Арпефлю №10 (100 мг)

Умифеновир

Қабықпен қапталған 50 мг және 100 мг таблеткалар.

Бір таблетканың құрамында

белсенді зат - умифеновир гидрохлориді (100 % затқа шаққанда) – 50 мг немесе 100 мг,

қосымша заттар: повидон, микрокристалды целлюлоза, модификацияланған жүгері крахмалы (Starch 1500), сусыз коллоидты кремнийдің қостотығы, магний стеараты, лактоза моногидраты, опадрай II ақ (85F18422) (тальк, полиэтиленгликоль, титанның қостотығы, поливинил спирті).

Екі беті дөңес, қабықпен қапталған ақ түсті таблеткалар.

Фармакотерапиялық тобы

Жүйелік қолдануға арналған вирусқа қарсы препараттар. Тікелей әсер ететін вирусқа қарсы препараттар Басқа да вирусқа қарсы препараттар.

ATХ коды J05AX

Фармакологиялық қасиеттері

Фармакокинетикасы

Умифеновир гидрохлориді ағзалар мен тіндерге тез сіңіріледі және таралады. Қан плазмасындағы ең жоғарғы концентрациясына 50 мг дозада қабылдағанда 1,2 сағаттан соң, 100 мг дозада - 1,5 сағаттан соң жетеді. Бауырда метаболизденеді. Жартылай шығарылу кезеңі 17-21 сағатқа тең. 40%-ға жуығы өзгеріссіз күйде, негізінен өтпен (38,9%) және болымсыз мөлшерде бүйрекпен (0,12%) шығарылады. Бастапқы тәуліктер ішінде енгізілген дозасының 90%-ы шығарылады.

Фармакодинамикасы

Умифеновир гидрохлориді – вирусқа қарсы дәрі, сондай-ақ орташа иммунтүрлендіргіш әсер береді. А және В типті тұмау вирустарын және ауыр жедел респираторлық синдром дамуының спецификалық жолмен бәсеңдетеді. Вирусқа қарсы әсер ету механизмі бойынша бірігу (фузияның) тежегіштеріне жатады, вирус гемагглютининімен өзара әрекеттеседі және вирустың липидті қабығы мен жасуша жарғақшаларының бірігуіне кедергі болады. Интерферониндукциялаушы белсенділігі бар, иммунитеттің гуморальді және жасушалық реакцияларын, макрофагтардың фагоцитарлық функциясын көтермелейді, ағзаның вирустық инфекцияларға төзімділігін арттырады. Вирустық инфекциямен байланысты асқынулардың даму жиілігін, сондай-ақ созылмалы бактериялық аурулардың өршуін төмендетеді.

Вирустық инфекциялар кезіндегі емдік тиімділігі жалпы уыттану мен клиникалық көріністер айқындығын төмендеуінен, ауру ұзақтығының қысқаруынан білінеді.

Уыттылығы аз препараттарға жатады. Ұсынылған дозаларда пероральді қолданғанда адам организміне қандай-да бір теріс әсер бермейді.

Ересектер мен балаларда төмендегілердің профилактикасы және емдеу:

- А және В вирустары туғызған тұмау, жедел респираторлық-вирустық инфекциялар, ауыр жедел респираторлық синдром (соның ішінде бронхитпен, пневмониямен асқынған)

- салдарлы иммунитет тапшылығы жағдайлары

- созылмалы бронхитті, пневмония мен қайталанатын герпестік инфекцияны кешенді емдеу құрамында

- операциядан кейінгі инфекциялы асқынулардың профилактикасы және иммундық статусты қалыптандыруда

- 6 жастан асқан балаларда шығу тегі ротавирустық жедел ішек инфекцияларын кешенді емдеу құрамында.

Ішке, ас ішкенге дейін 30 минут бұрын немесе ас ішкеннен кейін 2 сағаттан соң. Бір реттік дозасы: 6 жастан 12 жасқа дейінгі балаларға - 100 мг, 12 жастан асқан балалар мен ересектерге - 200 мг (100 мг-ден 2 таблетка немесе 50 мг-ден 4 таблетка).

Спецификалық емес профилактика үшін

Тұмаумен және басқа жедел респираторлы-вирустық инфекциялармен ауырған науқаспен тікелей байланыста болғанда:

- 6 жастан 12 жасқа дейінгі балаларға – күніне бір рет 100 мг, 12 жастан асқан балалар мен ересектерге –10-14 күн бойы күніне бір рет 200 мг.

