Аспаркам-Фармак

• русский
• қазақша

• Скачать инструкцию медикамента

Саудалық атауы

Аспаркам-Фармак

Халықаралық патенттелмеген атауы

Жоқ

Дәрілік түрі

Инъекцияға арналған ерітінді 5, 10 және 20 мл ампулаларда

Құрамы

1 мл ерітіндінің құрамында

белсенді заттар: 40 мг магний аспарагинаты (3,37 мг магний) және 45,2 мг калий аспарагинаты (10,33 мг калий), жазбаша алынуы бойынша: 72,05 мг аспарагин қышқылы, 100 % затқа шаққанда 5,59 мг ауыр магний тотығы, 100 % затқа шаққанда 14,82 мг калий гидроксиді

қосымша заттар: сорбит (E420), инъекцияға арналған су.

Сипаттамасы

Мөлдір түссіз немесе сәл сарғыш сұйықтық

Фармакотерапиялық тобы

Минералды заттар. Магний препараттары.

ATХ коды A12C C30.

Фармакологиялық қасиеттері

Фармакокинетикасы

Зерттелмеген.

Фармакодинамикасы

Препарат метаболизмдік үдерістерді реттейтін дәрілік заттарға жатады. Магний натрий-калий АТФ-азасын белсендіреді, соның салдарынан натрийдің жасушаішілік мөлшері төмендейді және калийдің жасушаға түсуі артады. Жасушадағы натрий концентрациясы төмендегенде тамырлардың тегіс бұлшықеттерінде натрий-калций алмасуы тежеледі, бұл олардың босаңсуына апарады, калий иондары АТФ, гликоген, ақуыздар, ацетилхолин синтезін стимуляциялайды; калий мен магний жасушалық жарғақшалар поляризациясын демейді. Аспарагинат иондардың жасушаға түсуіне ықпал етеді және энергетикалық алмасуға қатысады. Аритмияға қарсы әсері препараттың электролиттер теңгерімсіздігін жою, миокард қозғыштығы мен өткізгіштігін төмендету қабілетімен жүзеге асады.

Қолданылуы

- жүректің созылмалы ауруларында қосымша емде (жүрек жеткіліксіздігінде, инфарктен кейінгі кезеңде), жүрек ырғағы бұзылуында, ең алдымен қарыншалық аритмияда

- оймақгүл препараттарымен ем кезіндегі қосымша емде

Қолдану тәсілі және дозалары

Препарат тек көктамыр ішіне енгізуге арналған. Аспаркам-Фармак препаратын ересектерге көктамыр ішіне баяу тамшылатып 10-20 мл-ден (ампула ішіндегісін 50-100 мл стерильді 0,9 % натрий хлориді ерітіндісінде немесе 5 % глюкоза ерітіндісінде сұйылтады) енгізеді. Қажет болғанда дозаны 4-6 сағаттан кейін қайталауға болады. Препарат біріктірілген ем үшін жарамды.

Емдеу курсын дәрігер анықтайды.

Жағымсыз әсерлері

Препаратты жылдам енгізгенде гиперкалиемияның немесе гипермагниемияның симптомдары пайда болуы мүмкін.

Қолдануға болмайтын жағдайлар

- препараттың әсер етуші затына немесе қандай да бір қосымша заттарына жоғары сезімталдық

• жедел және созылмалы бүйрек жеткіліксіздігі

- Аддисон ауруы

- ІІІ дәрежелі атриовентрикулярлық блокада

- кардиогендік шок (систолалық артериялық қысым < 90 мм сын. бағ. болғанда)

Дәрілермен өзара әрекеттесуі

Аспаркам-Фармак калий жинақтаушы диуретиктермен немесе АӨФ тежегіштерімен бір мезгілде қолданылғанда гиперкалиемияның даму қаупі артады (мұндай жағдайда қан плазмасында калий деңгейін бақылау қажет). Аспаркам-Фармак жүрек гликозидтеріне сезімталдықты төмендетеді.

