Арлет® (875 мг/125 мг)

• русский
• қазақша

• Скачать инструкцию медикамента

Саудалық атауы

Арлет®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған 500 мг/125 мг, 875 мг/125 мг таблеткалар

Құрамы

Бір таблетканың құрамында

белсенді заттар: амоксициллин тригидраты мен калий клавуланатының қоспасы 4:1 (500 мг/125 мг доза үшін) және 7:1 (875 мг/125 мг доза үшін): 500 мг және 875 мг амоксициллин тригидраты (амоксициллинге шаққанда), 125 мг калий клавуланаты (клавулан қышқылына шаққанда),

қосымша зттар:

ядро: төмен молекулярлы повидон, тальк, желатинделген крахмал, кальций стеараты, коллоидты кремнийдің қостотығы, микрокристалды целлюлоза,

қабықтың құрамы: гипромеллоза, пропиленгликоль, макрогол 4000, титанның қостотығы (Е171).

Сипаттамасы

Сопақша пішінді, екі жақ беті дөңес, ақ немесе ақ дерлік түсті үлбірлі қабықпен қапталған таблеткалар.

Фармакотерапиялық тобы

Бактерияларға қарсы жүйелік қолдануға арналған препараттар. Бактерияларға қарсы бета-лактамдық препараттар – пенициллиндер. Бета-лактамаза тежегіштерімен біріктірілген пенициллиндер. Клавулан қышқылы + амоксициллин

АТХ коды J01CR02

Фармакологиялық қасиеттері

Фармакокинетикасы

Амоксициллин мен клавулан қышқылының негізгі фармакокинетикалық параметрлері ұқсас. Біріктірілген амоксициллин және клавулан қышқылы бір-бірінің фармакокинетикасына ықпалын тигізбейді.

Ішке қабылдағаннан кейін компоненттің екеуі де тез және толық сіңеді, ас қабылдау сіңу дәрежесіне әсер етпейді, алайда препарат таблеткасын тамақтанудың бас кезінде қабылдағанда клавулан қышқылы өте жақсы сіңеді.

Препаратты қабылдағаннан кейін шамамен 1 сағаттан соң қан плазмасында ең жоғары концентрацияларға жетеді. Ең жоғары концентрациялар мәні амоксициллин үшін (дозаға байланысты) 3-12 мкг/мл, клавулан қышқылы үшін 2 мкг/мл-ге жуықты құрайды.

Екі компонент те таралу көлемінің үлкендігімен сипатталады. Белсенді екі заттың емдік концентрациялары әртүрлі ағзалардан, организмнің тіндерінен және сұйық орталарынан: өкпелерден, қақырықтан, құрсақ қуысының ағзаларынан, кіші жмбас қуысының ағзаларынан (жатырдан, аналық бездерден, қуықасты бездерінен), ортаңғы құлақтан, теріден, бауырдан, таңдай бадамша бездерінен, мұрынның қосалқы қуыстарынан, өт қалтасынан; май, сүйек және бұлшықет тіндерінен; плевральді, синовиальді және перитонеальді сұйықтықтардан; өттен, несептен, сілекейден, бронх секретінен, іріңді бөлінділерден, интерстициальді сұйықтықтан табылады.

Амоксициллин және клавулан қышқылы мидың қабынбаған қабықтарында гематоэнцефалдық бөгет арқылы өтпейді.

Плазма ақуыздарымен байланысуы орташа: клавулан қышқылы үшін 25% және амоксициллин үшін 18%.

Амоксициллин және клавулан қышқылы плаценталық бөгет арқылы өтпейді (ұрыққа жағымсыз әсері байқалған жоқ) және емшек сүтімен жұғынды концентрацияларда бөлініп шығады.

Амоксициллин бауырда белсенді емес метаболиттерге дейін ішінара метаболизденеді (енгізілген дозаның 10%-ы), клавулан қышқылы бауырда қарқынды метаболизмге ұшырайды (енгізілген дозаның 50-70%-ы).

Амоксициллин организмнен өзекшелік секреция және шумақтық сүзілу жолымен көбіне бүйректер арқылы (52 ± 15% доза 7 сағат ішінде өзгермеген күйінде) және аздаған бөлігі өтпен бірге шығарылады. Амоксициллиннің бастапқы дозасының 10-25%-ға жуығы белсенді емес пенициллин қышқылы түрінде бүйректер арқылы шығарылады. Клавулан қышқылы шумақтық сүзілу жолымен (40-65%), ішінара метаболиттер түрінде, сондай-ақ ішекпен шығарылады.