Созылмалы бронхиттің асқынуының, тұмау және басқа жедел респираторлы-вирустық инфекциялар эпидемиясы кезеңіндегі герпестік инфекцияның қайталануының профилактикасы үшін:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге –3 апта бойы аптасына екі реттен 200 мг.

Ауыр жедел респираторлық синдромның профилактикасы үшін (науқаспен байланыста болғанда ):

- 6 жастан 12 жасқа дейінгі балаларға 100 мг, 12 жастан асқан балалар мен ересектерге 12-14 күн бойы күніне бір рет (тамаққа дейін) 200 мг.

Операциядан кейінгі асқынулардың профилактикасы:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – операцияға 2 күн қалғанда бір рет 200 мг, сосын операциядан кейін 2-нші және 5-інші күні дәл сол дозада бір рет .

Емдеу үшін

Асқынуларсыз тұмау, басқа жедел респираторлы-вирустық инфекциялар:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5 күн бойы тәулігіне 4 рет (әр 6 сағат сайын) 200 мг.

Тұмау, асқынулар дамуымен басқа жедел респираторлық-вирустық инфекциялар (бронхит, пневмония және басқа):

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5 күн бойы тәулігіне 4 рет (әр 6 сағат сайын) 200 мг, сосын 4 апта бойы аптасына 1 рет бір реттік дозасын.

Ауыр жедел респираторлық синдром:

- 12 жастан асқан балалар мен ересектерге – 8-10 күн бойы күніне 2 рет 200 мг.

Созылмалы бронхитті, герпестік инфекцияны кешенді емдеуде:

- 6 жастан 12 жасқа дейінгі балаларға – 100 мг, 12 жастан асқан балалар мен ересектерге – 5-7 күн бойы тәулігіне 4 рет (әр 6 сағат сайын) 200 мг, сосын 4 апта бойы аптасына 2 рет бір реттік дозасын.

6 жастан асқан балалардағы шығу тегі ротавирустық жедел ішек инфекцияларын кешенді емдеу:

- 6 жастан 12 жасқа дейінгі балаларға – 100 мг-ден, 12 жастан асқандарға 5 күн бойы тәулігіне 4 рет (әр 6 сағат сайын) 200 мг-ден.

Сирек

- аллергиялық реакциялар (бөртпе, анафилактикалық реакция).

- қыжыл, жүректің айнуы, құсу, диарея.

- препараттың кез-келген компонентіне жоғары сезімталдық

- 6 жасқа дейінгі балалар

- жүктілік және лактация кезеңі

- тұқым қуалайтын лактозаны көтере алмаушылық, лактоза жеткіліксіздігі, глюкоза, галактоза мальабсорбциясы.

Басқа дәрілік заттармен тағайындағанда теріс әсерлері білінген жоқ.

Жүктілік және лактация кезеңі

Жүктілік кезінде қабылдаудың қажетті клиникалық тәжірибесі жоқ болғандықтан, Арпефлю препаратын ана үшін болуы мүмкін пайдасы ұрық үшін ықтимал қауіптен асатын жағдайлардан басқа жағдайларда қабылдау ұсынылмайды. Қажетті клиникалық тәжірибе жоқ болғандықтан, Арпефлю препаратын бала емізу кезінде қабылдау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Орталықтық нейротропты белсенділігі жоқ және мамандықтары әр түрлі, соның ішінде назар аудару мен қимыл-қозғалыс үйлесімін қажет ететін тұлғаларға (көлік жүргізушілері, операторлар және т.б.) қолданылады.

Байқалмаған.

10 немесе 20 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

10 таблеткасы бар бір, екі немесе үш пішінді ұяшықты қаптаманы мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

50 мг дозадағы 20 таблеткасы бар бір пішінді ұяшықты қаптаманы мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

25 ºС-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды

Рецептісіз

«Лекфарм» ЖШБҚ, Беларусь Республикасы,

223110, Логойск қ-сы, Минская к-сі, 2а үй

Тел./факс: (01774)-53801 e-mail: office@lekpharm.by

«Лекфарм» ЖШБҚ, Беларусь Республикасы,

223110, Логойск қ-сы, Минская к-сі, 2а үй

Тел./факс: (01774)-53801 e-mail: office@lekpharm.by

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«РОМФАРМ КОМПАНИ» С.Р.Л. Қазақстан Республикасындағы өкілдігі

050013, Қазақстан Республикасы, Алматы қ, Бухар Жырау бульвары, 33 үй, «Женіс» БО, офис 607, тел.(727) 247 07 85