Аскорбиновая кислота с глюкозой

Глюкоза қосылған аскорбин қышқылы

Жоқ

Таблеткалар

Ас қорыту жолы және зат алмасу. Дәрумендер. Аскорбин қышқылы (С дәрумені), біріктірілімдер. Аскорбин қышқылы (С дәрумені), біріктірілімдер.

Коды АТХ А11GB

- C дәруменінің гипо және авитаминозы

- аскорбин қышқылына қажеттіліктің жоғарылауы (қарқынды өсу кезеңі, жүктілік, лактация кезеңі, физикалық белсенділіктің жоғарылауы, реконвалесценция кезеңі).

Қолданудың басталуына дейінгі қажетті мәліметтер тізбесі

- препарат компоненттеріне аса жоғары сезімталдық

- глюкоза / галактоза мальабсорбциясы бар адамдарға

- 6 жасқа дейінгі балаларға

- тромбофлебиттер

- тромбозға бейімділік

Басқа дәрілік препараттармен өзара әрекеттесуі

Аскорбин қышқылы қандағы бензилпенициллин мен тетрациклин концентрациясын көтеріп, тәулігіне 1 г доза кезінде этинилэстрадиолдың (оның ішінде пероральді контрацептивтердің құрамына кіретін) биожетімділігін арттырады.

Ішекте темір препараттарының сіңуін жақсартып, дефероксаминмен бір мезгілде қолданған кезде темірдің шығарылуын арттыра алады.

Гепарин мен тікелей емес антикоагулянттардың тиімділігін төмендетеді.

Ацетилсалицил қышқылы, пероральді контрацептивтер, жаңа сығылған шырындар мен сілтілі сусын оның сіңуі мен қорытылуын төмендетеді.

Қысқа әсер ететін салицилаттармен және сульфаниламидтермен емдеу кезінде кристаллурияның даму қаупін арттырып, бүйректердің қышқылдарды (оның ішінде алкалоидтардың) шығаруын баяулатады және сілтілік реакциясы бар дәрілік заттардың шығарылуын арттырады (оның ішінде қандағы пероральді контрацептивтердің концентрациясын төмендетеді).

Өз кезегінде организмдегі аскорбин қышқылының концентрациясын төмендететін этанолдың жалпы клиренсін арттырады.

Жоғары дозаларда мексилетиннің бүйрекпен шығарылуын арттырады.

Барбитураттар аскорбин қышқылының несеппен шығарылуын арттырады.

Антипсихоздық дәрілік заттардың (нейролептиктердің) туындылары - фенотиазинның, амфетаминді және үшциклдік антидепрессанттардың өзектік реабсорбциясының емдік әсерін азайтады.

Арнайы ескертулер

Аскорбин қышқылының кортикостероидты гормондар синтезіне стимуляциялаушы әсер етуіне байланысты бүйрек қызметі мен артериалдық қысымды бақылау қажет. Үлкен дозаларды ұзақ қолдану кезінде ұйқы безінің инсулярлық аппаратының қызметі бәсеңдеуі мүмкін, сондықтан, емдеу процесі кезінде оны үнемі бақылау қажет.

Организмінде темір мөлшері жоғары пациенттерге аскорбин қышқылын ең аз мөлшерде қолдану керек.

Тез және қарқынды метастаздалатын ісіктері бар пациенттерге аскорбин қышқылын тағайындау процестің барысын қиындатуы мүмкін.

Аскорбин қышқылы қалыпқа келтіруші ретінде зертханалық тест нәтижелерін (қандағы глюкоза, билирубин, «бауыр» трансаминазаларының белсенділігі және ЛДГ) бұрмалауы мүмкін.

Жүктілік және бала емізу кезінде қолдану

Жүктілік кезінде және лактация кезінде осы зат ана үшін күтілетін пайда ұрық пен бала үшін қауіптен жоғары болған жағдайда ғана қолданылады. Жүктілік және лактация кезеңінде аскорбин қышқылы тек дәрігердің тағайындауы бойынша ғана қабылданады. Жүктіліктің II-III триместріндегі аскорбин қышқылына күнделікті қажеттілік 90-100 мг құрайды. Ұрық жүкті әйел қабылдаған аскорбин қышқылының жоғары дозаларына бейімделуі, содан кейін жаңа туған нәрестеде «қабылдамау» синдромының дамуы мүмкін екенін ескерген жөн. Теориялық тұрғыдан алғанда бала емізетін ана аскорбин қышқылының жоғары дозаларын қабылдаған кезде бала үшін қауіптің болу ықтималдығы бар (бала емізетін анаға аскорбин қышқылын күнделікті қажеттілігінен асырмау кеңес етіледі). Лактация кезінде аскорбин қышқылына ұсынылатын күнделікті қажеттілік 120 мг құрайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі ұсыныстар

Дозалау режимі

Ішке. Профилактикалық мақсатта (аскорбин қышқылына қайта шаққанда):

ересектерге тәулігіне 50-100 мг, 6 жастан 14 жасқа дейінгі балаларға тәулігіне 50 мг, 14 жастан асқан балаларға тәулігіне 50-75 мг.

