емдеу қысқартылғаннан кейін бірнеше күннен соң ғана тоқтатуға болады.
- ішу арқылы қабылданатын қант төмендеткіштер немесе инсулинмен атенололдың гипотензиялық әсері жоғарылайды; бұл орайда гипогликемия белгілері (әсіресе тахикардия мен тремор) бүркемеленуі немесе жоғалуы мүмкін. Сондықтан қандағы қантты ұдайы жүргізу қажет;
- норэпинефрин және эпинефринмен артериялық қысымның көтерілуі мүмкін;
- индометацин, ибупрофенмен атенололдың гипотензиялық әсері төмендейді;
- есірткілі дәрілер және анестетиктермен гипотензиялық әсер күшейеді; бұл орайда екі заттың да аддитивті, теріс инотропты әсері көрініс береді;
- шеткергі миорелаксанттармен (мысалы, суксаметоний, тубокурарин) жүйке-бұлшықет бөгелісінің күшеюі білінеді. Сондықтан наркозбен қатар жүргізілетін операция алдында анестезиолог науқастың атенололды қабылдайтынынан хабардар болуы тиіс;
- эуфиллин және теофиллинмен емдік тиімді әсерлерін бірге бәсеңдетуге болады
- лидокаинмен оның шығарылуы азаяды және лидокаиннің уыттану әсерінің қаупі артады.
Айрықша нұсқаулар
Бронхтың түйілу реакцияларына бейім науқастарда (әсіресе, тыныс алу жолдарының обструктивті ауруларында) бронх түйілуінің қайталануы мүмкін.
Егер науқастарда басқа бета-адренобөгегіштермен емдегенде тромбоцитопениялық немесе тромбоцитопениялық емес пурпуралар байқалған жағдайларда, бұл жағымсыз әсердің атенололмен емдеген кезде де пайда болуы мүмкін екенін ескеру қажет.
Бүйрек қызметі айқын бұзылған науқастарда атенолол дозалары креатинин клиренсінің (КК) деңгейіне байланысты болады: 10-30 мл/мин КК кезінде дозаларды 2 есе азайтады, ал КК минутына 10 мл-ден аз болуына дейінгі дозаларды, әдеттегілерімен салыстырғанда, 4 есеге төмендетеді.
Ерекше сақтықпен және тек қатаң дәрігерлік бақылаумен Атенолол-ратиофарм 25 мг, 50 мг мына жай-күйлерде тағайындалуы тиіс:
- І дәрежелі атриовентрикулярлық бөгеліс
- қандағы қант деңгейінің күшті ауытқулары бар қант диабеті (ауыр гипогликемиялық ахуалдардың пайда болу мүмкіндігі)
- діни ашығу кезінде тамақ ішпеу және ауыр дене жүктемесі (ауыр гипогликемиялық ахуалдардың пайда болу мүмкіндігі)
- феохромоцитома
- бауыр және/немесе бүйрек қызметінің төмендеуі (науқастардың осы санатына атенолол тағайындалған кезде бауыр және/немесе бүйректің функционалдық жағдайының динамикасын үнемі бақылау қажет)
- жеке немесе отбасылық сыртартқыдағы манифестік псориаз, әлде псориаз
- Рейно синдромын қоса, шеткергі қан айналымының бұзылуы бар науқастар
- десенсибилизациялаушы емде жүрген немесе ауыр аллергиялық реакциялары бар науқастар.
Жүктілік және лактация кезеңі
Атенолол плаценталық бөгет арқылы және ана сүтіне өтеді. Жүктілік кезінде (әсіресе, алғашқы 3 айда) Атенолол-ратиофарм 25 мг пайда/қауіп арақатынасының тиянақты таразылай отырып, тек қатаң көрсетілімдер бойынша қолданылуы тиіс, өйткені қазіргі уақытқа дейін оны жүктілік кезінде, әсіресе ерте мерзімдерінде қолданудың жеткілікті тәжірибесі жоқ. Егер жүкті әйелдерде Атенолол-ратиофарм 25 мг қабылданса, онда жаңа туған нәрестелерде брадикардия, гипогликемия және тыныс алу депрессиясының пайда болуы мүмкін екеніне орай, емдеуді босану басталғанша 24-48 сағат бұрын тоқтатады. Егер бұл мүмкін болмаса, онда жаңа туған нәресте туылғаннан кейін 24-48 сағат бойы ерекше мұқият қадағалауда болуға тиіс. Атенолол ана сүтіне өтеді. Әсер етуші заттың сәбиге қатер төндіретін мөлшерлерде түсу ықтималдығы өте аз, дегенмен сәбилер мұндай жағдайларда айрықша қадағалауда болуға тиіс.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Кейбір науқастарда автокөлік басқару және жылжымалы механизмдер қызметін атқару қабілетінің нашарлауы мүмкін екенін ескерген дұрыс. Әдетте, бұл құбылыстар емдеудің басында, асыра дозалануында және алкоголь қабылдауға орай байқалады.
Артық дозаланғанда
Белгілері: клиникалық көрінісі улану дәрежесіне байланысты және, негізінен, жүрек-қан тамырлары және орталық жүйке жүйесі тарапынан болатын бұзылулар түрінде көрініс береді. Артық дозалану артериялық гипотензияға, брадикардияға (жедел жүрек жеткіліксіздігіне дейін апаратын) және кардиогенді шокқа әкелуі мүмкін. Ауыр жағдайларда тыныс алудың қиындауы, бронх түйілуі, құсу, сананың нашарлауы; аракідік – жайылған құрысу ұстамалары байқалуы мүмкін.
Емі: артық дозаланған жағдайларда немесе жүректің жиырылу жиілігінің және/немесе артериялық қысымның түсіп кетуі қатер төндіргенде емдеуді үзеді. Қарқынды емдеу бөлімдері жағдайларында ағзадан атенололды шығаруға бағытталған шаралардан басқа, витальді параметрлерге мұқият қадағалау жүргізіп, қажет болса ретке келтіреді. Қажет болғанда:
- атропин (0,5 - 2,0 мг к/і болюс түрінде);
- глюкагон: бастапқы доза 1-10 мг к/і (сорғалатып), әріқарай – ұзақ инфузия түрінде сағатына 2-2,5 мг;
- дене салмағына және алынған әсерге байланысты симпатомиметиктер (допамин, добутамин, изопреналин, орципреналин немесе адреналин) тағайындалады.
Емге рефрактерлі брадикардияда науқасты электрокардиостимуляцияға уақытша көшіруге болады.
Бронх түйілуінде аэрозоль түрінде бета2-симпатомиметиктер немесе аминофиллин к/і тағайындалады (әсер жеткіліксіз болғанда да к/і).
Жайылған құрысу ұстамаларында диазепамді баяу к/і енгізу тағайындалады.
Шығарылу түрі және қаптамасы
10 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамада.
3 немесе 5 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші
«Меркле ГмбХ», Германия, Граф Арко штр. 3, 89079 Ульм
Тіркеу куәлігінің иесі
«ратиофарм ГмбХ», Германия
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы
«ратиофарм Казахстан» ЖШС, 050000, Алматы қ., Әл-Фараби д-лы, 13, Нұрлы тау БО, 1В, 305 кеңсе, телефон: +7 (727) 311 10 66/68/73/75, факс: +7 (727) 311 10 69, электрондық пошта: info@ratiopharm.kz