Амоксициллин мен клавулан қышқылының жартылай шығарылу кезеңі (Т1/2) 1-1,5 сағатты құрайды. Бүйрек қызметінің жеткіліксіздігі ауыр (креатинин клиренсі 10-30 мл/мин) емделушілерде жартылай шығарылу кезеңі амоксициллин үшін 7,5 сағатқа дейін және клавулан қышқылы үшін 4,5 сағатқа дейін артады. Анурияда белсенді екі заттың да Т1/2 10 және 15 сағат арасында құбылып отырады.

Екі компонент те гемодиализбен және аздаған мөлшері перитонеальді диализбен жойылады.

Фармакодинамикасы

Арлет® β-лактамдық антибиотиктердің (пенициллиндер, цефалоспориндер, карбапенемдер) әсерінен қорғау үшін (төзімділік) көптеген патогендік микроорганизмдер жасап шығаратын β-лактамаза ферментерінің әсеріне төзімді тежегіштен қорғалған пенициллиндер тобына жататын, әсер ету ауқымы кең антибиотик. Бактериялық β-лактамаза антибиотикті белсенді емес фрагменттерге (заттарға) ыдыратады. β-лактамаза түзетін бактериялар, пенициллиндерге және цефалоспориндерге тұрақты (төзімді).

Арлет® препаратында әсер ететін 2 зат бар: амоксициллин (бактерияларға қарсы белсенділігі кең ауқымды жартылай синтетикалық пенициллин) және клавулан қышқылы (β-лактамазаның қайтымды емес тежегіші).

Амоксициллин – әсер ету ауқымы кең, көптеген грамоң және грамтеріс микроорганизмдерге қатысты белсенді жартылай синтетикалық антибиотик. Амоксициллин β-лактамазалармен ыдырауға ұшырайды, сондықтан оның бактерияларға қарсы өрісіне β-лактамаза түзетін микроорганизмдер кірмейді.

Клавулан қышқылы - β-лактамазаның кең ауқымын, онымен белсенділігі төмен кешен түзу арқылы, белсенділігін төмендету қабілеті бар β-лактамдық қосылыс, бұл амоксициллиннің ферментативтік бұзылуына жол бермейді.

Клавулан қышқылы құрылысы бойынша β-лактамдық антибиотикке ұқсас, бірақ өзінің бактерияларға қарсы белсенділігі жоқ дерлік. Клавулан қышқылы β-лактамазаның II, III, IV және V типтерін (Ричмонд-Сайкс классификациясы бойынша) тежейді, бірақ Enterobacter spp., Pseudomonas aeruginosa, Serratia spp., Acinetobacter spp.әсерінен түзілетін β-лактамазаның І типіне қатысты белсенді емес.

Препараттың құрамында клавулан қышқылының болуы амоксициллинді β-лактамазалармен бұзылуынан қорғайды және оның бактерияларға қарсы белсенділігі ауқымын, әдетте оған және басқа да пенициллиндер мен цефалоспориндерге төзімді (тұрақты) микроорганизмдерді қамти отырып, кеңейтеді.

Препараттың бактерияларға қарсы бактерицидтік әсерінің ауқымы кең. Келесі микроорганизмдерге қатысты белсенді:

- грамоң аэробтар: Streptococcus pneumoniae, Streptococcus pyogenes, Streptococcus viridans, Streptococcus agalactiae, Streptococcus bovis; Staphylococcus aureus (метициллин-төзімді штаммдардан басқа), Staphylococcus epidermidis (метициллин-төзімді штаммдардан басқа), Staphylococcus saprophyticus және басқа да коагулазды-негативті стафилококктар, Enteroccocus spp. (соның ішінде Enteroccocus faecalis), Bacillis anthracis, Corynebacterium spp., Listeria monocytogenes, Nocardia asteroides;

- грамтеріс аэробтар: Escherichia coli, Haemophilus influenzae, Kiebsieila spp., Moraxella catarrhalis, Bordetella pertussis, Brucella spp., Campylobacter jejuni, Eikenella corrodens, Enterobacter spp., Gardnerella vaginalis, Haemophilus ducreyi, Neisseria gonorrhoeae, Neisseria meningitides, Pasteurela multocida, Proteus spp., Salmonella spp., Shigella spp., Vibrio cholerae, Yersinia enterocolitica;

- грамоң және грамтеріс анаэробтар: Actinomyces israelli, Bacteroides spp. (Bacteroides fragilis қоса есептегенде), Clostridium spp. (Clostridium difficile басқасы), Fusobacterium spp., Peptococcus spp., Peptostreptococcus spp., Prevotella spp.;

- басқа микроорганизмдер: Borrelia burgdorferi, Chlamydia spp., Helicobacter pylori, Leptospira icterohaemorrhagiae, Treponema pallidum.

