Асиброкс (200 мг)
Инструкция
-
русский
-
қазақша
Саудалық атауы
Асиброкс
Халықаралық патенттелмеген атауы
Ацетилцистеин
Дәрілік түрі
Көпіршитін таблеткалар 200 мг және 600 мг
Құрамы
Бір таблетканың құрамында
белсенді зат - ацетилцистеин 200 мг және 600 мг,
қосымша заттар: аскорбин қышқылы, сусыз натрий карбонаты, натрий гидрокарбонаты, сусыз лимон қышқылы, сорбитол, натрий цитраты, макрогол 6000, натрий сахарині, «Лимон» хош иістендіргіші
Сипаттамасы
Жалпақ цилиндр пішінді, сәл мәрмәрлігіне жол берілетін, өзіне тән иісі, ойығы бар ақ түсті таблеткалар
Фармакотерапиялық тобы
Суық тию және жөтел симптомдарын қайтаруға арналған препараттар. Қақырық түсіретін препараттар. Муколитиктер. Ацетилцистеин.
АТХ коды R05CB01
Фармакологиялық қасиеттері
Фармакокинетикасы
Ішке қабылдағаннан кейін ацетилцистеин асқорыту жолында тез және толығымен сіңіріледі. Ацетилцистеиннің ішке қабылдағаннан кейінгі биожетімділігі 10%-ға жуықты құрайды. Ішке қабылдағаннан кейін ең жоғарғы концентрациясына 1 - 3 сағаттан соң жетеді.
Бауырда (фармакологиялық белсенді метаболиті) цистеинге және диацетилцистинге дейін, цистинге, ары қарай - аралас дисульфидтерге дейін метаболизденеді. Организмде ацетилцистеин мен оның метаболиттері түрлі формаларда: ішінара - бос субстанция түрінде, ішінара - қан плазмасы протеиндерімен байланыста, ішінара - инкорпорацияланған аминқышқылдары ретінде анықталады. Белсенді емес метаболиттер (органикалық емес сульфаттар, диацетилцистин) түрінде толығымен дерлік несеппен шығарылады. Ацетилцистеиннің тек азғантай мөлшері өзгеріссіз күйде нәжіспен шығарылады. Қан плазмасынан жартылай шығарылу кезеңі 1 сағатқа жуықты құрайды және бауырдағы биоөзгерісінің жылдамдығына байланысты болады. Бауыр жеткіліксіздігі кезінде ол 8 сағатқа дейін жоғарылауы мүмкін.
Ацетилцистеин плацентарлық бөгет арқылы өтуі және амниотикалық сұйықтықта жинақталуы мүмкін.
Фармакодинамикасы
Ацетилцистеин – муколитикалық, қақырық түсіретін дәрі, цистеин аминқышқылының туындысы. Бос сульфгидрильді тобының болуы есебінен ацетилцистеин қақырықтың қышқыл мукополисахаридтерінің бисульфидтік байланыстарын бұзады, бұл мукопротеидтердің деполимеризациясына алып келеді және бронх сөлінісі тұтқырлығының азаюына алып келеді. Мукоцилиарлық клиренсті арттыруы есебінен қақырықтың түсуін жеңілдетеді. Сондай-ақ Ацетилцистеиннің антиоксиданттық және пневмопротекторлық қасиеттері бар, бұған сульфгидрильді топтардың бос радикалдарды байланыстыру қабілеті түрткі болады. Бұдан өзге, ацетилцистеин глутатион синтезінің артуына ықпал етеді, ол уытсыздандырудың маңызды факторы болып табылады. Ацетилцистеиннің бұл ерекшелігі парацетамолмен және басқа заттармен (альдегидтермен, фенолдармен және т.б.) жедел улану кезінде у қайтарғы ретінде қолдануға мүмкіндік береді.
Қолданылуы
Тұтқыр, бөлінуі қиын қақырықтың көп түзілуімен қатар жүретін тыныс алу мүшелерінің ауруларында:
- жедел және созылмалы бронхиттерде
- обструкциялық бронхитте
- ларинготрахеитте
- пневмонияда
- бронхоэктаздарда
- бронх демікпесінде
- бронхиолиттерде
- муковисцидозда
- жедел және созылмалы синуситте секреттің түсуін жеңілдету үшін
Қолдану тәсілі мен дозалары
Асиброксты ішке қабылдайды.
Құрамында 600 мг ацетилцистеин бар бір таблеткасын 200 мл бөлме температурасындағы ауыз суында немесе құрамында 200 мг ацетилцистеин бар бір таблеткасын бөлме температурасындағы 100 мл ауыз суында ерітеді.
Препаратты тамақтан кейін қабылдау керек. Қосымша сұйықтық ішу ацетилцистеиннің муколитикалық әсерін күшейтеді. Еріткеннен кейін бірден қабылдау керек, ерекше жағдайларда ғана дайын ерітіндіні 2 сағатқа қалдыруға болады.
Ересектер мен 14 жастан асқан балаларға препаратты тәулігіне 2-3 рет 200 мг-ден немесе тәулігіне 1 рет 600 мг-ден тағайындайды.
6 жастан 14 жасқа дейінгі балаларға тәулігіне 2 рет 200 мг-ден қабылдау ұсынылады.
2 жастан 6 жасқа дейінгі балаларға тәулігіне 1 рет 200 мг-ден тағайындайды.
Муковисцидозда:
- Ересектер мен 14 жастан асқан балаларға препаратты тәулігіне 2-3 рет 200 мг-ден немесе тәулігіне 1 рет 600 мг-ден тағайындайды
- 6 жастан асқан балаларға тәулігіне 3 рет 200 мг-ден қабылдау ұсынылады
- 2 жастан 6 жасқа дейінгі балаларға – тәулігіне 2 рет 200 мг-ден
- дене салмағы 30 кг асатын емделушілерге препаратты тәулігіне 800 мг дейінгі дозада қабылдауға болады.