Айрықша нұсқаулар

Жылдам енгізу бет гиперемиясын туындатуы мүмкін.

Аспаркам-Фармак құрамында калий және магний бар препарат ретінде

миастения гравис ауруы бар пациенттерге; жедел дегидратация, тіндердің зақымдануларында, атап айтқанда ауыр күйіктерде гиперкалиемияға әкелуі мүмкін жағдайларда сақтықпен қолданылуы керек. Бұл санаттағы пациенттерде қан сарысуындағы электролиттер деңгейін ұдайы зерттеу ұсынылады.

Үйлесімсіздігі.

Қолдану тәсілі және дозалары

Педиатрияда қолданылуы.

Препаратты балаларда қолдану тәжірибесі жеткіліксіз, сондықтан Аспаркам-Фармак препаратын пациенттердің бұл санатында қолдануға болмайды.

Жүктілік және лактация кезеңінде қолдану

Осы уақытқа дейін пациенттердің бұл санатында препаратты қолданғанда қандай да бір қауіптің туындағаны туралы мәлімделмеген.

Препаратты ана денсаулығы үшін болжамды пайдасы шаранаға немесе сәбиге төнетін зор қатерден артық болатын жағдайларда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік басқаруға әсер етпейді.

Артық дозалануы

Жылдам сорғалатып енгізгенде немесе препаратты емдік дозаларынан едәуір асып кететін дозаларда енгізгенде гиперкалиемия және гипермагниемия дамиды.

Гиперкалиемия симптомдары: жалпы әлсіздік, парестезиялар, миокард өткізгіштігі бұзылуы, салдану, брадикардия. Плазмадағы калийдің өте жоғары концентрациясы жүрек қызметін бәсеңдету, аритмия немесе жүрек тоқтатуы нәтижесінде өлімге әкелуі мүмкін.

Гипермагниемия симптомдары: жүрек айнуы, құсу, диарея, ұйқышылдық, гипотензия, әлсіздік, түсініксіз сөйлеу, көзге қосарлы көріну, бағдардан жаңылу, бас айналуы, брадикардия. Плазмадағы магнийдің өте жоғары концентрациясы гипорефлексия, жүйке-бұлшықет блокадасы, тыныс алу бәсеңдеуі және жүрек тоқтатуы дамуы мүмкін.

Мұндай жағдайларда 10 % 10-40 мл кальций глюконаты немесе кальций хлориді (артық дозаланудың ауырлығына қарай) енгізіледі, тыныс алу мен гемодинамиканы демеу шаралары, симптоматикалық ем жүргізіледі. Жоғарыда аталған шаралардың тиімділігі жеткіліксіз болатын қатты улану жағдайында гемодиализ жүргізу көрсетілген.

Шығарылу түрі және қаптамасы

5 мл, 10 мл немесе 20 мл-ден сындыру сақинасы немесе сындыру нүктесі бар шыны ампулаларда.

10 ампуладан медициналық қолдануы жөніндегі мемлекеттік және орыс тілдеріндегі нұсқаулықпен бірге картоннан жасалған гофрланған қосымша беттері бар қорапшаға салады.

5 ампуладан полимер үлбірден жасалған пішінді ұяшықты қаптамаға салынады. Ампулалар бар 2 пішінді ұяшықты қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 15 ˚С-ден 25 ˚С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің иесі

«Фармак» ЖАҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың қауіпсіздігіне тіркеуден кейінгі бақылауға жауапты ұйымның атауы, мекенжайы және байланыс деректері

«Фармак» ЖАҚ Қазақстан Республикасындағы өкілдігі.

Қазақстан Республикасы, Алматы қ., индекс 050012, Амангелді к-сі 59 "А", "Шартас" бизнес орталығы, 9 қабат.

Тел.: +7 (727) 267 64 63, факс: +7 (727) 267 63 73, электрондық поштасы: a.liadobruk@gmail.com

5