Қолданылуы

- жедел және созылмалы синуситте, ортаңғы отитте, жұтқыншақ арты абсцесінде, тонзиллитте, фарингитте

- бактериялық асқынжұқпасы бар жедел бронхитте, созылмалы бронхит асқынғанда, ауруханадан тыс пневмонияда

- циститте, уретритте, пиелонефритте, пиелитте

- сальпингитте, сальпингоофоритте, цервицитте, бактериялық вагинитте, эндометритте, пельвиоперитонитте, сепсистік абортта

- тілмеде, импетигода, екінші қайтара жұқпа жұққан дерматоздарда, флегмонада, абсцесте, жара жұқпасында, соның ішінде жануарлар мен адам тістегенде

- остеомиелитте

- холециститте, холангитте

- жұмсақ шанкрде

- одонтогендік жұқпаларда

- дизентерияда, сальмонеллезде, сальмонеллез тасымалдағанда

Қолдану тәсілі және дозалары

Ішке.

Дозалау режимі емделушінің жасына, дене салмағына, бүйрек қызметіне, сондай-ақ жұқпаның ауырлық дәрежесіне байланысты, жекелей анықталады.

Ас қорыту жүйесі тарапынан ықтимал жағымсыз әсерлерді азайту үшін препаратты тамақтанудың бас кезінде қабылдау керек. Таблетканы шайнамай, стакан толы сумен ішіп бүтіндей жұтады.

Ересектер және 12 жастан асқан немесе дене салмағы 40 кг-нан асатын балалар

Жеңіл және орташа ауыр жұқпалар (төменгі тыныс жолдарының жұқпаларынан басқа) – тәулігіне 3 рет 1 таблеткадан (250 мг+125 мг) немесе тәулігіне 2 рет 1 таблеткадан (500 мг+125 мг).

Ауыр жұқпалар немесе төменгі тыныс жолдарының жұқпалары – тәулігіне 3 рет 1 таблеткадан (500 мг+125 мг) немесе тәулігіне 2 рет 1 таблеткадан (875 мг+125 мг).

Препаратпен емдеудің ең төмен курсы 5 күнді құрайды. Емдеу курсының ұзақтығын емдеуші дәрігер белгілейді. Емдеу ұзақтығы медициналық тексеруді қайталамай-ақ, 14 күннен аспауы тиіс. Асқынбаған жедел ортаңғы отитті емдеу ұзақтығы 5-7 күнді құрайды.

2 таблетка (250 мг+125 мг) 1 таблеткаға (500 мг+125 мг) баламалы емес екендігін ескеру қажет, өйткені онда клавулан қышқылы 2 есе көп.

Амоксициллиннің ең жоғары тәуліктік дозасы: ересектер және 12 жастан асқан (дене салмағы 40 кг және одан астам) балалар үшін 6 г құрайды.

Клавулан қышқылының ең жоғары тәуліктік дозасы (калий клавуланаты түрінде: ересектер және 12 жастан асқан (дене салмағы 40 кг және одан астам) балалар үшін 600 мг құрайды.

Бүйрек қызметі бұзылған емделушілер

Ересектерде және 12 жастан асқан немесе дене салмағы 40 кг және одан асатын балаларда дозаны түзетеді, қабылдау жиілігі креатинин клиренсіне (КК) байланысты:

КК минутына 30 мл-ден көп болғанда: дозаны түзету қажет емес;

КК минутына 10-30 мл болғанда: тәулігіне 2 рет 1 таблеткадан (250 мг+125 мг) (жеңіл және орташа ауыр жұқпаларда) немесе тәулігіне 2 рет 1 таблеткадан (500 мг+125 мг) (ауыр жұқпаларда немесе төменгі тыныс жолдарының жұқпаларында);

КК минутына 10 мл-ден аз болғанда: тәулігіне бір рет 1 таблеткадан (250 мг+125 мг) (жеңіл және орташа ауыр жұқпаларда) немесе тәулігіне бір рет 1 таблеткадан (500 мг+125 мг) (ауыр жұқпаларда немесе төменгі тыныс жолдарының жұқпаларында).

Анурияда – дозалау арасындағы аралықты 48 сағатқа және одан астамға арттырған жөн.

