АРИКСТРА (2,5мг/0,5мл)

• русский
• қазақша

• Скачать инструкцию медикамента

Саудалық атауы

АРИКСТРА

Халықаралық патенттелмеген атауы

Натрий фондапаринуксы

Дәрілік түрі

Алдын ала еккіштерге толтырылған тері астына және көктамыр ішіне енгізуге арналған 2,5 мг/0,5 мл ерітінді

Құрамы

0,5 мл бір еккіш құрамында

белсенді зат- натрий фондапаринуксы 2,5 мг,

қосымша заттар: натрий хлориді, натрий гидроксиді, хлорсутек қышқылы, инъекцияға арналған су.

Сипаттамасы

Мөлдір, түссіз сұйықтық.

Фармакотерапиялық тобы

Антикоагулянттар. Басқа да антикоагулянттар. Натрий фондапаринуксы

АТХ коды B01AX05

Фармакологиялық қасиеттері

Фармакокинетикасы

Сіңуі

Тері астына енгізгеннен кейін натрий фондапаринуксы толық және тез сіңеді (абсолютті биожетімділігі 100% құрайды). Тері астына бір рет 2,5 мг енгізуден кейін 2 сағаттан соң қан плазмасында ең жоғары (Сmах 0,34 мг/л) концентрацияға жетеді. Қан плазмасында жоғарыда келтірілген Сmах-ң жартысын құрайтын концентрация препаратты енгізгеннен кейін 25 минуттан соң білінді.

Егде жастағы дені сау адамдарда фармакокинетикасы тері астына енгізілетін 2-ден 8 мг дейінгі доза диапазонында дозаға байланысты болады. Тәулігіне бір рет енгізген кезде қан плазмасында тұрақты тепе-тең концентрацияға Сmах және AUC мәндерін 1,3 есе арттырғаннан кейін 3-4 күннен соң жетеді.

Дені сау егде жастағы адамдарға бір рет көктамыр ішіне болюсті түрде енгізгеннен кейін натрий фондапаринуксының фармакокинетикасы емдік диапазонда да дозаға байланысты болады.

Жамбас-сан буынына операция жасалған және натрий фондапаринуксын тәулігіне 2,5 мг дозада тері астына қабылдаған емделушілерде плазмадағы ең жоғары шектегі тұрақты концентрация орта есеппен алғанда 0,39-дан 0,50 мг/л дейінді құрайды және оған препаратты енгізгеннен кейін 3 сағат ішінде жетеді. Мұндай емделушілерде ең төмен тұрақты концентрация 0,14 –тен 0,19 мг/мл дейінгі диапазонда болады.

Көктамырдың симптоматикалық терең тромбозы және өкпе эмболиясы бар емделушілерде натрий фондапаринуксының 5 мг (дене салмағы 50 кг-ден төмен), 7,5 мг (дене салмағы 50 - 100 кг) және 10 мг (дене салмағы 100 кг-ден асатын) дозасын тәулігіне бір рет тері астына қабылдаған емделушілерде дене салмағына байланысты арнайы таңдап алынған дозалар дене салмағының барлық санаттары үшін бірдей орташа тұрақты ең жоғары және ең төмен плазмалық концентрацияларды қамтамасыз етеді. Орташа ең жоғары тұрақты концентрация 1,20-ден 1,26 мг/л дейінгі диапазонда болады. Мұндай емделушілерде плазмадағы орташа ең төмен тұрақты концентрация 0,46-дан 0,62 мг/л дейінгі шегінде болады.

Таралуы

Натрий фондапаринуксының таралу көлемі 7 -ден 11 л дейінді құрайды.

In vitro зерттеулерде натрий фондапаринуксі жоғары дәрежеде (0.5-2 мг/мл концентрация деңгейінде 98.6%-97% -дан кем емес) және антитромбин ІІІ (ATIII) ерекше байланысады. Плазманың басқа ақуыздарымен байланысуы, оның ішінде тромбоцитарлы 4-фактормен байланысуы мардымсыз, сондықтан қан плазмасындағы ақуыздармен байланысу аумақтары деңгейінде басқа препараттармен дәрілік өзара әрекеттесулер күтілмейді.

Метаболизмі

Натрий фондапаринуксының in vivo метаболизмі зерттелген жоқ, өйткені бүйрек функциясы қалыпты адамдарда негізгі енгізілген доза несеппен бірге өзгермеген күйінде, белсенді метаболиттер түзілуінсіз шығарылады.