Емдеу ұзақтығы аурудың типі мен ауырлығына байланысты болады және дәрігер анықтау тиіс. Орташа емдеу курсы 5-7 күн.
Жағымсыз әсерлері
Кейде
– жүрек айнуы, құсу, қыжыл, диарея
– бас ауыруы, құлақтағы шуыл
– тері бөртпесі, қышыну, есекжем; жекелеген жағдайларда – бронх түйілуі (көбінесе бронхтардың гиперреактивтілігі бар емделушілерде)
Сирек
– артериялық қысымның төмендеуі, тахикардия
– стоматит
– тромбоциттер агрегациясының төмендеуі
Өте сирек
– жоғары сезімталдық реакциясының көрінісі ретінде өкпеден қан кету
Қолдануға болмайтын жағдайлар
- ацетилцистеинге немесе препараттың басқа компоненттеріне жоғары сезімталдық
- 2 жасқа дейінгі балаларға (құрамында ацетилцистеин мөлшері 200 мг таблеткалар үшін)
- 14 жасқа дейінгі балаларға (құрамында ацетилцистеин мөлшері 600 мг таблеткалар үшін)
- жүктілік және лактация кезеңі
- асқазан мен он екі елі ішектің өршу сатысындағы ойық жаралы ауруы
- фенилкетонурия
- қан түкіру, өкпеден қан кету
- галактозаны көтере алмаушылық, глюкоза-галактоза мальабсорбциясы синдромы
Дәрілермен өзара әрекеттесуі
Ацетилцистеин мен жөтелге қарсы дәрілерді бір мезгілде қолданғанда, жөтел рефлексінің бәсеңдеуі салдарынан шырыштың іркілуі туындауы мүмкін. Сондықтан мұндай біріктірілімдерді сақтықпен таңдау керек.
Ацетилцистеиннің бронхолитиктермен синергизмі байқалады.
Ацетилцистеин мен нитроглицеринді бір мезгілде қабылдау соңғысының тамырды кеңейтетін әсерінің күшеюіне алып келуі мүмкін.
Антибиотиктермен (пенициллиндермен, цефалоспориндермен, эритромицинмен, тетрациклинмен және В амфотерицинімен) және протеолитикалық ферменттермен фармацевтикалық тұрғыдан үйлесімсіз, сондықтан бір мезгілде қолданғанда оларды ацетилцистеинді ішке қабылдағаннан кейін 2 сағаттан ерте қабылдамау керек.
Металдармен, резеңкемен байланысқанда өзіне тән иісі бар сульфидтер түзіледі.
Айрықша нұсқаулар
Асиброксты қан түкіргенде, өкпеден қан кеткенде, өңеш көктамырларының варикозды кеңеюі, бүйрекүсті безінің аурулары, бауыр және/немесе бүйрек жеткіліксіздігі бар емделушілерде сақтықпен қолдану керек.
Бронх демікпесі мен обструкциялық бронхитте ацетилцистеинді бронх өткізгіштігін жүйелі түрде бақылай отырып, сақтықпен тағайындау керек.
Асиброкстың құрамында сорбитол мен сахарин натрий бар, сондықтан препаратты қолданар алдында дәрігермен кеңесу қажет.
Препаратпен жұмыс жасағанда шыны ыдысты пайдалану, металдарға, резеңкеге, оттегіге, тез тотығатын заттармен жанасуын болдырмау қажет.
Педиатрияда қолданылуы
Препарат 14 жасқа дейінгі балаларға қарсы көрсетілімді (ацетилцистеин құрамы 600 мг таблеткалар үшін)
Жүктілік және лактация кезеңі
Препараттың жүктілік және лактация кезеңінде қолданылуы жөніндегі талапқа сай және жақсы бақыланған зерттеулер жүргізілген жоқ.
Асиброкс жүктілік және лактация кезеңінде қарсы көрсетілімді.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Асиброкс автокөлік жүргізу және психомоторлық реакциялардың жоғары жылдамдағын қажет ететін жұмыстарды орындау қабілетіне әсер етпейді.
Артық дозалануы
Симптомдары: диарея, құсу, асқазанның ауыруы, қыжыл және жүрек айнуы болуы мүмкін.
Емі: симптоматикалық ем.
Шығарылу түрі мен қаптамасы
24 таблеткадан (200 мг доза үшін) немесе 12 таблеткадан (600 мг доза үшін) силикагелі бар полипропилен тығынмен жабылған полипропилен пеналға салады.
1 пеналдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салады.
2 таблеткадан алюминий фольгадан жасалған пішінді ұяшықсыз қаптамаға салады.
5 немесе 10 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған қорапқа салады.
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецептісіз
Өндіруші
Витале-ХД ЖШС, Мяэалуcе 2/2, 12618 Таллинн, Эстония
(Vitale-XD Ltd., Maealuse 2/2, 12618 Tallinn, Estonia).
Сауда белгісінің және тіркеу сертификатының иесі «РОТАФАРМ ЛИМИТЕД» компаниясы болып табылады, ҰЛЫБРИТАНИЯ
(“ROTAPHARM LIMITED”, GREAT BRITAIN).
Тіркеу куәлігінің иесі
Сауда белгісінің және тіркеу сертификатының иесі «РОТАФАРМ» компаниясы болып табылады, ҰЛЫБРИТАНИЯ
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«ТРОКА – С ФАРМА» ЖШС, ҚР, Алматы, Түріксіб ауданы, Сүйінбай д-лы, 222б Тел/факс: 8 (7272) 529090