Емдік мақсатта (аскорбин қышқылына қайта шаққанда):

Ересектерге күніне 3-5 рет 50-100 мг, 6 жастан асқан балаларға күніне 2-3 рет 50-100 мг. Терапияның ұзақтығы мен дозасын емдеуші дәрігер белгілейді.

Артық дозаланған жағдайда қабылдануы тиіс шаралар

Симптомдары: 1 г астам қолданған кезде - бас ауыруы, ОЖЖ қозғыштығының жоғарылауы, ұйқысыздық, жүрек айну, құсу, диарея, гиперацидті гастрит, АІЖ шырышты қабығының ульцерациясы, ұйқы безінің инсулярлық аппараты функциясының бәсеңдеуі (гипергликемия, глюкозурия), гипероксалурия, оксалатты нефролитиаз, бүйректің гломерулярлық аппаратының зақымдануы, орташа поллакурия (дозаны тәулігіне 600 мг артық етіп қабылдаған кезде). Капиллярлар өткізгіштігінің төмендеуі (тіндер трофикасының нашарлауы, артериялық қысым, гиперкоагуляция жоғарылауы, микроангиопатия дамуы мүмкін).

Емі: препаратты тоқтату, симптоматикалық терапия (артериялық қысымды бақылау, антиагреганттарды, инсулинді, сілтілендіргіштерді тағайындау). Спецификалық антидот жоқ. Гемодиализ пен перитонеалдық диализ тиімді емес.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну жөніндегі ұсынымдар

Қажет болған кезде дәрілік затты қолдану алдында дәрігермен кеңесіңіз.

ДП стандартты қолданған кезінде байқалатын жағымсыз реакциялардың сипаттамасы және осы жағдайда қабылдануға тиісті болатын шаралар

- аллергиялық реакциялар

- асқазан-ішек жолы шырышты қабығының тітіркенуі (жүрек айну, құсу, диарея, АІЖ түйілуі)

- ұйқы безінің инсулярлық аппараты функциясының бәсеңдеуі (гипергликемия, глюкозурия)

- гипероксалурия және оксалатты нефрокальциноз (үлкен дозаларды қолданғанда)

- тромбоцитоз, гиперпротромбинемия, эритропения, нейтрофильді лейкоцитоз, гипокалиемия

- артериялық қысымның жоғарылауы, миокардиодистрофия

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетка құрамында:

белсенді заттар - аскорбин қышқылы 100 мг, глюкоза моногидраты 877 мг,

қосымша заттар: картоп крахмалы, тальк, кальций стеараты

Сыртқы типінің, иісінің, дәмінің сипаттамасы

Ақ түсті, жалпақ цилиндр пішінді, сызығы мен ойығы бар таблеткалар

Шығарылу түрі және қаптамасы

10 таблеткадан поливинилхлоридті мөлдір үлбірден және баспалы алюминий фольгадан жасалған пішінді ұяшықты қаптамаға салынады.

Пішінді ұяшықты қаптамалар медициналық қолдану жөніндегі мемлекеттік және орыс тілдеріндегі нұсқаулықтармен бірге топтық ыдысқа салынады.

2 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«СУЛТАН» ЖШС, Қазақстан Республикасы

041613, Алматы обл., Талғар ауд., Еркін ауылы, Б. Момышұлы к-сі, 5

Тел. / факс: 8 (727) 3054865, 30548986

Электрондық пошта: toosultan@list.ru

Тіркеу куәлігінің ұстаушысы

«СУЛТАН» ЖШС, Қазақстан Республикасы

041613, Алматы обл., Талғар ауд., Еркін ауылы, Б. Момышұлы к-сі, 5

Тел. / факс: 8 (727) 3054865, 30548986

Электрондық пошта: toosultan@list.ru

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты болатын ұйымның атауы, мекенжайы және байланыс деректері (телефоны, факсы, электрондық поштасы)

«СУЛТАН» ЖШС, Қазақстан Республикасы

041613, Алматы обл., Талғар ауд., Еркін ауылы, Б. Момышұлы к-сі, 5

Тел. / факс: 8 (727) 3054865, 30548986

Электрондық пошта: toosultan@list.ru