Фондапаринукс Р450 цитохром тобының ферменттерін (CYP1A2, CYP2A6, CYP2C9, CYP2C19, CYP2D6, CYP2E1 және CYP3A4) тежемейді. Тиісінше, АРИКСТРА-ның басқа дәрілік препараттармен CYP, in vivo жүйелері арқылы болатын метаболизмді бәсеңдету деңгейінде өзара әрекеттесуі күтілмейді.

Шығарылуы

Жартылай шығарылу кезеңі (Т1/2) дені сау жас адамдарда 17 сағатқа жуықты және дені сау егде жастағыларда - 21 сағатқа жуықты құрайды.

Дені сау адамдарда тері астына немесе көктамыр ішіне бір рет енгізуден соң натрий фондапаринуксының 64-77 % бүйрекпен өзгермеген түрде 72 сағат бойына шығарылады. Бүйрек функциясы қалыпты емделушілерде натрий фондапаринуксы клиренсінің орташа мәні минутына 7,82 мл құрайды.

Емделушілердің ерекше тобы

Бүйрек функциясы бұзылуы

Натрий фондапаринуксының шығарылуы бүйрек жеткіліксіздігіне шалдыққан емделушілерде бүйрек функциясы қалыпты (креатинин клиренсі >80 мл/мин) емделушілермен салыстырғанда ұзарады, өйткені препарат негізінен несеппен өзгермеген түрде шығарылады. Бүйрек функциясының жеткіліксіздігі орташа дәрежедегі емделушілердегі плазмалық клиренс (креатинин клиренсі 50-80 мл/мин) бүйрек функциясы қалыпты емделушілердегімен салыстырғанда 1.2-1.4 есе төмен, және бүйрек жеткіліксіздігі орташа дәрежедегі емделушілердегіден 2 есе төмен (креатинин клиренсі 30-50 мл/мин). Бүйрек жеткіліксіздігі ауыр дәрежедегі емделушілерде (креатинин клиренсі 30 мл/мин аз) бүйрек функциясы қалыпты емделушілермен салыстырғанда плазмалық клиренсі 5 есе төмен.

Тиісті соңғы жартылай шығарылу кезеңі бүйректің орташа жеткіліксіздігі кезінде 29 сағатты және бүйрек функциясының ауыр дәрежелі жеткіліксіздігінде 72 сағатты құрайды.

Бауыр функциясының бұзылуы

Бауыр жеткіліксіздігі орташа дәрежедегі емделушілерде (Child-Puch шкаласы бойынша В категориясы) натрий фондапаринуксын бір рет тері астына енгізуден кейін бүйрек функциясы қалыпты емделушілердегімен салыстырғанда Сmах және AUC тиісінше 22% және 39% төмендеген. Натрий фондапаринуксының плазмадағы төменірек концентрациясы бауыр функциясы бұзылуы бар емделушілердегі АТШ деңгейі төмендеуі есебінен АТШ байланысуы төмендеуімен түсіндіріледі, осыған байланысты бұндай емделушілерде фондапаринукстың бүйректік клиренсі жоғары болғаны байқалды. Бауыр функциясының жеңіл және орташа дәрежедегі бұзылуы бар емделушілердегі байланыспаған фондапаринукс концентрациясы өзгеріссіз қалады, сондықтан бұндай емделушілерде доза түзету талап етілмейді. Бауыр жеткіліксіздігінің ауыр дәрежесі бар емделушілерде натрий фондапаринукстың фармакокинетикасы зерттелмеген.

Балалар

Натрий фондапаринуксының 18 жасқа дейінгі балаларға қолданылуына зерттеулер жүргізілген жоқ.

Егде жастағылар

Натрий фондапаринуксының шығарылу уақыты 75 жастан асқан емделушілерде бүйрек функциясы төмендеу мүмкіндігіне байланысты ұзарады.

75 жастан асқан емделушілерде ортопедиялық хирургия жағдайында натрий фондапаринуксының жалпы клиренсі 65 жасқа дейінгі емделушілермен салыстырғанда шамамен 1,2-1,4 есе (25%) төмен болды.

Жынысы. Дене салмағы бойынша дозаны түзету кезінде әртүрлі жыныстар арасында айырмашылық болған жоқ.