Гемодиализдегі емделушілер

Дозаларды түзету амоксициллиннің ең жоғары ұсынылатын дозасына негізделген.

Ересектерге әдетте әрбір 24 сағат сайын (тәулігіне 1 рет) 1 таблеткадан (500 мг+125 мг) немесе 2 таблеткадан (250 мг+125 мг) тағайындайды. Балаларға тәулігіне 1 рет (15 мг/кг+3,75 мг/кг) тағайындайды.

Диализ сеансы кезінде ҚОСЫМША 1 доза және диализ сеансының соңында тағы бір доза (амоксициллин мен клавулан қышқылының сарысулық концентрациясының орнын толтыруүшін).

Бауыр қызметі бұзылған емделушілер

Емдеуді әдеттегі дозалармен абайлап жүргізеді; бауыр қызметіне мониторингті жүйелі түрде жүргізеді.

Егде жастағы емделушілер

Дозаны түзету қажет емес; дозалар ересектердегідей. Бүйрек қызметі бұзылған егде емделушілерде дозаны бүйрек қызметі бұзылған ересектердегідей етіп түзетеді.

Жағымсыз әсерлері

Жиі (≥ 1/100 және ≤ 1/10)

- жүректің айнуы, құсу, диарея, іштің ауыруы, бауыр қызметінің жеткіліксіздігі (көбіне егде жастағыларда, еркектерде, ұзақ емдегенде), бауыр трансаминазасы белсенділігінің жоғарылауы

- бас айналу, бас ауыру, қайтымды асқын белсенділік және құрысулар (құрысулар бүйрек қызметі бұзылғанда немесе препараттың жоғары дозаларын қабылдап жүрген емделушілерде пайда болуы мүмкін)

- асқынжұқпаның (кандидозды қоса есептегенде) пайда болуы, экзантема

Сирек (≥ 1/10 000 және ≤ 1/1000)

- гепатит, холестатикалық сарғаю

- қайтымды лейкопения (нейтропенияны қоса есептегенде), тромбоцитопения, қайтымды агранулоцитоз және гемолитикалық анемия

- көп пішінді экссудативті эритема

- протромбин уақытының қайтымды артуы, кристаллурия, интерстициальді нефрит, васкулит

Өт сирек (≤ 1/10 000)

- глоссит, гастрит, стоматит, геморрагиялық колит (сондай-ақ емнен кейін пайда болуы мүмкін), жалған жарғақшалы колит, энтероколит, қара «түкті» тіл, тіс эмалінің қараюы. Трансаминаза (аспартатаминотрансфераза және аланинаминотрансфераза), билирубин және сілтілік фосфатаза белсенділігінің артуы әдетте еркек адамдарда және егде жастағы, әсіресе 65 жастан асқандарда білінеді.

- қан кету уақытының ұзаруы, анемия, эозинофилия, тромбоцитоз

- ұйқысыздық, қозу, үрейлену, мінез-құлықтың өзгеруі

- гематурия

- эксфолиативті дерматит, қатерлі экссудативтік эритема (Стивенс-Джонсон синдромы), анафилактикалық шок, ангионевротикалық ісіну, сарысулық ауруға ұқсас синдром, денеге жайылған экзантематозды пустулез. Кейбір жағдайларда «бесінші күн бөртпесі» деп аталатын (қызылша түріндегі экзема) пайда болады.

Кейде (≥ 1/1000 және ≤ 1/100)

- есекжем, эритематозды бөртпелер

Препаратты 14 күннен астам қабылдағанда жағымсыз әсерлердің пайда болу қаупі жоғарылайды. Көрсетілген құбылыстар балаларда өте сирек білінеді. Жоғарыда аталған өзгерулер әдетте емделу кезінде немесе одан кейін бірден пайда болады. Кейде препаратты тоқтатқаннан кейін бірнеше күннен кейін пайда болуы мүмкін. Негізінен ас қорыту жүйесі тарапынан реакциялар өткінші және аздаған сипатқа ие, бірақ кейде айқын болады.

Қолдануға болмайтын жағдайлар

- амоксициллинге, клавулан қышқылына және препараттың басқа да компоненттеріне асқын сезімталдық

- басқа бета-лактамдық антибиотиктерге (пенициллиндер мен цефалоспориндер) асқын сезімталдық

- сыртартқысында амоксициллин + клавулан қышқылын қабылдағанда бауыр қызметінің бұзылуларының (соның ішінде сарғаю) болуы

- 12 жасқа дейінгі (дене салмағы 40 кг-нан кем) балалар

- бүйрек қызметінің созылмалы жеткіліксіздігі (креатинин клиренсі минутына 30 мл-ден кем), 875 мг + 125 мг таблеткалар үшін ғана

Препаратты қолданар алдында дәрігерден міндетті түрде кеңес алыңыз.

Дәрілермен өзара әрекеттесуі

Антацидтер, глюкозамин, іш жүргізетін дәрілер, аминогликозидтер – сіңуді баяулатады және төмендетеді; аскорбин қышқылы сіңуді арттырады.

Аллопуринолмен бір мезгілде қабылдау экзантеманың пайда болу жиілігін арттырады. Бактерицидтік антибиотиктер (соның ішінде аминогликозидтер, цефалоспориндер, ванкомицин, рифампицин, циклосерин) – бір мезгілде қолданған кезде синергидтік әсер береді; бактериостатикалық (макролидтер, хлорамфеникол, линкозамидтер, тетрациклиндер) – антагонистік.

Әсері тікелей емес антикоагулянттардың тиімділігін арттырады (ішек микрофлорасын басып, К витаминінің синтезін және протромбинді индексті төмендетеді). Антикоагулянттарды бір мезгілде қолданғанда қанның ұйығыштығы көрсеткіштерін бақылау қажет.

Пероральді контрацептивтердің, метаболизм үдерісінде парааминобензой қышқылы, этинилэстрадиол түзілетін дәрілік заттардың тиімділігін азайтады – «лақылдап» қан кету қаупі пайда болуы мүмкін.

Диуретиктер, аллопуринол, фенилбутазон, өзекшелік секрецияны бөгейтін қабынуға қарсы стероидтық емес дәрілер – амоксициллиннің концентрациясын арттырады (клавулан қышқылы негізінен шумақтық сүзілу жолымен шығарылады).

Метотрексатпен бір мезгілде қабылдау – метотрексаттың уыттылығын арттырады.

Айрықша нұсқаулар

Сақтықпен: бауыр қызметінің ауыр жеткіліксіздігі, асқазан-ішек жолының аурулары (соның ішінде сыртартқыдағы пенициллиндерді қолданумен байланысты колит), бүйрек қызметінің созылмалы жеткіліксіздігі.

Емдеуді бастар алдында пенициллинді немесе цефалоспоринді антибиотиктерге немесе басқа аллергендерге бұған дейін болған жоғары сезімталдық реакцияларына қатысты нақты сыртартқы жинау қажет.

Пенициллиндерге ауыр, ал кейде жоғары сезімталдықтың өлімге әкелетін реакциялары (анафилактикалық шок) болғаны сипатталған. Осы топтың антибиотиктеріне асқын сезімталдық реакциялары сыртартқысында бар емделушілерде мұндай ракциялардың пайда болу қаупі анағұрлым жоғары. Пенициллиндерге жоғары сезімталдығы бар емделушілерде цефалоспориндік антибиотиктермен айқаспалы аллергиялық реакциялар бар. Аллергиялық реакциялар пайда болған жағдайда препаратпен емдеуді тоқтату және альтернативтік емді бастау қажет.

Жоғары сезімталдықтың ауыр реакцияларында дереу адреналин (эпинефрин) енгізген жөн. Оксигенотерапия, көктамыр ішіне глюкокортикостероидтарды енгізу және тыныс жолдарының өткізгіштігін, интубацияны қоса есептегенде, қамтамасыз ету қажет болуы мүмкін.

Курстық емдеу аясында (Clostridium difficile әсерінен болған) жеңіл диареяны емдегенде ішектің жиырылуын төмендететін, диареяға қарсы дәрілік заттарды қолданбаған жөн; құрамында каолин- немесе аттапульгит бар, диареяға қарсы дәрілік заттарды пайдалануға болады. Ауыр диареяда дәрігерге қаралу қажет.

Емдеуді аурудың клиникалық белгілері жоғалғаннан кейін міндетті түрде тағы 48-72 сағатқа жалғастырады.

Құрамында эстрогені бар пероральді контрацептивтерді және амоксициллинді бір мезгілде қолданғанда мүмкіндігінше контрацепцияның басқа немесе қосымша әдістерін пайдаланған жөн.

Амоксициллин және клавулан қышқылы иммуноглобулиндердің және альбуминдердің эритроциттер мембранасымен өзіне тән емес байланысуын өршітуі мүмкін, бұл Кумбс сынамасында жалғаноң реакцияларға себеп болуы мүмкін.