Нәсілі. Фармакокинетикалық айырмашылықтарына жоспарлы зерттеулер жүргізілген жоқ. Алайда дені сау, шығу тегі азиялық нәсіл (жапондықтар) адамдарына жүргізілген зерттеулерде фармакокинетикалық бейінінде дені сау еуропалық нәсілмен салыстырғанда айырмашылық білінген жоқ. Осыған ұқсас, ортопедиялық операциялар жасалған негроидты және еуропалық нәсілге жататын емделушілер арасында препараттың қан пламасындағы клиренсінде айырмашылық байқалмады.

Дене салмағы. Дене салмағы 50 кг-ден төмен емделушілерде натрий фондапаринуксының жалпы клиренсі шамамен 30%-ға төмендейді (әрбір 10 кг 9%).

Фармакодинамикасы

Натрий фондапаринуксының белсенді заты белсендірілген Х (Ха) факторының синтетикалық және іріктелген тежегіші болып табылады. Фондапаринукстың антитромбоздық белсенділігі ІІІ (АТІІІ) антитромбин арқылы Ха факторын селективті бәсеңдету нәтижесі болып табылады. ATIII-пен іріктеп байланыса отырып, натрий фондапаринуксы антитромбин ІІІ Ха факторының бастапқы бейтараптандыруын (шамамен 300 есе) көтермелейді. Ха факторын бейтараптандыру коагуляция тізбегін үзеді және тромбиннің түзілуін де, сонымен қатар тромбтардың түзілуін де тежейді. Натрий фондапаринуксы тромбинді (белсендірілген ІІ фактор) белсенділігін жоймайды және тромбоциттерге қатысты антиагрегантты әсері жоқ.

2,5 мг дозада АРИКСТРА қан плазмасында белсендірілген ішінара тромбопластин уақыты (БІТУ), белсендірілген ұю уақыты (БҰУ) немесе протромбиндік уақыт /ХҚҚ (халықаралық қалыптасқан қатынас) сияқты әдеттегідей коагуляциялық тесттердің нәтижелеріне де, қан кету уақытына да немесе фибринолитикалық белсенділігіне де ықпалын тигізбейді.

АРИКСТРА гепаринмен индукцияланған ІІ типті тромбоцитопениясы бар емделушілердің сарысуымен айқаспалы реакциялар бермейді.

Анти-Ха белсенділік

АРИКСТРА препаратының фармакодинамика/фармакокинетикасы плазмадағы фондапаринукс концентрациясымен анықталады, оның мөлшері ХА анти-фактор белсенділігі арқылы айғақталады. Тек натрий фондапаринуксы ғана анти-Ха талдауын калибрлеу үшін қолданыла алады. Гепариннің және төмен молекулалы гепариндердің (ТМГ) халықаралық стандарттары бұған сәйкес келмейді. Натрий фондапаринуксының концентрациясы калибрлі фондапаринукс миллиграмы /литр түрінде білінеді.

Қолданылуы

- емделушілерде аяққа «үлкен» ортопедиялық операциялар кезінде көктамырлық тромбоэмболиялық асқынулардың алдын алуға (жамбас сүйектері сынған кездегі операция, ұзақ уақыт алдын алуды қосқанда, тізе буынына жүргізілген «үлкен» операцияларда, ұршық буынын эндопротездегенде)

- құрсақ қуысына операция жасаған және тромбоэмболиялық асқынулар қаупі бар емделушілерде көктамырлық тромбоэмболиялық асқынулардың алдын алуға (онкологиялық емделушілер)

- аурудың жедел ағымды сатысы кезеңінде ұзақ уақыт төсек режимі көрсетілген, асқынулардың жоғары қаупі бар емделушілерде көктамырлық тромбоэмболиялық асқынулардың алдын алуға (жүрек жеткіліксіздігі, жедел респираторлық аурулар, этиологиясы жұқпалық және қабыну аурулары)

- өлімге, миокард инфарктінің қайталануына немесе рефрактерлі ишемияларға жол бермеу мақсатында, шұғыл (<120 мин.) инвазивті араласулар (ТКА) көрсетілмеген ересек емделушілердегі тұрақсыз стенокардияны немесе ST сегментінің жоғарылауынсыз миокард инфарктісін емдеуге

- тромболитикалық ем қабылдап жүрген емделушілерде немесе бастапқыда реперфузионды ем қабылдамаған емделушілерде өлім жағдайына, миокард инфарктінің қайталануына жол бермеу үшін ST сегменті жоғарылауы бар миокард инфарктісін емдеуге

- ТКТ қатарласпаған аяқтың беткейлік көктамырлар жедел тромбозын емдеуге

Қолдану тәсілі және дозалары

Ересектер

Көктамырлық тромбоэмболиялық асқынулардың алдын алу

Ортопедиялық және қуыстық хирургия

АРИКСТРА препаратының ұсынылатын дозасы операциядан кейін, тері асты инъекциясы ретінде күніне 1 рет 2,5 мг құрайды.

Бастапқы дозасы операцияны аяқтағаннан кейін кем дегенде 6 сағаттан соң, тұрақты гемостаз жағдайында енгізілуі тиіс.

Емдеу курсы көктамырлық тромбоэмболиялық асқынулардың даму қаупі жоғары кезең бойына, әдетте емделушіні хирургиялық араласулардан соң кем дегенде 5-9 күн ішінде амбулаториялық режимге көшіргенге дейін жалғасуға тиіс. Тәжірибеде ұршық буын сүйектерінің сынуына байланысты хирургиялық араласымға ұшыраған емделушілер үшін көктамырлық тромбоэмболиялық асқынулардың даму қаупі жоғары кезеңінің ұзақтығы 9 күннен асады. Мұндай емделушілер үшін АРИКСТРА препаратын 24 күнге дейін алдын алу үшін қолдануды ұзарту жөнінде шешім қабылдануға тиіс.

Қауіпті жеке бағалау негізіндегі тромбоэмболитикалық асқынулар қаупі жоғары емделушілер

АРИКСТРА препаратының ұсынылатын дозасы күніне 1 рет тері астылық инъекция түрінде 2,5 мг құрайды. Мұндай жағдайда емдеу ұзақтығы 6-дан 14 күнге дейінді құрайды.

ST сегментінің жоғарылауынсыз жедел ағымды тұрақсыз стенокардияны/миокард инфарктісін емдеу

Ұсынылатын доза тәулігіне бір рет тері астына 2,5 мг құрайды. Емдеуді мүмкіндігінше ертерек ауру анықталу бойына бастаған және 8 күн бойы немесе егер бұл көрсетілген уақыттан бұрын болса емделуші ауруханадан шыққанша жалғастырған жөн.

ТКА жүргізуде фракцияланбаған гепарин қабылдайтын емделушілерде қан кету даму қаупін, сондай-ақ емделушіге АРИКСТРА препаратын соңғы енгізудің уақытын ескеру керек.

Катетерді алып тастағаннан кейін АРИКСТРА препаратын енгізуді қайта жаңғырту уақыты емделушінің клиникалық жағдайының негізінде анықталуға тиіс. АРИКСТРА препаратымен емдеу катетерді алып тастағаннан кейін 2 сағаттан ерте жаңғыртылмауға тиіс.

Аорта-коронарлы шунттау жүргізілген (АКШ) емделушілерде АРИКСТРА препаратын операцияға дейін 24 сағаттың ішінде немесе АКШ-дан кейін 48 сағат ішінде тағайындамайды.

ST сегментінің жоғарылауы бар миокард инфарктісін емдеу

Ұсынылатын доза тәулігіне бір рет 2,5 мг құрайды. Алғашқы доза көктамыр ішіне, одан кейінгілері тері астына енгізіледі. Емдеуді мүмкіндігінше ертерек ауруды анықтап болуы бойына бастаған және 8 күн бойы немесе егер бұл көрсетілген уақыттан бұрын болса емделуші ауруханадан шыққанша жалғастырған жөн.

ТКА жүргізуде фракцияланбаған гепарин қабылдайтын емделушілерде қан кету даму қаупін, сондай-ақ емделушіге АРИКСТРА препаратын соңғы енгізудің уақытын ескеру керек.

Катетерді алып тастағаннан кейін АРИКСТРА препаратын енгізуді қайта жаңғырту уақыты емделушінің клиникалық жағдайының негізінде анықталуға тиіс.

Катетерді алып тастағаннан кейін АРИКСТРА-мен емді қайта жаңғыртуды 3 сағаттан ерте жүргізу ұсынылмайды.

АКШ жүргізілген емделушілерде, АРИКСТРА препаратымен операцияға дейін 24 сағат ішінде, АКШ жүргізілгеннен кейін 48 сағат бойына тағайындауға болмайды.