Препаратты бауыр қызметі бұзылған емделушілерге абайлап қолдану керек. Препаратты тамақтану кезінде қабылдай отырып, азайтады.

Препарат қабылдап жүрген емделушілерде протромбин уақытының артуы сирек байқалуы мүмкін, сондықтан препаратты антикоагулянттармен бір мезгілде қабылдағанда тиісті мониторинг жүргізу қажет.

Диурезі төмендеген емделушілерде кристаллурия өте сирек туындауы мүмкін. Амоксициллинді жоғары дозаларда қабылдағандасұйықтықтың мол мөлшерін қабылдау және амоксициллин кристалдарының түзілуін азайту үшін диурезді талапқа сай демеу керек.

Курспен емдегенде қан түзу ағзаларының, бауырдың, бүйректің қызмет жағдайына бақылау жүргізу қажет.

Бүйрек қызметінің бұзылуы ауыр емделушілерде дозаны талапқа сай түзету немесе дозалау арасындағы аралықтарды арттыру керек. Оған сезімтал емес микрофлораның өсуі есебінен асқынжұқпа пайда болуы мүмкін, бұл бактерияларға қарсы емдеуді тиісінше өзгертуді қажет етеді.

Амоксициллин мен клавулан қышқылының (250 мг+125 мг) және (500 мг+125 мг) біріктірілген таблеткасында клавулан қышқылының бірдей мөлшері - 125 мг бар болғандықтан, (250 мг+125 мг) 2 таблетка 1 таблеткаға (500 мг+125 мг) баламалы емес.

Зертханалық көрсеткіштер:

Амоксициллиннің жоғары концентрациялары Бенедикт ерітіндісін немесе Фелинг ерітіндісін пайдаланғанда несептегі глюкозаға жалғаноң реакция береді.

Глюкозидазамен ферментативтік реакцияларды пайдалану керек.

Жүктілік және лактация

Препаратты жүктілік кезінде тағайындауға болмайды.

Препаратты емшек емізу кезеңінде қабылдауға болады. Таблетканың жұғын мөлшерінің емшек сүтімен бірге бөлініп шығуымен байланысты асқын сезімталдықтың пайда болу қаупінің жоқтығын анықтағанда, емшек еметін нәрестеге қандай да бір зиянды әсерлер байқалған жоқ.

Амоксициллинмен/клавулан қышқылымен алдын ала ем жүргізілген, қағанақ қабығы мезгілінен бұрын жыртылған жүкті әйелдерде жаңа туған нәрестелерде некроздалатын колиттің пайда болу жағдайлары анықталды.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препаратты қабылдау кезінде көлікті, механизмдерді басқарғанда және зейінді жұмылдыруды және психомоторлы реакциялардың шапшаңдығын қажет ететін қызмет түрлерін орындағанда сақ болған жөн.

Артық дозалануы

Симптомдары: асқазан-ішек жолы тарапынан бұзылулар (іштің ауыруы, диарея, құсу), үрейлену, қозу, ұйқысыздық, бас айналу, жекелеген жағдайларда құрысулар пайда болуы мүмкін.

Емі: симптоматикалық. Жақын арада қабылдаған жағдайда (4 сағаттан аз), асқазанды шаю және сіңуін азайту үшін белсенділендірілген көмір тағайындау қажет.

Қажет болғанда – гемодиализ.

Шығарылу түрі және қаптамасы

Бұралатын пластмасса қақпағы мен бұрандалы мойны бар, қызыл сары шыны банкіде 14 таблеткадан.

Әрбір банкіге силикагелі бар пакет салынған.

Силикагелі бар пакетте «Жеуге болмайды» деген жазу немесе мазмұны осыған ұқсас басқа мәтін жазылған.

Тығынының нығыздағышы жоқ болғанда банкідегі бос кеңістік медициналық гигроскопиялы мақтамен толтырылады.

Әрбір банкі медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«Синтез» ААҚ.

Ресей Федерациясы, 640008, Курган қ-сы, Конституция даңғылы, 7.

тел./факс (3522) 48-16-89

E-mail: real@kurgansintez.ru

http://www.kurgansitez.ru

«Полло» ЖШҚ тапсырысы бойынша өндірілген

640000, Курган қ-сы, Ленин к-сі, 5, оф. 320

Тіркеу куәлігінің иесі

«Полло» ЖШҚ, Ресей Федерациясы

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай облысы, Қостанай қ-сы, Орал к-сі, 14

тел. 714 228 01 79