Беткейлік көктамырлар тромбозын емдеу

АРИКСТРА препаратының теріастылық инъекция түрінде тағайындалатын тиісті дозасы тәулігіне бір рет 2,5 мг құрайды. Препаратты тағайындау үшін аяқта ұзындығы 5 см кем емес беткейлік көктамырдың өздігінен болған жедел оқшауланған тромбозы бар екені аспаптық зерттеу арқылы нақтылануы тиіс. Емді диагноз нақтыланған соң және сафено-феморальді жіктен 3 см аралығында болатын қатар жүретін терең көк тамырлар тромбозы немесе беткейлік көктамыр тромбозы жоқтығы анықталғаннан кейін дереу бастау керек. Емнің ұзақтығы 30-дан 45 күнге дейінді құрайды. Емделушілерге алдын ала үйретуден соң инъекцияны өзі жүргізуі ұсынылады.

Жоспарлы хирургиялық немесе басқа да инвазивті араласулары бар аяқтың беткейлік көктамырлар тромбозы бар емделушілерге АРИКСТРА препаратын мүмкіндігінше операциядан 24 сағат бұрын тағайындау керек. АРИКСТРА препаратын қабылдауды жаңғырту оперативті араласулардан соң кемінде 6 сағаттан кейін болуы мүмкін.

Ерекше популяциялар

Операциядан кейінгі терең көктамырлар тромбозының (ТКТ) алдын алу

Операциялық араласуларға ұшыраған емделушілерде фондапаринуксты бірінші енгізу уақыты 75 жастан асқан, немесе дене салмағы 50 кг аз, немесе креатинин клиренсі 20 - 50 мл/мин арасында болатын емделушілерде қатаң бақылануы тиіс. Фондапаринуксты бірінші енгізу хирургиялық операциялар аяқталғаннан кейін 6 сағаттан ерте болмауы тиіс. Инъекциялар гемостаз тұрақтанғаннан кейін ғана енгізілуі тиіс (4.4. бөлімін қараңыз).

Бүйрек функциясының бұзылуы бар емделушілер

Көктамырлық тромбоэмболиялық асқынулардың алдын алу

Фондапаринуксты креатинин клиренсі 20 мл/мин төмен науқастарға тағайындауға болмайды. Креатинин клиренсі 20-50 мл/мин емделушілерде препарат дозасы тәулігіне 1,5 мг дейін азайтылуы тиіс. Креатинин клиренсі ≥ 50 мл/мин бар емделушілерде доза түзету талап етілмейді.

• Тұрақсыз стенокардияны немесе ST сегментінің жоғарылауынсыз/жоғарылауы бар (UA/NSTEMI және STEMI) миокард инфарктісін емдеу

Фондапаринуксты креатинин клиренсі 20 мл/мин аз науқастарға тағайындауға болмайды. Креатинин клиренсі ≥ 20 мл/мин емделушілерде доза түзету талап етілмейді.

• Беткейлік көктамырлар тромбозын емдеу

Фондапаринуксты креатинин клиренсі 20 мл/мин аз науқастарға тағайындауға болмайды. Препарат дозасы креатинин клиренсі 20-50 мл/мин емделушілерде тәулігіне 1,5 мг дейін төмендетілуі тиіс. Креатинин клиренсі ≥ 50 мл/мин бар емделушілерде доза түзету талап етілмейді. 1.5 мг дозада препарат қабылдаудың қауіпсіздігі мен тиімділігі зерттелмеген. Бауыр функциясының бұзылуы бар емделушілер

Тұрақсыз стенокардияны немесе ST сегментінің жоғарылауынсыз/жоғарылауы бар (UA/NSTEMI және STEMI) миокард инфарктісін емдеу

Жеңіл және орташа дәрежелі бауыр жеткіліксіздігі бар емделушілерде доза түзету талап етілмейді. Ауыр бауыр жеткіліксіздігі бар емделушілерде Фондапаринукс сақтықпен тағайындалуы керек.

• Беткейлік көктамыр тромбозын емдеу

Емделушілердің бұл тобында фондапаринуксты қолданудың тиімділігі мен қауіпсіздігі зерттелмеген, соның салдарынан оларға бұл препарат ұсынылмайды.

Дене салмағы 50 кг аз емделушілер

• Тұрақсыз стенокардияны немесе ST сегментінің жоғарылауынсыз/жоғарылауы бар (UA/NSTEMI және STEMI) миокард инфарктісін емдеу

Дене салмағы 50 кг аз емделушілерде қан кету дамуының қаупі бар. Фондапаринукстың шығарылуы дене салмағымен бірге төмендейді. Фондапаринукс сақтықпен қолданылуы тиіс. (4.4. бөлімін қараңыз).

• Беткейлік көктамыр тромбозын емдеу

Дене салмағы 50 кг аз емделушілерде фондапаринуксты қолданудың тиімділігі мен қауіпсіздігі зерттелмеген, соның салдарынан оларға бұл препарат ұсынылмайды.

Балалар

АРИКСТРА препаратының 17 жасқа дейінгі емделушілерде қауіпсіздігі мен тиімділігі анықталмаған.

Егде емделушілер (75 жастан асқан)

АРИКСТРА препаратын жасы егде тартуына қарай бүйрек функциясының төмендеуіне байланысты егде жастағы емделушілерде сақтықпен қолдану керек. Операцияға түскен емделушілерде АРИКСТРА препаратын бірінші енгізу уақытын қатаң сақтау керек.

АРИКСТРА препаратын енгізу бойынша нұсқаулық

Тері астына енгізу

Препарат тері астына терең енгізіледі, емделуші жатқан күйде немесе отырған күйде болуы тиіс. Енгізілетін жер кезекпе-кезек іштің сол және оң жақ алдыңғы латеральді және сол және оң жақ артқы латеральді қабырғасы болуы керек.

Препараттың жоғалуына жол бермеу үшін алдын ала толтырылған еккіштен ауа көпіршіктерін инъекция алдында шығармаған жөн. Инені бас бармақ пен сұқ саусақтың арасына қыстырылып, тері қатпарының ұзына бойы перпендикулярлы бүкіл ұзындығы енгізілуге тиіс; тері қатпарын енгізудің барлық уақыты бойына жібермей ұстап тұру керек.

АРИКСТРА дәрігердің бақылауымен ғана пайдалануға арналған. Емделушіге теріастылық инъекцияны тек дәрігер қажет деп есептесе ғана өздігінен жасауға болады, содан кейін міндетті түрде дәрігердің бақылауында болуы керек және тек тері астына инъекция жасаудың тиісті техникасын үйрету жүргізгеннен кейін ғана рұқсат етіледі.

Еккіштің құрамы:

 қорғаныш қалпақшасы

 поршень

 саусақтар үшін тіреуіш

 қауіпсіздік қабы

АРИКСТРА препаратының алдын ала толтырылған еккішінің әртүрлі бөліктері: иненің қатты қабы, қақпағы, поршень, саусақ үшін тірегіш, қауіпсіздік қабы

• Қолды сабындап, мұқият жуыңыз және құрғақ етіп сүртіңіз.

• Еккішті қаптамасынан шығарыңыз, препараттың жарамдылық мерзімін тексеріңіз, ерітіндінің нұсқаулықта сипатталған сыртқы түріне сай екендігін және еккіштің зақымдалмағандығын немесе ашылмағандығын тексеріңіз.

• Ыңғайлы отырыңыз немесе жатыңыз. Іштің төменгі жағынан, кіндіктен қашықтығын 5 см кем қылмай, енгізілетін жерді таңдаңыз. Инъекцияны ішке кезекпе-кезек, біресе оң, біресе сол жағына енгізіңіз. Егер егу мүмкін болмаса, медбикеден немесе дәрігерден кеңес алыңыз.

  4. Егу орнын спиртке батырылған тампонмен тазартыңыз.

  5. Еккіштің корпусын бір қолмен қатты ұстаңыз. Иненің қорғаныш қабын, алдымен оны бұрап, содан кейін еккіш корпусынан тікелей бағытқа тартып, алып тастаңыз. Иненің қорғаныш қабын алып тастаңыз.

  Маңызды ескертулер:

  Препаратты енгізгенге дейін инені қолыңызға және қандай да бір нәрсеге тигізіп алмаңыз. Ауамен бірге кішкентай көпіршіктердің болуы қалыпты құбылыс деп саналады. Препараттың елеулі бөлігін жоғалтып алмас үшін егуге дейін ауаның кішкентай көпіршіктерін шығаруға тырыспаңыз.

  6. Спиртпен тазартылған теріні абайлап, шымшып ұстаңыз. Шымшылған тері қатпарын бас бармақ пен сұқ саусақтың арасында енгізу емшарасы аяқталғанша ұстап тұрыңыз.

  7. Еккішті саусақтармен тіреп, мықты ұстаңыз. Иненің ұзына бойына тері қатпарына перпендикулярлы (тік 90 бұрыш жасай) енгізіңіз.